برجاء المساعدة في شراء شاشة جديدة بدقة 1080 بيكسل

[أهلاوى سوبر]

السلام عليكم
ياريت تساعدوني في إختيار أفضل شاشة حسب المواصفات اللي هكتبها

الإستخدام ://
مشاهدة الفيديوهات و الأفلام بنسبة 80 %
ألعاب بنسبة 20 %
توصيل ريسيفر FULL HD مع الكمبيوتر في نفس الوقت ـ( محتاج يكون فيها 2 منفذ HDMI إن أمكن )ـ
فبالتالي .......... يهمني أكثر دقة وضوح الألوان و زوايا الرؤية الجيدين أكثر من زمن الإستجابة

الميزانية ://
في حدود من 3000 إلى 3500 أو أكثر قليلاً

كارت الشاشة الموجود ://
NVIDIA GTX 1070 8 GB _ GDDR5 _ ASUS ROG STRIX GAMING OC

المواصفات المطلوبة ://

ــ 1 ــ
تكون LED FULL HD 1080P _ 1920 × 1080

ــ 2 ــ
المقاس 24 بوصة ـ( مع ترشيح موديل 27 بوصة بنفس المواصفات و ذكر سعره )ـ

ــ 3 ــ
تكون فلات مش كيرف

ــ 4 ــ
زوايا الرؤية 178 / 178

ــ 5 ــ
معدل التحديث 60hz ـ( و يفضل تكون أعلى قليلاً مثل 75 أو 85 )ـ

ــ 6 ــ
زمن الإستجابة 4ms أو 5ms

ــ 7 ــ
نسبة التباين 1 : 1000 أو أكثر

ــ 8 ــ
الإضاءة 250cd/m أو أكثر

ــ 9 ــ
البانل يكون IPS أو PLS ـ( حسب الترشيحات للأفضل )ـ

ــ 10 ــ
يكون فيها 2 منفذ HDMI ـ( مهم جداً لتوصيل ريسيفر مع الكمبيوتر في نفس الوقت )ـ
و لو الشاشة هتكون بمنفذ إتش دي واحد فقط ماشي طالما بنفس المواصفات
مع وجود منفذ فيجا D-SUB

************************************************** ***********

من حوالي 3 أو 4 سنين كان موجود بعض الموديلات اللي فيها كل المواصفات اللي أنا كاتبها تقريباً
لكن مش عارف موجود منهم حالياً في السوق ولا لأ
و دي الموديلات اللي أقصدها

Samsung S24C750P Series 7 24 Inch LED Monitor

Samsung LS24D590PL 23.6 Inch PLS LED Monitor

Samsung LS24D590PS 24 Inch PLS LED Monitor

Asus VN248H 23.8 Inch 5ms IPS LED Monitor

************************************************** ***********

@@@@@
ياريت ترشيح أفضل كابل HDMI 2.0 موجود في السوق مع ذكر سعره
و ياريت يكون متر و نصف أو 2 متر

آسف جداً للإطالة
و في إنتظار ردكم
و ألف شكر مقدماً

[mohamed elfnan]

........وعليكم السلام..مرحبا اخي الكريم............للاسف بالنسبة الى شاشات ips يكاد السوق المصري يكون خاويا منها اللهم الا ثلاث او اربع شاشات فقط المتوفرين بصرف النظر عن الميزانية المحددة

asus VZ279HE 27 inch IPS Monitor 4500lE
sumsung S24E360HL 24 Inch PLS LED Monitor 2900LE
asus VZ249HE-W 23.8 inch IPS Monitor3250LE

وتستطيع عن طريق هذا الموقع اضافة اسم اي شاشة والمقارنة بين المواصفات كاملةhttps://www.displayspecifications.com/
وتقريبا اسوس 27 بوصة فيها كل المواصفات اللي انت طالبها-طبعا بصرف النظر عن السعر

وبالنسبة الى كابلات hdmi فممكن تسال عليها فى راديوشاك لو عاوز حاجة نظيفة بس حاول مجبش حاجه غالية اوي لانها مش هتفرق معاك على دقة 1080

[أهلاوى سوبر]

