النتائج 1 إلى 13 من 13

الموضوع: للى عاوز ياخد كورس فى اى سنتر

  1. #1
    عضو
    تاريخ التسجيل
    May 2005
    المشاركات
    5
    معدل تقييم المستوى
    0

    للى عاوز ياخد كورس فى اى سنتر



    فى الحقيقة يا جماعة انا اصلا انستركتور وخبرتى تتعدى السنتين بشهور قليلة فى احد سناتر القاهرة اللى اعتقد انها من السناتر الكويسة فى مصر وان كنت انا حاليا مش شغال انستركتور

    واعتقد ان ده يخلي نصايحى الجاية لها ثقل معين

    فى البداية عاوز اقول لكل الناس اللى عاوزة انها تدخل فى مجال ال IT عامة ان المجال ده ليه مميزاته وعيوبه

    اولا مميزاته:

    * انك لو كنت شاطر حتتميز فى هذا المجال وحتظهر ابداعاتك و حتلاقى نفسك فى هذا المجال

    * ان المجال ده مفتوح لجميع التخصصات على عكس المجالات الاخرى التى دائما ما يكون العمل فيها مقيدا بحاملى الشهادات الأكاديمية الخاصة بها

    *ان الدخل (المرتبات يعنى ) فى الوظائف فى مجال التقنية مرتفع عامة

    * ان دماغك حتفضل شغالة علطول وبتفكر دائما فى حلول وده حيخليك مميز عن معظم اللى شغالين فى مهن اخرى (يعنى مثلا انا خريج كلية الهندسة قسم مدنى جامعة القاهرة من حوالى اربع سنوات لما بتناقش مع زملاتى اللى اشتغلوا فى نفس التخصص(المدنى) بلاقى ان دماغهم واقفه(مع انهم مميزين) على عكس اللى معايا فى الشغل وده بسبب ان النمطية هى طبيعة معظم الوظائف ودائما هناك خطوات محفوظة على عكس مجال التقنية )

    * ان المستوى الأخلاقى (الذوقيات يعنى ) اللى بتعاملهم فى الشغل فى هذا المجال غالبا بيكون كويس

    * ان الواسطة فى ايجاد شغل حتلاقيها موجوده طبعا فى هذا المجال ولكن مقيدة بانك لازم تكون كويس اصلا ( مش واحد مش فاهم حاجة يشتغل فى مكان بتاع داتا باز مثلا يضيع الدنيا حتى لو كان ابوه المدير)


    أما عن العيوب فهي:

    *ان التطور فى مجال التقنية سريع جدا فبالتالى لازم تفضل تذاكر علطول والا حتقع بسرعة ومفيش حد حينفعك( يعنى اللى بيفكر انه ياخد شهادة ويذاكرها ويخلصها عشان بعد كدة يستريح ويشتغل يبقى يقابلنى بعد 3 سنين ويحكيلى )

    *ان المنافسة شديدة جدا و دايما بتفضل محطوط على المحك فمفيش لحظة ممكن تاخد نفسك فيها وتقول خلاص انا كدة بقيت فى نظر المدير كويس

    *محتاج فى الغالب ان تكون لغتك الانجليزية ممتازة تحدثا وكتابة وده بيضيف عبء علي اللى مكانوش فى مدارس لغات


    اما اللى اقتنع انه فعلا عاوز يدخل المجال ده و يذوق حلاوة مميزاته ويتجرع مرارة عيوبه

    المفروض يعمل ايه

    اول خطوة لازم يقعد مع اى حد اشتغل فى المجال ده عشان يقدر يوصفله عامة التخصصات و ايه اللى محتاجه كل تخصص من قدرات شخصية على السريع يعنى

    وبعد كده تقدر تحدد نوعا ما انك عاوز تدخل تخصص محدد مثلا (سوفت وير - شبكات - ميكروسوفت) عشان تشتغل فى وظيفة بعد كدة اسمها مهندس نظم

