ماذا يحدث في interview؟؟؟؟

**a_network** · 26-08-2007, 22:13

هنا وقد جاء التحدث عن طبيعة العمل

يقوم الشخص بإلقاء بعض الأسئلة عليك في نوع الوظيفة المتقدم أنت إليها مثل خلينا فى نطاق الكمبيوتر والشبكات بشكل عام .

أكيد طبعا هوا مطلع على السي في بتابعك من قبل وآنت كاتب فيه عدة أشياء لأنك أكيد متقدم للعمل في مجال الـ IT إذا لم يكن الشخص شهادته الدراسية غير مطابقة للمجال هيسالك طبعا عدة أسئلة
1- أشمعنا المجال ده اللي آنت اخترته بالذات يكون الرد بكل دبلوماسيه إن بحب مجال الكمبيوتر من زمان ومسمحتليش الفرصة انى ادخل تخصص كمبيوتر ولكن استطعة أنى أطور نفسي وحصلة على عدة شهادات كويسة لكي تؤهلني بالعمل المناسب في هذا المجال وقمت بعمل الشهادات الازمه لكي تكون قاعدة قوية تصلح للعمل في هذا المجال .
2- أنت شهادتك الجامعية في مجال الكمبيوتر هيسالك آنت كاتب في السي في بتاعك انك تعرف برمجة وداتا بيز وشبكات وآنت متقدم للعمل في مجال الشبكات لماذا لم تختار اى مجال من المجالات المذكورة الرد طبعا هيكون لاننى أحب التخصص في مجال واحد هوا أكثر المجالات لى اتقانا فيعرف انك شخص ذو هدف واحد ثابت في الراى غير مذبذب هيسالك طيب إحنا معندناش فرص عمل حاليا في الشبكات ممكن تشتغل معانا في قسم البرمجة زى ما أنت كاتب في السي في لحين وجود فرصة في الشبكات ؟ ...ماذا سيكون ردك في هذا الموقف .............أكيد هاتكون مزبزب الراى شارد الفكر وبكل بساطه هتقوله آنا ممكن اشتغل في البرمجة ولكن لم اوؤدى بها اى إظهار او احترف كما لو كنت في الشبكات بس انا كنت حابب انى أكون فى قسم الشبكات ده رد مثالي جدا وأكيد هيكون فى صالحك
3- التحدث فى مجال الشبكات
في أكثر الأحيان يكون التحدث عن DNS ووظائفه وادئه في الشبكة وأنواع السيرفرات وترتبها بالنسبة للشبكة وعن تكوين الشبكة ............تنبيه هام
خلى بالك ان الشخص ده عارف انك مشتغلتش في الشبكات قبل كده غير فى الكورس بس وتدريبات الكورس اذ لم يكن الشخص لم يسبق له العمل من قبل في مجال الشبكات ---------- من الاسئله الأكثر شيوعا طبعا ما هوا الـ IP
ما هوا سيرفر الايزا وإيه دوره المهم بالنسبة للشبكة وما هوا الـDHCP ايه هوا السير فر المتحكم في الشبكة كلها كلها هاتكون اسأله نطريه لأنه من المفترض على الشخص المتقدم في الانتر فيوو معروف عنه انه لسه جديد في الشبكات وده مش عيب لان كل خبراء الشبكات كانو مثله في البدايه وأكيد لما تبداء العمل هتحظى بقترة تدريب عمليه إلى حين ان تكون قادر على أداء مسؤليه معين على الشبكة
لان في الشبكات الكبيرة يوجد بها عددة مدراء كل واحد منهم يشغل وظيفة معينة على الشبكة

والله الموفق والله ولى التوفيق إنشاء الله ونرجو التعقيب من أعضاء المنتدى على هذه المواضيع .
وإنشاء الله سنوافيكم بالأفضل قريباrule:

**mohamed amr** · 26-08-2007, 23:37

ألف شكر علي هذا الموضوع المهم والخطير

وشكر خاص للأخ a_network علي ردوده الهامة والمتميزة ونرجوا منه المزيد

**Mo0o0o0o0ra** · 27-08-2007, 10:46

ما شاء الله عليك كفيت و وفيت و اسلوبك سهل و سلس.........بس اكيد حضرتك عارف اني معنديش مجال خبرة في اي شيء؟؟؟؟ده ممكن يكون سبب رفض صح؟
يا ريت تقولنا نكتب ايه بالضبط في السي في اكتب الوظيفة ايه؟
شكرا على مجهودك و اهتمامك حقيقي جهودك واضحة

