مصر - كيسة للالعاب وجرافيك - 4000 جنيه مصري

[tayam]

السلام عليكم ورحمة الله وبركاته

- أقصى ميزانية محددة: 4200 جنيه
- استخدامك للجهاز: العاب ومونتاج
- حجم الشاشة و الدقة (Resolution) التي تستخدمها: 1360*768
- القطع التي تنوي شراءها: بوردة - رامات 8 - بروسيسور - كارت شاشة
- القطع التي ستعيد استخدامها من الجهاز القديم: هارد - شاشة 19 بوصة
- ميعاد شراء الجهاز: الاسبوع ده
- مكان الشراء: القاهرة

طبعا بما ان الاسعار نار قررت اشتري مستعمل ايه رايكم اجيب ايه
core i5 5490 ولا amd a10
ولو فيه حاجة احسن في المستعمل ياريت تعرفوني
واجيب كارت شاشة ايه
ملحوظة هبيع قطع عندي قديمة ممكن تعمل 500 كمان وازود الميزانية

[abdalhaliem]

مرحباا أخى الكريم

طبعا بما ان الاسعار نار قررت اشتري مستعمل ايه رايكم اجيب ايه
core i5 5490 ولا amd a10

تقصد معالج i5 4590

بالطبع معالج جيد من الجيل الرابع

ولو فيه حاجة احسن في المستعمل ياريت تعرفوني

مبدئياا الميزانيه ستفرض علبك الذهاب للمستعمل

لكننا لانستطيع ترشيح شيئاا بالمستعمل

لأنه سوق متقلب

وما هو متاح اليوم ليس متاحاا غداا

والعكس صحيح

فرضاا قمنا بترشيح شيئاا

ولم تجده متاح بالمستعمل ؟؟؟؟

ستكون وقتها المشاركه والترشيح بلا طائل

ولم تفيدك بشىء

فالعبره بما هو متاح

قم بالبحث بقسم البيع عن مايناسب ميزانيتك

وماتجده مناسباا

أذكره هنا لأخذ الرأى والمشوره به

واجيب كارت شاشة ايه

كما ذكرت أعلاه الميزانيه لاتكفى

أنصحك لاتفكر حالياا بكارت الشاشه

لحين توفر الميزانيه اللازمه له

وركز حالياا بشراء معالج جيد

ولوحه أم مناسبه

وحجم رام جيد


موفق

[tayam]

اشكرك لردك واهتمامك
انا دورت في كذا مكان وعلى الفيسبوك وصلت للقطع دي ايه رايك فيها
اول واحدة

كيسة ديسك ديل جيل رابع مشغل معايا لحد بيس 19 i5 4590 الكيسة زيرو
مشغلة بيس 19 تمامبرسيسور i5 4590رامات 8 باص 1600
بدون هارد
كارت شاشة AMD Radeon HD 8570 1g ddr3

سعرها 3600

تاني واحدة
- CPU AMD A10 PRO-7800B / 3.5 GHz

فيجا AMD 2g - R 7 اساسي اب تو 6 جيجا

- نوع كارت الشاشه Graphics Processor AMD Radeon R7

رامات 4 جيجا قايلة للزيادة حتى 32 جيجا نوع الرامات DDR3 متوفر 4 بنوك
للرامات
- هارد 500 جيجا قابل للزياده

سعرها 2600

تالت واحدة

HP EliteDesk 705 G1 - SFF - A10 PRO-7850B 3.7 GHz - 8 GB - 500 GB Specs
- CPU AMD A10 PRO-7850B / 3.5 GHz
فيجا AMD 2g - R 7 اساسي اب تو 6 جيجا

- نوع كارت الشاشه Graphics Processor AMD Radeon R7
رامات 8 جيجا قايلة للزيادة حتى 32 جيجا نوع الرامات DDR3 متوفر 4 بنوك
للرامات
- هارد 500 جيجا

ايه رايكم في الحاجة دي واختار انهي واحدة فيهم ولو اشتريت تاني او تالت واحدة اجيب كارت شاشة ايه

[abdalhaliem]

