النتائج 1 إلى 7 من 7

الموضوع: تى داتا و تقطيع النت بشكل متكرر.. أرجوا ممن لديه خبرة الدخول و الافادة

  1. #1
    عضو
    تاريخ التسجيل
    Jul 2009
    المشاركات
    81
    الدولة: Egypt
    معدل تقييم المستوى
    11

    تى داتا و تقطيع النت بشكل متكرر.. أرجوا ممن لديه خبرة الدخول و الافادة

    السلام عليكم و رحمة الله و بركاته

    1ـــ مشكلتى يا جماعة بقالها اكتر من سنة و اتصلت بالدعم اكتر من مرة و اكتر من فنى ييجى و يمشى ولا اى جديد ... مع العلم ان المشكلة مكانتش موجودة اول ما اشتركت مع الشركة و كان شغال تمام بدون مشاكل
    النت يبقى شغال تمام و فجأة لمبة الدى اس ال تفصل و ترجع تشتغل تانى و كأنى رسترت الراوتر مع العلم ان لمبة الباور ثابتة
    و المشكلة متكررة بشكل فظيييع ممكن يفصل اكتر من مرتين فى كل خمس دقايق و كل مرة بيفصل بياخد وقت على ما يشتغل تانى و هكذا فالموضوع جابلى شلل و اوقات يبقى شغال تمام او المشكلة تحصل بس مش بالشكل المزعج ده
    فكرت اغير السلك اللى واصل من البوكس بسلك انترنت نحاس بدال سلك التليفون زى ما حد وصى فى فيديو ع اليوتيوب و انى اجيب راوتر غير اللى اخدته من تى داتا يمكن المشكلة منه

    انا فقدت الامل فى تى داتا فقررت انزل موضوع هنا لعل و عسى يكون فيه حد يقدر يحل المشكلة بشكل نهائى ان شاء الله
    نوع الراوتر تى داتا واى فاى ... مشترك فى خدمة تليفونت 2 ميجا
    https://www.photobox.co.uk/my/photo/...d=501424001286
    الصورة رفعتها من اعدادات الراوتر عندى لو حد محتاج يطلع عليها
    و من خلال الصورة ياريت حد يقولى خطى يستحمل سرعة قد ايه لانى بفكر اشترك فى تليفونت 5 ميجا و خدمة العملاء قالولى ان ممكن اشترك عادى لكنى مش حستفاد بالسرعة كاملة لان خطى ميستحملهاش رغم ان فنى من تى داتا جه قبل كده و بص على اعدادات الراوتر و قالى ان خطى يستحمل اكتر من 10 ميجا
    فكلام مين فيهم اللى صح انا مش عارف... عايز ازود السرعة و خايف مستفدش بيها و اضطر ارجع تانى لسرعتى الحالية


    2__ لو المشكلة ممكن تكون من الراوتر تنصحونى براوتر ايه و ياريت يكون فيه خاصية تحديد السرعات لان لما حد بيدخل واى فاى هنا بيخرجنى م اللعبة لو بلعب اونلاين لانه بيسحب السرعة كلها
    انا سألت خدمة العملاء و عرفت منهم ان الراوتر بتاعهم مافيهوش الخاصية دى
    فياريت حد ينصحنى براوتر نضيف يكون مستقر و مافيهوش مشاكل مع تى داتا الميزانية ممكن توصل ل 1000 جنيه مصرى كحد اقصى
    و ايه رأيكم فى الانواع دى ؟
    https://egypt.souq.com/eg-ar/%D8%B1%...%83-6987635/i/

    https://egypt.souq.com/eg-ar/%D9%86%...00n-5665295/i/

    https://egypt.souq.com/eg-ar/%D9%85%...000-6926860/i/

    و خصوصاً اول راوتر علشان سعره معقول فهل فيه خاصية تحديد سرعات المتصلين ؟ و هل هحس بفرق بينه و بين راوتر تى داتا وللا مافيش فرق
    لان فيه فنى قالى ان راوتر تى داتا احسن من راوترات كتير موجودة فى السوق
    و راوترات لينكسيس ناس كتير بتشكر فيها فهل فرق السعر يستحق وللا بالنسبة لاستخدامى الشخصى مش هحتاجه ؟

