احسن دراع تشتريه في مصر

**princeboy47** · 21-02-2019, 08:50

انا بقا لي فترة بشتري في دراع اكس بوكس 360 اللي بسلك وده لازم يكون فيه احد العيوب أو الأخطاء اللي في التصنيع بتخليه مش مريح في الاستخدام فا حبيت اسأل في المنتدى عن احسن دراع موجود في مصر يكون زيه مش محتاج برامج للزراير والكلام ده
وانا قريت في المنتدى عن طريقة ممكن تخلي دراع وايرليس يبقى كونكت مع الكمبيوتر عن طريق البلوتوث وانا عندي بلوتوث دونجل من تو بي ال4.0 فلو فيه دراع وايرليس يكون مناسب بنفس اللي طالبه ياريت تقول لي عليه

**محمد فاروق غازي** · 21-02-2019, 16:53

أهلًا بيك
أنا استخدمت النوعين سواء Xbox أو PS وهقولك رأيي الشخصي عن تجربة
لو حابب تلعب ع الكمبيوتر وايرليس خليك في الـ PS
والسبب إن بطاريتها أفضل بكتير جدًا وهتعيش معاك فترة أطول بكتير
بالنسبة لذراعات الـ Xbox فمسكتها أفضل بصراحة وتحس إنك ماسك حاجة متينة أكتر ومالية إيدك كدا
ودي الميزة الحقيقة ليهم لكن في نفس الوقت بطاريات الـ Xbox 360 مش عملية خالص
أما عن بطاريات Xbox One فمجربتهاش فترة طويلة بصراحة تخليني أقدر أحكم
لكن في كل الأحوال بطاريات الـ PS فوق الممتازة خاصة في العمر الافتراضي
فدلوقتي أنت ممكن تشوف ذراع PS3 أصلي مستعمل بحالة جيدة هتلاقي سعره من 100 لـ 120
لكن يفضل ذراع PS4 وهو أغلى بفرق كبير لكن كمان فرق التطور بينه وبين ذراع PS3 بردو كبير
دا غير إنهم طولوا الأطراف وبقت المسكة بتاعته أفضل كتير جدًا من مسكة ذراع الـ PS3
وطبعًا فيه تطويرات تانية في التصميم والتكنولوجيا زي مثلًا الشاشة الديجيتال والانسيابية وغيرهم
وبالنسبة للتوصيل ففيه برنامج صغير بمجرد ما تسطبه بيقرالك ذراع الـ PS كأنه ذراع Xbox
يعني مش هتحتاج تغير حاجة في الأزرار، ولو أنت موصل دونجل البلوتوث الذراع بيتعرف عليه تلقائي
وتقدر بعد كدا تشيل الكيبل وتنساه خالص ومتستخدموش إلا عشان الشحن كل فترة
وبالمناسبة البرنامج مش بيحتاج للإنترنت زي برنامج موشن جوي
البرنامج اسمه ScpDriver

**princeboy47** · 21-02-2019, 18:11

شكرا جدا جدا على الإفادة انا كنت بشتري دراع اكس بوكس 360 اللي بسلك من اي مول مشهور بلقى ان الدراع لازم يكون فيه عيب زي ان السلك من جوة بقا يلمس والدراع بيفصل ويشتغل لوحده او ان الانالوج بتاعه خشن جدا
طيب هل ممكن توصيل كذا دراع سوا بدونجل بلوتوث واحد؟؟؟؟؟؟؟؟ هتبقى حاجة ماحصلتش عشان المالتي في بيس 2019

**محمد فاروق غازي** · 21-02-2019, 20:33

العفو
أيوة هينفع إن شاء الله عادي
معاك لحد 4 ذراعات في وقت واحد

**princeboy47** · 21-02-2019, 23:54

طب حاليا دراع الاكس بوكس عندي باظ وانا مش عندي غير دراع بي اس 2 فقط ممكن تقول لي على برنامج كويس يخلي الزراير بتاعته متعرفة بشكل مظبوط؟

**princeboy47** · 22-02-2019, 18:21

كان عندي استفسار كمان هو الدراع الوايرليس اللي هجيبه ايا كان بي اس 4 او 3 الفايبرايشن بيشتغل عليه ولا من غيره؟؟

**محمد فاروق غازي** · 23-02-2019, 00:45

فيه ذارعات بدون فايبراشن وفيه ذراعات فيها فايبراشن، لو جبت ذراع فيه فايبراشن هيشتغل الفايبراشن بتاعه على الكمبيوتر عادي

**princeboy47** · 23-02-2019, 18:16

انا قريت عالنت ان دراع البي اس مالوش native support للويندوز بمعنى ان الزراير بتاعته مش متعرفة صح وبتحتاج برنامج مش زي الاكس بوكس هل البرنامج ده من اللي احيانا بيواجه صعوبة في تعريف الزراير لبعض الألعاب؟

