السلام عليكمTP-Link Archer VR600
من فضلكم انا طلبت الراوتر
من جوميا و بعدين شوفت ناس ع الانترنت بتقول انه بيسخن و مدى الواى فاى ضعيف و اكتر من حد ذكر انه باظ بسرعة بمعنى انه بدأ يخرف و أحيان الواى فاى مش بيظهر أصلا للأجهزة
فهل الكلام ده صحيح ؟
ياريت الخبراء يفيدونا و اذا كان حد معاه الراوتر ياريت يحكى لنا تجربته و المدة اللى استخدم فيها الراوتر
و ياريت ترشحوا راوتر تانى يشتغل مع كل الشركات vdsl اذا ده مش كويس فعلاً
يكون مستقر و مناسب للألعاب بالنسبة للبنج
لحد 1500 جنيه
ارجوا سرعة الرد علشان مستلمش الراوتر لو كانت اجابتكم انه مش حلو او رشحتوا راوتر أفضل فى حدود السعر المذكور
متشكر جداً
التعديل الأخير تم بواسطة noor_elkamar ; 24-09-2019 الساعة 23:11
أخي الكريم انا شغال بنفس الراوتر دا بقالي حوالي اكتر من شهرين ومحصلش منه اي مشكلة لحد دلوقتي ومش بيتقفل خالص الا لو الكهربا قطعت
بس بخصوص مدي الواي فاي بصراحة مش بستخدم الواي فاي بتاعه انا عندي اكسس تاني مداه كويس فشغال بيه للوايرليس بدال الموجود فى الراوتر
وخلي بالك اي راوتر بيسخن طالاما شغال على طول بس السخونيه شايفها عاديه مش لدرجة اني اقول ان الراوتر دا بيسخن جامد مثلا
ربنا يجازيك خير أخى الكريمالمشاركة الأصلية كتبت بواسطة Black_Spy
طيب هل لاحظت فرق فى البنج فى الألعاب عن اى راوتر تانى حضرتك استخدمته ؟ لو حضرتك بتلعب اونلاين
لانى قلقان م النقطة دى الحقيقة بما انى بحب ألعاب الاونلاين
انا عارف ان الراوتر ملهوش علاقة بالبنج بس فيه حد كان كاتب ان البنج بتاعه كان أفضل بشكل ملحوظ قبل استخدامه للراوتر ده و ده اللى قلقنى
و هل مستقر معاك. بمعنى انه بيستقبل ال adsl كويس وللا اوقات بيفصل النت ؟
جزاك الله خيراً
عذرا أخي الكريم على التأخير فى الرد
للاسف انا مش بلعب العاب اونلاين وبالتالي مش هقدر افيدك بخصوص موضوع البنج
بس الراوتر ما شاء الله مستقر معايا تماما ونادرا لما اعمله ريستارت يعني حسب مانا شايف الراوتر معايا ما شاء الله ممتاز
وبشكل عام الراوتر دا هيكون أفضل بمراحل من الراوتر اللى بتاخده من الشركة
كنت لسه حكتب موضوع اسأل فيه عن الراوتر ده ... ياريت تقولى لو كنت اشتريته عامل ايه معاك والبنج كام معاك ... وياريت كل الى عنده الراوتر ده يقول رأيه فيه ... وهل يدعم خاصية control bandwidth
ضوابط المشاركة
رد مع اقتباس
المفضلات