**قطقوطة** · 29-08-2007, 14:40

بصراحة شكرااااااا جدا على السؤال الجميل
وعلى الشرح الرائع للأخ a_network

**_booody_** · 29-08-2007, 18:24

جزاكم الله خير و نريد المزيد

**khaled_gti** · 29-08-2007, 19:12

100 100 الاخ network بس اللي انا شايفه ان اغلب الشركات بتعتمد علي حسن المظهر و لباقة الكلام اكتر من التكنيكال والخبرة والانترفيو بيبقا دردشة عاديه لما كنت في مصر عملت 6 انتر فيو في شركة واحده اسمها اورانج وماحصلش نصيب منهم 2 تيكنيكال وواحد لغه.
الدردشة ديه بيخليك تتكلم عن نفسك . عن حياتك . اصحابك . دراستك . ايه اكتر حاجه بتحبها . كان نفسك تبقا ايه وبقيت ايه . وهل وصلت للي انت عاوزه ولا لأ . هل تعبت لحد ماوصلت للي انت فيه ده ولا الموضوع كان سهل ادامك . ليه مادرستش التخصص اللي انت بتحبه ده فرضا لو انت خريج اي كليه تانيه غير هندسه او كمبيوتر ساينس. علاقتك مع الناس عامله ايه . انطوائي ولا اجتماعي .ايه اكتر المشاكل اللي بتقابلك في حياتك وازاي بتحلها وبعد كده يقولك ( انت ناوي علي ايه في حياتك وعاوز تعمل ايه وبتعمل ايه من دلوقتي )
المشكله هنا ان كل كلمه بتتقال بتتحسب عليك . غير كمان ساعات بيعيد صياغه السؤال عشان يعرف ان كنت صادق او لأ بس بإسلوب تاني .
طبعا الرد لازم يكون بصدق وببساطه وكلام قليل ومايخرجش بره الموضوع
في كتاب اسمه Think out of the box ( فكر بخارج النطاق او الصندوق ) ياريت تقرووه هينفعكوا جدا خصوصا الحياه العملية

**a_network** · 30-08-2007, 00:01

شكر خاص إلى الأخ khaled_gti والله بشكرك تانى على تواضوعك واحترامك ليا ولست أعيب على كلامك لأنك من المؤكد أكثر منى خبرة ودراية بس حضرتك عارف انها اراء وافكار كتيرة الفكرة الاساسيه في الانتر فيوو
هيا دراسة علم النفس وليس المظهر بشكل اساسى لان بالطبيعي أنا عندي انتر فيوو النهارده يعنى أنا عندي كشف هيئه
لازم أكون لابس على سنجة عشرة ذي ما بيقولو بالبلدي. يعنى حتى ولو كنت بسيط الحال سوف اظهر انى بذلت مجهود كى اظهر اليوم بمظهر لائق امام ممثل الانتر فيوو .
ثانيا / لست أتحدث عن نفسي لاننى لست بعالم أو خبيرا كل ما في الأمر قراءة شوية وممكن ميكنش كتير أوى
في علم النفس وفى لغة التخاطب وفى لغة الجسد وكيفية التحاور وإلقاء المعلومة بشكل واضح وسلس وأكيد حضرتك تسمع عن الحاجات ده
وكل حاجه من اللي قلت عليهم ده لوحدها مادة علمية بيأخذ عليها دكتوراة والعبد لله
مش ملم بكل اللي في هذة المواضيع ولكن عرفة منها خبرة الحياة المطلوبة وكيفية التعامل معا أنواع العقول لاننى كنت بشتغل برده في مكان مرموق في مصر وكان عندي اخطلات بفئة معينة من الناس يجب عليا مراعاة كل كلمه أو حركة أثناء المؤتمرات والاجتماعات اللي كنت بحضرها فبدأت أطور من حالي فكنت لازم
اعمل بعض الدراسات معا نفسي من كل وقت للثاني وكمان عندي اصحابى بيحبو يقراؤو في هذه المواضيع فكنت بستفيد منهم كتير برده وكنت بجيب كتب من على النت
أما بالنسبة للكتاب اللي حضرتك بتقول عليه يا رات تدلنا عليه و إنشاء الله هحاول اقرءة لانى أكيد أكيد هلقى فيه معلومات جديدة ومفيدة

واشكرك على ردك وتنبيهك ليا ونرجو منك دوام التعقيب
--------------------------------------
قال رسول الله صلى الله عليه وسلم
الدال على الخير كفاعله
صدق رسول الله (ص)

**a_network** · 30-08-2007, 00:12

شكرا يا مووووورة على تشجيعك لينا بس ده ميجيش حاجه جمب اللى انتى بتعمليه من جهود مبذولة فعلا واكثر من رائعه وانشاء الله سنوافيكى بالرد المناسب قريبا انشاء الله
فى رعاية الله وحفظه