    وبالتالى سيادتك اول حاجة المفروض تفكر فيها هيا انك تاخد شهادة mcse

    ازاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    من الآخر لازم تكون عارف شخصيا واحد اخد الكورس ده قبلك فى سنتر معين مع انستركتور معين ويقولك اذا كان السنتر كويس ولا لأ
    والأهم ان الانستركتور يكون كويس من الناحيتين الاخلاقية ودى مهمة جدا ثم من الناحية العلمية


    طب افرض انك متعرفش حد زى ده تعمل ايه ؟

    يبقى لازم تختار مركز يكون اسمه كبير( ليه فروع داخل مصر وخارج مصر ودى مهمة
    ثم تحجز كورس واحد بس من السبع كورسات بتوع mcse لكى تتأكد من ان الانستركتور كويس وده هو الاهم

    عموما لازم تكون فاهم حاجات مهمه جدا

    - انه مهما كان الانستركتور كويس والسنتر كويس فمش حتقدر تاخد فى الكورس اكتر من 20 %


    - مذاكرتك فى الكتاب بتاع الكورس نفسه اللى لازم تقراه وتفهمه وتطبقه اثناء الفترة اللى بتاخد فيها الكورس عشان تسأل الانستركتور فى اللى انت مش فاهمه فيه , ولو عملت كده حتكون اخدت 30 % من الكورس

    - مذاكرة الاسئلة الخاصة بامتحان ميكروسوفت وليس حفظها و دخول الامتحان وده حيديك حوالى 10 %

    - الباقى حييجى بالخبرة مع الشغل


    فى النهاية لازم تستخير كويس جدا لان مش كل اللى بيعمل اللى انا قلت عليه بينجح فى هذا المجال لان ممكن قدراته تأهله فى مجال آخر يكون افضل من مجال التقنية اصلا وده حصل مع واحد اعرفه شخصيا



    ارجو انى اكون افدتكم لان دى تعتبر اول مشاركة ليا بالرغم من انى عضو من زمان وبدخل على المنتدى باستمرار

  2. #2
    عضو
    تاريخ التسجيل
    Mar 2007
    المشاركات
    125
    الدولة: Egypt
    معدل تقييم المستوى
    0

    رد: للى عاوز ياخد كورس فى اى سنتر

    شكر لك يا أخى على هذه النصائح التى يحتاجها معظم دارسي علوم الحاسب تلك الأيام وإن كان تنفيذ هذا الكلام صعب جداً لمعظم الناس حتى انى أظن إن الشهاده التى كان الوقت اللازم لإخذها هو سنه يمكن الحصول عليها فى شهرين على الأكثر... وهذا يعنى أن الشهاده لم تصبح كافيه تلك الأيام
    شكراً لك مره أخرى ومرحبا بك معنا

  3. #3
    عضو
    تاريخ التسجيل
    Dec 2005
    المشاركات
    725
    الدولة: Canada
    معدل تقييم المستوى
    0

    رد: للى عاوز ياخد كورس فى اى سنتر

    كلام مظبوط 90%
    الباقى و هو 10%
    سارد بها لاحقا
    MCP : 070-270 ------PASS --------16/03/2006 MCP : 070-293 ------PASS --------20/04/2006
    MCP : 070-350 ------PASS --------28/03/2006 MCP : 070-294 ----- PASS --------26/04/2006
    MCP : 070-297 ------PASS --------02/04/2006 MCP : 070-290 ----- PASS --------01/06/2006
    MCSE: 070-291 ------PASS --------10/06/2006 MCT : -------------------------------30/06/2006

  4. #4
    عضو
    تاريخ التسجيل
    Mar 2007
    المشاركات
    120
    معدل تقييم المستوى
    0

    رد: للى عاوز ياخد كورس فى اى سنتر

    أشكرك على هذه المعلومات القيمة .....!Clap

    ولكن بعد MCSE ناخد قرصات ايه تاني ؟؟Down:

