تحذير الى جميع مستخدمي الرايتر من نوع LiteON !!!!

**DDesigns** · 07-08-2002, 16:32

السلام عليكم

كيف الحال شباب ؟؟

الصراحه انا حبيت احذركم انكم تسوون نفس غلطتي اللي سويتها اليوم.

اول شي كما تعرفون انا قاعد اسوي مقاله عن السيديات فأفضل برنامج متوفر في النيت يقوم بالكشف عن جوده السيديات بدقه خياليه طبعا افضل من نيرو وغيرهم من برامج الكشف وهو برنامج اسمه
WSES

طبعا هذا البرنامج هو للاستخدام للشركه المصنعه فقط يعني ممنوع يتوزع ويستخدمونه الناس العادين على العموم استطعت الحصول على نسخه منه .. طبعا البرنامج ما يشتغل الا على برنامج DOS الكامل يعني لازم تعيد الكمبيوتر بالكامل...

طبعا هذا البرنامج مايشتغل الا على سواقات LiteON فقط واذا استعملته في شيء ثاني راح يخرب السواقه ... طبعا كل شركه عندها WSES خاص لها بس ما توزعه على الناس بس LiteON ما ادري شلون تسرب.

شوفوا صوره من البرنامج هنا
https://www-user.tu-chemnitz.de/~noe...index-eng.html

طبعا انا استخدمت البرنامج لأول مره ومسوي فيها اني فاهم :D :D ..

والله واشتغلت فيه وصراحه برنامج رهيب حيـــــــل اتمنى انه يركب على كل الرايترات يأخي تصدقون الفرق بين الجوده في السيدي بين Verbatim و LG السماء عن الارض. هههه

على العموم قعدت احوس شوي بعدين قلت وش سالفه الاختيارات الكثيره اللي في البرنامج واللي ما ادري ايش معنها ....... واقعد احــــــــــــوس فيها......... بعدين فجأه قمت وعدت الجهاز واشوف الرايتر مولع النور الاحمر وهو معنها انه ينسخ مع انه ما في سيدي حاولت اطفي النور ما قدرت سويت كل شي اعرفه ولا قدرت ..

وقمت جربته في ولقيته يقراء اوكي بس لما جيت انسخ ما رضى ينسخ :confused: :confused:

عرفت بعدها انه في شي صاير.

والله وأروح للمنتدى الانجليزي اللي اكتب فيه واقولهم مشكلتي ..

ورد علي واحد فاهم ( المشرف ) وقال لي مبروك عليك لانك ثالث واحد فينا خرب الرايتر حقه :eek: :eek:

وقال لي لانك اخترت خيار clear EEPROM
وقال ما في الادوات المتوفره اللي تقدر تصلحه فيه حتى لو تسوي Flash ما في فايده....... انا يوم قال لي كذا انصدمت افففففففففففف.

عاد قلت مافي الا ارجعه عليهم واسوي روحي ما افهم شي والله واقط الرايتر عندهم وقعدوا يفحصونه ( وانا بنفسي اقول عسى ما يعرفون اني استخدمت WSES )

والله 10 دقايق وقال لي خلاص هذا الرايتر خربان ما في فايده .

قلت له طيب شلون الحين ما في ضمان ؟؟

قام جاب واحد جديد وقا لي خذ هذا !!!!:rolleyes: :rolleyes:

انا ما صدقت اخذته ورحت البيت على طول ههههههههههههههههه.

وطلع الهنود ما يعرفون شي اسمه WSES

انا حبيت بس احذركم علشان ما تصيرون مثلي ههههههههههه

واللي يبي يتخلص من الرايتر حقه ويبي يأخذ واحد جديد يقول لي علشان اعطيه البرنامج ويخربه ويروح لهم ويبدلونه على الضمان هههههههههههه:D :D

وشكرا............

**shereef** · 07-08-2002, 16:52

:D :D :D :D كويس ان الهنود مش فاهمين

**JB007** · 07-08-2002, 17:05

ماسح الـ BIOS و مسوي فاهم :D ( أمزح )
و لكنك إكتسبت معلومات جديدة و جيد أنك حصلت على سواقة جديدة مجانا.
و إن شاء الله تكون المقالة رائعة

**NFS** · 07-08-2002, 19:48

زين علشان تطلع النتائج أدق

**الذهبي** · 07-08-2002, 22:47

هناك برامج كثيرة تقوم بالفحص وبكل امان ، بإمكانك ان تشتري قرص كامل به عدة برامج من هذه النوع ، بالمناسبة آخر اصدارة من نيرو فيه برنامج فحص .

**Zed Device** · 08-08-2002, 01:29

برنامج فحص Nero غير دقيق لسبب أو لآخر... قمت بعمل اختبار لنفس الجهاز عدة مرات والنتائج كانت متفاوتة بشكل كبير من دون سبب مقنع.... الاختبارات كلها تمت في وضعيات متشابه,,,

**DDesigns** · 08-08-2002, 01:53

بالنسبه للنيرو فا مثل ما قال الاخ Zed فهو ليس دقيق.

وبالنسبه لأفضل برنامج يستطيع الحصول عليه المستخدم العادي هو WSES اللي خرب الرايتر حقي ..

يوجد غيرها ولكنها تكون اجهزه خاصه ومعقده وليست للمستخدم العادي.