ميزانية 3000 جنيه مصري ل كيسة؟؟

[anaconda50]

ازيكم يا جماعة
انا معايا 3000 جنيه هاشترى بيهم كيسة بمحتواياتها بسسس بدون شاشة., لللعب و النت و الافلام و الخ.....
من فضلكم انا محتاج نصايح بخصوص القطع
اقترحاتى E6420 cach 4 m\1066mhz intel core2duo
البروسسور ده حد لية تعليق عليه ؟؟ يعني بالنسبة للاداء ؟؟؟ وهل به اية عيوب؟؟
اصل في ناس قلولي وفر فلوس وهات dual core 3.2 cach 4m
ف ايه رايكم ؟؟و تعليقكم علي البروسسور التاني,عشان الفرق في السعر بين ال 2 فرق السما و الارض , ف تنصحونى ب ايه
البوردة gigabyte 965p ds3 , و في Nforce 650 بس معرفش هوا دة اسمها فعلن ولا ده الموديل
حد ليه راي تاااانى ؟ و اي من البوردتين تستاهل؟من ناحية السعر و الخيارات و العيوب الاقل
وكمان في معادلة محيراااااني اوييييي هههههههه
intel core2duo 2.13 +nvidia 8500gt wlaaaa pentium D 3.2 +nvidia 8600gt
انهى الاحسن ؟؟
و هل لو الكارت ddr3 زي الxfx geforce 8600 gt 540mhz \256 mb\GDDR3 يشتغل علي بوردة تعمل ب رامات ddr2
زي البوردة gigabyte 965p Ds3???
معلش يا جماعة طولت فى اسئلتى ,انا اسف بس هيا مرة في العمر
و يايريت مش واحد بس اللي يرد عليا,انا عايز كذا واحد عشان تبقى اراء مش رأي واحد
شكرااا مقدمااا

[| Fusion |]

اولا: بالنسبة للبروسيسور:
و انت مغمض.. Intel Core2Duo E6420 أفضل بمرااااحل من ال PentiumD (البروسيسور التاني اللي انت ذكرته)

بسبب تكنولوجيا ال Core 2 Duo التي تفوقت تماما على جميع موديلات Pentium .. و لعلك هتسأل و تقول ان ال Pentium D سرعته 3.2جيجاهرتز .. اما ال E6420 سرعته 2.13 جيجاهرتز.. فـ ازاي ال E6420 اسرع ؟!!.. هقللك تكنولوجيا التصنيع تفوقت بكثير على رقم الجيجاهرتز و اصبح هذا الرقم الآن ليس بالأهمية التي كان بها قبل تكنولوجيا ال Core 2 Duo...

ثانيا: بالنسبة لكارت الفيجا:
اول حاجة: ال GDDR3 يشتغل عادي على اي بوردة تدعم DDR2 رام زي gigabyte 965p Ds3

تاني حاجة: لو تقدر تزود 100جنيه على سعر الكارته 8600GT و تجيب XFX FATAL1TY 7600GT GDDR3 650MHz .. حيث ان اداء النسخة المطورة من ال 7600GT ينافس أداء ال 8500GT و ال 8600GT.. و الكارته دي هتلاقيها بس في توكيل XFX ...

ثالثا: بالنسبة للماذربورد:
اداء ال GIGABYTE 965p DS3 تفوق على اداء XFX 650i بقليل في الاختبارات .. و لكن ما يميز ال XFX 650i انها تدعم معالجات انتل بناقل امامي 1066MHz و 1333MHz .. و البروسيسور E6420 يعمل على ناقل امامي 1066MHz لذلك هو مناسب لكلا البوردتين و لكن اذا فكرت لاحقا في التطوير الى بروسيسور بناقل امامي اعلى , فلن تستطيع مع بوردة جيجابايت..

و لو عايز تاخد فكرة عن بقيت الاسعار.. شوف الموضوع دا و ان شاء الله تستفيد:
https://www.arabhardware.net/forum/s...ad.php?t=57861

و اي استفسار .. انا جاهز ان شاء الله...

[alayoubi]

أهلا أخي

أكيد القطع هذه أفضل intel core2duo 2.13 + nvidia 8500gt مثل ما قال الأخ السابق .وأيضا المذربورد من جيجابايت ممتازة 965P-DS3 وأحب أصحح معلومة أن البوردة دي بتدعم لحد البص 1333 فأهم شيء تشتري الأصدار الأخير Rev 3.3 .وممكن تتأكد من رابط الشركة : هنا
طبعا مافي مشكلة بين DDR2 للبورده و DDR3 لكرت الشاشة .

