صفحة 1 من 3 1 2 3 الأخيرةالأخيرة
النتائج 1 إلى 15 من 41

الموضوع: تخطى خيالك مع NOD 32 بتفاصيل رهيبة

  1. #1
    عضو الصورة الرمزية السقا
    تاريخ التسجيل
    Jul 2006
    المشاركات
    828
    معدل تقييم المستوى
    0

    Arrow تخطى خيالك مع NOD 32 بتفاصيل رهيبة




    بسم الله الرحمن الرحيم
    الموضوع برعاية Group -3 (السقــــا & الأميــرة)

    إخواني وأخواتي أعضاء عرب هارد وير، السلام عليكم ورحمة الله وبركاته
    طبعا كلكم فاكرين لما شرحت برنامج الحماية NOD 32 والشرح كان مصور والحمد لله الشرح لاقى استحسان الجميع ( الحمد لله رب العالمين )، وطلبتوا مني أعمل نسخة من الشرح على شكل ملف PDF لكن الظروف ماسمحتش واللي زاد إن الصور إزيلت من الموضوع بسبب موقع رفع الصور
    وأنا طلبت إلغاء تثبيت الموضوع لحين عودته.
    المهم والحمد لله جت الفرصة مرة تانية بعد تحدى الأميرة واتفقنا ننزل بالموضوع مرة تانية بس المرة دي ان شاء الله أنا هازود الموضوع بنسخة كاملة من البرنامج ، بالإضافة لنسخة بورتابل Portable كاملة لا تحتاج لتنصيب ، فقط فك الضغط ويعمل معاك ويتم تحديثه إيضا.


    أحب أفكركم إن الموضوع معتمد كليا على الشرح المصور والمبسط والوافي إن شاء الله ، وفي مفاجأة حلوة في آخر الموضوع يارب تعجبكم

    يللا نبدأ ؟؟ بسم الله .....





    أولا : ليه NOD 32 بالتحديد ؟؟


    ببساطة شديدة لأنه:
    1- من أقوى برامج الحماية ( إن لم يكن أقواها ).
    2- خفيف جدا جدا.
    3- ذكي جدا ( مش بغباء بعض الأنواع الاخرى ذات الشعبية العريـــــــضة).
    4- السينس العالي أو الإستشعار بالملفات الضارة أو اللي بتسلك سلوك الفايروسات وإن لم تكن فايروسات.
    5- قدرتك على التحكم الكامل بالبرنامج والتحكم في طريقة الحماية.
    6- تحديث مستمر ومتجدد على مدار اليوم.
    7- واجهة بسيطة وإن كان الغالبية بتخاف منه عشان واجهته وبيتهموها بالصعوبة بس اللي هايتابع هايعرف مدى صحة كلامي.
    8- البرنامج أصلا لحماية الشبكات.
    9- غير كده كتير واللي ان شاء الله هانعرفه مع الشرح.
    10- الجوائز اللي حصل عليها واللي منها :


    11- الإختبارات اللي اجتازها البرنامج واللي منها :


    ثانيــــا: التحميل ( النسخــــة العادية - تسطيب )


    1- ممكن تدخل هنـــا ( الموقع الرسمي للبرنامج ) وتملأ الفورمة وتحمل نسخة طازة من الموقع.
    2- الفيكسر الخاص بالبرنامج من هنــــــا.

    ثالثا: التحميل ( نسخة بورتابل أو محمولة - لا تحتاج لتسطيب )
    من هنــــــا

    ثالثا: تسطيب البرنامج
    1- إنتظر اكتمال التحميل ...
    .


    2- تلاحظ وجود البرنامج على سطح المكتب أو على حسب برنامج الداون لود الخاص بيك بينزل البرامج فين ....




