أستفسار بخصوص سرعه الانترنت

[Mando0007]

السلام عليكم

انا مشترك مع WE وكانت السرعه من حوالي 6 شهور بتوصلي 9 ميجا حصل مشكله تقريبا فى الخط الارضي والسرعه بقت 1.5 ميجا او 2 بالكتير والسرعه اللي يتحملها الخط Attainable 2.4 ميجا

مع ان فى واحد معايا فى نفس العماره وواخدين خط التليفون من نفس البوكس اللى تحت البيت لكن السرعه عنده 12 ميجا

ايه اللى اقدر اعمله عشان احل المشكله دي ؟

صوره للراوتر

https://imgur.com/xJUwjOz

[ayoub_bob]

وعليكم السلام
اخى لا تتعب حالك سوف تلف حول نفسك معهم وممكن جدا تكون المشكلة من عندهم
امس انا اتسرقت
انا لى 200 جيجا تحميل وفجاءة لقيت السرعة نزلت ل 1 ميجا من 15 ميجا
دخلت شات اونلاين معهم قالو لى دى مشكلة في السنترل وبعد ساعتين سوف تحل
المهم كالعادة لم تحل ولم ترجع السرعة كلمت خدمة العملاء
قالو سوف نراجع السنترال
وفى الاخر قالو انتا استنفذت ال200 جيجا تحميل
لهذا نزلت السرعة
دة على أساس فاتح النت للشارع كلة
كل الشركات في اول شهرين ماشاء الله في السرعة
وبعدها
كلهم مثل بعضهم نصب على العميل ولا يوجد حل معهم
حتى حماية المستهلك بتحمى شركات النصب فقط
في الاخر غصب عني
اشتريت 20 جيجا إضافية لاعادة تشغيل
السرعة
ووصلت لى السرعة 8 ميجا فقط من 12 ميجا
===
مشكلتك انتا اطلب فنى يراجع لك الكيبل التليفون
ويشوف الاسبليتر
اذا ظلت كما هي
غير الشركة
او
انتظر راى الاخوة الكرام يمكن لهم حل اخر
تحياتى

[abdalhaliem]

انتظر راى الاخوة الكرام يمكن لهم حل اخر

لايوجد رأى أخر بعد ماذكرته أستاذى الفاضل

بأختصار شديد شركات الأنترنت

تنصب علينا عياناا جهاراا

ولايوجد من يحمى المستهلك

تلك هى الحقيقه المجرده

نقطه ومن أول السطر .

تحياتى للجميع

[Mando0007]

شكرا للرد والاهتمام

انا معاكو جدا في ان شركات الانترنت نصابه وبتسرقنا ولكن انا متاكد ان المشكله دي مش مقصوده من ناحيتهم و ممكن تتحل (مع ان من الاولى ان هما اللى يحلوها بمعرفتهم)

هو انا حصرت ان المشكله في الجزء اللي واصل بيني وبين البوكس او فى مكان الخط بتاعي فى البوكس مش البوكس بالكامل

كنت شوفت حد اقترح تغيير سلك التليفون بسلك نت وبدل ما يبقي طرفين بس يبقى 4 اطراف فى طرف و 4 تانيين فى طرف وان ده بيقوي الاشاره .. هل الكلام ده صح ولا المقاومه الزيادة فى ال8 سلوك هتعمل نتيجه عكسيه ؟

وفي حد تاني كان نصحني اغيره بكابل كات 6 وحد قاللي السلك اللى هما بيستخدموه فى المصريه للاتصالات افضل

ومش عارف اسمع كلام مين الصراحه

[زكريا شاهين]

انا معاكو جدا في ان شركات الانترنت نصابه وبتسرقنا ولكن انا متاكد ان المشكله دي مش مقصوده من ناحيتهم و ممكن تتحل (مع ان من الاولى ان هما اللى يحلوها بمعرفتهم)

من شهرين تقريبا ..السرعه عندي وصلت كاملة وكل حاجه كويسه ..في يوم علي الساعة 8م ..فصل النت والارضي ف بصيت علي الشارع لقيت فني بيعمل حاجه في كبينة ..غير مكاني علي الكبينه ..ولما نزلت كان اختفه ..وبعد الموقف ده النت اصبح سئ جدا ..عملت شكوي عشان حد يجي ويحل المشكلة وطبعا عده وقت عقبال ما حد من الشركة جه عندي
هتقول انه كان ب يصلح خط عميل تاني وعمل مشكله عند خطي ب الخطاء ..من امتي في فني من شركة نت او ارضي يجي علي الساعة 8م

[زكريا شاهين]

