من كلامك احتمال وجود مشكلة في BIOS الخاص بالآجهزة
اذهب لأقرب مركز صيانة وقم بإعادة شحن الـ BIOS
وإن شاء الله تُحل المشكلة
السلام عليكم يا شباب
عندي مشكلة دلوقتي و علي 3 أجهزة في وقت واحد مع العلم ان ال 3 أجهزة واحد منهم بنتيوم 3 و التاني بنتيوم 4 و التالت بنتيوم 4 LGA يعني كل جهاز غير التاني خالص و كمان كل جهاز مشتريه لوحده و فيه فترة طويلة بين كل جهاز و التاني يعني احتمال ان يكون فيه هارد وير بايظ في التلاتة مع بعض ضعيف شوية مشكلتي كالتالي
عند تشغيل الجهاز و بعد الضغط علي زرار البور من الكيس الجهاز يعمل عادي جدا جدا بس الشاشة لا تعمل يعني بتفضل كأنها في وضع استعداد يعني مش بتولع طبعا اتأكدت من الوصلات و كل شئ تمام كمان فكرت العيب من الفيجا يمكن محتاحة تنضيف مع ان جهازين بس هما اللي فيهم كارت فيجا خارجي و التالت بلت ان و برضو مفيش فايدة مع العلم ان التلات أجهزة مش في نفس المكان يعني كل جهاز في منطقة بعيد عن التانية و في الجهاز البنتيوم 3 كهربة الشاشة متاخدة من البور سبلاي أما الاتنين التانيين فواخدين كهربة خارجية للشاشة
جربت افك الرامات و اركبها تاني و برضو مفيش فايدة مع العلم انه الموضوع دة ممكن يحصل لفترة و بردو يختفي لوحده يعني ممكن يومين تلاتة يعمل كدة و بعدين يرجع يشتغل عادي و كدة
يا ريت حد يشوفلي حل عشان أنا خلاص قربت اتجنن
ملحوظة : التلات أجهزة عليهم انتي فيروس و فايروول و انتي سباي وير جهاز عليه نود 32 و جهاز عليه كاسبرسكاي و جهاز مكافي ههههههه يعني عامل تشكيلة عشان اتأكد انه مش فيروس
ااااااااااااااااااااااااااااااااااايه الحل بقي ؟؟؟؟؟؟؟؟؟؟؟
من كلامك احتمال وجود مشكلة في BIOS الخاص بالآجهزة
اذهب لأقرب مركز صيانة وقم بإعادة شحن الـ BIOS
وإن شاء الله تُحل المشكلة
أذكر الله يذكرك
أبو أدهم
شكرا حبيبي علي ردك بس تفتكر دة فيروس ولا ايه أصل احتمال ان البيوس بتاع 3 أجهزة مختلفين تماما في كل شئ و يصابوا مرة واحدة كدة دة صعب شوية ولا ايه
و بعدين هو لازم مركز صيانة عشان يشحن البيوس يعني مش ممكن أنا اعمله فالبيت مع نفسي ولا لأ
و هل جربت الشاشات على أجهزى اخرى؟
هل تسمع صوت البيب الصغير الذى يصدر من الكيس عند بدايه التشغيل
أم لا
ساعات بسمعها و ساعات لأ و كتير بسمع صوت الويندوز و هو بيفتح كمان يبقي ايه ده ؟؟؟
و علي فكرة الشاشات تم تجربتها علي أجهزة أخري و كلها تعمل 100 100
طالما إن الاجهزة موجودة في مكان واحد... هذا يعني إن التيار الكهربائي الواصل لها بمواصفات واحدة، وهو مكمن المشكلة. فالمشكلة كما أراها... ناتجة عن إن معدل الانعاش ( Refresh rate) لشاشات تلك الاجهزة لايتناسب مع التيار الكهربائي للمكان، حيث لاتستطيع الشاشات عرض الصورة بمعدل إنعاش لايتناسب مع التيار الكهربائي.
الحل الشامل يتلخص بالتدقيق على كهرباء المكان أو تزويده بمثبت جهدتتغذى منه الاجهزة. أما الحل السريع فيتلخص بالدخول الى الوضع الآمن وحذف بطاقة العرض وإعادة إقلاع الجهاز الذي سيبادر الى تعريفها... مباشرة بعد ذلك يجب الدخول الى الاعدادات الداخلية لشاشة العرض وإختيار معدل إنعاش منخفض وليكن 60. يمكن التأكد من تناسب هذا الاعداد بأعادة إقلاع الجهاز، وإلا تعاد الكرة من الوضع الآمن ويتم إختيار معدل إنعاش آخر.
النديم
حبيبي انا سبق و قلت الاجهزة التلاتة مش موجودين في مكان واحد يعني كل جهاز في مكان شكل أو بمعني أصح كل جهاز في منطقة شكل يعني التيار الكهربي مش مشكلة و بعدين هدخل ازاي علي السيف مود و اشيل الفيجا و أنا أصلا مش شايف حاجة لأن الشاشة مش بتفتح أصلا منذ بداية التشغيل
إذا كانت الاجهزة الثلاث في مناطق متباعدة، وبالتالي تيارها الكهربائي من مصادر مختلفة... فلاينطبق الحل الذي إقترحته عليكَ من قبل عليها. أما وضع الامان فيمكن الدخول اليه بالضغط المتلاحق على مفتاح F8 قبل بدء الوندوز حتى وإن لم يكن هناك صورة على الشاشة، لكن يجب أن يكون نظام وندوز سليم على الجهاز.
النديم
هذه المشكلة نادراً ما تشمل عدة أجخزة في وقت واحد !!!
في العادة تكون المشكلة إما من كارت الشاشة (يحتاج لتبديل)
أو اللوحة الأم ..
لكن ما تفضلت به غريب ويدع الشك الأغلب يكون للطاقة الكهربائية المغذية كما تفضل الأخ النديم
النقاش البناء لا يفسد الود والمحبة الصادقة
بل يرقى بمستوانا نحو آفاق العلم والمعرفة
- تعرف على شاشات الكمبيوتر وكيفية الإختيار
- تعرف على الفرق بين 64 بت و 32 بت
كتاب / كيف تصنع كل شيء بكاميرتك الديجيتال
أخى الفاضل
جرب الاتى
1 - نزع كابل الباور من الهاردديسك
2 - نزع أى توصيلات الكيسة
3 - جرب وشغل الجهاز إذا فتح فيمكن أن يكون فى أى جزء من التوصيلات التى تم نزعها
الهم ربنا هب عملا صالحا يقربنا اليك
أنا بالفعل عملت كدة و خلعت كل حاجة و ركبتها من أول و جديد و بالفعل اشتغل الجهاز بس أنا نفسي أعرف بقي المشكلة كانت فين بالظبط عشان لو حصلت معايا تاني مش معقول كل شوية هفك الجهاز و اعيد تركيبة من أول و جديد كأني لسة مشتريه فاهمين قصدي ايه ؟؟
يعني ملخص المشكلة انها ظهرت و بعدين اختفت تاني و من غير تغيير أي حاجة فالكمبيوتر يعني نفس الحاجات القديمة زي ما هي و لم يتم تغيير شئ و كمان الكهربة مفهاش مشكلة يبقي العيب كان فين بقي ؟؟؟؟؟؟
فزورة مش كدة اللي يعرف الحل يتصل علي 09000900 و مش هياخد حاجة ههههههههههه مش بقولكم خلاص المشكلة دي هتجنني اديني اتجنيت اهو هههههههههه
السلام عليكم ورحمت الله وبركاته
اخواني كثيراً ما يحصل معي هذ الشيء والسبب الاتربه المتراكمه في الجهاز بسبب المراوح
وعدم التنضيف لفترة طويلة حاول تفك الرامات و بفرشاة ناعمه تنضف الاتربة والانتباه والحذر من ايذاء
القطع
والله اعلم
المفضلات