المفروض انه ملف بحجم 30 ميغا ينسخ في ثانية
فكم يأخذ نسخ الملف
السلام عليكم
انا هاردى لسه جايبه قريب من 5 ايام
عند التحميل او الكوبى يطلع صوت تكتكه من الجهاز سالت قالوا الهارد انا عايز اعرف الصوت ده منه ولا لا.
سؤال تانى لما جيت اشتريته البائع قالى انه 300 mb/s مش المفرود ان دى سرعه الكوبى بس انا عندى الكوبى بطيئ جدا .....ارجو التوضيح و شكرا
المفروض انه ملف بحجم 30 ميغا ينسخ في ثانية
فكم يأخذ نسخ الملف
هل تبحث عن برنامج لحساب قيمة CRC للملفات
انقر على الرابط التالي https://www.megaupload.com/?d=AU0KPACD
انا سرعه الهارد بتاعى 300 mb مش 30mb مش دى برده سرعه الكوبى
عندما يكتب حرف الـ b صغيراً فهو يعني bit أما لو كان B كبيراً فهو يقصد به Byte
بالتالي عندك السرعة بالميجا بت وليست بالميجا بايت .. وهكذا يكون قياس السرعة عادة ..
بالتوفيق
لا تجادل الأحمق .. فقد يخطئ الناس في التفريق بينكما ..
واضيف لو الماذربورت لا تعدم ال SATA 2 .. فأن النقل يقل للنصف ..
التسجيل في رابطة أصدقاء عرب هاردوير .
إذا رأيت مشاركة أو موضوع مخالف لأنظمة المنتدى ففضلاً انقر على زر ( تقرير بمشاركة سيئة ) والتي على شكل : وسيتم عمل اللازم بإذن الله .
بص يا سيدي
أولا :
لو الماذر بورد بتاعتك مش بتدعم ساتا 2 ففي هذه الحالة الهاردد بيشتغل على نظام ساتا1 العادي
أي بسرعة 150 فقط وليس 300
ثانيا:
فى الحالتين السرعة تقاس بالميجا بت وليس الميجا بايت (البايت=8بت)
وكما ذكر الأخ الكريم فإن حرف الـb لما ينكتب صغير يبقى بت ولما ينكتب B كبير يبقى بايت
اذن 150 ميجابت = تقريبا 18 ميجابايت (150/
والـ300 ميجابت = تقريبا 37 ميجا بايت (300/
ملحوظة:
----------
نفس طريقة الحساب مستخدمة في سرعات الإنترنت
يعني لو عندك خط انترنت بسعة 512 فالـ512 دول كيلو بت
عشان كده بتلاقي أقصى سرعة دونلود فعلية تكون 64 كيلوبايت (512/
ثالثا:
كده متفقين ان أقصى سرعة نقل بيانات للساتا1 هى 18 ميجا بايت في الثانية
وأقصى سرعة نقل بيانات للساتا2 هي 37 ميجا بايت في الثانية
ولكن خد بالك ... دي أقصى سرعة ممكن توصللها
يعني مش بتبقى شغالة بكامل طاقتها طول الوقت
ليه ؟؟ لأن أقصى سرعة دي مش بتيجي غير تحت شروط أو ظروف معينة
تعتمد على درجة حرارة الهارد + كفاءة وقوة جهازك عامة من رامات وبروسيسور + كفاءة كابلات التوصيل المستخدمة + قوة الباور سبلاي + وجود مجال مغناطيسي ناتج من باقي مكونات الجهاز وما إلى ذلك من عوامل كثيرة تؤثر على كفاءة نقل البيانات
طيب
هانقول مثلا انه بسبب العوامل دي السرعة الفعلية اللي بتقدر توصللها بتكون أقل شوية
فلنفترض انها 15 ميجا بايت للساتا1 و 30 ميجا بايت للساتا2
يتبقى بقى حاجة مهمة جدا
فى حالتك انت مثلا عندك ساتا2
يعني عندك سرعة نقل بيانات تقترب من 30 ميجا بايت في الثانية (قد تزيد أو تنقص قليلا)
برضه مش هاتقدر توصللها كلها فعليا وانت بتعمل كوبي ... طب ليه ؟؟
مبدئيا كده
الوندوز بتكون عاملة ملف اسمه PageFile (وده يعتبر امتداد للرام ولكن على الهارد ديسك)
طول الوقت بتكتب وتحذف منه بيانات حسب البرامج اللي بتفتحها أو تقفلها
إذن عمليات الكتابة والقراءة دي بتستهلك شوية من معدل نقل البيانات بتاعك
ولو انت قاعد عالنت
الاكسبلورر بينزل Temporary Files و ****ies وما الى ذلك وبيكتبهم برضه عالهارد
اذن برضه بيستهلك شوية من معدل نقل البيانات
ولو انت قاعد فاتح ماي كمبيوتر وبتدخل وتطلع من فولدرات في جهازك
كل حركة بتتسجل في الـHistory الخاص بالوندوز
اذن برضه بيستهلك شوية من معدل نقل البيانات
هانقول مثلا ان كل الحجات دي بتستهلك 5 ميجابايت من الـ30 المتاحين ليك
يبقى المتبقى 25
طيب لو انت بتعمل كوبي مثلا لأي ملف من البارتيشن D للبارتشن E
عندك سرعة 25 ميجابايت في الثانية
بيتقسموا
12.5 سرعة القراءة من الـ D
و 12.5 سرعة الكتابة على الـE
اذن أصبحت السرعة الحقيقية للكوبي بحدود 12.5 ميجا في الثانية
طيب هل مستحيل اعمل كوبي بكامل السرعة المتاحة ليا ؟؟ يعني 30 ميجا في الثانية ؟؟
لا طبعا مش مستحيل ... ممكن جدا
بس في حالات خاصة
نفتترض ان عندك 3 هاردات
الهارد الأول هايكون عليه نظام الويندوز بتاعك
والاتنين التانيين هما اللي هاتعمل كوبي بينهم
بكده بقت كل عمليات القراءة والكتابة بتاعة الوندوز تتم عالهارد الأول ولا علاقة لها بالكوبي اللي هايتم بين الهاردين التانيين (يعني مش هاتسحب من سرعتهم حاجة)
أما بقى الهاردين التانيين فكل واحد عنده معدل نقل بيانات = 30 ميجا في الثانية
واحد منهم هايقرا بس (اذن هايقرا بسرعة الـ30 كلهم)
والتاني هايكتب بس (اذن هايكتب بسرعة الـ30 كلهم)
بكده بقت السرعة الفعلية للكوبي 30 ميجا في الثانية
استنتاجات بسيطة:
----------------------
1- لما يكون نظام التشغيل على هارد منفصل بيحسن أداء القراءة والكتابة من عالهاردات التانية
(وعشان كده تلاقي أى محترف جيمز أو هاوي سرعة لازم بيكون عنده هارد صغير محطوط لنظام التشغيل بس)
2- لما يكون الكوبي مابين هاردين بتكون سرعته ضعف سرعة الكوبي من على نفس الهارد
بالنهاية
أتمنى أكون وفيت الشرح حقه
وأي استفسارات أخرى انا تحت أمرك
أخوك/ إسلام السعودي
!Clap!Clap!Clap!Clap!Clap!Clap!Clap!Clap!Clap!Clap !Clap
ماشاء الله عليك .. تبارك الرحمن .. كل هذا منك ..!! :eek:
شو رايك تسوي موضوع منفصل ومرتب عن : لماذا لا احصل علي السرعه الكاملة للهارديسك ..
ووعد مني اثبت لك الموضوع :Big:
جزاك الله كل خير اخي .. :frnd"
التسجيل في رابطة أصدقاء عرب هاردوير .
إذا رأيت مشاركة أو موضوع مخالف لأنظمة المنتدى ففضلاً انقر على زر ( تقرير بمشاركة سيئة ) والتي على شكل : وسيتم عمل اللازم بإذن الله .
ماشاء الله شرح وافي لسرعات الساتا .. واضيف الى ذلك ان السرعة ربما تزيد بدل من ان تنقص خصوصا اذا كانت اللوحة تدعم ساتا 2 والهارد نفسه يدعم تقنية NCQ وهي تقنية تجعل من القرص ساتا يعمل بكامل سرعتها وذلك باستلام اكثر من معلومة في الوقت نفسه ومعهالجتها ايضا وهنا يعني عملية النسخ.
الصورة ادناه تثبت ماقلته وقاله الاخ انفا.
كلام جميل ... شكرا للإضافة
لكن هل هذه التقنية متوفرة بكل الهاردات أو بأنواع معينة فقط ؟؟؟
ما شاء الله عليك أخى إسلام
معلومات رائعه وجديده
جزاك الله خير أخى
أأسف إن لم يكن الرد بالسرعه الكافيه ...لكن بسبب ظروف عملى
ليس في كل الهاردات .. السامسونج والهيتاشي مثلا.
أشكرك أخي Data على هذه المعلومة الرائعة
حيث اني أنوي شراء هارد ساتا وكنت محتار بين السيجيت والسامسونج
ولكن بعد هذه المعلومة بالطبع السامسونج يكسب
أشكرك بشدة
أشكر كل من شارك في الموضوع وأشكرك ردودكم الجميلة
الصراحة ردودكم دي هي اللي بتشجع الواحد انه يقدم المزيد والمزيد
وبالفعل جعلتوني أتحمس لكتابة هذه المعلومات في موضوع منفصل
ولكني سأقوم أولا بالبحث عن صور تدعم الموضوع حتى يكون أكثر امتاعا للقارئ
فالموضوع ذو الصور جذاب أكثر من غيره
تحياتي للجميع
اقترح عليك ان تكتب الموضوع على هيئة وورد بدون صور ومن ثم ندمجه مع مقال اقراص الساتا .. فما رايك؟؟
ما عندي مانع
وبما انه اتلغت عملية البحث عن صور فسأقوم ببدء العمل على الموضوع اليوم ومن ثم ارسله لك وللأخ dxbboy77 على الخاص ولكم مطلق الحرية في التصرف به كيفما ترون صالح المنتدى وافادة الاعضاء
المفضلات