استفسار بخصوص الكهرباء والصب ووفر

[ryko2]

السلام عليكم

إن شاء الله مقبل على شراء صب ووفر وكنت بسأل لو اشتريت صب ووفر 70 او 80 وات فهل دة بيتطلب قوة معينة فى الكهرباء؟اقصد بيحتاج عزله على فيشة خاصة ولا ممكن يتحط فى مشترك مع فيش : شاشتين (كمبيوتر وتليفزيون)-ريسيفر-كيسة-روتر بدون مشاكل

وبالمناسبة الافضل شراء اتنين ×1 ولا 4×1

وكنت عايز اعرف ماركة ميدياتك افضل ولا تو بى؟

[الواد ميشو]

وعليكم السلام ورحمة الله وبركاته ...
مبرووك مقدما...

هي الفكرة في العموم أن المشترك المستخدم يكون يستحمل الشغل عليه أو بتجمع الوات المستخدم من كل اللي عليه وتشوف مشترك يديك الوات النهائي دا طبعا للأمان بصورة عامة
ولكن يفضل أن تفصل (اذا كان كل ما ذكر في الاستفسار داه في مشترك واحد(كتير) - القصد للأمان

وبالنسبة هو حسب المكان المتوفر والميزانية والرغبة أقصد اذا كان متاح 4.1 ومتاح توزعيهم بشكل مربع أعتقد التجبة أفضل وتقدر تفصل سماعتين وتشغل 2 عادي.
وللماركة هي المفروض 2b تكون أفضل نسبيا عن ميديا تك لكن لو غالي أووي ممكن تروح للميديا

وبالتوفيق....

[ryko2]

متشكر اوى يابشمهندس
لا ياباشا مش غالى لان تقريبا نفس اسعار الميديا تك وتقدر تقول الاتنين قطم وسط بس هجيبها بالقسط ان شاء الله

لو تقدر تفيدنى عن ان كان النوع دة من تو بى صوته عالى كفاية ويكون مجسم بالنسبة للجيمز كفاية ولا لا

https://2b.com.eg/ar/2b-4-1-subwoofe...the-front.html


و رأيك فى النوع دة مقارنة بالموجود بعاليه طبعا انا عارف ان باللى اسفل اعلى بس انا اقصد نوعية السماعات نفسها عشان سمعت معلومة ان السماعات البيضاوية اقوى وافضل من الدائرية
https://test.2betech.com/product/speaker-sp-82-3/

وهل توجد مشكلة من وضع الصب على الارض؟البيز نفسها لان ملهاش مكان على المكتب

[الواد ميشو]

اشكرك أخي الكريم على ذوق حضرتك ..
هو كما حضرتك ذكرت الرابط الثاني يبدو أقوى (أو القصد تنظر بيقدم وات قد ايه كمجموع ليس شكل السماعة على ما اعتقد)
يعنى الرابط الثاني بيقدم 40 وات للباز+ 7.5 وات لكل سماعة لكن الاول من اللينك بيقول 20 وات ومش موضح لكل سماعة قد ايه
ومكان الصب هي الفكرة انك ممكن هتحس ان الصوت(بتاع البيز) ان جاي من أسفل فحاول ترفعه شوية ليناسب عموم وضع السماعات

وبالتوفيق أخي الكريم ....

[ryko2]

وضعه بجانب الشاشة يسبب مشاكل؟

بتكلم على ال20 وات

[الواد ميشو]

وضعه بجانب الشاشة يسبب مشاكل؟

بتكلم على ال20 وات

تمام أخي الكريم ..انا كان قصدي ممكن ترفعه عن مستوى الارض قليلا ان امكن بوضع علبة مثلا وليس بالضرورة بجانب الشاشة ..
وموفق باذن الله

[ryko2]

فاهم ياباشا قصدك انا كان قصدى فى اسوأ الفروض لو وضعتها بجانب الشاشة فيه ضرر على الشاشة؟

مع العلم انى ناوى مستقبلا ان شاء الله اصمم له مكان خاص مثلا رف علوى

بس فى حاجة عايز اخد رأيك فيها انا رحت جربت سماعات تو بى اللى هى 4فى1 موديل 847 وحسيت صوتها مش اد كدة دة غير ان تصميم ال4سماعات المتفرعة تصميم بلاستيكى مش خشبى وعلى حسب معلوماتى المتواضعة ان السماعات لما يكون تغليفها خشبى بيكون اقوى وافضل انت إيه رأيك؟

وجربت موديل من البورش صوته اعلى واكتر من ضعف نسبة الوات فى تو بى بس اتنين فى 1 سماعتين بس يعنى

بصفة عامة اخبار البورش فى الصبات إيه؟وخصوصا انى ملاحظ انها الوحيدة اللى ضمانها 3 سنين .

فى حيرة شديدة خاصة وان الاسعار سيئة جدا فى حين ان الجودات فى السوق مش مرضية .

[ryko2]

ياريت ياجماعة حد يفيدنى اجيب إيه؟
مشعارف انا حاسس ان السوق الانواع اللى فيه غير مقنعة
التايجر بكل موديلاته مفيهوش راديو
وتو بى النوع اللى 20 وات اربعة فى واحد السماعات بتاعته بتغليف بلاستيكى وانا كنت عايزها خشبية عشان تتحمل اكتر والصوت يكون افضل لكن عشان اجيب اللى بتغليف خشبى من تو بى مفيش غير نوع ب2400

وميدياتك مجربتهاش ونظام السماعات البارات الاتنين فى واحد دى مشعارف نظامها

ومشعارف البورش افضل ولا الميديا تك؟

وكنت بتمنى اجيب اربعة فى واحد بس واضح انى عشان اشترى النهاردة اربعة فى واحد تصنيع محترم لازم تعدى معايا 2000 مشعارف الاسعار فى إيه مش للدرجة دى يعنى

انا بدور على حاجة صوتها قوى ويكون فيها بلوتوث وراديو ومكان لكارت الذاكرة ويو اس بى .