    3- نبدأ التسطيب بالضغط دبل كليك على الأيقونة اللي في الصورة الأخيرة ويبدأ التسطيب وتلاحظ الشكل ده:


    4- إضغط على Extract واتبع الصور بنفس النمط بالظبط:


    طبعا واضحة ومش محتاجة شرح


    موافق على الإتفاقية


    بتقول لهم انا ماعرفش البروكسي وإنك عايز تستخدم الإعدادات المستخدمة في إنتر نت إكسبلورر


    في الصورة اللي فاتت احنا اخترنا تنشيط ميزة مهمة جدا وتميز نود 32 عن غيره ، وهي حاسة التنبؤ أو تحسس مبكر لملفات ضارة فايروسات كانت او غيره ، وإختر Advanced ومنها امنح البرنامج انه يتعامل مع النوعية دي من الملفات دون اسألة تأكيدية ....





    الصورة اللي جاية دي بتخلينا نمنح البرنامج الثقة أو مفتاح تشغيل للحماية من المواد المحتمل ضررها ، يعني حاجة قريبة من الإختيار السابق بس طبعا مهم جدا ...



    وبعد كده ننشط خيار تشغيل الحماية التلقائية لملفات النظام عند بدء التشغيل بشكل تلقائي ..


    اللحظات الأخيرة :D




    لاحظوا بقى إننا مش هانعمل ريستارت للجهاز، يعني هانختار إختيار Restart later وده عشان نسطب الفيكسر بتاعنا واللي هايفتح لنا البرنامج على طول.

    بعد ما أخترنا Restart later إضغط Finish وبكده مبروك عليك مرحلة تسطيب البرنامج، بس كده هايشتغل معاك 30 يوم بس :Unhappy:

    نيجي بقى للفيكر السحري واللي هايفتح لك النسخة على طول

    بعد تحميله وفك الضغط عنه ، دبل كليك عليه وابدأ تسطيب عادي جدا، تابعوا الصور ....




    بعد كده إعمل ريستارت ، وألف مبروك
    البرنامج أصبح مفتوح إلى ما شاء الله وبكامل خواصه وإمكانياته

    المرحلة القادمة إن شاء الله هانتعرف فيها على واجهة البرنامج ووظيفة كل زر فيها وكيفية الخوض في تفاصيلها وضبط كل شيء، تابعوا معنا ......
    *****
    " سبحان ربك رب العزة عما يصفون ، وسلام على المرسلين ، والحمد لله رب العالمين "

  2. #2
    عضو الصورة الرمزية السقا
    تاريخ التسجيل
    Jul 2006
    المشاركات
    828
    معدل تقييم المستوى
    0

    رد: تخطى خيالك مع مسلسل NOD 32 بتفاصيل رهيبة

    أهلا بكم في الحلقة الثانية ومرحلة جديدة مع NOD 32 فليستعد الجميع pls:

    بعد ما عملنا إعادة تشغيل للجهاز هانلاحظ ظهور شاشة نود 32 الإفتتاحية مع تشغيل النظام وهاتكون بالشكل ده بالظبط


    وهاتلاحظ بعد كده ظهور أيقونته في النظام بالشكل ده


    وغالبا بمجرد اتصالك بالشبكة فالبرنامج هايبدأ في تحميل التحديثات بشكل تلقائي ، ولما تضغط على الأيقونة في التراي وتدخل على Update هاتلاحظ الشكل ده ، أو تضغط انت على كلمة Update Now الموجودة في شاشة Update


    بعد التحديث ما يخلص، هاتلاحظوا ظهور بالون من أيقونة البرنامج في التراي بالشكل ده بتعرفك إن البرنامج تم تحديث قاعدة بياناته برقم كذا وبتاريخ كذا ، وطبعا التحديث اللي في الصورة ده أصبح قديم دلوقتي (z)



    pls:pls:pls:pls:pls:pls:pls:pls:pls:

    يللا بقى نركز في اللي جاي يا جماعة
    عشان نفهم وظيفة كل من
    AMON - DMON - EMON - IMON - NOD 32
    والكلام ده موجود في البرنامج على الشمال لما تفتحه
    وهانبدأ إن شاء الله نتعرف على واحدة واحدة ، والأهم إننا هانعمل Configuration لكل حاجة منهم علشان نستمتع بكافة قدرات البرنامج في الحماية.


