السلام عليكم و رحمة الله و بركاته
يشرفنى أن أنضم لكم فى هذا المنتدى الرائع جداً بكل معنى الكلمة
أفادنا الله و إياكم جميعا
فى الحقيقة أنا ناوى إن شاء الله أشترى جهاز جديد فى الأجازة و من البحث فى النت و المنتديات عرفت أن المنتجات الجديدة بتنزل سوقنا متأخر و كمان بتبقى غالية قوى فقررت أنى أشترى الحاجات المتوفرة فى السوق من فترة على أساس يبقى سعرها نزل حبتين و كمان أعرف سمعتها مع المستخدمين إيه؟
أنا حاطط المواصفات فوق فى الملف الشخصى (المواصفات التقليدية حالياً)
بس بصراحة أنا كارت الفيجا تاعبنى جداً
مش لاقى كارت محترم و يكون سعره فى المعقول، يعنى ال8800 عالى قوى سواء فى الأداء أو السعر، أما ال8600 فسعره معقول بس أداؤه مش عاجبنى
قلت أسيب نفيديا خالص و أروح لati لقيت الكروت الجديدة لسه ما نزلتش أصلاً!!!
المهم قررت أجيب كرت من الجيل القديم لati و بعد بحث دقيق وجدت أن الكارت x1950 xt و x1950 pro بيقدموا أداء عالى قوى بالنسبة لسعرهم (بس سعر برة مش هنا)!
هل فى حد جرب الكارتين دول؟؟
و إيه رأيكم فى الكارت x1950 xt على وجه الخصوص؟؟؟
و يا ريت لو حد عرف سعرهم فى مصر يبلغنى....
و جزاكم الله كل خير
المفضلات