طبعا بسبب سوء خدمة سنترال (البكاتوش-كفر الشيخ )
اللي خطوط التليفون منه مش بتتحمل اكتر من واحد ميجا انترنت و مش بيوصلو كاملين بسبب الضغط على السنترال و لانها قرية فمفيش اهتمام من الشركة و ال ping طبعا مع الضغط الرهيب عالي جدا (لا يمكن وصفه الا بعبارة (+999 ms) ) و التقطيع بسبب ال ping اللي الشركات مش معترفة بيه رغم انها عارفه اهميته لانه هو زمن التأخر في استجابة الانترنت
فقررت اني اوصل 4g لتفادي الاسلاك النحاسية ( تستحق لقب اسلاك الالومنيوم من تلفها في الخط دا )
فكنت عاوز نصيحتكم ايه افضل شركة هتقدم اقل ping و اقل ضغط و افضل شبكة لل 4g
فودافون - اورنج - اتصالات
عشان الراوتر بقرابة 1000 جنية فعشان اجربهم الثلاثة فيها 3 الاف جنية و خراب بيوت XD
اهم حاجة ال ping يكون ثابت طول اليوم(50-70 ms) بمعنى اخر الضغط منخفض و الخدمة فاهمة اهمية ال ping
و شكرا مقدما
التعديل الأخير تم بواسطة freg ; 27-11-2018 الساعة 19:37
أولا أهلا بك أخي الكريم ..
على ما أظن ان فكرة الجيل الرابع هنا مش جايبه همها في العموم(الا بالطبع في بعض الاماكن-زي شركات الاتصالات نفسها).
وكما ان الرواتر جيل رابع هيستخدم زي شبكة المحمول-لا يوجد 4g بخط أرضي- كما معلوم.
فممكن حضرتك تستخدم موبايل ان كان متاح وتشوف الشبكة الكويسة وتغطيتها تكون مناسبة لحضرتك\ او لو متاح تغيير شركة أخرى للأنترنت الا انه قد يفيد الى حدما ان كان متاح.
وكما ان البينج لا يتوقف على السرعة\أو مش عامل مؤثر قوي.
طبعا مفيش امل اني اوصل من خط ارضي لان زي ما قلت السلوك اخرها واحد ميجا و من المفترض يكون اخرها 8 ميجا و بالتالي نستنتج ان الخطوط ضاربة تقريبا و بالتالي النت بيقطع و السرعة مش كاملة غير الضغط الكبير ( شكرا للي قاعدين على الفيسبوك و اليوتيوب ليل و نهار )
فالحل الوحيد حاليا ال 4g
انا جربت شبكة فودافون من الموبايل و لقط معايا 4g فوق البيت كويس بس لسا مشفتش ال ping بس ان شاء الله هشوفه بعدين
بس للاسف معنديش شريحة اورنج او اتصالات اجرب عليهم فمحتاج اشوف حد مجرب
+ ميهمنيش سرعة النت على قد ما يهمني ال ping على عكس ما الشركات في مصر مفهمه الناس ( ان طالما التحميل و الرفع تمام يبقا كله تمام ) الكلام دا للي عايز يقعد على الفيس بوك لكن اللي عايز نت صح يدور على ال ping الأول و بعدين يشوف السرعة اللي تناسب استخدامه
لان ال ping زي ما قلت هو زمن تأخر الاستجابة في النت يعني كل اما يزيد كل ما النت يبطؤ في الاستجابة حتى لو سرعة تحميلك عالية ودا بيفرق مع الناس اللي عايزة تصفح سريع و بث مباشر ثابت و لعب من غير تقطيع الخ...
فكنت عايز اعرف افضل شبكة لل 4g في ال ping
بالاضافة اني سمعت ان اتصالات تغطيه شبكتها اوسع من فودافون و سمعت بردو ان اورنج اقل ضغط
فعايز اتأكد من المعلومات دي و لو في معلومات مفيدة يا ريت تفيدوني
وشكرا.
التعديل الأخير تم بواسطة freg ; 27-11-2018 الساعة 23:03
ضوابط المشاركة
رد مع اقتباس
المفضلات