    ولا mcse كفاية للشغل الكويس ، أظدي هل دي كفاية عشان تأهلني ولا ايه ؟؟؟

    الواحد محتار فعلا ....(BB)

  5. #5
    عضو
    تاريخ التسجيل
    Mar 2007
    المشاركات
    13
    الدولة: Egypt
    معدل تقييم المستوى
    0

    رد: للى عاوز ياخد كورس فى اى سنتر

    أولآ شكرآ على النصيحة الغالية ديه و اللى نحن مفتقدينها من أنستراكتور كتير
    ثانيآ أنا طمعان فى نصيحة كمان من حضرتك
    أنا ناوى قريب أوى أبتدى كورس CCNA and MCSE بس أنا مش عارف أبتدى مين فيهم الأول يعنى أنا معنديش فكرة عن الشبكات غير نظرى و ليس عملى لأنى معنديش خبرة بالشبكات بس أنا بصراحة حابب المجال ده و نفسى بجد أتعمق فيه أوى أوى لأنى تفكيرى حتى شارد لكيفية التعامل مع ال VPN و كيفية أنشائها بس أكيد أنا عارف أن ده مش هوه الوقت المناسب و لا هى ديه البداية فعشان كده أنا قررت أنى أبتدى بالخطوات الأولى فى مجال الشبكات بس أنا دلوقتى مش عارف أبتدى بأنهى واحدة فيهم الMCSE و لا CCNA و عشان كده بطلب من حضرتك المعونة بما أنك حضرتك أنستراكتور علمآ بأنى كما قلت سابقآ ليس لدى أى تجارب أو خبرة عملية فى هذا المجال لكن كل ما لدى هو معلومات عن الشبكات مثل ال network topologies, TCP/IP concept and each layers, OSI models و هكذا و ذلك لأنى بحب القراءة و بالذات أى شىء متعلق بالشبكات و من فترة أنا كنت حابب أنى أذاكر مع نفسى و نتج عن ذلك أنى أنهيت دراسة semester 1 of ccna لكن لسه ما بدأتش فلباقيين لأعتقادى أن دول من الأجزاء المهمة و يجب فهمهم جيدآ فعشان كده قررت أخد الكورسين دول (MCSE and CCNA) لأنى بجد بحب هذا المجال أوى
    فياريت حضرتك تفيدنى أنى المفروض أبتدى بيه الأول و ياريت حضرتك تفتكر حاجة أنا معنديش خبرة عملية لكن أنا لحبى فى هذا المجال مخلينى حاسس أن سهل التعامل مع الشبكة أو كيفية تركيبها سواء سلكية أو لاسلكية و كيفية ضمان حمايتها و هكذا ...
    أنا أسف عشان صدعتك و على العموم أنا منتظر ردك

  6. #6
    عضو
    تاريخ التسجيل
    May 2005
    المشاركات
    5
    معدل تقييم المستوى
    0

    رد: للى عاوز ياخد كورس فى اى سنتر

    كل اللى عاوز اقولهولك هو انك تحاول تعتمد على نفسك اهم شئ يعنى لازم تاخد الكورس على انه حيوجهلك مذاكرتك اللى انت بدأت فيها
    يعنى اوعى تسلم راية السفينة اللى ركبتها لغيرك عشان تستريح انت وهو يوصلك
    لان ده مش حيحصل
    انت بدأت صح انك ذاكرت واجتهدت يعنى انت اللى بتدير السفينه بتاعتك
    محتاج فوق كدة لواحد مستشار يقوللك تديرها ازاى
    لكن اوعى اول ما تبدأ الكورس تبطل مذاكرتك واجتهادك سواء فى الكورس او فى غيره

  7. #7
    عضو
    تاريخ التسجيل
    May 2005
    المشاركات
    5
    معدل تقييم المستوى
    0

