الهاردسك راح وروح معاه (الكثير)

**ليلك** · 02-03-2007, 22:54

السلام عليكم

- قبل شهر اشتريت هاردسك خارجي (توشيبا)..حطيت (بس) الملفات المهمة..برامج كتبتها من سنوات،شغلي خلال سنوات الدراسة،المشاريع،مشروع التخرج،وأهم شي موقع قاعدة أشتغل عليه لجهة معينة..حجم الملفات 5 قيقا بس

سويت فورمات للاب توب..

قبل أسبوع كنت مستعجلة..حاولت أفصله بالطريقة الصحيحة مارضي..سحبته..ما رضي يشتغل بعد كذا..اللمبة حمرا وواضح إنه يحاول يقرا بس الابرة معلقة..

قبل يومين وديته المحل في حراج الكمبيوتر (عليه ضمان) دلوني على واحد (يقدر) يسترجع البيانات..قبل ما أطلع سألته عن السعر عشان ما أتوهق قال لا ماهي شي !!!! أصريت على إنه يعطيني رقم معين لكن أصر مايقول وطلعت..

اليوم رحت جبته، طلب 250 ريال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

بصراحة كنت متوقعة 50 ريال وكنت مستكثرتها خصوصا إني توني متخرجة وقاعدة أدور على شغل وبطبعي مستقلة بذاتي ماديا وماباقي معاي إلا بقايا مكافآت الجامعة>>>أحس إني قاعدة أشحد

حاولت آخذ وأعطي لكن كان معاي واحد من قرايبي وحسيت إني أحرجته شوي..مشيت

رجعت البيت وفتحته..فيه بس 2 ونص قيقا !!!!!!!!!!!!!!!!!!!!!!!!!!!!

الملفات الأكثر أهمية مو موجودة...دقيت عليه وتخانقت معاه وقال بكرا جيبيه وقام يقول كلام كثير من ضمنه (الفلوس ماتهمني) وإنه أكيد الملفات هذي على باد سيكتورز وكلام فاضي..وقام يعيد ويزيد على إنه صلح الهاردسك..مع إنه قال لي من البداية لازم أرجعه المحل وآخذ واحد ثاني يعني قاعد يصلحه عشان المحل مو عشاني..

>>والله انا مو من الناس اللي ينلعب عليهم بس انا الغلطانة كان لازم اخذ ورقة عليها السعر او على الاقل اجرب الهاردسك عنده (على ما اذكر حديث للرسول اللهم صلي وسلم عليه (فيما معناه):البيعان بالخيار مالم يتفرقا..يعني اذا افترق البائع والمشتري خلاص تمت البيعة)

المهم

بكرة ان شاء الله بأروح أشوف ايش عنده + بأرجع الهاردسك المحل وعلى اللي يستخدم هاردسك خارجي مرة ثانية

يعني بكرة بحراج الكمبيوتر فيه عرض لا يفوتكم بس اللي يبغى يتفرج يدفع 5 ريال >>>الين ربي يفرجها وأتوظف

اللي فوق كله فضفضه من القهر اللي فيني..نجي الآن للجد..

كيف أسترجع ملفاتي من الجهاز؟

حملت برنامج recover my files

لكن كثير ملفات تطلع لكن يقول انها corrupt مع ان حجمها مكتوب انه فيها شي يعني مو صفر

مع العلم ان الجهاز شبه فاضي بعد الفورمات يعني ما انكتب شي عليها

اخر شي نصيحة لوجه الله

والله العظيم عندي فلوبيات وسيديات من عام 2002 وياسلام>>>ماشاء الله تبارك الله

اكثر شي يؤلمني الآن ليـــــــــــــــــــــه ماحملت ملفاتي على سيديات او dvd

على الأقل نسخة احتياط

طول عمري أكره التقنية

لكن قدر الله وماشاء فعل

لكن لازم اخذ بالأسباب

**The King2** · 03-03-2007, 07:35

الزمن ما بيعلمشى ببلاش

خد حزرك بعد كدا

وربنا يوفقك و يوفقنا جميعا

**khallodah** · 30-03-2007, 06:41

ليلك
كثير من الهردسكات الخارجية تعطلت واعتقد انه النسبة عالية
يعنى اعتقد ولا ابالغ لو قلت انه النسبة تتعدى ال 50% من الهاردسكات الخارجية تضرب

وفي موضوع إستعادة الملفات كثير منا له قصص فيها
وانا كانت لي تجربتي فيها وفي مدة اكثر من شهر من البحث
طبيت على برنامج راااااااااااااائع من افضل البرامج التي وقعت بين يدي
وانا اعتبره من النوادر التي يجب الإحتفاظ بها والإعلان عنها
والبرنامج ماخذ كثير من الجوائز وغير معروف
البرنامج قوي وجربته في أكثر من حالة وتمت استعادة المعلومات
بنسبة تعدت ال 80%
وهذا رابط التحميل من نفس الشركة المالكة
https://www.pcinspector.de/download....#file_recovery

اسم البرنامج file recovery اول واحد فيهم
البرنامج مجاااااااااااااااني
والجميل انهم حاطين خانة لمن يريد ان يدعمهم ماديا (اختياريا)

برنامج قوي + مجاني الله يوفقهم ويكثرهم

انا ناوي اكتب موضوع عنه في المستقبل القريب في هذا القسم لتعم الفائدة
أهم شي انك ماتكوني عبيتى الهارد مرة ثانية ففي هذه الحالة يصعب استرجاع الملفات بعد إعادة الكتابة عليها

منتظرين النتائج

**ليلك** · 30-03-2007, 22:59

السلام عليكم

بالنسبة للهاردسك أخفيته عشان ما أتحسر كل ماشفته وما استخدمته ومارح أستخدمه بحياتي..والآن البرنامج يتحمل

والله يفرجها

بالنسبة للهاردسك الخارجي بصفة عامة..لاحظت إن المصنوعة جديد وبسعة كبيرة هي اللي فيها مشاكل..أعرف كثير عندهم 80 قيقا من أكثر من سنة ولما قلت لهم على مشكلة الهاردسك تبعي كانت إجابتهم >>> صحيح فيه طريقة معينة لفصل الهاردسك من الجهاز؟؟؟؟؟؟؟؟؟ !!!!!!!!!!!!!!!!!!!!!!!!!!!!!!!!!

لا تعليق..

وانتظر النتائج

والله يسهل يارب