كل ما تود معرفتة عن الشهادات والتكنولوجيا (موضوع هادف)

[ahmedhalo]

صحيح ان هذة هي اول مشاركة لي في هذا المنتدى الاكثر من رائع ولكني اتابعة بشدة من 3 سنوات تقريبا اود في عجالة ان اشكر المشرفين الاكثر من رائعين على مجهودهم الرائع فعلا في هذا المنتدى .
اود ان اتكلم هنا عن موضوع مهم فعلا وحيوي على قدر خبرتي وتجاربي وهو موضوع الشهادات التقنية واود ان انقل خبرتي للاستفادة منها واود ان ابدي رايي المتواضع في هذا الموضوع.

اولا انا طالب بكلية الهندسة في السنة الثالثة قسم اتصالات والكترونيات وحاصل على MCSE و CCna طبعا ادين بالفضل للمشاركين في والاعضاء والمشرفين في المنتدى حيث لهم دور في نجاحي وقد اثرت في هذة الشهادات بشدة في حياتي حتى هذة اللحظة لذا اود ان اتكلم عن هذا الموضوع وابدي بعض النصائح.

عندما بدات الدخول في هذا المجال (مجال الشبكات) هناك العديد من العوائق التي قابلتني وسوف اسردها في عجالة وكيفية التغلب عليها بالنسبة لمن اراد الدخول في هذا المجال:-

1- مشكلة ان الدراسة الجامعية ليس لها اي علاقة لا من قريب ولا من بعيد في موضوع دراسة الشبكات اود ان اقول هذا لمن هو ليس في كلية هندسة او كمبيوتر بدليل ان بعض زملائي حاليا ليسو في كلية هندسة ويعملون جيدا في المجال واتمنى لهم ولغيرهم التوفيق هذا لمن يعتقد ان الجامعات هي وحدها تدرس تكنولوجيا الشبكات.

2-قلة المصادر العربية فعلا لدراسة هذا المجال وايضا سطحية (معذرة في استخدامي هذا اللفظ) الفكر التكنولوجي وهو الملاحظ في المنتديات العربية حيث ان 75% من المواضيع عن كيفية الحصول على testking و passforsure دون دراسة الكورس عن حق ومعرفة اساسياتة وهذة فعلا مشكلة كبيرة واعتقد ان السبب ثلاث عوامل :-
1- المال (حيث ان اسعار كورسات التدريب مرتفعة في هذا المجال في الشركات الكبيرة)
2- ضعف اللغة الانجليزية (نتيجة الفجوة اللغوية ومعظم المصادر الجيدة بالغة الانجليزية)
3- عدم وجود مصادر جيدة او بمستوى المصادر الاجنبية لدراسة الشبكات.
4- احتكار المعلومة من قبل بعض الافراد (وعدم وجود تعاون كافي وبناء من قبل اصحاب الخبرة الا فيما ندر)

3- ان شركات التدريب قليلة جدا التي تدرس هذة الشهادات بكفاءة عالية واسعار الكورسات بها مرتفعة بعض الشيء هذا طبعا بخلاف اسعار الامتحانات مما يصبح عائقا لبعض الطلبة.

4- عدو وجود شركات او اماكن يوجد به عدد لا باس بة من اجهزة كمبيوتر متوصلة في شبكة للدراسة والتطبيق العملي فيها وهي مشكلة كبيرة في الوطن العربي حيث ان التدريب العملي ضعيف جدا جدا مثلا من اراد دراسة voice over ip سيلاحظ قلة وضعف الامكانيات في الاماكن التي تدرس الكورس .

5- الجو العام في الوطن العربي عموما غير مشجع لدراسة تكنولوجيا المعلومات عموما (برمجة -شبكات - جرافيكس - قواعد بيانات ........) حيث ان الجامعات العربية معظم مناهجها طويلة وقديمة جدا ولا تتناسب مع احتياجات السوق ومتطلبات العصر بدليل انتشار البطالة وعدم تصنيف جامعة عربية واحدة في التصنيف العالمي وضعف الاقتصاد عموما وعدم استغلال التكنولوجيا الحديثة الاستخدام الامثل مثل التجارة الالكترونية والتعليم عن بعد .

