مشكلة مشعارف فى الشاشة ولا حاجة عادية

**ryko2** · 08-09-2018, 22:07

السلام عليكم

لما الشاشة بتطفى بعد 3 دقايق من عدم الشغل على الجهاز العادى انى لما احرك الماوس او اضغط على الكيبورد الشاشة ترجع تشتغل بس حصل معايا مرة من المرات ومبتحصلش بشكل متكرر ممكن تكون حصلت مرة او مرتين من ساعة مااشتريت الشاشة من 6 شهور تقريبا انها مشتغلتش ولمبة الباور فضلت تنور وتطفى كما لو كانت الشاشة مش حاسة بحركة الماوس فلما طفيت الشاشة من الباور وشغلتها تانى اشتغلت عادى دى مشكلة فى الشاشة ولا دى وارد تحصل طبيعى؟

وبصفة عامة هى شاشات السامسونج فيها مشاكل؟اصل انا عندى عقدة بس من ساعة الشاشات القديمة بتاعة زمان العادية crt

بس ملئيتش ؤدامى فى السوق غير سامسونج واسوس وبينك وبينك برضه شوفت منها مقلب والاسوس اسعارها عالية شوية ومعرفش بناء على جودة ولا اسعار الشركة كدة بس فاضطريت اشترى السامسونج .

**Black foxer** · 09-09-2018, 01:27

وعليكم السلام اخي الكريم

قريباً جدا هنغير اقسام الهاردوير لاقسام ryko2 ( انا حاسس بيك يا استاذنا الكبير استاذ عبد الحليم ) .........

انا بهزر معاك

قولنا بس الاول نوع الشاشة بالظبط ( الموديل )

وممكن يكون كابل الباور وحاول ترجع اعدادات الشاشة للافتراضية و طلما بتقول ماوس ممكن تكون عامل وضع توفير الطاقة في الويندوز عندك

**ryko2** · 09-09-2018, 07:42

ههههههههههههه

الموديل LS24D330H

لا انا مش عامل حاجة انا اقصد وضعية السكرين سيفر اللى هى بعدها الشاشة بتفصل لحد ماالماوس يتحرك او يتم الضغط على الكيبورد الجهاز بياخد امر ان هيحصل شغل فالشاشة بتشتغل فعلقت معايا مرة لما حركت الماوس ومشتغلتش ولما طفيتها وشغلتها اشتغلت عادى بس انا عايز اعرف هى موديلات السامسونج فيها مشاكل كتير؟

**abdalhaliem** · 09-09-2018, 09:41

طيب أنا راضى ذمتك

هى دى مشكله ؟؟؟

عامل موضوع وجايبنا على ملا وشنا كده

أيه المشكله لما الشاشه علقت معاك مره

الشاشه زى الفل

وربنا يكفينا ويكفيك شر المشاكل