وغير نظام الشركة اللي ب يحديد سرعة النت للعميل ب شكل تلقائي حسب جودة الخط ..طيب اي المشاكل يكون الموضوع يدوي ...عشان السستم ب يخطاء في معظم الوقت ..ايه المشكلة يعمل صفحة في mytedata
يعطي للعميل القدر علي تحديد السرعة التي تصل له (حسب السرعة المتعاقد عليها طبعا)..يعني مثال انا مشترك في سرعة 16 ميجا ..لو عمل صفحة في موقع الشركة يعطي للعميل انه يحدد سرعة الخط من 1 الي 16 ميجا ده هيوفر علي الشركة الضغط اللي ب يحصل في الدعم الفني بشكل كبير جدا ..بدل عشان اقدر اعدل علي سرعة السستم لازم فني يجي عندي ويعمل مكالمه في التليفون مع السنترال

[eSilverfox]

نفس المشكلة معايا السرعة ال بتوصلنى 2 ميجا و لما بشكتى تطلع 4 وتنزل 3 ةترجع 2 ويفضل يفصل نت لحد ما يثبت على 2 ميجا مع ان الروتر واصلو سرعة 6 ميجا اخر ما زهقت قلتلهم ثبتو السرعة بس تثبت ان شالله 2 ميجا
بردو بتقطع !

وده ملخص ل 9 سنين مع شركة we ل نصحت كل قرايبى وصحابى بيها بس للاسف بقت اسوء شركة ف نظرى اول لما اشتركت زمان كان النت كويس جدا على سرعة 1 و2 ميجا انلمتيد
**اول لما ظهر نظام ميجا بلص وحولت ليه بدات المشاكل فى الخط وانو مش بيستحمل سرعة 9 ميجا بس ممكن يشتغل لحد 7 ميجا كويس وكان شغال كويس !
**المهم حولت للنظام الجديد اب تو 5 ميجا وبدأت السخافة تظهر
كان كل شهر اعمل شكوى مجبر اسمع اغنية مقرفة 10 دقايق عشان حد يرد او اقف ساعتين ف فرع سيدى بشر الى بيخدم نص اسكندرية تقريبا ! غيرت سلك كلو على حسابى غيرت روتر بردو كل شوية خناق معاهم طب يا جماعة المشكلة فين والسنترال بيقلى الاشارات تمام وكل ما تيجى زيارة منزلية يقولو تمام ! محدش بيقول المشكلة فين محدش فاهم حاجة االات بتشغتل حافظة نظام محدد (يافندم موصل رئيسى طب افصل الروتر كدا شوية طب غير البروزر كل مكالملة نفس الحوار متكرر ممل مفيش حل جذرى ) لما بتاع خدمة العملة غلب حماره قالى مدام انت نحاس هتفضل فى المشاكل دى طب ما كان شغال 7 ميجا حلو ولا هو بمزاجكم واحد تانى يقلى انت هتستخدم اكتر من 2 ميجا ف ايه ! حاجة مستفزة انا عمرى ما شفت برود كدا وكمية الناس ل بتقدم عندهم مش طبيعية حقهم يتنططو طبعا

السؤال حاليا عشان بقالى ف الموال ده 6 شهور وجبت اخرى اغير لشركة نور ولا فودافون وال كنسلة بتاخد وقت اد ايه مع we ؟

[eSilverfox]

لايوجد رأى أخر بعد ماذكرته أستاذى الفاضل

بأختصار شديد شركات الأنترنت

تنصب علينا عياناا جهاراا

ولايوجد من يحمى المستهلك

تلك هى الحقيقه المجرده

نقطه ومن أول السطر .

تحياتى للجميع

احيك استاذ عبد الحليم
هى دى الخلاصة مش بس مجرد نت لا جرب يكون عندك ضمان اى جهاز او عربية وشوف هتعانى ازاى عشان تاخد حقك لو حصلك مشكلة
انا عشان اصلح شاشة برا الضمان طلبو منى نفس تمن الشاشة الجديدة طب ماشترى جديد !
لنا الله

[abdalhaliem]

احيك استاذ عبد الحليم
هى دى الخلاصة مش بس مجرد نت لا جرب يكون عندك ضمان اى جهاز او عربية وشوف هتعانى ازاى عشان تاخد حقك لو حصلك مشكلة
انا عشان اصلح شاشة برا الضمان طلبو منى نفس تمن الشاشة الجديدة طب ماشترى جديد !
لنا الله

فعلا أخى الكريم

فبخلاف أكتواء المواطن المصرى بنار أرتفاع الأسعار

أيضاا لايوجد هناك مايحمى المواطن

بأن يحصل على ماقام بشراؤه أو تعاقد عليه بصوره جيده

الله المستعان

تحياتى للجميع