أولا انا بشكر حضرتك جدا للرد
ثانيا عندي كام سؤال

1 / لو انا هرفع الميزانية و اجيب مثلا الاسوس ال 27 دي
هل هي كويسة بشكل عام في الالوان و زوايا الرؤية و الاضاءة و كل شئ
ولا فيها مشاكل ظهرت مع حد
تسريب اضاءة مثلا او مشكلة في الالوان او زوايا الرؤية
او اي مشاكل تانية

2 / هي الاسوس دي الريفريش ريت كام هرتز
لان مكتوب في موقع مقارنة الشاشات
من 50 الى 75
هل هي بتكون على وضع افتراضي 50
و بترفع اوتوماتيك الى 75 لو احتاجتهم في الالعاب مثلا
ولا هما اختيارين و انا بختار منهم و اثبته على 75 مثلا

3 / الاسوس دي بتكون ثابتة كويس ولا بتتهز بسهولة
و الحركات بتاعتها اخبارها ايه
يعني بتطلع و تنزل ولا بتتلف بشكل راسي

4 / هل الاسوس تدعم حاجة من التقنيات اللي موجودة من انفيديا و امد
اللي هما جي سينك و فري سينك

5 / ياريت لو حضرتك تقولي على نوع ولا اتنين
لكابل ال HDMI و تفتكر اجيب حاجة في حدود سعر كام مثلا
ممكن 100 ولا 150 مثلا كويس ؟؟؟

بشكرك جدا مرة تانية و في انتظار رد حضرتك
و جزاك الله كل خير يارب

[mohamed elfnan]

.......مرحبا اخي الكريم
بالنسبة للسؤالك الاول هي شاشة ممتازة في الالوان وزوايا الرؤية ولها تقيمات جيدة على امازون وطبعا هناك حظ سيء للبعض فى dead pixel وخلافه ولكن من هنا تاتي اهمية الضمان
السؤال الثاني:بالنسبة الى معدل الانعاش فاعتقد انه deafult 60hrz وهناك شاشات تسمح برفع هذا المعدل الى 75 يدويا ولكن هذه الشاشة تحديدا ليس لدي معلومة مؤكدة لامكانية رفعها الى 75
السؤال الثالث:هي للاسف غير داعمة لحركات الدوران او vesa mountاوالارتفاع والانخفاض(داعمة للامالة فقط) وعايزة سطح ثابت لانها من السهل انها تهتز وطبعا اذا اردت هذه المميزات سوف تضطر
الى التخلي عن بعض المميزات الاخري والدخول فى فئة سعرية مختلفة لانها بتكون غالبا فى شاشات الالعاب او شاشات المكاتب
السؤال الرابع:هذه الشاشة غير داعمة لتقنيات فري او جي سنك لانها ليست شاشة العاب
السؤال الخامس:فيه نوع اسمة hamma انا كنت شاريه من خمس سنين من راديو شاك وكان سعرة 120(طبعا حاليا الاسعار اختلفت فلازم تنزل تسال على الانواع والاسعار)

[أهلاوى سوبر]

تمام
طيب اعرف ازاي لو فيها ديد بيكسل او تسريب اضاءة
و انا بشوفها في المحل
و ايه تقييمك لشاشات اسوس عموما
و هل في شاشات من شركات تانية
سامسونج .. ال جي .. ديل .. بينكيو ..الخ
بنفس المواصفات و قريبة من دي
ولا مفيش غير دي في السوق

[mohamed elfnan]

تمام
طيب اعرف ازاي لو فيها ديد بيكسل او تسريب اضاءة
و انا بشوفها في المحل
و ايه تقييمك لشاشات اسوس عموما
و هل في شاشات من شركات تانية
سامسونج .. ال جي .. ديل .. بينكيو ..الخ
بنفس المواصفات و قريبة من دي
ولا مفيش غير دي في السوق

