مشكله في الراوتر بتفصل خط الدي اس ال

**Toldo** · 01-10-2018, 12:36

السلام عليكم

اولاً انا موصل النت عندي عن طريق اسبليتر طرف واحد داخل فيه الخط الارضي وخارج منه طرف رايح عالراوتر على طول والتوصيله جيده جداً. لكن فجأه لما الكهربا بتقطع وتيجي (او حتى لما مجرد بريح الراوتر او بعمله ريستارت)الخط كله بيفصل. مبيشتغلش غير لما بفك الاسلاك اللي جوه الاسبليتر واربطها مكانها تاني, حاجه غريبه!

الراوتر اتصالات النوع القديم ابو اريال. وطبعاً خدمة العملاء مستفدتش منهم اي حاجه ده اللي خلاني اسأل حضراتكم.

اعتقد دي مشكله في الراوتر الهاردوير نفسه, صح ولا انا غلطان؟ هل اغيره ولا فيه اجراء اعمله؟

**abdalhaliem** · 01-10-2018, 15:15

مرحباا أخى الكريم

اولاً انا موصل النت عندي عن طريق اسبليتر طرف واحد
داخل فيه الخط الارضي وخارج منه طرف رايح عالراوتر على طول

لما لاتقوم بتوصيل خط التليفون مباشره على الراوتر ؟!!

قم بتوصيله مباشره

حتى تخرج الأسبليتر من حسابات الخطأ

وقم بأرجاع الراوتر لحاله المصنع

( RESET )

وقم بعمل كونفجريشن له من جديد

بالتوفيق

**Toldo** · 01-10-2018, 16:10

مرحباً اخي , اولاًُ شكراُ على ردك. ثانياً بصراحه مش عارف اعمل الخطوه اللي حضرتك قلت عليها ازاي . انا عندي أرّاجه وكل حاجه لكن الكليبسات الموجوده واسعه على فتحة سلك الدي اس ال اللي في الراوتر مش عارف اعملها ازي والكليبس الصغير ده موجود في السلوك الاخرى مش لوحده ومش لاقيه عند محلات الكمبيوتر.

**abdalhaliem** · 01-10-2018, 17:45

اولاً انا موصل النت عندي عن طريق اسبليتر طرف واحد
داخل فيه الخط الارضي وخارج منه طرف رايح عالراوتر على طول

الطرف اللى خارج أليس كابل تليفون ؟؟

والمفروض توصيله بال dsl

لعلى لم أفهمك جيداا

لو تستطيع تصوير مخارج الراوتر والأسبليتر

**Toldo** · 01-10-2018, 18:57

تفضل استاذ عبد الحليم دي الصور. ده كابل التليفون الارضي اللي مش متأرج واللي متربّط في الاسبليتير والتاني الكابل اللي متأرج جاهز اللي في الطرف التاني من السبليتر ورايح عالراوتر

**N3V3RMiND.2016** · 01-10-2018, 20:23

الاخ الكريم الصوره التى رفعتها هى لعلبة تجميع سلك تليفون عاديه و ليست سبليتر!

الاسبليتر به مدخل و مخرجين كاتالى :

سلك التليفون الأرضى يدخل فى الاسبليتر من ناحيه و يخرج من الناحيه الاخرى سلكين سلك للتوصيل للتليفون و سلك اخر للراوتر (للنت)
انت تحتاج لشراء سبليتر

**abdalhaliem** · 01-10-2018, 21:12

تمام قم بقص السلك

الواصل بين الراوتر وبين علبه التجميع تلك

سيكون عندك جزئين متأرجين

ألحم سلك التليفون العمومى بجزء منهم

وقم بالتوصيل بالراوتر مباشره

أنت لاتحتاج لتلك العلبه ولاتحتاج لسبليتر

طالما تستخدم التليفون للأنترنت فقط

بالتوفيق