طبعا انتو جلكم احباط انا اسف بس خلينا واقعيين حتى نستطيع التطور

انصح من اراد الدخول في المجال على ان يتبع هذة الخطوات التي تساعدك على ان تصبح محترف وعلى كفاءة وايضا تحصل على الشهادة العالمية بتمكن باقل مجهود واسرع وقت وتوفير للمال.

1- ان يصبح لك اساس قوي في الشبكات ولكي يتحقق ذالك انصحك بكورس A+ و Network+
المقدمين من شركة CompTIA حيث انهم من وجهة نظري اساس قوي جدا وفعال في بناء وفهم اساسيات ومفاهيم ومبادىء الشبكات اذا فهمت الكورسين دول كويس فانت قطعت حوالي 30% من الطريق بجد 30% لان Network + فعلا اساس قوي فاذا اردت بعد ذالك دراسة CCna من Cisco ستستطيع ذالك بسهولة ويسر وبلا تعقيد واذا اردت دراسة اي تكنولوجيا في الشبكات مثل
MCSE Novell Lunix Redhat يعتبر ال Network + أساس جيد وانصحك بدراسة الكورس من شركة Trainsignal فهي من اقوى الشركات لدراسة هذا الكورس . يمكنك الحصول علية من التورنت او من هذا الموقع العظيم .

2- اذا اردت دراسة Mcse : وليكن Xp 70-270
1- قراءة كتاب مايكروسوفت Training Kit بقدر الامكان.
2- الحصول على كورس Testout او cbt nuggets جدير بالذكر بان شركة testout من اكبر واقوى الشركات لدراسة كورس mcse.
3- بالنسبة للتطبيق العملي ادامك حلين testout Simulation رائع موجود في test out
او تستخدم برنامج visual machine مقدم من مايكروسوفت ايضا رائع سوف اشرحة في وقت قادم باذن الله هوة و testout بالصور وفي بعض الاعضاء الاعزاء برضة شرحوة.
4-انك تحاول تحل الاسئلة الموجودة في كتاب مايكروسوفت والتست اوت.
5- بعد ما تتاكد انك اصبحت متمكن ان شاء الله نزل ال test king او ال passfoesure وادرب على الاسئلة (يا جماعة ان كاتب دي خطوة رقم خمسة مش اول خطوة انا عاوز مصلحتكم! علشان بصراحة مش عارف لما تعد في interview وبتقد c.v بتاعك وانت واخد الشهادة من التست كينج والراجل يسالك اسئلة عملية حتقولة ايه يا عبقري يا بروفشنال ....... الا لو ليك واسطة دة موضوع تاني )
6- تروح تحجز وانت مطمن للامتحان صدقني لو طبقت الخمسة حبقى كويس ذاكر ال testking كويس وحتحل الامتحان ان شاء الله
7- تجيلك الشهادة اعمل cv كويس اكتب الشهادة فية وانت مطمن لانك عملت الي عليك والباقي على ربنا استغرب تذمر بعض الاخوة من انهم بعد ما اخدوا الشهادات testking مشتغلوش اظن هما عارفين لية .
ملحوظة : الحمد لله يا رب ان في تورنت وشركات تدريب عالمية زي testout وموقع جميل زي دة