    أولا .... AMON

    الوظيفة: فحص ملفات النظام والملفات اللي بتبدأ مع نظام التشغيل وأي ملف بتشغله على الويندوز.
    الضبط: إضغط على AMON ثم SETUP كما بالصورة



    وادخل على التبويب التاني Options ومنه قم بتنشيط “Potentially unsafe applications”
    بس خللي بالك إن إختيار ده هايمنع لو في Remote administrator بيتحكم في شبكتك من الوصول لجهازك ، تابعوا الصورة ...



    بعد كده أدخل على التبويب التالي “Actions” ومنه حدد Clean automatically علشان لو مسك أي فايروس او ملف مصاب يتعامل معاه تلقائيا ومايسألش



    واضغط OK وبس ... كده انتهينا من إعداد AMON lolo:lolo:

    ثانيــــــا: DMON

    وده وظيفته حماية ملفات مايكروسوفت أوفيس بكافة أنواعها ( وورد - إكسل - ...... )
    وكالعادة بقى ، هانختر DMON ومنها SETUP



    ومن أول تبويب “Setup” هاننشط “Potentially unsafe applications”


    بعد كده هاندخل التبويب التاني “Actions” وهنا يا جماعة هانحدد للبرنامج يتعامل إزاي بالظبط مع الملفات المصابة ، هانحدد له حاجتين يعمل الأولى منهم ولو فشلت يعمل التانية وفي كلا الحالتين هانخليه يحتفظ بمعلومات عن الفايروس في سجل لو حبيت ترجع له في أي وقت.

    وأفضل خيارين إننا نخلي البرنامج يعمل Clean للملف المصاب ولو فشل يعمل Delete وكل واحد حر ، يعني ممكن تخلي البرنامج يسألك وياخد منك تصريح في التعامل مع أي ملف ، لكن الأفضل طبعا اللي انا بقول عليه ، وهانحدد الخيارين دول لكل أنواع الملفات ، العادي منها والمضغوط وذاتي التنفيذ، تابعوا الصور ...









    وبكده نكون انتهينا من إعدادات DMON بحمد الله

    ثالثــــا: EMON

    أنا عن نفسي مابستخدموش، لسبب بسيط ... إني مابستخدمش Outlook :D
    ده وظيفته متابعة برنامج Microsoft Outlook وليس Outlook Express يعني حماية الرسائل الصادرة والواردة والمواد المتعلقة بالرسائل

    وإعداداته كالتالي:

    طبعا هانحدد EMON ومنها SETUP


    من Scanner نحدد كل أنواع الرسايل Scan plain text message bodies” and “Scan RTF message bodies” زي الصورة بالضبط


    وبعدين تحدد “Detection” ومنها “Potentially dangerous applications” واتكلمنا عنها


    بعد كده “Extensions” ونخليه يفحص كل Scan extensionless files”.


    هنا بقى هاندخل على “Actions” ونحدد للبرنامج الإجراءات اللي هايتخذها مع الملفات المصابة بنفس الطريقة اللي اتعودنا عليها واللي اتكلمنا عنها في DMON تابعوا الصور ...








    وبعدين ندخل على “Environment”


    وأخيرا ندخل على “Logs” ونخليه يسجل كل الأحداث “Log all files” واضغط OK


    بكده تكون انتهت الحلقة التانية من مسلسل NOD 32 TOP CONFIGURATION

    نلتقي بعد الفاصل
    *****
    " سبحان ربك رب العزة عما يصفون ، وسلام على المرسلين ، والحمد لله رب العالمين "

  3. #3
    عضو الصورة الرمزية السقا
    تاريخ التسجيل
    Jul 2006
    المشاركات
    828
    معدل تقييم المستوى
    0