    معلش اسألتى كتيرة لانى بجد مش فاهم و قرفت م المشكلة و من تى داتا
    اتمنى تجاوبونى عن اسألتى
    جزاكم الله خيراً و زادكم من علمه

  2. #2
    عضو تقنى - عرب هاردوير
    Hardware Components
    الصورة الرمزية محمد فاروق غازي
    تاريخ التسجيل
    Sep 2014
    المشاركات
    717
    الدولة: Egypt
    معدل تقييم المستوى
    71

    رد: تى داتا و تقطيع النت بشكل متكرر.. أرجوا ممن لديه خبرة الدخول و الافادة

    اقتباس المشاركة الأصلية كتبت بواسطة noor_elkamar مشاهدة المشاركة
    السلام عليكم و رحمة الله و بركاته

    عليكم السلام ورحمة الله وبركاته

    1ـــ مشكلتى يا جماعة بقالها اكتر من سنة و اتصلت بالدعم اكتر من مرة و اكتر من فنى ييجى و يمشى ولا اى جديد ... مع العلم ان المشكلة مكانتش موجودة اول ما اشتركت مع الشركة و كان شغال تمام بدون مشاكل
    النت يبقى شغال تمام و فجأة لمبة الدى اس ال تفصل و ترجع تشتغل تانى و كأنى رسترت الراوتر مع العلم ان لمبة الباور ثابتة
    و المشكلة متكررة بشكل فظيييع ممكن يفصل اكتر من مرتين فى كل خمس دقايق و كل مرة بيفصل بياخد وقت على ما يشتغل تانى و هكذا فالموضوع جابلى شلل و اوقات يبقى شغال تمام او المشكلة تحصل بس مش بالشكل المزعج ده
    فكرت اغير السلك اللى واصل من البوكس بسلك انترنت نحاس بدال سلك التليفون زى ما حد وصى فى فيديو ع اليوتيوب و انى اجيب راوتر غير اللى اخدته من تى داتا يمكن المشكلة منه

    انا فقدت الامل فى تى داتا فقررت انزل موضوع هنا لعل و عسى يكون فيه حد يقدر يحل المشكلة بشكل نهائى ان شاء الله
    نوع الراوتر تى داتا واى فاى ... مشترك فى خدمة تليفونت 2 ميجا
    https://www.photobox.co.uk/my/photo/...d=501424001286
    الصورة رفعتها من اعدادات الراوتر عندى لو حد محتاج يطلع عليها
    و من خلال الصورة ياريت حد يقولى خطى يستحمل سرعة قد ايه لانى بفكر اشترك فى تليفونت 5 ميجا و خدمة العملاء قالولى ان ممكن اشترك عادى لكنى مش حستفاد بالسرعة كاملة لان خطى ميستحملهاش رغم ان فنى من تى داتا جه قبل كده و بص على اعدادات الراوتر و قالى ان خطى يستحمل اكتر من 10 ميجا
    فكلام مين فيهم اللى صح انا مش عارف... عايز ازود السرعة و خايف مستفدش بيها و اضطر ارجع تانى لسرعتى الحالية

