إزاى أتعامل مع هارد فيه "قطاعات تالفة"؟ وبرضه إزاى أركب RAM جديد؟

[Hossam Mokhtar]

السلام عليكم. عندى سؤالين أساسيين:

1- إزاى أتعامل مع هارد داخلى فيه "قطاعات تالفة"؟ انا كان عندى جهاز كمبيوتر قديم، الهارد الرئيسى بتاعه لقيته مش شغال تمام، المهم بعد الفحص لقيته فيه قطاعات تالفة بنسبة 1 أو 2% تقريباً مش فاكر، انا كده كده كنت ناوى أشترى جهاز جديد فقلت بدل ما أوجع دماغى فى التصليح أو الإهتمام حتى بالموضوع، أركنه على جنب وأشترى الجديد. دلوقتى بقى انا محتاج قطع غيار منه أستفيد بيها لو أمكن لأنه من الأخر محدش عايز يشتريه. قريت قبل كده إن ممكن فيه برامج بتجنب الهارد إنه يتعامل مع القطاعات التالفة دى، لأنه طبعاً عامة صعب إصلاحها. وسؤالى هنا: إيه هى البرامج دى؟ وممكن طريقة إستخدامها؟ انا كده كده ناوى أخزن عليه حاجات مش مهمة أوى، فلو باظ حتى مش هتبقى نهاية العالم يعنى. بس هيبقى وجوده أحسن من عدمه.

2- عايز أخد برضه من الجهاز القديم الرامات بتاعته، انا معنديش خبرة عامة فى الحاجات دى، بس متهيألى ده شىء سهل أى مستخدم عادى ممكن يعمله.. شيل الرامات من الجهاز القديم وركبها فى الجديد.. بس برضه لو أمكن فيه شرح أو أى نصايح أكون شاكر أوى! تانى حاجة هل هتفرق لو أنواع الرامات دى مختلفة عن نوع الرامات اللى فى الجهاز الحالى (الجديد)؟

ملحوظة: انا قبل ما أكتب الموضوع بصيت فى المواضيع المثبتة واللى هى فيها أجوبة على سؤالى الأول بالتحديد، بس للأسف المواضيع مكانتش بتفتح، كان بيدينى رسالة "Server Not Found".. بعد ما كتبت الموضوع بتاعى لقيت طريقة أفتح بيها المواضيع المثبتة، "وبالتحديد أهم مواضيع القسم.." متهيألى دى هتغطى سؤالى الأول(؟) ولا فيه شروحات وبرامج جديدة؟ لأن تاريخ أحد المواضيع يرجع لـ 2012! تانى حاجة أتمنى إصلاح عناوين المواضيع دى كالأتى: الرابط الأول لا يعمل، التانى يعمل! (تبديل HTTP لـ HTTPS و برضه .net بدل .com هو المفروض يحول تلقائياً بس مبيحولش، ده لما بدوس كليك يمين وأحاول أفتح فى New Tab. لو حاولت أفتح فى نفس الويندوز/التاب، الرابط بيفتح فى تاب جديد بس بنفس الموضوع اللى انا بحاول أفتح منه https://arabhardware.net/forum/showthread.php?t=445492

https://arabhardware.com/forum/showthread.php?t=280072
https://arabhardware.net/forum/showthread.php?t=280072

[abdalhaliem]

وعليكم السلام ورحمه الله وبركاته

بالنسبه للهارد

طالما القطاعات التالفه

لاتتعدى 2%

كما ذكرت أعلاه

فيمكن تحييد الجزء المصاب

كما بالموضوع المشار أليه أعلاه

أو تجربه أصلاحه

بعد متابعه هذا الموضوع أيضا

https://arabhardware.net/forum/showthread.php?t=472789

وبالنسبه للرام

لابد أن تذكر نوع اللوحه الام

أو مودبل الرام الذى لديك تحديدا

أو قم بأرفاق الكود المكتوب على الرام هنا

وماهو الجهاز الجديد الذى تنوى شراؤه

( موديل اللوحه الأم أو المعالج على الأقل )

على كل حال تركيب الرام سهل جدا

تابع هذا الفيدبو





بالتوفيق

[Hossam Mokhtar]

شكراً ع الرد! انا بعتذر عن صياغتى للموضوع كانت غريبة شوية تلخبط أى حد! انا شارى الجهاز الجديد بالفعل بقالى سنة، ع العموم انا فكيت الهارد والرام من الجهاز القديم.. وهركبهم فى الجديد أهو بعد اما أعرف رأيك.. متهيألى اللوحة الأم تقبل لأن فيها أربع مخارج للـ RAM زى ما موضح فى الصور المرفقة.. وكذلك الهارد عادى هوصله..

دى مواصفات الجهاز الحالى:
RAM
CPU
Motherboard

الـ RAM من الجهاز القديم:
https://i.ibb.co/pWRvpMS/Old-RAM.jpg

[abdalhaliem]

أنظر أخى الكريم

دائما أرفاق أسم موديل القطعه كاملا

أو إرفاق رابط مباشر له

أفضل بكثير من أرفاق صور لبرامج معينه

على كل حال رامتك القديمه ddr3

كما هى الحال مع الرام التى بجهازك

القصه هى التأكد

من عدم تعارض الرامتين عندما يعملان معا

لابد من التأكد من تطابق القيم

من خلال برنامج cpuz

ومن تبويب

Memory / SPD

أرفق صورتان لكل رامه على حدة

أى قم بتصوير الرامه التى لديك من خلال البرنامج المذكور

ثم تقوم بأزالتها

وتقوم بتركيب الأخرى

وتصويرها أيضا

بالتوفيق

[Hossam Mokhtar]

دى بيانات الرامتين من الجهاز الجديد من خلال برنامج CPU-Z
تبويب Memory
تبويب SPD
https://i.ibb.co/thVjcZc/Current-RAM-SPD1.jpg
https://i.ibb.co/5nhkBrx/Current-RAM-SPD2.jpg

بالنسبة للرام من الجهاز القديم، حاولت أركبه فى الجهاز الجديد وحصلت مشاكل: أولاً إدالى صوت "بيب"، قلت أكيد مش متوصل صح أو بإحكام يعنى (طبعاً الويندوز مفتحش أصلاً!)، حاولت معاه تانى معملش أى حاجة خالص، ولا بيب ولا الويندوز رضى يبدأ برضه. جيت أوصل بقية الوصلات ومع توصيل كابل السماعات بالذات لقيت المروحة بتلف بطريقة غريبة (شغالة بكل قوتها) وفضل يعمل صوت عالى عمرى ما سمعته قبل كده انا إفتكرت الكمبيوتر هينفجر ولا حاجة :-) .. المهم قلت أجرب أخد البيانات اللى انت طلبتها من الجهاز القديم..

بيانات الرام القديم من الجهاز القديم:
Memory
SPD

مش عارف بقى كده إيه الحكاية، معنى كده إن اللوحة الأم مش قابلاه ولا إيه؟ انا جربت حوالى 5 6 مرات وإتأكدت إنه متوصل بإحكام لغاية ما سمعت صوت الحاجات اللى بتمسكه من كل ناحية وهى بتقفل! مع العلم إنى كنت بركبه فى مكان مختلف عن مكان الرامتين التانيين.. بس قلت أسألك الأول قبل ما أجرب أركبه فى نفس مكانهم.

[abdalhaliem]

لا ياأخى الكريم

لاداعى للمحاوله

فالتردد والتوقيت مختلفان

أكتفى بالرامتين اللتان لديك

بالتوفيق

[Hossam Mokhtar]

تمام.. جه الدور بقى ع المشكلة الأولانية بتاعت الهارد.. انا هحاول فيها، لو قابلتنى مشاكل هرجع هنا..

[Hossam Mokhtar]

تعديل: انا لقيت طريقة أجمع بيها كل الدرايفز فى درايف واحد، هقولها هنا بإختصار برضه عشان لو المشكلة قابلت حد بعد كده يبقى عارف يعمل إيه. هو غالباً كان رافض لأن الهارد التالت زى ما باين فى الصورة نوعة Simple مش Primary.. هو فيه طرق لتحويله تمهيداً بعد كده لتسهيل عملية الدمج.. بس مش موضوعى لأنى كنت عايز حل سريع.. الحل إن انا أستخدم خاصية الحذف Delete Volume لكل درايف على حدة بإستثناء واحد عشان أعمله بعد كده Extend Volume وألم كل المساحة الغير مخصصة اللى إتوجدت بعد الحذف. انا عملتها من خلال Disk Management من ويندوز، بس ممكن تتعمل برضه من MiniTool

طيب قبل ما أبدأ مع برنامج hdat2 زى ما انت موضح فى الرابط، انا عايز أستخدم برنامج MiniTool Partition Wizard عشان أعمل Wipe وبعد كده Merge لكل الدرايفز فى درايف واحد.. بس المشكلة زى ما انت شايف كده، خيار Merge مش متاح! ولكنه متاح مع الهاردين الداخليين بتوع الجهاز الجديد (الهاردين اللى فوق). عندك فكرة إيه المشكلة هنا وإزاى ممكن أحلها؟

[Hossam Mokhtar]

انا أعصابى تعبت والله وانا بحاول أخلى hdat2 يبدأ يشتغل حتى! كل مرة بحاول أخلى الجهاز يفتح على USB بعد اما بخليها Bootable يقولى Error جربت 3 طرق من ع النت وجربت على فلاشتين.. مفيش أى برنامج تانى مكونش مضطر أشغله بالطريقة دى؟ أقصد أفتحه وأركبه بعد ما الويندوز يبدأ عادى بما إنى عايز أفحص وأصلح هارد مش عليه ويندوز يعنى!!

انا خلاص جبت أخرى من البرنامج ده.. هاخد نفسى شوية وبعد كده هجرب HDD Regenerator

[abdalhaliem]

تستطيع البحث عن أخر أصدار

لأسطوانه الصيانه

DLC BOOT

أو إسطوانه

Dreams Boot

وراجع هذا الموضوع

https://arabhardware.net/forum/showthread.php?t=459866

موفق