........طبعا صعب جدا تكتشف العيوب-لاقدر الله- فى المحل...انت بتشتري الشاشة عادي وتفحصها فحص ظاهري فى المحل(التاكد مثلا انها مش مخبوطة-وجود الكابلات المرفقة)
اما فحص الالوان والاضاءة وخلافه فدا بتعمله فى البيت ولو فيه مشكلة بترجع الشاشة عادي(الاستفادة من الضمان).......عموما منتجات شركة اسوس ممتازة وانا ليا تجربة شخصية مع هذه الشاشةvs248hr
وانا اجيبك من خلالها.
طبعا للاسف كما اشرت سابقا السوق المصري خاوي فعلشان تلاقي شاشة ips من شركات اخري صعب الا اذا قررت التخلي عن فكرة بانل ips.......عموما هناك شاشة اخري من شركة dell
وهيP2419H وهي ايضا شاشة ممتازة لكنها شاشة اعمال(ليست موجهة بشكل اساسي للالعاب) وتستطيع التعرف على كامل المواصفات من خلال الموقع السابق الاشارة اليه.

[أهلاوى سوبر]

أثناء بحثي عن الشاشة الأسوس
اللي حضرتك رشحتها لي
إكتشفت إن في كذا موديل متشابهين في الأسماء و المواصفات
بإختلافات بسيطة تكمن في منافذ التوصيل و إن فيها نفسها سماعات

VZ279H
2 منفذ hdmi و 1 منفذ vga و 1 منفذ audio in و فيها سماعات

VZ279Q
نفس اللي فاتت لكن 1 منفذ فقط hdmi و 1 منفذ vga و 1 منفذ display port و فيها سماعات

VZ279N
1 منفذ hdmi و 1 منفذ vga و 1 منفذ dvi و مافيهاش سماعات ولا منفذ صوت

VZ279HE
اللي حضرتك رشحتها لي
2 منفذ hdmi و 1 منفذ vga و مفيهاش سماعات ولا منفذ صوت

طبعا سألت عليهم خصوصاً VZ279H
لكن مالقيتهاش للأسف

و في النهاية الحمد لله إشتريت
ال VZ279HE

هي هي بالظبط اللي من غير حرف E
نفس المنافذ لكن مافيهاش سماعات

و حالياً شغلتها و بحاول أفهم الدنيا إيه فيها
خصوصاً إن فيها عدة أوضاع زي نورمال و جيم مود
و وضع الظلام و الليلي و القراءة و غيرهم
فأنا مش فاهم أوي

و في عندي سؤال
أنا حالياً لغيت الكارت الـ GTX 1070
و رجعت للكارت القديم اللي كان معايا
Ati Radeon HD 5450 _ 2 GB _ GDDR3

جيت شغلت بيس 2017
دقة الجهاز 1920 في 1080
لكن دقة إعدادات البيس على 1280 في 720 و الأبعاد 16 إلى 9
لقيت اللعبة بتعمل لاج و تقطيعة سريعة كدة من وقت للتاني
جربت دقة أقل شوية على نفس الأبعاد 16 الى 9
بمقاسات 1152 في 648 التقطيع خف شوية أه لكن ماختفاش تماماً برضو

و الشاشة على وضع نورمال مود

عندي سؤالين
هل ممكن تكون الشاشة السبب لأنها زمن إستجابة 5 مش 1 زي شاشات الألعاب
ولا علشان أنا مش مختار وضع جيم مود
و هل أصلاً وضع جيم مود ده بيساعد في عدم التقطيع في الألعاب
ولا مجرد تغيير في الإضاءة و الألوان لأن ده اللي لاحظته فقط
و أنا بقلب في الأوضاع

ولا كل اللي فات ده فيما يخص الشاشة مالهوش علاقة بالتقطيع أصلاً

و السبب الرئيسي هو ضعف كارت الشاشة
الـ ATI 5450
لما عليت دقة اللعبة
هو أصلاً كنت مشغله على شاشة قديمة الصندوق
كان أقصى ريزولوشن قدامي في الشاشة 1024 في 768
و كنت مخلي اللعبة على 800 في 600 أحياناً بأبعاد 3 إلى 4

أنا كل اللي عايزه أطمن إن الشاشة كويسة
في جزئية الألعاب حتى و هي زمن إستجابتها 5
تكون مقبولة نسبياً و مايكونش التقطيع بسببها هي

معلهش بقى أنا عارف إني طولت أوي
و كأني كاتب قصيدة
بس خلاص جبت الشاشة إمبارح
و عايز أطمن مش أكتر علشان مش عايز أحس بأي ندم
إني تخليت عن شاشات الألعاب