    بالنسبة لمشكلتك حابب أقولك في البداية إنها مشكلة بيعاني منها آلاف العملاء هنا في مصر على فترات، وخليني أوضحلك بعض النقاط اللي أتمنى تكون مفيدة وتساعدك إن شاء الله،
    عشان النت يوصلك تمام ويكون مستقر في نقاط أساسية لازم منها:
    أولًا: كيبل التليفون يكون متوصل من الكابينة الرئيسية اللي في الشارع للراوتر بشكل مباشر بدون لحامات ويفضل يكون كيبل نحاس ماركة السويدي أو كيبل الهيئة الرسمي أو حتى ماركة المهندسين، ويفضل بدون روسته اللي القطعة اللي بتوصلك طرفين ببعض زي البريزة اللي بتكون في الحائط مثلًا، ولو هتركب أسلبيتر عشان تشغل التليفون الأرضي يبقى تركب الأسبليتر اللي جاي مع الراوتر، فدلوقتي لو الكيبل عندك فيه أي لحامات سواء خارج البيت أو داخل البيت يا ريت تغيره بالكامل وتخليه قطعة واحدة بدون لحامات.
    ثانيًا: لو هتغير الكيبل خلي الفني يبعده عن كابلات الكهرباء اللي في الشارع لو قريب منهم عشان بتأثر على جودة الخدمة، وخليه يغيرلك فراعات الخط يعني يحطهولك في فراعات تانية في الكابينه اللي في الشارع وأكدله على النقطة دي واقف معاه واتأكد بنفسك وقوله عشان الخدمة سيئة، وحتى لو الكيبل الحالي سليم أطلب 111 وسجل شكوى والفني هيجيلك خلال 48 ساعة وسجل في الشكوى عدم استقرار الخدمة وإنك بتطلب بتغيير الكيبل ولما الفني يجي خليه يغيرلك مكانه في الكابينة.
    ثالثًا: خلي الفني بعد ما يوصل يكلم غرفة التحكم في السنترال اللي انت تابع ليه ويسألهم فراعات الخط ظاهرة كام على النظام، المفترض كل خط بيقرأ 3 فراعات والمفروض يكونوا 218.
    رابعًا: لو هتوصل كيبل جديد ركبله RJ 11 من الطرف اللي هيدخل في الراوتر أو الأسبليتر وبلاش تلحم بلدي ولو عامل كدا في الكيبل الحالي ومش هتغيره فك اللحام وركب RJ11 وبالمناسبة إبقى فهم الفني إنك هتكرمه يعني عشان يعملك اللي أنت عاوزه وإن كنت طبعًا أنا ضد دا لكن أنت أعملها بنية الاضطرار وإنك بتتوصل لحق من حقوقك.

    بالنسبة للسرعة اللي خطك يتحملها فالصورة بتاعة بيانات الخط على الراوتر مش بتفتح، لكن مش مهم.
    هو الموضوع حسب كفاءة الخط والتوصيلات يعني لو التوصيلات تمام من خطك للكابينة للسنترال اللي أنت تابع ليه مش هتقابل مشكلة، وللتوضيح أكتر لو الكيبل بتاعك مثلًا فيه لحامات والتوصيلات مش تمام ممكن تكلم الشركة فتقولك خطك أقصاه 15 ميجا، وبعد شهرين مثلًا لو غيرت الكيبل والخدمة بقت مستقرة واتصلت هيقولولك خطك أقصاه 25 ميجا، ودي حصلت معايا شخصيًا، فهما بيقولولك حسب قراءات السيستم وقراءات السيستم بتكون حسب كفاءة التوصيل، والتوصيل فيه جزء منه تقدر تتحكم فيه اللي هو من بيتك للكابينة اللي في الشارع، وجزء تاني متقدرش تتحكم فيه اللي هو من الكابينة لأجهزة السنترال اللي أنت تابع ليه، والكفاءة مش ثابتة دايمًا خاصة من الكابينة للسنترال بسبب الضغط والعك اللي بيعكوه في السنترالات، لكن الأكيد إن لو التوصيلات من الكابينة للبيت عندك تمام هتشتغل على سرعة 5 ميجا بدون مشاكل وممكن 10 كمان.


    2__ لو المشكلة ممكن تكون من الراوتر تنصحونى براوتر ايه و ياريت يكون فيه خاصية تحديد السرعات لان لما حد بيدخل واى فاى هنا بيخرجنى م اللعبة لو بلعب اونلاين لانه بيسحب السرعة كلها
    انا سألت خدمة العملاء و عرفت منهم ان الراوتر بتاعهم مافيهوش الخاصية دى
    فياريت حد ينصحنى براوتر نضيف يكون مستقر و مافيهوش مشاكل مع تى داتا الميزانية ممكن توصل ل 1000 جنيه مصرى كحد اقصى
    و ايه رأيكم فى الانواع دى ؟
    https://egypt.souq.com/eg-ar/%D8%B1%...%83-6987635/i/

    https://egypt.souq.com/eg-ar/%D9%86%...00n-5665295/i/

    https://egypt.souq.com/eg-ar/%D9%85%...000-6926860/i/

    و خصوصاً اول راوتر علشان سعره معقول فهل فيه خاصية تحديد سرعات المتصلين ؟ و هل هحس بفرق بينه و بين راوتر تى داتا وللا مافيش فرق
    لان فيه فنى قالى ان راوتر تى داتا احسن من راوترات كتير موجودة فى السوق
    و راوترات لينكسيس ناس كتير بتشكر فيها فهل فرق السعر يستحق وللا بالنسبة لاستخدامى الشخصى مش هحتاجه ؟

