السلام عليكم
عندى مشكلة فى كارت الشاشة Sapphire R9 270X
و امكانيات الجهاز
Gigabyte GA-H61M-S2P
Intel(R) Core(TM) i5-3470 CPU @ 3.20GHz
2X4GB Kingston DDR3
HEC-500TE-2WX
الجهاز كان شغال كويس ومفيش اى مشاكل
و مرة واحدة وانا بلعب الشاشة بقيت سوداء ومفيش اى استجابة كأن الجهاز مش متوصل بالشاشة اصلا وعملت ريستارت كذا مرة ومفيش نتيجة
نزلت نسخة ويندوز جديدة وفوجئت ان الويندوز مش شايف كارت الشاشة وشايف الكارت البيلت ان بس.
و نزلت اخر تعريف لكارت الشاشة وجيت اسطبة طلعلى رسالة انه مش لاقى كارت الشاشة (can't detect any hardware)
وفوجئت ان فى مروحة من المروحتين مش بتلف اثناء التشغيل بتبدأ تلف بسيط وتوقف والمروحة التانية شغالة كويس
مع العلم ان من شهرين فكيت الجهاز كله و نظفته باسبراى أكاى وحطيت معجون حرارى جديد للبروسيسور وكارت الشاشة وكان شغال تمام
لان انا اكتر حاجه بلعب BF4 اونلاين
دخلت على المنتدى وعملت بحث فى المواضيع المشابهه و لقيت ان ممكن المشكلة تكون من الباور سبلاى والفولت مش مظبوط
وهنا ظهرت مفاجأة جديدة
برنامج AIDA64 طلعلى قرات ان الفولت عالى وفيه مشكلة زى الصورة دى وانا مش موصل الكهرباء للكارت ولما وصلته القراءة كانت زيها او اقل تقريبا 18.77
https://ibb.co/mtykn0
لكن لما دخلت على البايوس لقيت الفولت كويس زى الصورة
https://ibb.co/bYQefL
ولما جبت الافوميتير وعملت كوبرى وقيست الفولت من مخرج الباور للبوردة ومن مخرج ال6 بن بتاع الكارت
كانت القراءة مظبوطة زى الصورة
https://ibb.co/iKfvLL
انا مش عارف كده الباور فيه مشكلة وعشان كده الكارت مش شغال ولا الكارت هو اللى فيه مشكلة
اسف جدا جدا على الاطالة بس انا حاولت اشرح الموضوع بالتفصيل والخطوات اللى عملتها
المفضلات