السلام عليكم ورحمة الله وبركاته

معلش عشان أخوكم جديد فى موضوع اللاب توب فياريت تستحملونى فى الأسئلة

بفكر بمشيئة اللهً أجيب لاب توب

واخترت بعون الله الموديل ده من توشيبا Satellite A200-19L

وده لينك مواصفاته فضلاً اضغط هنا

عشان دى تقريباً مواصفات جهازى العادى ومش عايز أحس بفرق كبير

المهم عايز أستفسر عن بعض النقط

1- يعنى إيه Internal video modes و external video modes
وهل معناهم شاشة الجهاز وشاشة خارجية ولا أنا فهمت غلط
واذا كان Internal video modes هى شاشة الجهاز معنى كده إن أقصى دعم ليها
resolution : 1,280 x 800 و 24 بت .. يعنى أى تطبيق بيحتاج 32 بت أو resolution أعلى مش هيشتغل عليها؟

2- هل كارت الشاشة ده مدمج ولا ممكن تغييره؟

3- هل التربو كاش اللى فيه بيأثر على الجهاز بشكل كبير من ناحية الآداء عموماً لو احتجت أكتر من ال 256 ميجا ولا زيه زى الديسك توب ولو شغال على البطارية إيه مدى التأثير فى الإستهلاك؟

4- أنا لقيت سعر الجهاز فى جرير فى مكة 75% من سعر الجهاز عندنا فى مصر تقريبا
فهل ضمان جرير يمشى فى مصر ولا لأ

معلش عارف إنى بتقل عليكم بس ياريت تفيدونى

وياريت لو حد عنده الجهاز يقولى رأيه فيه بصفة عامة وإذا كان فيه عيوب قابلها من خلال استعماله

وشكراً مقدماً