**محمد فاروق غازي** · 23-02-2019, 23:57

أنا وضحتلك في أول رد إنك بمجرد ما تعرف ذراع الـ PS عن طريق البرنامج
الويندوز نفسه والألعاب هتقرأه على إنه ذراع Xbox
والأزرار هتكون معدلة زي أزرار ذراع الـ Xbox بالضبط بشكل تلقائي
ومش هتحتاج تعدل حاجة ولاتظبط أي اعدادات

ودي صورة من جهازي من لعبة PES 2016 بتوضحلك إن اللعبة قرأت الذراع على إنه ذراع Xbox
مع إنه في الواقع ذراع PS3 وليس Xbox
وطبعًا مقصدش الصورة لأنها ثابتة ولكن أقصد الاسم اللي جنب خانة Device

ودي صورة تانية لإعدادات التحكم الخاصة بذراعات Xbox على الويندوز نفسه بدون تشغيل أي لعبة
وبفتحها عن طريق ذر PS الموجود في ذراع PS3 عادي جدًا كأنه ذاراع Xbox
واقدر اسجل فيديو أو آخد لقطة للشاشة أو أفتح الميكرفون أو أي حاجة تانية كأني ماسك ذراع Xbox بالضبط

أتمنى تكون الصورة وضحت.

**princeboy47** · 24-02-2019, 00:17

كدا الصورة وضحت جدا جدا جدا جدا جدا وشكرا جزيلاً

**princeboy47** · 25-02-2019, 00:05

معلش انا جبت دراع اكس بوكس 360 وايرليس وبحاول اوصله بالكمبيوتر عن طريق دونجل بلوتوث 2B لكنه مش بيشوف الدراع خالص..؟

**محمد فاروق غازي** · 25-02-2019, 01:07

الدونجل العادي بيكون في حالة تركيب ذراعات الـ PS
أما ذراعات الـ Xbox الوايرليس فليها قطعة استقبال مخصوصة
بتشيل لحد 4 ذراعات في نفس الوقت ودا شكلها

وخلي بالك في منها أصلي وفيه مضروب

**princeboy47** · 25-02-2019, 23:35

تمام انا بقالي يومين بنزل المول اللي في العتبة ومول البستان بسأل على الريموت ده لفيت ودخت عليه هنا وهناك مالقيتهوش لكن عرفت معلومة ان سعره معدي ال500ج غير الدراع غالي طبعا فا هجيب دراع ps زي ما قلت لي
معلش هتعبك معايا عندي استفسار وانا في المول فيه واحد كان عنده دراعات ps4 مش جديدة للبيع فا طلبت منه يشغلها اعمل منها تست على بلوتوث الموبايل هتلاقيه ولا لأ وجربتها ماا كانش بيلقطه خالص ارجو منك توضيح بس عشان اكون مطمئن للموضوع وهل الموضوع بيحتاج ل ويندوز 10 بالذات ولا ويندوز 7 ينفع؟

**princeboy47** · 26-02-2019, 05:51

وهل اي دراع ممكن يتعرف من خلال البرنامج ده على انه دراع xbox ولا للps فقط؟

**الواد ميشو** · 27-02-2019, 15:33

المشاركة الأصلية كتبت بواسطة princeboy47

معلش انا جبت دراع اكس بوكس 360 وايرليس وبحاول اوصله بالكمبيوتر عن طريق دونجل بلوتوث 2B لكنه مش بيشوف الدراع خالص..؟

معذرة أخي الكريم اذا سمحت ...
حضرتك لم نتبه لما أشار اليه الاخ (غازي) في مقدمة الموضوع..
فهو نبه بأن درعات الـXbox لها طريقة توصيل خاصة وخاصة بالطريقة اللاسلكية..
فكانت الطريقة الاسهل زي ما كر ببرنامج ScpDriver
لكن حاليا وحضرتك اشتريت دراع الــXbox فقطعة الاستقبال دي صعب تلاقيها هنا لوحها الا لو حد متابع جيد للنقطة دي\ أو كنت ممكن تجيب دراع أصلي (وكان متوفر عند البدر) وبتأتي معاه وكان له موديل محدد بس مش فاكره دلوقت
فانت أمامك لو عرفت ترجع الداع وتجيبه من عند البدر أو تشتري قطعة الاستقبال من برا من أمازون مثلا وممكن تدخل في حوالى 300 لو قطعة تقليد انما لو أصلية من مايكروسوفت ممكن تكلف شوية بسيطة
وكما أشار الاخ الفاضل لو هتشغل الدراع بالبلوتوث هيبقى دراع الPS سواء 3 أو 4 لكن دراع عادي مش عارف الصراحة.
واعتقد أنه هيشتغل على أي ويندوز ان شاء الله.

وبالتوفيق ....