طيب دة بالنسبة لل Mcse 'طب ccna

اذا اردت دراسة ccna :-
1- قراءة كتاب Cisco press ccna اولا لا حظ انهم كتابين icnd و Intro
(ملحوظة لو مذاكر Network+ كويس مش حتتعب في قراءة كتاب Intro)
ممكن تقرى cisco academy رهيبة فعلا بس مشكلتها انها كبيرة جدا وانت حر انا رايي الكتابين كافيين جدا الا اذا كنت عاوز تزود معلوماتك ومهاراتك)
2-مزاكرة الاسطوانة CCna من testout اكبر واحلى واحسن شركة لشرح ccna من وجهة نظري انا جربتها وعلى راي المثل اسال مجرب ولا تسال طبيب وصدقوني testout ccna كورس عالي جدا من الكفاءة وروعة الشرح ومتة توصيل المعلومة بطريقة يا جماعة فعلا حديثة)
3- التدري العملي طبعا ادامد طريقين
برنامج NetSim.6 او اي برنامج simulation مثلة وساشرح هذة البرامج لاحقا
testout simulation يا جماعة اكتر من روعة صدقوني جرب وانت حتحكم .
4 - عليك وعلى passforsure مختصر وعدد اسئلتة اقل بس خلي بالك سيسكو لازم بقدر الامكان انك تدخل الامتحان فاهم وصدقني لو عملت الخطوات السابقة حتحل الامتحان بسهولة خلي بالك في 3 اسئلة عملي فلازم تكون مزاكر عملي كويس وخلي بالك الامتحان بتعها غالي حوالي 1000 جنية مصري فلا تدخل الامتحان الا وانت واثق من نفسك والا لا قدر الله ......... )
5 - تجيلك الشهادة تحطها في ال cv وربنا يوفقك شهادات سيسكو كبيرة وليها وزنها في السوق ولو انت فاهم الشغل العملي كويس جدا وبتعرف تتعامل مع الروترات والسويتشات كويس حيكون ليك مستقبل كبير خصوصا لو اخدت ccnp)

ايدي تعبت خلاص مش قادر اكتب تاني عاوز اخيرا اشكر المشرفين والاعضاء واتمنى لكم التوفيق ان شاء الله في حياتكم العملية وانتظروا مني المزيد من المشاركات الجادة ان شاء الله. واحب اقلكم اني بعملكم مفاجاءة من العيار التقيل وربنا يقدرني واكملها انا بصمم حاليا واصحابي موقع كبير فيه شرح لكورسات n+ وmcse و ccna ان شاء الله بالغة العربية ومجانا والي مش حيقل كفاءة باذن الله عن الكورسات من الشركات الكبيرة وحيكون الشرح بالعربي للي عندة مشكلة في اللغة ومجانا للي عندة مشكلة في اخد الكورس بفلوس ارجو من المشرفين والاعضاء ابداء اي افكار او تعليقات فنحن في اشد الاحتياج لافكاركم التي نقدرها واسف على الاطالة . وتقبلوا فائق تحياتي.

[Mo0o0o0o0ra]

السلام عليكم ............
موضوعك فعلا هادف جدا و الله و انا اتفق معاك في معظم كلامك ولكن الجامعة انا ممتنة ليها .......الخطوة الي كتبتها عن دراسة كورس A+ or+Network انا ماعملتهاش اكتفيت بالي اخدته في الجامعة هوه كان نظري اه و مش متعمق و مجمه سيسكو و مايكروسوفت بس اداني فكرة او عنوان مجيز اني ادخل الكورس صحيح اني تعبت في الاول بس بصراحة مشية تمام الحمدلله.........الدراسة الاكاديمية الخاصة بفسم الحاسوب في مصر اين كان التخصص او الكلية بس الهدف من دخولك الجامعة انك تتعرف على كل شيء سطحي يعني بس قشور او بالاحرى عنوان لكل حاجة بعدين انت تخطط انت عايز ايه و تتعمق فيه بأي اسلوب بس لو فكرت شوية هترجع تقول انا ممتن لو ب1% للجامعة انها علمتني كذا..........
انا اوافق تماااااااااااما على الخطوات دراست شهادات مايكروسوفت اما بالنسبة للسيسكو انا ما عندي خبرة فيهم............خطواتك صح 1000000000000% صحيح الموضوع طويــــــــــــــــــل و بياخد وقت بس في الاخر بتجني ............خلاف عن كلامك للناس الي ما لقيت شغل بعد الكورس ده طبيعي ما شاء الله كل طالبين العلم و التخصص ده كتروا و ده شيء جميل على الرغم من التفاوت البسيط في ادراك العمل كل واحد بيحس انو ممكن لو تخصص في عمل شيء محدد زي مثلا DNS orDHCP لو تحصص في شغله بس عند حاجة معينة حاسس انه هيشتغلها تمام هينجز فيها على اكمل وجه........اكيد من دراستك للكور حضرتك فضلت شيء عن شيء او بمعنى ادراكك اموضوع معين كان اسرع من الاخر (ديه وجهه نظر بس)
كنت اتمنى اشتغل و انا بدرس لان الي ممكن يعيقني عن الشغل هوه ان الخبرة0 مكعب(يعني 0*0*0 3 مرات)ابيض خالص اللهم اكتر من العملى على الفيرجول ماشين مافيش ...الله يتولاني و يكون وسطتي..........يا اما اشتغل في مجال الكورس او...........ادرسه و ده مستحيل انا ضدد الفكرة ديه تماااااااااااما ........انا ارفض و اعارض انه خريج الكورس يدرسه عندنا ناس ما بيشتغلوا في المجال المورس قرروا يقدموا لتدريسه ولا سبق لهم الشغل فيه اصلا........
المفروض الشخص الي يفكر في التدريس يفكر فيه بعد المعـــــــــــــــــــــــــــــــــــــــــ ـاش
انا مش بهزر والله بكلم بجد ليه؟؟؟؟؟؟؟؟لان الطالب من حقه انه يسأل و الاستاذ يجوبه من خبرته مش من الكلام الي في الكتاب و كمان الاستاذ يعلم الطالب معنى الحياة العملية و نوع المشاكل بعدها يصلع الطالب يبدأ يحل المشاكل الي بعد استاذه و بكده المشاكل هتقل جدا و مجال الشبكات هيبقى سوبر شبكات مفهوش غلطة الا بسيييييييط......
طولت عليك بس موضوعك عجبني جدااااااا والله يوفقك و مسنتية باقي مواضيعك الروووووووعة
سلام