والله ياأخى الكريم

واضح أن تلك الأجهزه أوريجنال أستيراد

وأنا لاأحبها ولاأحبذها

ولاأنصح بأقتنائها

لكن أذا كان ولابد

فسأعطى صوتى لتلك على مضض

كيسة ديسك ديل جيل رابع مشغل معايا لحد بيس 19 i5 4590 الكيسة زيرو

بالتوفيق دائماا

[SmartT]

والله ياأخى الكريم

واضح أن تلك الأجهزه أوريجنال أستيراد

وأنا لاأحبها ولاأحبذها

ولاأنصح بأقتنائها

لكن أذا كان ولابد

فسأعطى صوتى لتلك على مضض





بالتوفيق دائماا

السلام عليكم انا نويت اشتري احد هذه الاجهزة ما هي عيوبها لوسمحت؟

[abdalhaliem]

السلام عليكم انا نويت اشتري احد هذه الاجهزة ما هي عيوبها لوسمحت؟

مرحباا أخى الكريم

كان عليك أنشاء موضوع مستقل

على كل حال سنجيبك هنا


غالباا مايقع المستخدم ضحيه

للصخب المصاحب لتلك الاجهزه

فتاره يروجون لتلك الأجهزه

على أن بها معالجات XEON

وبها عدد كبير من الأنويه

وتتمتع بحجم كبير بالكاش

وتاره اخرى أن بها معالجان

مع أنها مخصصه لأعمال الخوادم بالاساس

( Servers )


لكننا نلتفت للديباجه ولحجم الكاش ولعدد الكور

ونذهب لنقتنى نفايات

عملت وخدمت ببلادها ألى حد الملل

وندفع مقابل تلك النفايات نقوداا

حتى وأن كانت تلك الأجهزه تحمل معالجات ال core

سواء الجيل الثانى أو الثالث أو حتى الجيل الرابع

تلك أجهزه أستهلكت تماماا

وبغض النظر عن أستهلاكها المفرط

هى غير قابله للتطوير

( صعوبه أحلال وتغيير القطع بها ألى موديلات أحدث )

فهى تأتى خاضعه لمعيار التوافق

( Compatibility )

وكل هذا الكاش وعدد الكور

على سبيل المثال

ليس موجه لخدمه الألعاب

لكنه موجه لما صممت من أجله

لكى تعمل بأطار وظيفتها الأساسيه

( Servers )

وأى خروج عن هذا التوافق

ستجد مشاكل بالأداء

ولولا غلاء الأسعار

لما أصبحت لتلك الأجهزه قيمه


بالتوفيق دائماا

[khaled moh]

استاذ عبدالحليم جابلك الاجابة الصح من الاخر فعلا

بص هو كويس انك هشتتري كيسة جيل رابع هشتغلك الالعاب كويس لفترة لاباس بها وسعرها ايضا مناسب
بس انت لازم تتاكد انك هتقدر تعمل ابجريد لكرت الشاشة لان الكيسة الاستيراد بيكون لها تصميم مختلف شوية عن التجمع وايضا الباور سبلاي مهم لانه ممكن تحتاج تبدله بموديل اعلي بناء على الكرت الى هتشتريه فتاكد انك هتقدر تبدل القطع دي عادى

انا مش عارف بصراحة ممكن تنققل البندل كله لكيسة احترافية وتزود المراوح بحيث تملك وسائل تبريد احدث من الكيسة الاستيراد الحديد المغلقة ولا مفيش الامكانية دي @abdalhaliem ?

[abdalhaliem]

انا مش عارف بصراحة ممكن تنققل البندل كله لكيسة احترافية وتزود المراوح بحيث تملك وسائل تبريد احدث من الكيسة الاستيراد الحديد المغلقة ولا مفيش الامكانية دي @abdalhaliem ?

ستكون هناك عوائق بالتأكيد

وأحياناا وياللعجب

عندما يتم نقل تلك القطع لاتعمل !!!

وكأن هناك توأمه بين القطع والكيس الحديدى !!!!

( أقول أحياناا )


بالتوفيق