وعليكم السلام ورحمه الله وبركاته
الفارق سيكون بحدود من 10% الى 12 %
بالتوفيق
السلام عليكم
كارت rx 570 نسخة 8جيجا سفير نيترو 2900
كارت rx 580 8جيجا نيترو 3800
هل الفرق فى الاداء يستحق فارق السعر؟
انا عارف انى سألت على ادائهم قبل كدة والمفاضلة مابينهم وبين كروت من نفيديا لكن للاسف نفيديا متجاوزة حدود الميزانية فكنت عايز اعرف فارق الاداء بين الاتنين يستحق فارق السعر؟وبالنسبة لخاصية فصل المراوح تلقائى فى حالة الخمول موجود فى الكارتين ولا 580 بس؟
وعليكم السلام ورحمه الله وبركاته
الفارق سيكون بحدود من 10% الى 12 %
بالتوفيق
يعنى ميستحقش فارق السعر
وتوقف المراوح فى حالة الخمول متوفر فى النسختين صح يا باشا؟
والله يستحق من عدمه
هذا ماتحدده أنت
حسب ميزانيتك وأستخدامك
وكارت rx 570
كارت جيد وسيلبى أحتياجاتك
عموماا
لقد سالت عن الفارق وقد ذكرناه
ونعم أخى الكريم
أغلب الكروت الأن بها تلك الخاصيه
بالتوفيق
استاذ عبد الحليم هو مين وكيل كروت sapphire دلوقتى؟
لانى لما نزلت اسأل شوفت حاجات تقلق فى السوق ما بين واحد يقولى الضمان سنة ومعرفش الوكيل مين وواحد يقولى اسماء وكلاء معرفش عنهم حاجة وبين اللى يقولى qds ساب وكالة الكروت دى وبين اللى يقول بأى حال من الاحوال الضمان تلات سنوات وبترجع لى انا خلال المدة دى وانا اللى بتعامل مع الوكيل مع دفع مصاريف الانتقال ان وجد
حسب معلوماتى
وحسب موقع sapphire نفسه
فهو QDS Egypt
وتوجد تليفونات أتصل للتأكد
https://www.sapphiretech.com/en/wheretobuy
بالتوفيق
عرفت ان QDS سابوه وعرفت من البعض ان الوكيل حاليا كومبيو ماجيك ببحث عنهم لم اجد معلومات عن وكيل لكروت الشاشة بهذا الإسم غير لكاميرات او منتجات مازورى
الدنيا باظت !!!
عرفت أزاى أتصلت بالتليفونات التى بالموقع ؟؟
لا ياباشا
محلات اللى قالت الكلام دة بما فيها المحل اللى كنت على وشك الشراء منه
ومن ضمن الكوميديا الساخرة فى الموضوع ان محل بيقولى الكارت 580 ب4000 الوكيل بتاعه مين ياباشا؟يقولى لا معرفش
اومال ضمانه اد إيه ياباشا؟ضمانه سنة
شوفت الجمال؟!!!! قولى بقى لى اروح ارمى 3000 جنيه فى كارت واقعد اعيط عليهم زيهم زى لما لبست فى كارت مستعمل ب2500 والمفترض انى كنت شاريه من تاجر فى المنتدى محل ثقة؟!!!!
اكيد لا
يعنى يوم ماالواحد حتى يدور يشترى حاجة بضمان محلى جديدة عشان يتجنب مقالب المستعمل يلاقى نفسه بيضلل فى أى حاجة من حيث لا يدرى والظاهر كدة ان الوكلاء مشعارفين يستثمروا فى البلد وبيخلعوا
ذكرت لك سابقا
الوكلاء بمصر يختلفون عن الوكلاء خارج مصر
من حيث المعامله والمصداقيه
والخدمه الحقيقيه وعدم أستغلال العملاء
هذا بفرض وجود هذا الوكيل من الأساس !!
ربنا يرحمنا
انا مبقتش عارف اشتريه ولا لا وفى حالة ان البائع بيقولى هكتب لك فى الفاتورة ضمان ثلاث سنوات من تاريخ الشراء اشترى ولا لا
المبلغ بالنسبة لكارت 570 مقارنة بسعر 1660 نفيديا اللى شبه ضعف التمن كويس لكن 3000 جنيه بالنسبة لى مش مبلغ سهل
3000 جنيه بالنسبة لى مش مبلغ سهل
المبلغ مش سهل عند الجميع وليس عندك فقط
أنت فاكر كارت rx580 اللى موظفه جوميا
قالتلك بدون ضمان
هى معاها حق لأنى وصلت للتاجر صاحب الإعلان
بالمصادفه بأشترى
شويه ماوست + كيبوردات أوريجنال
لقيته عنده متبرشم
وقعدت أدردش معاه عرفت أنه صاحب الأعلان
والكارت فعلا جديد لم يستخدم
لكنه تم دخوله بداخل الكونتنر
بصوره غير شرعيه وبدون جمارك
والتاجر حصل عليه عن طريق وكلاء ببلد المنشأ
وبدون أى إلتزام بينه
وبين الشركه المنتجه للكارت
وبالتالى لايستطيع تقديم أى ضمان
ولما سألته عن فتره الضمان
الذى يعطيها مع الكارت
أخبرنى أنه يقوم بتجربه الكارت أمام العميل
ويعطيه فتره ضمان إسبوع
ضد عيوب التصنيع
يتم خلالها الإستبدال إذا إستحق الأمر كذلك
لهذا سعره رخيص نوعا ما
( تحت ال 3000 )
وجوميا ستحصل على النسبه
من الربح المحدد سلفا
جوميا وسوق كالوسيط تماماا
بينك وبين البائع أيا كان هذا البائع
!!!!!!!!!!!!!
لو البائع قالك حاعطيك فتره ضمان 3 سنوات
توكل على الله
وإشترط عليه لو حدث أى شىء خلال فتره الضمان
سيكون هو المسئول امامك
لا استنى عليا بقى
افهم من كلامك انى لو وجدت نسخة 580 بدون ضمان ب3000جنيه جديدة اشتريها ولا اجيب 570 بنفس السعر وهيتكتب لى فترة الضمان على الفاتورة؟
والتاجر دة فى القاهرة ولا فى اسكندرية؟
وليه المشاكل موجودة فى كروت AMD انها بتيجى متهربة؟
لا استنى عليا بقى
افهم من كلامك انى لو وجدت نسخة 580 بدون ضمان ب3000جنيه جديدة اشتريها ولا اجيب 570 بنفس السعر وهيتكتب لى فترة الضمان على الفاتورة؟
هو أولا أنت مقتنع
بضمان ال 570
وعارف مين الوكيل !!؟؟
لم أقل لك أشترى 580
أردت أن أذكر لك
كيف تكون الأمور على سوق وجوميا
وبنفس الوقت
أنت تعلم رأيى
بموضوع الضمان والتوكيل بمصر
لاتوجد خدمه جيده
سواء للضمان أو الوكيل كسائر عباد الله
عندنا بمصر الأمور تختلف
ولا يوجد أحترام للمستهلك
والتاجر دة فى القاهرة ولا فى اسكندرية؟
بقولك بأشترى
شويه ماوسات + كيبوردات
حاجى للقاهره علشان أشتريهم !!
التاجر فى إسكندريه بالطبع
وليه المشاكل موجودة فى كروت AMD انها بتيجى متهربة؟
لاياسيدى
يوجد عنده كروت ل nvidia عديده
التعديل الأخير تم بواسطة abdalhaliem ; 03-01-2020 الساعة 22:05
طب رأيك إيه؟
لو مكانى هتتصرف ازاى
المفضلات