[amna_ali]

ما شاء الله كفيت و وفيت يااخ احمد كل ما ذكرته سليم اتمنى لو ان كل الشباب هم في درجة وعيك
الامة تحتاج الى شباب واعي مدرك لواجباته تجاهها حينما تأخذ احد هذه الشهادات العالمية بدون ان تفهمها فانت تسيئ الى نفسك و امتك و دينك

تسيئ الى نفسك لانك حين توهم نفسك و غيرك بانك مؤهل و هذا ليس صحيح و يظهر هذا حين تذهب الى اي معاينة و تسأل اسئلة تقنية و لا تعرفها لان غير فاهم للشهادة التي تحملها فتعرض نفسك للاحراج و الاساءات بدون داعي

تسيئ الى أمتك لانك حين تتقدم الى و ظيفة و تقول انك تحمل هذه الشهادات قد تأخذ فرصة لبست من حقك لان المسئول يعتقد انك كفؤ و يحرم منها من هو بها احقق وحين تبدأ العمل بدلا في ان تبدا في الانتاج و التطوير تحاول ان تبدأ في الفهم العملي و هنا انت لا تضيع وقتك وحدك بل تضيع وقت المهندسين الذين يحاولون تعليمك و الذين ظنوا انك ستساعدهم بخبرتك و علمك المفترض فبدلا من ان تطور و تنتج فانت تتهدر طاقات وموارد غيرك والاسؤ من هذا انك تأخذ عليه مالا كان غيرك احق به

تسيئ الى دينك لانك تكذب حين تقول انك تفهم ماتحويه هذه الشهادات و تستمر في الكذب حين تحاول اختلاق الردود للاجابة عن اسئلة المعاينة وتسيئ الى دينك حين توصم المسلمين و العرب بصفات الجهل و الكذب و الغش

الكلام كثير في سلبيات هذه الطريقة في نيل الشهادات وكل ما ارجوه من الاخوة و الاخوات الذين يتبعون هذا الاسلوب لنيل الشهادات ان يفكروا بكلامي وان يتقوا الله في انفسهم غيرهم

[ahmedhalo]

متشكر جدا يا مورة على الرد الجميل دة واتمنى يا رب انك تتوفق في حياتك المهنية ان شاء الله انا معاكي في معظم كلامك بس احب اوضح حاجتين بعد اذنك المجال دة فعلا عاوز خبرة مفيش كلام بس من وجهة نظري المتواضعة ممكن الواحد يتغلب على الخبرة بالتدريب الكويس لية بقى لان المجال الشبكات والتكنولوجيا عموما متطور كل سنة عن سنة في جديد في مايكروسوفت مثلا هل تعتقدي الي كان admistrator على شبكة فيها نظام windows nt ومطورش نفسة وفضل شغال 9 سنين حنحك علية انة خبرة صحيح ولكن هل هو قادر على ادارة نظم windows sever 2003 بقوة زي nt مظنش فالتالي المجال عاوز تدريب باستمرار وتحديث علشان تقدر تقدم شغل بكفاءة ......... والحاجة التانية بالنسبة لحتة ان محدش يشرح الا بعد ما يطلع المعاش انا مش معاكي في دة لسبب ان الشباب قوة وحيوية والمجال بيطور فالشبكات من 10 سنين مش زي دلوقتي انا رايي المعيار في التدريس هو الكفاءة في توصيل المعلومة بيسر بغض النظر عن السن عاوز اقلك ان صحبي لسة في الجامعة وبيدرس الكورس في مركز كبير في مصر وشغال instractor فالمسالة مش بالسن المسالة بالكفاءة وشكرا على الرد واسف على التطويل