عايز أحس إني إخترت حاجة حسب إستخدامي إختيار صح
أو بالمعنى الأصح
عايز أتاكد إن أي نعم الشاشة دي هي و الشاشات اللي مش مخصصة للألعاب
مش هتكون في نفس الكفاءة في الألعاب زي شاشات المخصصة لها أه
لكن برضو يكون أداءها و هى زمن إستجابتها 5 أداء معقول و مقبول جداً
و بعدين ده التجربة في لعبة بيس 2017
يعنى حتى مش لعبة من الألعاب التقيلة في الجرافيك
و كدة كدة بإذن الله هجيب كارت شاشة إقتصادي أه
لكن أقوى من الـ ATI 5450
هجيب مثلاً مستعمل 750 Ti أو 760 أو 770
لأني مابقاش معايا الـ 1070 بعته و جبت الشاشة
عارف إنها حاجة غريبة
لكن زي ماقولت يهمني إستخدامي نت و أفلام أكتر من ألعاب
فا بالتالي كارت مستعمل من اللي قولت عليهم مع شاشة نضيفة هيأدوا الغرض

بعتذر جداً جداً على كتر الكلام
و ألف مليون شكر يا غالي

[abdalhaliem]

ياراجل ياطيب

من 1070 ألى 5450

؟؟؟؟؟؟؟؟

ده كويس أن الجهاز قبل أنه يكمل معاك أساساا

هذا الكارت ( 5450 )

مجرد أطلاق صفه كارت عليه

تعتبر جريمه وتجاوزاا بحق الكروت جميعاا





مبروك عليك الشاشه يااخى

ولاتوجد مشكله بها

سبب المشاكل التى ذكرتها

هو وحش الشاشه ( 5450 )


ياراجل أخلص منه وهات أى حاجه

أى حاجه ستكون أفضل منه بالتأكيد

بالتوفيق دائما

[أهلاوى سوبر]

ياراجل ياطيب

من 1070 ألى 5450

؟؟؟؟؟؟؟؟

ده كويس أن الجهاز قبل أنه يكمل معاك أساساا

هذا الكارت ( 5450 )

مجرد أطلاق صفه كارت عليه

تعتبر جريمه وتجاوزاا بحق الكروت جميعاا





مبروك عليك الشاشه يااخى

ولاتوجد مشكله بها

سبب المشاكل التى ذكرتها

هو وحش الشاشه ( 5450 )


ياراجل أخلص منه وهات أى حاجه

أى حاجه ستكون أفضل منه بالتأكيد

بالتوفيق دائما

أستاذنا الغالي
و الله العظيم فرحت أول ما حضرتك نورت الموضوع
و الحمد لله إنك طمنتني من ناحية الشاشة

هو الحقيقة انا زعلان طبعا انى فرطت فى ال 1070 و كنت لسة جايبه مستعمل من كام يوم اصلا
لكان زى ما تقول كدة غيرت رايي و اجلته في سبيل انى محتاج شاشة كويسة اكتر منه في الوقت الحالي
خصوصا ان الشاشة القديمة اللي عندي الصندوق خلاص قرفتني جدا و كتر ألف خيرها لغاية كدة بقالها معايا حوالي 11 سنة

أنا بس محتاج أعرف حاجتين صغيرين

هل الشاشات اللي زي دي مش مخصصة للالعاب عموما بتكون سيئة بدرجة كبيرة في الالعاب علشان يعنى سرعة استجابة 5 و الهرتز 60 فقط
ولا اداءها معقول و ما بتسببش فى اى لاج فى اى لعبة ـ( فى اعتبار طبعا وجود كروت شاشة قوية )ـ

و بالنسبة لوضع جيم مود هل بيكون افضل للالعاب من ناحية انه بيظبط سرعة الاستجابة اكتر من الاوضاع التانية
ولا زيه زي باقي الاوضاع ـ( اللي لاحظته و انا بقلب بينهم كلهم تغييرات في الالوان و الاضاءة فقط )ـ

[abdalhaliem]