    رد: تخطى خيالك مع مسلسل NOD 32 بتفاصيل رهيبة

    أهلا بكم من جديد ومع حلقة جديدة من مسلسل
    NOD 32 TOP CONFIGURATION
    والحلقة دي يا جماعة مهمة جدا جدا ، دي مسألة حياة أو موت بالنسبة للنظام، دلوقتي هانظبط الحماية على الشبكة ، يعني مراقبة ومتابعة وحماية أي صفحة بتفتحها بما فيها من ملفات، وان شاء الله هاتلاحظوا فرق واضح هايظهر أثناء تصفحك للشبكة


    رابعـــا: IMON


    ووظيفته هي اللي انا لسه قايلها في بداية الحلقة
    ونبدأ بالضغط على “IMON” ومنها “Setup”



    1- إختر تبويب “POP3” ومنه “Compatibility Setup” > setup زي ما في الصورة


    واتأكد إن الضبط على أعلى تأثير أو فعالية و ليس على صلاحيات للبرامج اللي بتستخدم الشبكة




    2- إضغط على تبويب “HTTP” وهنا هانخلي البرنامج يوقف تحميل اي ملف مصاب وبشكل تلقائي

    وبعدين هانحدد فعاليات كل برنامج من البرامج المستخدمة للنت


    فيفضل إننا نغير مستوى الحماية إلى "Higher Efficiency" ماعدا برنامج IDM لأن ساعتها البرنامج هايتأخر جدا في التحميل ومش هايكون مظبوط



    3- ندخل على تبويب “Miscellaneous” وده رقم 1 في الصورة ، ونخلي البرنامج يسجل كل الأحداث في ملف وده رقم 2 في الصورة، وبعدين نخلي كل التغيرات اللي عملناها تظهر وده هايكون بعد إعادة التشغيل وده رقم 3 في الصورة، أما رقم 4 فهو يشمل كذا شيء هانتابع معاهم واحدة واحدة.



    4- بعد ما عملنا رقم 4 في الصورة هاننشط “Potentially unsafe applications”



    5- ندخل على “Actions” وننفذ الخطوات اللي أصبحت محفوظة بالنسبة لنا، بس برضو الصور موجودة












    6- ونضغط “OK” مرة تانية للإنتهاء من ضبط IMON وده من أهم أهم جزئيات ضبط NOD 32 عموما.


    إنتهت الحلقة الثالثة بسرعة (z) إن شاء الله في الحلقة القادمة موضوع مهم جدا وهايكون عن إعدادات NOD 32 لفحص أقسام الهارد والشبكة On Demand أو لما انت تحب تعمل Scan
    *****
    " سبحان ربك رب العزة عما يصفون ، وسلام على المرسلين ، والحمد لله رب العالمين "

  4. #4
    عضو الصورة الرمزية السقا
    تاريخ التسجيل
    Jul 2006
    المشاركات
    828
    معدل تقييم المستوى
    0

    رد: تخطى خيالك مع مسلسل NOD 32 بتفاصيل رهيبة

    مرحبا بكم مع حلقة جديدة وهامة ولذيذة من المسلسل الشيق
    NOD 32 TOP CONFIGURATION
    ومع المرحلة الخامسة والهــــامة NOD32 ON DEMAND SCANNER


    ”1- إختر “NOD32” ومنها “Run NOD32



    2- أدخل على تبويب “Scanning Targets” وحدد فقط أقسام الهارد ديسك يعني مالوش لزمة تحدد السي دي أو الفلوبي، ولو عايز تحدد النتوورك كمان فبراحتك.


    *****
    " سبحان ربك رب العزة عما يصفون ، وسلام على المرسلين ، والحمد لله رب العالمين "

  5. #5
    عضو الصورة الرمزية السقا
    تاريخ التسجيل
    Jul 2006
    المشاركات
    828
    معدل تقييم المستوى
    0

    رد: تخطى خيالك مع مسلسل NOD 32 بتفاصيل رهيبة

    3- بعد كده أدخل تبويب “Profiles” ونشط “Run this profile in cleaning mode” وكمان الخيار “Use this profile for scanning files/folders from within the context menu.


