احسن دراع تشتريه في مصر

[princeboy47]

شكرا جزيلا على الرد يا استاذ ميشو وقد قمت بارجاع ذراع الاكس بوكس اللي جبته لعدم توفر قطعة الاستقبال واشتريت ذراع بي اس 4 وقمت بعمل الخطوات الواردة في موقع برنامج DS4windows وتم توصيل بالكابل لكني وجدت مشكلة في توصيله بالبلوتوث وكما ذكرت انا عندي دونجل بلوتوث 4.0 من تو بي وحاولت اعمل pairing للدراع بعد ما شغلت اقتران البلوتوث في الدراع باستخدام زر البلايستيشن home مع زر الshare ل3 ثواني وتم اكتشاف الدراع على الكمبيوتر ولكن الكمبيوتر عملية الاقتران كانت بتفشل وبتيجي رسالة pairing failed ولم افهم السبب حتى قمت بالضغط على زر الhome اثناء الاقتران (مع العلم اني لم اضغط اي شي عند محاولة اقترانه بالموبايل) وكان ده بيسيب عملية الاقتران على waiting for pairing ولا يحدث شيء بعدها على الاطلاق وانا لا افهم المشكلة ابدا كانت منين ارجوا الإفادة

[محمد فاروق غازي]

شكرًا للأخ ميشو على مداخلته....وخليني أوضحلك بعض الأمور

أولًا الذراعات الوايرليس الأخرى غير الـ PS بتيجي بقطعة دونجل مخصصة ليها زي الماوسات الوايرليس كدا،
فمش هينفع توصلها على الدونجل العادي ولازم تشغلها عن طريق الدونجل المخصص بتاعها اللي بيجي معاها
أما ذراعات الـ PS ملهاش دونجل مخصوص لأن قطعة الاستقبال بتاعتها مدمجة في جهاز الـ PS نفسه لكن تقدر توصلها ع الكمبيوتر بالدونجل العادي

ثانيًا عشان توصل ذراع الـ PS وايرليس بالكمبيوتر هتحتاج توصله بالكيبل الأول وتوصل دونجل البلوتوث في نفس الوقت
وعن طريق البرنامج اللي قلتلك عليه اللي هو ScpDriver هتعرف الذراع وهيتعرف معاك كيبل ووايرليس كأنه ذراع Xbox بنفس إعداداته زي ما وضحتلك قبل كدا
وبعدها تقدر تشيل الكيبل وتشتغل وايرليس ع الدونجل فقط وتبقى توصل الكيبل في حالة الشحن فقط

[princeboy47]

شكرا جزيلا لحضرتك انا الحقيقة شيلت ويندوز 7 اللي عندي وحطيت ويندوز 10 ومن ساعة ما اتسطب وتم تعريف الدونجل كأنه داخلي من خلال الابديت وتم توصيل الدراع بكابل اولا بعدين شيله ووصلته بالبلوتوث وتم قراءته مع البرنامج بدون اي مشاكل لكن الظاهر ان ويندوز 7 عشان كان معاه تعريف معين للدونجل على اسطوانة صغيرة ما كانش بيقرا الدراع ويعرفه على انه دراع بي اس 4 ويقراه على البرنامج اذن المشكلة كانت في الويندوز ويندوز7 او ممكن عشان الدونجل مش plug and play

[amr010]

وجدير بالذكر وبدل كل اللغبطه دي كنت ممكن تشتري دراع xbox one s او xbox one x مع العلم الاتنين واحد وبيحتوي علي تقنيه البلوتوث وتوصلهم عن طريق دونجل البلوتوث اللي انتا اشتريته وتلعب من غير برامج ولا اي حاجه

ملحوظه
دراع ال xbox one الاصدرار الاولي لا يحتوي علي بلوتوث بل يعتمد علي تقنيه الوايرلس كما في ذراع x360 فلازم دراع xbox one s او xbox one x او النسخه الاحترافيه xbox one elite controller

[نجم الجماهير]

دراع الاكس بوكس افضل بس المشكلة الرسيفر بتاعه غالى شوية انا كنت جايبة زمان و بيعته بس افضل دراع لبعت بيه دلوقتى اشتريت PS4 بس مفتقد جدا راع الاكس بوكس

[amr010]

نجم الجماهير اقراء ردي كويس

دراع

xbox one s او xbox one x بيشتغلو علي اي دونجل بلوتوث 4 عاااااادي سواء تو بي او غيره واللي اسعرهم مش غاليه مش لازم رسيفر والحجات القديمه دي