وعليكم السلام اخي الكريم
قم باقتناء بطاقة GTX 1660TI وخصوصًا النسخة MSI GAMING X او ASUS ROG STRIX OC
سعر البطاقة يتراوح ما بين 6500 الى 7000 وافضل من GTX 1070 في استهلاك الطاقة و الاداء تتفوق ببضع اطارات عنه ايضا
السلام عليكم و رحمة الله وبركاته
القصة و ما فيها ان من وقت ما كروت ال gtx 1xxx ما كانوا اعلنوا عنها و انا كنت مبهور جدا بال 1070 جدا و بالذات بالنسبة لسعره الي كان المفروض ينزل بيه و بيعت جهاز قديم عندي لإن الجهاز الجديد مكنش فيه كارت جبته لسا و الحمد لله بعد ما بعت الجهاز القديم بالسعر الرخيص بأسبوع الدولار حصل فيه الي حصل و الكارت نزل بحوالي 8 او 9 الاف جنيه اول ما نزل و بعدين غلي اكتر
و ساعتها اضطريت استخدم كارت ال R9 270x و الكارت اتحرق للأسف حاليا 😂
فبإذن الله انا مقبل علي شراء كارت ال 1070 هل دي خطوة كويسة و لا فيه اي حاجة حاليا تبقي افضل حضارتكوا تنصحوني بيها خصوصا اني بقالي مدة كبيرة جدا مش متابع بسبب الثانوية اخر حاجة اعرفها انهم كانوا هيعلنوا عن ال Volta architectureو اتفاجأت امبارح بكروت ال 20x0 super 😂
امكانيات الجهاز : Gigabyte GA H81m-s2pt
Core I5 4440
8gb ram ripjaw
WD 2 Tb green
Cooler master extreme 320 و هغيره بإذن الله لإن غالبا هو الي حرقلي الكارت القديم باور غير مستقر نهائيا
و متأسف للإطالة
وعليكم السلام اخي الكريم
قم باقتناء بطاقة GTX 1660TI وخصوصًا النسخة MSI GAMING X او ASUS ROG STRIX OC
سعر البطاقة يتراوح ما بين 6500 الى 7000 وافضل من GTX 1070 في استهلاك الطاقة و الاداء تتفوق ببضع اطارات عنه ايضا
اللهم اغفر لسيد سعيد جنيدي ذنوبه وتجاوز عن سيّئاته و ارحمه برحمتك الواسعة
برجاء الدعاء لاستاذي / سيد سعيد جنيدي بالرحمة والمغفرة
مرحبا أخى الكريم
عليك أن تذكر ميزانيتك أولا
بالتوفيق
فعلا انا اسف نسيت اذكر حاجة زي كده بإذن الله الميزانية هتكون في حوالي 5 او 5 و نص الف و اني لو كنت هجيب ال 1070 فكنت هجيبه مستعمل مش جديد
نصيحه أخى الكريم
لاتدفع تلك النقود بشىء مستعمل
فهو به نسبه مخاطره وحظ
لكل مقدم على التعامل بالمستعمل
فأنت لاتعلم كيف كان الأستخدام السابق للكارت
سيظل الجديد جديدا
ناهيك عن المعماريه الأحدث
أذا كنت مكانك
سأحاول جاهداا زياده الميزانيه قليلاا
والذهاب مع
GeForce GTX 1660 Ti GAMING X 6GB GDDR6
بحوالى 6450
من هنا
بالتوفيق
انا متشكر جدا لحضرتك بس فعلا المشكلة صعبة جدا في الجديد لإن هيبقي اقل حاجة زي ما حضرتك وضحت ال 1660ti لإن ال 1070 الجديد كمان اغلي لإما هتضطر انزل لل 1060 بسعر اقل مفيش حاجة في النص للإسف و انا لقيت ال 1070 في مول النسخة ال msi gaming x ب 4900 جنيه كمان فعشان كده متردد جدا و محتار لإن انا بردو مش من محبين المستعمل
الشكر لله أخى الكريم
تريث قليلاا
لتضع نقودك بمكانها الصحيح
بالتوفيق
المفضلات