[ahmedhalo]

شكرا amna_ali على ردك واحب اشكرك انت والمشرفين على مجهوداتكم لادارة هذا الموقع المتطور واتمنى ليكم مزيد من التوفيق

[YasrKasem]

السلام عليكم
ما شاء الله عليك يا اخى والله برافو على المقال الممتاز وياريت تستمر معانا تقدم أرائك واقتراحاتك وطبعا بالنسبة لفكرة الموقع هى فكره ممتازة وانا ان شاء الله مستعد لتقديم اى خدمات ترونها مناسبة مع انى عندى بعض التحفظات على موضوع العربى ولكن اذا كان فيه استفاده فبالتأكيد معنديش اى مشكله المهم ان الاخوة يستفيدو وكما نعرف خيركم من تعلم العلم وعلمه.
بالتوفيق يا أخى ومتحرمناش من مشاركاتك

[ahmedhalo]

شكرا اخ yasrkasem على ردك واحب اقلك ان احنا نتشرف بمشاركة حضرتك معانا انا مع حضرتك في حتة بعض التحفظات على موضوع العربي صحيح بس احنا حنحاول نشرح زي الكورس بالظبط مش معقول في حد في مصر بيشرح انجليزي علطول احنا حنشرح بالعربي مع الحفاظ على المصطلحات الانجليزية والفنية زي ما هية وبشكرك مرة تانية وانا سعيد بالاراءك

[aboziead]

!Clapبارك الله فيك يا اخى على هذه المقاله

[Mo0o0o0o0ra]

لا يا بطل ما اقصد معنى المعاش يعني السن اقصد انه بعد كل سنين الشغل على الاقل هيكون عنده فوق 30 سنة خبرة و تخيل مجموع المشاكل الي واجها......بس معاك في فكرة ان الشباب افضل لكن صدقني في اسئلة ما بنفعش حد يجاوبها الا اذا كان عنده خبرة شغل مهولة...........انبهرت بفكرة شرح المنهج بالعربي والله فكرة مهمة على اكيد هنحتاجها بعد كده للتذكير باشر فيها و احنا مستنين..........مواضيعك بتتكتب بحروف من ماس يا فنان الله يباركلك في علمك......و يثبت خطاك......اميــــــــــــــــــــــــــــــن

[zuklaa]

السلام عليكم ورحمة الله وبركاتة

موضوع ممتاز جدا جدا جدا وفعلا هادف انا مش هاعرف اتكلم زي الاخ احمد بس انا بضم صوتي لصوتة واحب انقلكم خبرة متواضعة جدا 4 سنين مع الMCSE اولا انا كنت اعمل في شركة المياة فرع شمال الصعيد لمدة سنتين وبعدها في شركة اوراسكوم فرع الصعيد(اصل انا صعيديLooL)

المهم احب اقولك من واقع تجربتي ان الدراسة مختلفة تماما عن الشغل العملي وفي حاجات بتقابلك كتير مش موجودة في الكتاب بس ياجماعة انصحكم بنفس خطوات الاخ احمد واهمها اهمها علي الاطلاق دراسة كتب Training Kit دي اهم وافضل وسيلة لدراسة MCSE واختلف معلش معاك يا اخ احمد واسمحلي اقول ياجماعة نصيحة بلاش بلاش بلاش ارجوكم مزاكرة شبكات باللغة العربية صدقوني والله هتتعبوا جدا لما ربنا يكرمكم وتيجوا تشتغلوا . معلش انا قولت لحضراتكم مش هعرف اتكلم بس بامانة عمرك ماهتدرس كل شئ في كورس تدريب
لازم انت تقرئ كتير كتير وتطبق عملي وبجد اكتب الخطوات اللي ذكرها الاخ احمد في ورقة وامشي عليها

وبصراحة انا اول مرة اسمع عن الباسفورشور هنا من المنتدي علي فكرة لو اتبعتم التيستكنج بجد مش هتنفع في شغل خالص

انا اسف مش بحبطكم ولا حاجة بس احنا كلنا اصدقاء والاهم المصلحة العامة انا درست واشتغلت بالدراسة بعد ما اخدتها بس معيش غير 70-270 ولولا فضل الله واعضاء المنتدي الرائع دة مكنتش هاعرف امتحن

الشهادات مهمة جدا والشغل العملي اهم واهم واهم . معلش مش عارف اتكلم واعتذر علي الاطالة بس انا بضم صوتي لصوت الاخ احمد واصيكم خيرا بال Training Kit دة اهم واسلم واقوي طريقة للمذاكرة رغم انة طويل لكن ميزتة انة يحتوي علي اغلب الحلول للمشاكل في الحياة العملية

وفي النهاية انا احب اشكركم كلكم بجد منتدي اكثر من رائع وكل الي وقف جمبي وخصوصا الاخت مووووورا ربنا يجازيها كل خير بجد ساعدتني كتير هيا والاخ REDA_INST جزاهم الله كل خير واعتذر مرة اخيرة علي الاطالة وعدم ترتيب كلامي ولكم كل الشكر اعضاء ومشرفين المنتدي

والسلام عليكم ورحمة الله وبركاتة

[Mo0o0o0o0ra]

احنا تحت امرك و انا حقيقة استفدت من كلامك كتير و هسمع كلام حضرتك و كاتب المشاركة صاحب الخط الذهبي و هقرأ الTraining kit بس ينفع بعد ما اخلص و عايزة اعرف اجيبو من فين؟؟

[ahmedhalo]

ربنا يخليكي يا مورة انا ممكن ارفع كل كتب مايكروسوفت training kit وفي بعض الاعضاء في المتدى دة بيحملوا الكتب جزاهم خير بس انا بقى حقلك طرق مش طريقة واحدة بحيث تقدري انك تحملي وتجيبي الي انتي عاوزاة بسهولة ان شاء الله انا بس والله بتمرن ازاي احمل واحط صور وكدة اصل انا جديد في موضوع المشاركة في المنتديات واول ما اظبط احسن حاجة ححطها في الموقع وانا تحت امرك وتحت امر الجميع

[D.D.T]

ممكن بس سؤال للأخ صاحب الموضوع والناس اللي ردت هنا

انتو عايزيين تفهموني انكم عديتو الأمتحانات من غير تست كنج ولا باس فورشور ؟؟
انتو عالم خارقة للعادة بقي علي كدة وبعدين الطبيعي انك بعد متذاكر لو اشتغلت وقابلك مشكلة مش هتعرف تحلها غير بالخبرة يعني مش بعد متذاكر الكورس هتبقي خبير ويعينوك كبير مهندسي الشبكات في الشركة لازم تاخد فترة تدريب وتتشرب الشغل وبعد كدة تبتدي انت تحل المشاكل اللي تقابلك بنفسك يعني كدة كدة لو موت نفسك في الدراسة ورحت تشتغل برضو مش هتعرف تعمل حاجة من غير مساعدة حد لان معندكش خبرة
وبعدين كدة كدة برضو لو رحت تشتغل من غير الشهادات دي هيقولك يلا يابني روح العب بعيد الشهادة مهمة عشان تمسك شغل وبعد كدة هتاخد خبرة حلوة وخصوصا ان الدول العربية كلها بطالة والشباب صايع في الشوارع يعملو اية يعني العالم دي اهو يدرسو اي حاجة ويحطو رجلهم في الشغل ويتعلمو بالخبرة

[amna_ali]

الاخ D.D.T
انت عاوز تقول انك بتحفظ التستكنج و الباس فور شور من غير ما تذاكر او تفهم المنهج و بتعتقد ان هذه هي الطريقة الصحيحة لنيل الشهادة???

[ahmedhalo]

اخي العزيز DDT شكرا على مشاركتك ولو سمحتلي حرد عليك بقدر المستطاع من خبرتي في الموضوع دة :-
اولا واخيرا الارزاق دي على ربنا سبحانة وتعالى هو الي بيقسم الارزاق بس في حاجة لازم تعمل الي عليك الاول وتجتهد وتتعب علشان بعد كدة ربنا يكرمك وتلاقي مردود .اخي العزيز التست كيج والباسفور شور دول لا غنى عنهم ومحدش بيدخل الامتحان الا بيهم صحيح بس احنا بنقول تبقى اخر خطوة بعد ما تكون فهمت الكورس كويس بس يكون في علمك اسئلة امتحانات مايكروسوفت خيالية نظام 100 جهاز وموضوع فلازم تست كينج لكن في ال CCna يعلم الله اني كنت فاهم 85% من الاسئلة لاني كنت واخدها عن فهم بفضل مدرب في نيورايزون وهو في سنة رابعة كلية (عارف يعني ايه سنة رابعة يعني لسة بيدرس ومش في كلية هندسة ) ربنا يوفقة احنا العرب نتيجة المشاكل الاقتصادية والبطالة والفجوة اللغوية وكدة وعدم وجود نظام دراسي متطور خلى الشباب يلجا للtestking وكدة ويقولك هو اخد شهادة وخلاص يمكن الامور تتحسن لكن انا بقى ليا راي تاني انك تجتهد وتسعى وتزاكر كويس وتحاول تشوف ناس في المجال وايه هيا النظم الحديثة الي نزلت وتابع اول باول خصوصا ان المجال فية منافسة شديدة الموضوع مش ذكاء وغباء ودة عبقري ودة على ادة لا المسالة مسالة اجتهاد صحيح في بعض الشركات متقدرش تروحلها الا ومعاك الشهادات بس يكون في علمك حاليا الشهادات بس مش كل حاجة. صحيح مش حتطلع من الكورس علامة طبعا دة شيء طبيعي لان المجال مش ثابت دايما في تطور بس لازم على الاقل
تبقى فاهم الاساسيات والانظمة والتكنولوجيا حاليا يا اخ ddt بعد تطور ال dsl ممكن من النت تتعلم وتتدرب كويس ليه اساسا لو مسكت اي كتاب من مايكروسوفت حتلاقي كاتب self study و شركة cisco بتعمل سيسكو اكاديمي وبرامج محاكاة وفي اسطوانات تعليمية غاية في الروعة زي testout تعرف بجد لو ذاكرت مثلا الاسطوانات دي كويس وطبقت بالvisual machine صدقني حتلاقي فرصتك
في حاجة مهمة :-
صحيح الخبرة مهمة لكن الخبرة مبتجيش الا بالممارسة وعلشان تبقى متمكن محتاج تطبق عملي كويس وعلشان تطبق عملي كويس لازم تتعامل مع اجهزة حديثة في الشركات وعلشان تنجح في انك تدخل الشركة يبقى لازم انك تكون فاهم على الاقل 60% من الموضوع مش تست كينج وبس.
وحاجة تانية انك كاتب :-
(لو موت نفسك في الدراسة ورحت تشتغل برضو مش هتعرف تعمل حاجة)
يا اخي الكريم ربنا بيقول (ان الله لا يضيع اجر من احسن عملا) اعمل الي عليك والباقي على ربنا
والرسول علية الصلاة والسلام قال (تفاؤلو بالخير تجدوة) انا اعرف ناس شغالين ومعندهمش شهادات ولا حاجة وانت عارف وانا عارف بس مجتهدين وانا بحترم اجتهادهم.

اسف طولت في الرد بس انا عاوز انصح نصيحة غريبة من نوعها متحاولش تاخد موضوع الكورسات دة كانه غصب عليك علشان تشتغل لا خد الشهادات دي بمتعة. اتعلم وحاول تعلم غيرك (حب ما تعمل حتى تعمل ما تحب )وخلي هدفك رضى اله سبحانة وتعالى بانك ماشي في الطريق العلم واجتهد وربنا ان شاء الله حيوفقك ويوفقني واتمنى النجاح للجميع .......Wink: