بسم الله الرحمن الرحيم
اولا احب ابدى اعجابي الشديد بالمنتدى بصراحة مكنتش متوقع الاقى منتدى عربي فيه كل المعلومات دي وبالمستوي الرائع ده
أوجه الشكر الى كل من يشارك فى تطور المنتدى
ثانيا دى اول مشاركة ليا هنا وياريت تفيدونى من خبراتكم
انا عندى mother board
gigabyte
chipset: intel945PL-G
وشغال عليها
intel pentium 4 3GHZ bus800 cache 1mb
الجهاز شغال بكفاءة فى كل حاجة
بس كان نفسي اجرب core 2 duo لما سمعت ان اداؤه احسن بكتير
الفكرة دلوقتى هل ينفع يشتغل على المذر بورد بتاعتى ولا لأ علما بانه مش مكتو ب عنه حاجة فى الكاتالوج بتاعها
قصدي يعنى لو مينفعش تشغله ان المذر بورد 945PL-S3 بتشغله طب ليه وهى عليها نفس الشيب 945PL زى اللى عندى؟
تانى حاجة هل حرف G اللى موجود فى اسم المذر بورد بتاعتى معناه ان عليها vga built in ؟
مع العلم انه برضه مش مكتوب فى الكاتالوج ان فيها فيجا؟
حاجة تانية هل تنصحونى بالتغيير للكور تو ديو ومذر بورد بشيب 965 مثلا احسن من الحاجات اللى معايا دلوقتى علما بان حاجتى مكملتش سنة معاي ولو بعتها هخسر فيها كتيرCon:
يعنى بمعنى لو حدثت الجهاز هحس بفرق فى الاداء مثلا فى السرعة ولا مش هيفرق كتير واصبر بجهازى احسن؟
استعمالى للجهاز عادى انترنت كتابة العاب اوفيس وشوية فوتوشوب يعنى مش مركز على حاجة معينة كله حسب الظروفWink:
اسف جدا علي الاطالة ولكن ارجو الافادة
والسلام عليكم ورحمة الله