انا مش فاهم وياريت حد يفهمنى

**romany italiano** · 25-04-2007, 17:22

اولا مساء الخير على جميع اعضاء هذا المنتدى الغالى

انا عايز افهم هى ايه دورة ccna ديه وبندرس فيها ايه وايه اهميتها

وازاى الواحد يعرف ياخد دورة فيها وفين

على العلم انى من مصر وانا اسف لو اسئلتى كتيرة بس انا بجد عايز افهم

علشان انا حاسس ان الدورة ديه مهمة علشان مجال العمل

وشكرا ويارب حد يرد عليا

**sheko334** · 25-04-2007, 17:50

اخى الفاضل بعد التحية
انا هرد فحدود علمى وارجو ان لو جاوبت حاجة غلط تسامحنى عليها انت او اى حد هيشوف ردى
بالنسبة لدورة ccna هى دورة تابعة لشركة سيسكو وهى اول دورة بالنسبة للدورات الخاصة بالشركة دى ...وهى بتعتمد بشكل اساسى على منتجات سيسكو من سويتشات وروترات ودة طبعا بديهى لانها شركة متخصصة بتجهيزات الشبكات فلما هتدى الناس دورات فهتديهم دورات على منتجاتها ( المصلحة الاول طبعا ) ..وبالنسبة للدورة فهى بتديك خلفية عن تجهيزات lan و wan بس بالنسبة للـ wan الدراسة مش متعمقة فيها ومعظم الدراسة بتكون على اعدادات الراوترات والسويتشات ..طبعا انا مش هذكر بالتفصيل ايه هى الدراسة لكن دى فكرة مبسطة....الدورة دى انت بتاخد بعدها شهادة لو نجحت ان شاء الله والشهادة بتكون من سيسكو ..الشهادة دى حاجة كبيرة بس مش كفاية لانها تعتبر اول مرحلة فطريق الاحتراف...يعنى لسة قدامك مشوار طويل...اما بالنسبة لدراستها فانت ممكن نخدها فمركز او ممكن تدرسها لوحدك وتروح تمتحن على طول...يارب اكون اتوفقت فالرد عليك وياريت لو فى اى خطأ فكلامى تسامحنى...وربنا يوفقك ويوفقنا كلنا

**romany italiano** · 25-04-2007, 22:43

اشكرك جزيل الشكر اخى sheko334

بس هى ممكن تفيدنى فى مجال دراستى (هندسة كهربية)ولا اى حد ممكن ياخد دورة ويكمل دراسة فيها وتبقى هى مجال عمله

واعيد شكرى لك مرة اخرى

**المهندس الرائد** · 26-04-2007, 14:33

تخصصك هندسة كهربية ( بور و لا تحكم و لا اتصالات )

غالبا يحرص مهندس الاتصالات على الحصول على شهادات السيسكو ، و طبعا تخصص التحكم بنسبة أقل ..

إذا كان تخصصك بور ، أنصحك تأخذ دورات في مجال تخصصك ، إلا لو أردت أن تعمل في مجال الشبكات و كنت تحب هذا التخصص .. و طبعا تخصص الشبكات مجاله كبير جدا