    بالنسبة للراوتر
    الراوتر الأول جميل لكن مفيهوش خاصية تحديد السرعات وكل الراوترات مفيهاش، وعشان تقدر تتحكم في الشبكة بشكل كامل وتحدد سرعات لازم تشتري "راوتر بورد ميكروتيك" وهتحتاج شرح عشان تعرف تتعامل معاه،
    وبالنسبة للراوترين التاني والثالث مشوفتش مواصفاتهم لكن من الصور باين إنهم أكسيس مش هينفع تشغل عليهم النت مباشر لأن مفيهمش مكان لكيبل RJ 11 فمش هينفعوا،
    ونصيحتي ليك لو أنت استخدامك للإنترنت عادي ومش محتاج توزع سرعات للشبكة وتحدد سرعات لكل جهاز اكتفي براوتر الشركة هيقوم بالغرض ومفيش داعي تدفع فلوس في راوتر جديد لأن مش هتحس بفرق.
    وممكن تنزل برنامج SelfishNet وتحدد السرعة للناس اللي عندك على الشبكة هو مش عملي أوي لكن ممكن يفي بالغرض، ولو موضوع تحديد السرعة مهم بالنسبالك الراوتور بورد هتلاقيه على أوليكس بيبدأ من حوالي 400 جنيه مستعمل وموجود جديد على سوق.كوم وفي المولات بس أظن هتلاقي أقل حاجة جديدة فوق الألف جنيه.


    معلش اسألتى كتيرة لانى بجد مش فاهم و قرفت م المشكلة و من تى داتا
    اتمنى تجاوبونى عن اسألتى
    جزاكم الله خيراً و زادكم من علمه

    ولا يهمك جزانا وزادنا وإياكم.



    ومِنْ بَعْدُ فَلَا بُـدّ *** مِنَ الْعَرْضِ إِذَا اعْتُـدّ
    صِرَاطٌ جِـسْـرُهُ مُـدّ *** عَلَى النَّارِ لِمَـنْ أَمّ
    فَكَمْ مَنْ مُرْشِـدٍ ضَلّ *** وَمَنْ ذِي عِزَّةٍ ذَلّ
    وَكَمْ مِنْ عَالِمٍ زَلّ *** وَقَالَ الْخَطْبُ قَدْ طَمّ
    فَبَادِرْ أَيُّهَا الْـغُمْرْ *** لِمَنْ يَحْلُو بِهِ الْمُرّ
    فَقَدْ كَادَ يَهِي الْعُمْرْ *** وَمَا أَقْلَعْتَ عَنْ ذَمّ
    وَلَا تَرْكَنْ إِلَى الدَّهْرْ *** وَإِنْ لَانَ وِإِنْ سَـرّ
    فَتُلْفَى كَمَنِ اغْـتَـرّ *** بِأَفْعَى تَنْفُثُ السَّمّ


  3. #3
    عضو
    تاريخ التسجيل
    Jul 2009
    المشاركات
    81
    الدولة: Egypt
    معدل تقييم المستوى
    11

    رد: تى داتا و تقطيع النت بشكل متكرر.. أرجوا ممن لديه خبرة الدخول و الافادة

    ربنا يجازيك كل الخير أخى الكريم


    انا قررت اجيب فنى يغيرلى كابل التليفون ان شاء الله
    بس المشكلة انى مش اخد من الكابينة بشكل مباشر انا اخد من البوكس اللى تحت العمارة
    يعنى من الكابينة للبوكس و من البوكس لعندى و المسافة بينى و بين الكابينة حوالى80 متر
    فهل كده تمام وللا حيبقى فيه مشكلة؟


    ثانيا انا مش عارف ازاى اخلى الكابل بدون لحامات
    هو الكابل واصل من تحت عبارة عن طرفين و دخت على ما لقيت ارج الصغير بتاع التليفون عشان اارج الطرفين بدال ما الحمهم بس السلك نفسه عريض عن فتحات الارجي حتى لما بعرى الطرفين من العازل خالص برده مش بيدخل فى فتحات الارجي رغم انه ارج التليفون الارضى اللى هو الصغير
    فانا جربت الحم الطرفين بكابل التليفون الارضى و جربت روزيتا زى ما خدمة العملاء قالوا و برضوا المشكلة زى ما هى
    فربنا يجازيك خير لو فيه طريقة اخلى الكابل من تحت لحد الراوتر من غير اى لحام ياريت تشرحلى اعمل ايه

    و كابل التليفون حدور على السويدى او اى ماركة من اللى حضرتك قلتلى عليهاو اتصل بالفنى ييجى يبدلهولى

    و بالمرة عشان يبقى كله جديد و ان شاء الله المشكلة تتحل ياريت لو ترشحلى راوتر كويس و يكون افضل من راوتر الشركة و احس بفرق
    فهل الراوتر اللى فى اول لينك اللى حضرتك شكرت فيه حيبقى افضل من الراوتر بتاع تى داتا اجيبه وللا مش حيفرق عنه ؟

    و لو كان فيه راوتر اقدر من خلاله احدد السرعة للايبيهات المتصلة على الشبكة بشكل مباشر و يكون سعره معقول ياريت تتفضل بذكره

    بعتذر جدأ
    جزاك الله خيراً اخى الحبيب

  4. #4
    عضو الصورة الرمزية الدجتل
    تاريخ التسجيل
    Jan 2007
    المشاركات
    43
    الدولة: Egypt
    معدل تقييم المستوى
    0

    رد: تى داتا و تقطيع النت بشكل متكرر.. أرجوا ممن لديه خبرة الدخول و الافادة

    عن تجربة خلي فنى السنترال يركبلك سلك المصرية للاتصلات وحتكون كفائتة افضل من الى انت حتشتريه

  5. #5
    عضو
    تاريخ التسجيل
    Jul 2009
    المشاركات
    81
    الدولة: Egypt
    معدل تقييم المستوى
    11

    رد: تى داتا و تقطيع النت بشكل متكرر.. أرجوا ممن لديه خبرة الدخول و الافادة

    طيب يا جماعة انا مش هحتاج اغير الراوتر يعنى لو جبت الراوتر ده حيفرق فى الأداء الاستقرار تغطية الواى فاى عن راوتر الشركة فلو كده اجيبه بالمرة
    https://egypt.souq.com/eg-ar/%D8%B1%...%83-6987635/i/
    وللا مش هحتاج غير انى اهتم بالسلك بس ؟

    و على فكرة هو السلك بتاع سنترال المصرية متغيرش من وقت التركيب لو ده اللى حضرتك تقصده يا استاذ دجتل

  6. #6
    عضو الصورة الرمزية الدجتل
    تاريخ التسجيل
    Jan 2007
    المشاركات
    43
    الدولة: Egypt
    معدل تقييم المستوى
    0

    رد: تى داتا و تقطيع النت بشكل متكرر.. أرجوا ممن لديه خبرة الدخول و الافادة

    انا شغال براوتر تى داتا وكانت معايا المشكلة والسلك كان ملحوم مرتين وجربت كذا نوع سلك ومنهم السويدى وافضلهم كان بتاع السنترال
    وبرضه انت مش حتخسر حاجة ومش حتدفع فلوس لو السلك عندك راكب من فترة طويلة روح السنترال وقلهم السلك اتقطع وعايز اغيره وخد المسافة الى انت محتاجها فقط من السلك وعلى السبليتر على طول

  7. #7
    عضو
    تاريخ التسجيل
    Jul 2009
    المشاركات
    81
    الدولة: Egypt
    معدل تقييم المستوى
    11

    رد: تى داتا و تقطيع النت بشكل متكرر.. أرجوا ممن لديه خبرة الدخول و الافادة



    متشكر جداً ليكم انا اتصلت بالمصرية قلتلهم انى عايز اغير الخط لانه فى اكتر من لحام و مأثر على خدمة الانترنت فقالى حنتابع معاك خلال 48 ساعة
    يارب المشكلة تتحل
    حشوف اللى هيحصل و حبلغكم بالجديد ... متشكر جداً

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •