ماهي افضل تجميعه لجهاز مكتبي بمعالج انتل كور 2 دو

**S@F@RI** · 15-03-2007, 01:00

من اسبوع وانا ابحث في المحلات عن معالجات ومذربوردات حديثه وكذلك رامات حديثه 667 أو 800 ...

وصراحه احترت ودخت وابي رأيكم .. اكثر اهل المحلات نصااابين وغشاشيين وكل واحد يقول الزين عندي ويحاول يقنعني ان مالديه هو الافضل ..!!

انا حاط براسي : معالج انتل كور 2 دو ابو 4 ميجا كاش والرام 1 قيقا قابله للتطور الى 2 جيجا ..

كل اغلب المحلات عنده الرامات DDR2 قديمه حيث الباص 533 وانا أبي الباص 667 أو 800

علماً انها يوجد 1066 و 1100 ولكن هذي تنزل عندنا عام 2050 ميلادي

والاسعار نار ... اقل عرض 3500 بدون شاشه

بالنسبه للمذربورد ... ابغى مذربورد رخيصه لكن بشرط تدعم سرعة المعالج وسرعة الرام

ايضاً ... احترت في الساتا ... فيه ساتا 1 وساتا 2 وساتا 3 لكن ربعنا ماعندهم غير 1 و2

السؤال ... هل هناك بوردات حديثه ورخيصه وماركات معروفه

وايهم الافضل من ABIT-ASROCK-ASUS-DFI-ECS-EPOX-EVGA-FOXCONN-GIGABYTE-INTEL-MSI-TYAN

طبعاُ انا اريد جهاز قوي في الاداء لكن غير مخصص للالعاب والجرافكس ...

كذلك عندي بطاقة الراجحي فيزا الائتمانيه ... ماهي المواقع الامنه والموثوقه اللت ي يمكنني الشراء منها مع خدمة شحن سريعه ...

بالانتظار ...

**azzozy** · 15-03-2007, 11:47

اخوي وين انت ؟ في اي مدينة ؟
اذا كنت في الرياض انا اقول لك عن محلات تبيعك باسعار مناسبة واذا كنت في جدة ايضاً في محلات اسعارهم حلوة مثل pc-time .

**S@F@RI** · 15-03-2007, 12:42

مشكور اخوي على مرورك الطيب ... ياليت كنت بالرياض ... انا بالاحساء ...

والاسبوع الماضي طقيت مشوار للرياض وانطقت كبدي من كمبيوترات حراج العليا ....

كل ماسألت سوري او مصري يقول عندي بروسسر هايل وتووه نازل واذا قلت وش اسمه قال بانتيوم d سرعة 3400

يحسب اني اول مره اسمع بالمعالجات ... اقول عطني اخر سرعة للمعالجات ويقول مابعد نزلت انتظر كمان سنه ,,,

مريت الشدادي والبيسي نت وكل المحلات المجاوره .. ومن صلاة العصر لعد المغرب مالقيت احد يفهمني ....

تقو ل اتكلم لغه هيروغرافيه

**azzozy** · 15-03-2007, 13:03

والله ياخي وضعك صعب شوي .
على كل حال هذي المواصفات بالسعر الي قلت عنه لكن ما ادري من تشتريها في الاحساء .,

المذربورد :
GigaByte GA-965P-DS3
البروسيسر :
Intel Core 2 Duo E6400 BOX
الرام :
2x1 GB DDR2 667
كرت الشاشة :
GeForce 7300 GS
الهاردسك :
SATA2 80GB
ناسخ DVD :
NEC Super Multi
طبعاً كرت الشاشة مايصلح للالعاب اذا كنت هاوي العاب انتظر للشهر القادم واشتري 8600GT
ايضاً اذا اردت استخدام DX10 في ويندوز فيستا انتظر ايضاً حتى نزول كرت 8300 او 8600 .

**RmRm** · 15-03-2007, 13:59

اخوي سو زيي واطلب من النت واترك عنك الاحتيال الي هنا

لكن المعالج متواجد بوفره وخصوصا فئه ***E6
خبري قبل شهر

**S@F@RI** · 15-03-2007, 18:38

مشكورين شباب على المساعده ... وابشركم اليوم لقيت محل عندي بالحساء وكل اللي ابيه موجود عنده ..

المحل طازه توووه فاتح جديد ومنزل كل شيء وشكله توهق ولاحد اشترى منه غيري ..!!! :d

اخذت معالج كورد 2 دو E6600 سرعة 2.4 جيجا الكاش في المستوى الثاني 4 ميجا

المذربورد جيجا بايت 965 نسيت باقي اسمها لكن فيه CS وصراحه حليوه وفكتني من بعض القطع ..

حيث تحتوي على كرت شبكه وكرت شاشه 128 وكرت صوت 128 وتوجد شقوق اضافيه لتركيب كروت اخرى
وتدعم - SATA/ATA

الهاردسك .. ساتا2 160 جيجا

الرام 1 جيجا سرعة 667 وصراحه ما سألت عن أسمها خفت انه يهوون عن البيعه وانا طايح على الضحيح ..!!

قاري وناسخ اسطوانات DVD برضه ماسألته وش اسمه لاني ماحبيت اكثر الهذره وهو اخلاقه شينه ,,,,
الكيس نوعيه حلوه و جيد التهويه ومعه باور سبلاي 500 واط

وكيبورد وماوس وهتفون

ضمان سنه

ابيكم تعطوني توقعاتكم عن السعر ... ابشوف من اللي غلب الثاني انا او هو

طبعاً بدون شاشه وبدون كرت شاشه

**azzozy** · 15-03-2007, 20:15

مبروك عليك الجهاز .
المعالج بـ 1200 والمذربورد بـ 600 .
الرام شريحة واحدة ولا شريحتين ؟
الهاردسك ما ادري بكم الصراحة .
الكيز+الباور = 200 ريال
ناسخ DVD يتراوح السعر من 120 ريال الى 200 .
.

**S@F@RI** · 15-03-2007, 20:35

هلا بمشرفنا عزوزي ...

والله يبارك فيك .. اخيراً اشتريت بعد ما احولت عيوني من موقع امازون وطقته ..!!

صراحه هو قام يجمع ويطرح بالاله الحاسبه وبعدين قال المبلغ كذا ..

على شان كذا انا بنفسي مدري كم اسعارها مفصله ...

وحتى الرام والله ماسألته هي شريحه والا شريحين مع انها في بالي لكن قلت ماعليه بأمكاني اركب 4 رامات

والبلغ حسب حسبتك وصل 1980 ... وباقي الهاردسك والرام

**azzozy** · 15-03-2007, 22:54

طيب نفرض الرام 500 ريال والهارديك 250 ريال يصير المجموع 1980 + 750 = 2730 .

**Mr-QaTari** · 16-03-2007, 00:26

مبرووووووووووك الجهاز الجديد..

يعطيك خيره ويكفيك شره

بس السعر..غريب
اذا المعالج لوحده سعره تقريبا..1100 ريال
وحسابك 1980 يعني تقريبا 880 لمذر بورد ورامات وهار دسك وكيس وبور سبلاي؟؟؟
سعر غير منطقي..

تأكد انك خذت المواصفات الي ذكرتها..مب غاشينك

**Mat-Morir** · 16-03-2007, 04:15

لوتكرمت تذكر أسم المحل

**S@F@RI** · 16-03-2007, 13:32

المشاركة الأصلية كتبت بواسطة azzozy

طيب نفرض الرام 500 ريال والهارديك 250 ريال يصير المجموع 1980 + 750 = 2730 .

هههها يظهر اني ساقط بالرياضيات ... كان مجموع توقعاتك في الرد السابق 2150 وليس 1980

لأني نسيت اضيف الكيس والبارور 200 ريال

يعني صار المجموع = 2930 ريال

------------------

المشاركة الأصلية كتبت بواسطة Mr-QaTari

مبرووووووووووك الجهاز الجديد..

يعطيك خيره ويكفيك شره

المشاركة الأصلية كتبت بواسطة Mr-QaTari

بس السعر..غريب
اذا المعالج لوحده سعره تقريبا..1100 ريال
وحسابك 1980 يعني تقريبا 880 لمذر بورد ورامات وهار دسك وكيس وبور سبلاي؟؟؟
سعر غير منطقي..

تأكد انك خذت المواصفات الي ذكرتها..مب غاشينك

------------------

الله يبارك فيك اخوي ....

الـ 1980 كانت توقع للسعر من الاخ azzozy لكن السعر الحقيقي لسى ماقلته ... وبالنسبه للمعالج اذكر قال لي انه غالي يعني فوق 1200 ريال

وعموماً الجهاز لازال بالمعمل ولم ادفع سوى العربون والجمعه ... المحل مسكر يعني يوم الاحد استلمه ان شاء الله ..

تحياتي

**S@F@RI** · 16-03-2007, 13:40

المشاركة الأصلية كتبت بواسطة badea

لوتكرمت تذكر أسم المحل

بعد ما أسلم الجهاز واتفحص مكوناته واشوف اداءاه ... وبعدها اقولك اسم المحل ...

لأني اخاف انه يتعلم ويحوس علي الجهاز ويشبك الهارد بالفلوبي والسيدي بالمروحه ...

اكثر شيء مقلقني هو اني خايف مايشبكون الاجزاء والمراوح والاتضبط بشكل صحيح مما قد يتسبب بحراره واداء ضعيف مقارنه مواصفاته الجيده !!!!

لأنها قد صارت معي قبل سنتين ... انهم شبكوا الهاردسك سلاف بدلاً من ماستر مما سبب لي بطء في اداءه ولا اكتشفت المشكله الا بعد ما أنتهى الضمان ....