أستاذنا الغالي
و الله العظيم فرحت أول ما حضرتك نورت الموضوع
و الحمد لله إنك طمنتني من ناحية الشاشة

ربنا يفرح قلبك

والنور نورك أخى الكريم

أنا شوفت الأخ محمد

الفنان بتاعنا كلنا

( جزاه الله خيراا )

قايم بالواجب وزياده

فأدبياا

كنت أدخل أقرأ الردود وأخرج ثانيه

لأنه ليس هناك مايجب التعقيب عليه

هو الحقيقة انا زعلان طبعا انى فرطت فى ال 1070 و كنت لسة جايبه مستعمل من كام يوم اصلا
لكان زى ما تقول كدة غيرت رايي و اجلته في سبيل انى محتاج شاشة كويسة اكتر منه في الوقت الحالي
خصوصا ان الشاشة القديمة اللي عندي الصندوق خلاص قرفتني جدا و كتر ألف خيرها لغاية كدة بقالها معايا حوالي 11 سنة

أوعى تزعل على أى شىء

طول مانت طيب حاتبيع وتشترى

( ياما بعنا وأشترينا ودقت على الراس طبول )

هل الشاشات اللي زي دي مش مخصصة للالعاب عموما بتكون سيئة بدرجة كبيرة في الالعاب علشان يعنى سرعة استجابة 5 و الهرتز 60 فقط
ولا اداءها معقول و ما بتسببش فى اى لاج فى اى لعبة ـ( فى اعتبار طبعا وجود كروت شاشة قوية )ـ

يااخى الكريم

شاشات الألعاب الأحترافيه ثمنها مرتفع جدا

( أضعاف أضعاف تلك الشاشه )

وتلك الشاشات ستؤدى معك بصوره جيده

فأغلبنا يعمل بشاشات 60 هيرتز

و بالنسبة لوضع جيم مود هل بيكون افضل للالعاب من ناحية انه بيظبط سرعة الاستجابة اكتر من الاوضاع التانية
ولا زيه زي باقي الاوضاع ـ( اللي لاحظته و انا بقلب بينهم كلهم تغييرات في الالوان و الاضاءة فقط )ـ

أسمها ينم عن وظيفتها

فهى تجعل الشاشه

تعمل بكل أمكانياتها على وضع الألعاب

أنما كما ذكرت أنت

كل شىء

وله ثمن وحدود


مبروك أخى الكريم

وبأذن الله نبارك لك

على كارت شاشه محترم


بالتوفيق دائما

[أهلاوى سوبر]

الله يبارك فيك يارب
حضرتك و الاستاذ محمد
ألف مليون شكر ليكم
و جزاكم الله كل خير دايما

[mohamed elfnan]

أنا شوفت الأخ محمد

الفنان بتاعنا كلنا

( جزاه الله خيراا )

قايم بالواجب وزياده

فأدبياا

كنت أدخل أقرأ الردود وأخرج ثانيه

لأنه ليس هناك مايجب التعقيب عليه

........استاذنا القدير..لقد اخجلتني تواضعا بكلامك العذب هذا......
جزاك الله خير الجزاء عما تقوم به من انارة العقول بعلمك وخبرتك..والله وحده يعلم كم تكون سعادتي وانا اتجول داخل مواضيع المنتدي المختلفة القديم منها والجديد لانهل من علمكم الغزير...خالص تحياتي لك

[mohamed elfnan]

الله يبارك فيك يارب
حضرتك و الاستاذ محمد
ألف مليون شكر ليكم
و جزاكم الله كل خير دايما

..........الشكر لله اخي الكريم.. ومبارك عليك الشاشة وتعيش وتتهنا بيها.........عندي بس تعقيب بسيط بخصوص وضع gamemode هو صحيح بيعدل فى الالوان والاضاءة فقط انما بيجعل الالعاب
تخرج فى ابهي صورة ليها وهتحس بفرق كبير فى الالوان وخاصة انو شاشتك ips يعني الالوان هتكون اكثر تشبعا وممكن تلاقيASUS Smart Contrast Ratio معمول off في قائمة gamemod
فانت هتخليها on لانو هيزيد من تشبع وجمال الالوان فى الالعاب.............بالتوفيق