وطبعا لو الميزانية سمحت وحصلت على كرت 8600GT ستلاحظ فرق كبير وأعتقد أنه أفضل أو يساوي 7600GT ولكنه أحدث ويدعم DX10 قهو أفضل للفيستا و للألعاب في المستقبل . وعلى كل قارن بين الأسعار. ودايما ركز على ال DDR3 في كروت الشاشة لأن أدائها أفضل .

وبالتوفيق

[anaconda50]

شكرااااااااااااااا جداا يا جماعة علي اهتمامكم بالموضوع و كلو بثوابه
بس ارجو ان الاهتمام ده يدوم ,بمعني تابعوا الموضوع لحاااد انشاء الله لما اشترى الكيسة
انا لسة راجع من مول السخاوى 1,2 و سئلت علي الحاجة
بالنسبة للماذر بورد ال xfx nforce650i ب 700>>>> 750 بس كلووووووا قلي دي لسة نازلة السوق جديد السنة دي و مش معروفة و لسة محدش كتييييير جربها و لسة محصلش فيها مرتجع و الشركة دي اول مرة تعمل ماذر بورد ب chip ل ال intel ف قلقوني منها,لا وكمان قابلت وااحد اشتراها و قالي دي بوردة فااااااااشلة و السوفت بتاعها تعبان و التعريفات زي الزفت
و رجعتها مرتين , المرة الاولي كانت قاطعة , و التانية كارت النت كان بايظ و اشتريت كارت علي حسابي
ف مش عارف ؟؟ بس قلقت منها.
و الماذر ال gigabyte 965pds3 ver 3.3 او gigabyte 965pds3 عموماا قليلة في السوق قوووووووووووووي يمكن لقتها عند محل او 2 بسس و غاااااااااااااااااااااااااااااااالية في حدود 850 او 900
بسسسس كلو بيشكرلي في gigabyte وخصوصا النوع دة, و في ناس رشحولي الموديل دة gigabyte p35-ds3r وقلولي جاااامدة و كمان بوردة للمستقبل و احسن من ال 965pds3 ver 3.3 , بسسسسسسسس بردو غالية ب 920 او 930 ,وانا وش شايف فيها عيب غير الثمن , ف ايه رايكوا فيهاا؟؟
و اخد انهي واحدة ؟؟؟؟
وانا نزلت ب البروسسور شوية عشان ازبط الميزانية, يعني بدل ال e6420 هاخد ال E4400 2.0ghz cach 2 m و دة ب 720>>>>750
بلنسبة لل بروسسور دة كويس في الover clocking ؟؟؟ ولا ايه نظاامه ؟
كذلك البوردة ال xfx nforce 650i i هل بها امكانية ال overclocking ولا لاء؟؟؟

كدة كويس ولا اية اخليني في البروسسور الاول ولااااا اخد التاني
بس انا خلااااص الحاجة الوحيدة اللى ثبت عليها هي intel core2duo مششش هاتنازل عنة زي مانتوا قلتولي

حااااااااااااجة تانية فاقعاااااااااااااااااااااااني
ازاى الكارت ال xfx giforce 8600gt 256m ddr3 علي newegg ب 130$ يعني = 780 ج تقريبا 800 لو الدولار ب 6 جنيه, وادي لينك الكارت
https://www.newegg.com/Product/Produ...82E16814150230
اقوم القيه هناااااااا بيتباااع ب 1050 و 1100 :Angry:Down:
ف دلوقتي تفتكروا اتنازل عن الكارت 8600GTو اشوف ال 8500gt 256 ddr2 ولاااااا ال 8500gt 512mb ولا ال 8500gt 256 ddr3 ام ال 3 انواع ال 8500 مش حلوين و زي مبيقولوا ال 8500 كارت فاشل فى الالعاب ولا يصلح
و انفض لل 8500GT و اخليني في ال xfx 8600 gt 265 ddr3 عشان يستاهل و مش مهم السعر ؟؟؟؟؟؟؟؟؟؟؟؟؟؟
و في ال chaintech 8600 gt ب حوالي 940 او 970 ج
ام ان ال 8500 , و ال 8600GT واحد و اداءهم زي بعض و ضعيف و مايستاهلوش
كلها اسئلة ولله تحير
معلش يا جماعة ساااعدوني عشان اخلص من الحوار المتعب دة
هيا دي القطع اللى انا محتاج مساعدة فيهم
انما الباقي عادي زي
ال asus dvd writer 18x compo light scripe ب 220 ج
hard 160 او hard 250 حسب المتبقي من الميزانية
ram 2X512 pc 667 ddr2 او pc 800 حسب الفلوس بردو ب 250 ج
case gamma ب 270ج ب بوور 300w ولو ينفع اشتري كيسة جاما من غير بور , وانا اجيب ال بور الي يعجبني و الوات اللى يعجبني؟؟؟؟
وانا حسبتها لو اخدت ال E4400 + ga p35-ds3R + RAM 2x512 + ASUS DVD + CASE GAMA 300W + HARD 160=حوالي 2700 بدون كارت الشاشة (المعضلة)
ف مستني رددكم عشان اتوكل علي الله

[| Fusion |]

انت بالمواصفات اللي انت طالبها دي, لازم هتعلى عن ال3000جنيه.

مثلا:
بروسيسور: E4300 .. ملهاش لزمة انك تجيب E4400 مدام هتعمل overclocking .. سعره 680جنيه
ماذربورد: GA-P35-DS3R.. سعرها: 920جنيه
رامات: رامتين 512MB باص 667MHz.. سعرهم 220جنيه
هارديسك: 160جيجا... سعره 310جنيه
كيسه: حسب اختيارك بس اتأكد ان الباورسبلاي اعلى من 450واط... سعرها في حدود 200-250جنيه
دي في دي: ال ASUS اللي انت اخترته... سعره 220جنيه

كدا السعر في حدود 2550جنيه طبعا من غير كارت الفيجا.. و لو عايز اي كارته من الفئة الثامنة لازم هيعلى السعر عن 3000جنيه.. و منصحكش ب 8500GT خالص .. اداءها مش قد السعر اللي هتدفعو فيها..

لو تقدر تزود 500جنيه بحيث الميزانية تبقا 3500جنيه و تجيب ال 8600GT يبقا ممتاز جدا..

بس للأسف لازم تعلي ميزانيتك.. لأنه مدام ناوي تعمل overclocking يبقا لازم تدفع ضريبة ال OverClocking يعني لازم الماذربورد تكون كويسة (الجيجابايت اللي اخترناها ممتازة في ال OC).. و الباورسبلاي بتاعك يكون محترم عشان يقدر يستحمل ال OC .. و طبعا لازم راماتك تبقا كويسة هي كمان عشان تساعدك توصل للنتيجة اللي انت عايزها من ال OC..

و لعلمك ال E4300 بيوصل لـ 3GHz مستريح على الماذربورد دي بس لازم تهتم بالثلاث حاجات اللي قلتلك عليهم عشان تعمل OC مستريح (ماذربورد - رامات - باورسبلاي)...

بالتوفيق..

[| Fusion |]

وأحب أصحح معلومة أن البوردة دي بتدعم لحد البص 1333 فأهم شيء تشتري الأصدار الأخير Rev 3.3

معك حق اخي الايوبي..

[alayoubi]

أنا قريت الي انت كاتبو وماشي معاك للأخر ان شاء الله.

بالنسبة للمعالج :
في حل وسط وهو معالج E6320 1.86GHz 4M Cache FSB 1066 وهو أفضل طبعا منE4400 2.0GHz 2MB Cache FSB 800 وممكن ترفع سرعته لسرعة E6600 2.4GHz أو أكثر.

بالنسبة للمذربورد:
الجيجابايت الأتنين مثل بعض بس P35-DS3R أفضل للمستقبل اذا حبيت بعد سنتين أو أكثر تطور الجهاز لمعالجات Penryn القادمة سنة 2008 .

بالنسبة لكرت الشاشة: طبعا في فرق كبير بين 8500 و 8600 وأهم حاجة تركز على DDR3 + مروحة والكروت دي جيدة :

خود فكرة عن أسعارها:
ASUS GeForce 8600GT 256MB GDDR3

MSI GeForce 8600GT 256MB GDDR3

EVGA GeForce 8600GT 256MB GDDR3

وفي الأخر اذا لم تجدها حسب الميزانية أما تشتري :
chaintech 8600 gt 256 ddr3
أو
8500gt 256 ddr3

بالنسبة الهارديسك: سيجيت أفضل من WD
Seagate 160GB 8MB Cache 7200rpm SATAII
الموديل: ST3160815AS لأنه 8MB Cashe والباقيين بس 2MB
أو
Seagate 250GB 16MB Cache 7200rpm SATAII
الموديلات : ST3250410AS أو ST3250620AS

بالنسبة للرام: من شركات معروفة مثل KingSton or Kingmax or Elixir
Kingston KVR 2X512MB DualChannel DDR2 667 PC2 5300

بالنسبة للديفيدي رايتر:
من شركة LITEON أو Asus أو NEC

وأي خدمة أنا جاهز.

[alayoubi]

كيسه: حسب اختيارك بس اتأكد ان الباورسبلاي اعلى من 450واط...

كلام سليم . 450 واط جيدة بس الأهم تشوف المعلومات المكتوبة V12 فولت = 30ِA أو أكثر ومن شركة كويسه .

[anaconda50]

تماااام اوي يا جماعة انا مش عارف اشكركم ازاي !Clap جزاكم الله كل خير و زى مبيقولو
share fi el 7'er LooL
بس انا هارد علي شويت حاجات
البروسسور ال E6320 غااالي هايدخل في 970 جنيه
وانا اصلا نزلت بالبروسسور من E6420 بسبب سعره ,عشان اظبت الميزانية و الفرق احطة فى البوردة او كارت الشاشة (اللى لسة مستقرتش علية):confused: لسة بفكر:rolleyes:
وكمان الاستاذ wmgc
لو انا جبت ال e4300 مش انا كدة اكون جبت اقل بروسسور في فئة ال core2duo
و متهيالي ال e4400 هايكون احسن منة لانة 2.0 ghz و بالتالي لو اتعملوا over clocking
هايكون احسن من ال e4300 لو اتعملو overclocking
بس هنا فى سؤال , هل فرق السرعة (ghz) و ال L2 cache بيفرق في الكور تو ديو؟؟؟

بالنسبة للبوردة ال gigabyte p35-ds3R شوفت مواصفتها و لقتهااااا ممتاااازة بس هوا استفسار واحد هنا , هل البوردة دي بتدعم SATA 2 ؟؟؟
لو كدة تبقي فعلا بوردة للمستقبل و خصوصا ان سعرها مش فارق كتييير عن ال 965p-ds3 v3.3يمكن 50 جنيه و انا لو جبتها مش هاحتاج اجدد لفترة قدام لاني مش ناوي اعمل كدة اصلا,و كمان ultradurabl2 , و اجدد من ال 965p-ds3v 3.3 ولااا اييييييه؟

الهارد ال 160 في منه 16 ميجا كاش sata 2 ولا اللى موجود ال 8 ميجا بس؟ و لو موجود سعرة كام؟؟عشان لو كده هاشتريه
و انا بعد م اتفقت مع والدي
اخخخخخخخخخخخخخخرررررى 3500 بجد واللة
و لو قلتلوا علي مليم تانى ها.......................:n:
عموما كدةةة تمام اوي
انا لو استقريت علي
بروسسور: intel E4400 2.0 ghz 2mb l2 cache =740
ماذر بورد:gygabyte p35-ds3R =920
dvd:asus 18x double layer compo\light scripe =220
هارد: حسب ما تجاوبوني علي سؤالي اللى فوق
هنا هل ال 8 mega تفرق عن 16 mega ؟؟؟؟
كيسة: gamma 350w
الكاااااارت:بصو بقي يا جماعة انا بصراحة عايز ال 8600gt بسسسس خايف ادفع 1000 جنية في حاجة متستهلش ااو الاداء بتاعها لفترة قصيرة (بمجرد نزول crisis) و باقي لعب ال dx10 او انخفاض اسعار ال 8800 ليكون في متناولنا و ميكنش8600gt ليه لزمة و مشغل بالعافييييييييية و اكون خسرت ال فلوس
و نفس الكلام علي كروت الجيل السابع بردو اداءها هايكون لفترة قصيرة و لو جبتها مش هاتكون رخيصة بردو , مثلا ال 7300 gt في حدود 550 600 بردو دي مش سهلة اني اجيب كارت جيل 7 ب 500 600 جنية عشان اصبر بية نفسي كام شهر واجي ابيعه بعد كدة الاقيني خسراااااان فيه كتير
فهي حاجة تحير بصراحة

[| Fusion |]

وكمان الاستاذ wmgc
لو انا جبت ال e4300 مش انا كدة اكون جبت اقل بروسسور في فئة ال core2duo
و متهيالي ال e4400 هايكون احسن منة لانة 2.0 ghz و بالتالي لو اتعملوا over clocking
هايكون احسن من ال e4300 لو اتعملو overclocking
بس هنا فى سؤال , هل فرق السرعة (ghz) و ال L2 cache بيفرق في الكور تو ديو؟؟؟

اخي .. فعلا بعد ما قريت تقارير عن الاتنين بروسيسورز دول .. وجدت انه ال E4400 يتميز بالثبات عن ال E4300 عند عمل OC يجاوز ال 3.2جيجاهيرتز لان معامل ضربه اكبر من معامل ضرب ال E4300 لذلك لم تضطر لرفع تردد الناقل الامامي كثيرا للحصول على السرعة المطلوبة مما يؤدي الى ثبات اكثر في النظام عند الوصول الى ارقام عالية في ال OverClocking ... بس برضو لا يزال الفرق بينهم بسيط جدا و لو هتقدر تجيب ال E4400 يبقا كويس جدا.. و لو مش هتقدر ال E4300 بيوصل ال 3جيجاهيرتز مستريح جدا ..

بالنسبة للبوردة ال gigabyte p35-ds3R شوفت مواصفتها و لقتهااااا ممتاااازة بس هوا استفسار واحد هنا , هل البوردة دي بتدعم SATA 2 ؟؟؟

البوردة دي انصحك بيها جدا.. و هي بتدعم ال SATAII

و بالنسبة لكارت الفيجا .. فال 8600GT ممتازة

الجهاز بالكامل:
بروسيسور: E4300 او E4400 .. القرار لك حسب الميزانية و انا قلتلك الفرق بينهم..
ماذربورد: GA-P35-DS3R.. سعرها: 920جنيه
فيجا: 8600GT .. سعرها 1050
رامات: رامتين 512MB باص 667MHz.. سعرهم 220جنيه
هارديسك: 160جيجا... سعره 310جنيه
كيسه: حسب اختيارك بس اتأكد ان الباورسبلاي اعلى من 450واط... سعرها في حدود 200-250جنيه
دي في دي: ال ASUS اللي انت اخترته... سعره 220جنيه

كدا المجموع: 3600 جنيه .. و ال100 جنيه الزيادة دول هتنزلهم بالفصال

تحياتي...

[alayoubi]

بس هنا فى سؤال , هل فرق السرعة (ghz) و ال L2 cache بيفرق في الكور تو ديو؟؟؟

السرعة في حالة الأوفركلوك طبعا بتزيد والكاش الأعلى أفضل طبعا. وطبعا ستحتاج الى مروحه خصوصي للمعالج اذا كنت سترفع السرعة بدرجه كبيرة .

بالنسبة للبوردة ال gigabyte p35-ds3R شوفت مواصفتها و لقتهااااا ممتاااازة بس هوا استفسار واحد هنا , هل البوردة دي بتدعم SATA 2 ؟؟؟
لو كدة تبقي فعلا بوردة للمستقبل و خصوصا ان سعرها مش فارق كتييير عن ال 965p-ds3 v3.3يمكن 50 جنيه و انا لو جبتها مش هاحتاج اجدد لفترة قدام لاني مش ناوي اعمل كدة اصلا,و كمان ultradurabl2 , و اجدد من ال 965p-ds3v 3.3 ولااا اييييييه؟

حاجة أكيدة طبعا أنها تدعم الساتا 2 .

الهارد ال 160 في منه 16 ميجا كاش sata 2 ولا اللى موجود ال 8 ميجا بس؟ و لو موجود سعرة كام؟؟عشان لو كده هاشتري

لا يوجد 16 ميجا سواء من سيجيت أو ويستيرن ديجيتال

الكاااااارت:بصو بقي يا جماعة انا بصراحة عايز ال 8600gt بسسسس خايف ادفع 1000 جنية في حاجة متستهلش ااو الاداء بتاعها لفترة قصيرة (بمجرد نزول crisis) و باقي لعب ال dx10 او انخفاض اسعار ال 8800 ليكون في متناولنا و ميكنش8600gt ليه لزمة و مشغل بالعافييييييييية و اكون خسرت ال فلوس

بص يا عم أنا هقول لك على سر بس ماتقولشي لحد Wink: وأمري لله وأكون كدا ريحت ضميري, اذا كنت حتلعب لعبة crisis وأخواتها والشلة الكبيرة دي فالأفضل انك تنسى الموضوع ده خالص ليه بقى :q: :mad: (H)
لأن الألعاب الجاية مش حترحم أبدا NO MERCY يعني يا دوب كروت 8800 تصمد لسنة أدام معاها فما بالك ب 8600GT ولي حيشغلها بامكانيات عادية لأن أنا شوفت فيديو لنفس اللعبة بشغلوها على 8800GTX ومعالج Penryn الي لسا منزلش تجارب يعني :eek:

وأنا شايف ان حرام يعني تشتري بورده أحدث حاجه وبتدعم بص لحد 1333 وتجيب معالج البص بتاعه 800 تبقى كده ظلمت البورده ياعيني (B)

فبعد المحاضرة الطويلة دي وباختصار اعمل زي ماقالك الأخ كاش كاش في منتدى الديفيدي. يعني جيب بورده 945PL-S3 من جيجابايت بس غير المعالج بالمعالج E4400 واشتري فيجا 7300GT 256MB DDR3 من شركة شانتك لأنها أفضل حاجه بالفئة دي وسعره زي ماقلت 550.

ايه رأيك في الكلام ده منطق ولا مش منطق (BB)

[anaconda50]

طييييب تمام اوى,كدة الرؤية وضحت
و متخفش سرك في بير و مالوش أرار:up:
بس في حاجة انا مفهمتهاش

لأن الألعاب الجاية مش حترحم أبدا NO MERCY يعني يا دوب كروت 8800 تصمد لسنة أدام معاها فما بالك ب 8600GT ولي حيشغلها بامكانيات عادية لأن أنا شوفت فيديو لنفس اللعبة بشغلوها على 8800GTX ومعالج Penryn الي لسا منزلش تجارب يعني

هل انتا تقصد هنا ان اداء ال 8800 هوا اللى ضعيف و هايشغلها بامكانيات عادية ولا اداء ال 8600 هوا اللي ضعيف و هايشغلها بامكانيات عادية؟؟؟؟؟
مصيبة لا يطلع ال 8800 (BB) ف وضح ارجوك
انما لو طلع ال 8600 ف دة عادي و طبيعي لانه ليس بقوة ال 8800 ايا كان نوعه

و حكاية لعبة crisis دي عادي ليييه؟
لان انا متاكد ان انا لو ملعبتهاش فهايبقي في ناااااااااس كتير زي مش هايلعبوها
ف الموضوع عام,انما لو جبت ال 8600 gt ممكن العبها ولو حتي بامكانيات عادية او ضعيفة
لانها اصلا لعببببببة دمااار
اما بخصوص ال كارت ال 7300 : مينفعش ادفع 500 600 جنية في كارت او اي كارت جيل 7 انتهي عصره تقريبا لمجرد ان اال 8600 هايشغل اللعب بامكانيات عادية زي crisis
حاجة تانية ال7300 لما اجي ابيعة هايكون وقتها مش بيساوى حاجة و هاخسر فية جامد
اما ال 8600 لو حبيت ابيعة ف ميزة ال dx10 & pixilshader4 دي في صااااااالحي طبعاااااا
فانا شايف ان فكرة ال 7300 دي غي مناسبة تمااااماااا
اما البوردة ال 945 انا شايف بردو انها خلاص راحت عليها
و الاستاذ wmgc
حلهالي وانا بشكره جدا
و موافق علي اقتراحة
وطبعا الاسعار بتختلف من محل للتاني بس ان شاء الله هادور علي احسن سعر عشان تظبط مع الميزانية
بي عموما كدة تمام خلاص ؟؟القطع كدة متوافقة مع بعضها ؟؟ و البورسبلاى هايكفي؟
عشان انزل و اتكل على الله و اشترى الحاجة

[alayoubi]

هل انتا تقصد هنا ان اداء ال 8800 هوا اللى ضعيف و هايشغلها بامكانيات عادية ولا اداء ال 8600 هوا اللي ضعيف و هايشغلها بامكانيات عادية؟؟؟؟؟

طبعا أقصد 8600GT .

[| Fusion |]

بي عموما كدة تمام خلاص ؟؟القطع كدة متوافقة مع بعضها ؟؟ و البورسبلاى هايكفي؟
عشان انزل و اتكل على الله و اشترى الحاجة

توكل على الله اخي الكريم.. الجهاز كدا ممتاز جدا ... و مبروك عليك مقدما.. بس كنت عايز اعرف انت ناوي تشنريه منين بالظبط؟

[alayoubi]

خلاص ياعم اتكل على الله .

عايزين نفرح ونبارك !Clap ونيجي نسلم وانهني كمان LooL