زى ما العنوان بيقول.. كل اما اجى ادخل عليه مثلاً او افتح ملف فيه بيعمل صوت تك مرة واحدة.. بعد كده اسيبه فترة وادخل عليه بعديها بساعة مثلاً يعمل نفس الصوت.. المفروض دى حاجة تقلق؟ هو هارد جديد (بقاله بتاع 6 شهور) وانا عملت فحص ع الهارد فى البرنامج ده Data lifeguard diagnostics for windows واللى هو تبع Western Digital والنتيجة انه سليم ومفيهوش مشاكل.. انا لسه مغير الكمبيوتر بحاله من 6 شهور بسبب ان الهارد القديم كان فيه باد سيكتورز وكان إبتدى يعمل مشاكل... ومن سنة ونص تقريباً باظ هارد 500 بحاله بسبب مشكلة مماثلة.. فمش معقول هفضل اغير الكمبيوتر والهارد كل ست شهور.. عايز حد يطمنى
التعديل الأخير تم بواسطة Hossam Mokhtar ; 05-02-2019 الساعة 02:25
مرحباا أخى الكريم
قم بتثبيت برنامج
Hard Disk Sentinel
وأعطنا صوره لواجهته
وأعطنا أيضا صوره لبرنامج HD Tune
ونتيجه الفحص لتبويب Error Scan
وذلك بعد أزاله التأشير عن Quick Scan
كما بالصوره التاليه
وأيضاا نتيجه الفحص من نفس البرنامج الأخير
من تبويب Health
بأنتظارك
أسف ع التأخير، الفحص أخد ساعتين تقريباً والغريب ان سرعة الفحص كانت بتقل مع الوقت! متهيألى كده 100 100 برضه مفيش مشاكل.. مش فاهم بقى ايه المشكلة.. يمكن الهارد فيه ضرر مادى، هى برامج الفحص دى تقدر تكتشف حاجة زى كده؟ انا قريت برضه من جوجل قبل ما أكتب هنا إن عامة أى صوت بيبقى مؤشر أن الهارد قرب يموت! ولا أيه مش فاهم.. وقالوا برضه يمكن ميكونش واصله كهربا كويسة، يمكن عشان انا بوصل 2 هارد خارجى بالجهاز فى نفس الوقت، معظم الوقت(؟) مش عارف !
التعديل الأخير تم بواسطة Hossam Mokhtar ; 05-02-2019 الساعة 05:26
معلش نسيت أضيف ان مشكلة الصوت الغريب دى فى الواقع بتحصل بقالها 3 4 شهور دلوقتى، "تقريباً" بعد اما أعدت تقسيم الهارد عن طريق برنامج Partition wizard أو/و بعد مرة من المرات اللى الكهربا قطعت فيها! ممكن ده يكون هو اللى سبًب المشكلة أقصد!
مرحباا أخى الكريم
بالنسبه للصور التى أمامى الهارد لاغبار عليه
ونعم تلك البرامج موثوق بها جداا
وأى شارده أو وارده بالهارد
لابد أن تعطينا مؤشر لذلك
ماهو نوع الباور الدى تستخدمه
ياريت صوره للملصق الجانبى للباور
وتأكد من ثبات خرج الفولتيه للباور
أقرأ هذا الموضوع جيداا
https://arabhardware.net/forum/showth...12#post3140612
وياريت نوع الهارد وحجمه
بالتوفيق
انا مش بشكك فى البرامج، انا قصدت ان لو فيه ضرر مادى زى خدش مثلاً فى الهارد فى حته حيوية جواه او جزء مفكوك يكون هو ده سبب الصوت فهل البرامج دى تقدر تدل عليه؟
دى صور لنوع الهارد (500 جيجا) والباور.. انا قريت الموضوع، كان شكله فى البداية مش سهل (لان انا مستخدم بسيط للكمبيوتر، مش متقدم!)، بس فى نفس الوقت مش صعب، هحاول احمل البرنامج وابقى اراقب الباور صبلاى من خلاله.
أى خلل مادى بالهارد
تلك البرامج تراه
دى صور لنوع الهارد (500 جيجا)
لاتوجد صور ظاهره للهارد !!
لكنى أعتقد انه WD 500 GB
أليس كذلك ؟؟
والباور ليس معتمد لكنه من جهاز أستيراد أوريجنال
هحاول احمل البرنامج وابقى اراقب الباور صبلاى من خلاله.
المهم ترفعلنا صور بحاله الباور
أيوة Western Digital .. انا حملت البرنامج اهو (وفعلته).. بس مش مدينى نفس اللى فى االصورة اللى فى الموضوع اللى انت قلت عليه!
بس مش مدينى نفس اللى فى االصورة اللى فى الموضوع اللى انت قلت عليه!
غريبه
أحياناا يتعارض الأصدار المستخدم
مع أصدار نسخه الويندوز
ممكن تبحث داخل البيوس عن تلك القرائه
فقط أبحث عن تلك القيم
12V / 5V / 3.3V
لكى تطمئن على حاله الباور
ولو أستطعت شراء باور معتمد
سيكون أفضل بالتأكيد
لكن الهارد حالياا حالته جيده
لكن لو الباور سيىء
ستحدث مشاكل عديده
انا كده إطمنت ع الهارد وده كان الأهم.. ربنا يطمنك وبشكرك جداً على وقتك ومعلوماتك! الحاجات اللى انت بتقول أعملها دى مش هقدر أعملها للأسف لأنى زى ما قلت مستخدم على ادى فى الكمبيوتر
الغريب إن بعد ما حملت 3 برامج دلوقتى للفحص عن الهارد، المشكلة مظهرتش بقالها يومين! وده بيخلينى أستعجب هى البرامج دى وظيفتها الفحص فقط والكشف عن المشاكل ولا علاجها وحلها كمان (والعناية بالهارد وجميع الهاردوير عموماً فى الجهاز)؟ لأن الصوت راح ومعتقدش إنها صدفة فى وجود الـ3 برامج دول!
لا ياأخى تلك البرامج
لاتعالج شيئاا
فقط تنبهك
بحال وجود أخطاء
الهارد كما ذكرت لك سابقاا
حالته جيده
فقط عليك أن تطمئن على الباور
كما ذكرنا أعلاه
بالتوفيق
ضوابط المشاركة
رد مع اقتباس
المفضلات