    رد: للى عاوز ياخد كورس فى اى سنتر

    بالنسبة للزميل العمل فى صمت
    طبعا الكورسات مش هى كل حاجة لكن هى البداية
    يعنى انت لو اخدت الكورس وكان عندك شبكة فى البيت وطبقت كل اللى انت بتاخده فى الكورس وذاكرت كويس
    انا شايف ان دى هى البداية الصح لاى واحد لسه داخل فى المجال
    يعنى متحاولش تاخد كورسات كتير قد ماتحاول تنمى نفسك اكتر فى اللى اخدته فعلا

    لكن انت كده تكون عملت اللى عليك والباقى على ربنا

  8. #8
    عضو
    تاريخ التسجيل
    Mar 2007
    المشاركات
    13
    الدولة: Egypt
    معدل تقييم المستوى
    0

    رد: للى عاوز ياخد كورس فى اى سنتر

    أنا متشكر جدآ على أهتمامك بالرد
    و أنا أكيد ناوى أعمل زى ما حضرتك بتقول لأنى بحب الحاجة اللى بعملها أو بدرسها
    و متشكر مرة تانية لردك

  9. #9
    عضو
    تاريخ التسجيل
    Mar 2007
    المشاركات
    120
    معدل تقييم المستوى
    0

    رد: للى عاوز ياخد كورس فى اى سنتر

    اشكر اهتمامك بشدة ..........

    وجزاك الله خيرا ....

  10. #10
    عضو
    تاريخ التسجيل
    May 2005
    المشاركات
    5
    معدل تقييم المستوى
    0

    رد: للى عاوز ياخد كورس فى اى سنتر

    اعتقد ان فيه ناس كتير محتاجة الكلام ده دلوقت

  11. #11
    عضو الصورة الرمزية eng_aamer
    تاريخ التسجيل
    Mar 2008
    المشاركات
    152
    معدل تقييم المستوى
    0

    رد: للى عاوز ياخد كورس فى اى سنتر

    thanks alot sir
    سبحان الله وبحمده
    سبحان الله العظيم

  12. #12
    عضوية جديدة الصورة الرمزية source_source
    تاريخ التسجيل
    Jun 2008
    المشاركات
    31
    معدل تقييم المستوى
    0

    رد: للى عاوز ياخد كورس فى اى سنتر

    شكراااااااا جدا اااااااااااااااا
    على كلامك واكيد اى حد داخل المجال جديد
    محتاج توعيه عشان يعرف المضووع ماشى ازاى بشكل اوضح
    شكرا مره تانيه
    1500 جنيه كورس
    MCSE
    معتمــــد من ميكروسوفت
    للاستعلام ابعتلى رساله خاصه
    او كلمنى 0102995708

  13. #13
    عضو
    تاريخ التسجيل
    May 2005
    المشاركات
    5
    معدل تقييم المستوى
    0

    رد: للى عاوز ياخد كورس فى اى سنتر



    لا شكر على واجب

المواضيع المتشابهه

  1. لو سمحت عاوز اخذ كورس شبكات
    بواسطة waelai251 في المنتدى الأرشيف
    مشاركات: 2
    آخر مشاركة: 27-07-2012, 18:56
  2. حد عاوز ياخد كورس mcse ببلاش ؟؟؟؟؟؟؟؟
    بواسطة ragabof في المنتدى منتدى الشهادات العام
    مشاركات: 25
    آخر مشاركة: 27-09-2011, 10:56
  3. عاوز اخد كورس عند المهندس احمد سرحان
    بواسطة maroo33 في المنتدى منتدى الشهادات العام
    مشاركات: 10
    آخر مشاركة: 15-06-2011, 09:26
  4. عاوز اخد كورس فى الشبكات فى مصر بس شهاه معتمده
    بواسطة زيزوالميزو في المنتدى منتدى الشهادات العام
    مشاركات: 12
    آخر مشاركة: 18-01-2010, 04:17

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •