اخي الكريم والله انا هرد عليك على قد معرفتي بالامور ولو اني كنت اتمنى عدم الرد عشان يرد عليك احد يكون عنده معلومات ونصائح افضل مني لاني لسه في بداية الطريق بس اتمنى التاكد من المعلومات الي هقولك عليها
اولا : كيف هتقدم على الاختبارا ؟ بما انك موجود في السعوديه فالمركز اللي اعرفه بيستقبل دي الاختبارات هو مركز نيوهرايزن وطبعا معروف اماكنه وفروعه للجميع
ثانيا:اكيد في رسوم وكل اختبار لازم تدعله يعني الرسوم منفصله بين كل اختبار واخر واعتقد ان الاختبارات مثلا لشركه واحده سعرها ثابته مثلا مايكروسفت سعر اختباراتها 450 ريال سعودي لكل اختبار لاني الشهر اللي فات دفعت 450 لاختبار 70 -290 وطبعا اذا حصل رسوب لا قدر الله فالاعاده بفلوس
ثالثا :بالنسب لدخول الدورات فده الشي يرجعلك انت اذا كان مستواك جيد وعندك خبره 10 سنين فاعتقد انه يكفي تجيب الكتب وتحمل السيدهات من هنا وتتدرب عليه بنفسك وتتوكل على الله لان المعاهد اغلبها صاروا حراميه لنهب الفلوس وبس واسأل مجرب
رابعا:بالنسبه ليه والله اني كنت ما اعرف شي فشي والحمد لله دحين وده فسنه مو في 10 فباختصار بشوية جهد هتشوف الوضع عادي والمستوى كويس
خامسا :الاختبارات مالها مواعيد محدده انت اللي بتحدد ميعاد الاختبار وبتروح تختبر بس حاول تنسق مثلا بين مواعيد تحديث الاسئله وبين ميعاد اختبارك وده طبعا اذا كنت هتعتمد على الاسئله زي ما احنا بنسوي والاسئله اماكنها كثير واصداراتها اكثر ممكن من التست كنج وممكن من الباس فور شور وغيرهم
سادسا :اللغه المعتمده هي الانجليزي والكتب بالنجليزي والاسئله بالانجليزي والاختبار بالانجليزي واذا ماكان عندك للغه زيي فالله يعينك على الترجمه بس شويه شويه هتتحسن واللغه هتبسط بالنسبه لك
ووالله اسفه على الاطاله بس حاولت افيدك قدر المستطاع والله المعين للجميع وبالتوفيق متمنيه الدعاء لي
المفضلات