    4- أدخل تبويب “Setup” ومن صندوق “Scan” اتأكد إنك نشطت كل الخيارات وكمان في صندوق Threte sense نشط Heuristics هايظهر لك صندوق يتأكد منك إنك عايز البرنامج يكون عنده أقصى حساسية لأي ملف يسلك سلوك الفايروسات أو الملفات الضارة ، الصندوق ده اسمه “Advanced Heuristics” فاختار منه “Close”


    5- أدخل تبويب “Actions” المحبوب وهانعمل نفس الخطوات اللي اتعودنا عليها من بداية الشرح.

















    6- أدخل تبويب “Scanning log” ونشط “Scrolling”.



    وزي ما في الصورة هاتختار “Quit” فهايسألك هل انت موافق على تسجيل كل التعديلات اللي قمت بها ؟ طبعا هاتوافق.



    بكده نكون انتهينا من 95 % من إعدادت البرنامج ووصلنا لدرجة عالية جدا ومتقدمة جدا جدا من الأمان بإذن الله، وهايتفضل معانا حاجات بسيطة يارب تكون سهلة عليكم إن شاء الله.



    نيجي بقى لمرحلة بسيطة قوي في التحديث واللي فيها هانخلي البرنامج يعمل تحديث لمكوناته وليس لقاعدة بياناته فقط وبشكل تلقائي عند توفر أي تحديث.


    هانختار Update ومنها Setup وتيجي لمربع Type of Update وندوس على Change وننشط الخيار اللي هايعمل اللي قلنا عليه، تابعوا الصور.


    وبعد ما تختار Change هاتظهر لك الصفحة دي كمل زي الصورة


    بعد كده إختر Advanced واختر نوع الإتصال لديك


    ولو كنت بتستخدم بروكسي فادخل على Proxy server ومنها Setup واكتب إعدادات البروكسي ولو مابتستخدمش بروكسي سيبها زي ما هي.


    ولو اتصالك عن طريق LAN فاختار “Setup” ومنها System account زي الصور وبعدين OK




    وبعدين “OK” ثم “OK”




    وبكده نكون خلصنا موضوعنا بحمد الله ، يتبقى شيء واحد بس، والشيء ده عبارة عن المفاجأة التي وعدتكم بها ... إنتظروها
    ا
    *****
    " سبحان ربك رب العزة عما يصفون ، وسلام على المرسلين ، والحمد لله رب العالمين "

  6. #6
    عضو الصورة الرمزية السقا
    تاريخ التسجيل
    Jul 2006
    المشاركات
    828
    معدل تقييم المستوى
    0

    رد: تخطى خيالك مع مسلسل NOD 32 بتفاصيل رهيبة

    والمفاجاة أخيـــرا
    ملف PDF مكون من 44 صفحة يحتوي الشرح كاملا مع إظهار موقع عرب هارد وير
    الملف رفعته على ميديا فاير
    التحميل من الموقع سريع جدا
    يارب يعجبكم

    الحجم 1.67 ميجا بايت



    *****
    " سبحان ربك رب العزة عما يصفون ، وسلام على المرسلين ، والحمد لله رب العالمين "

  7. #7
    عضو فضي الصورة الرمزية adam black ice
    تاريخ التسجيل
    Mar 2006
    المشاركات
    2,072
    معدل تقييم المستوى
    21

    رد: تخطى خيالك مع NOD 32 بتفاصيل رهيبة

    :up::up::up::up::up::up::up:

    ما شاء الله اكتر من رائع بجد حاجه جميله وشرح وافى انا اصلا مش مصدق مجهود يستحق كل تقدير واحترام

    :up::up::up::up::up::up::up:

    Knowledge is belong to human

  8. #8
    عضو الصورة الرمزية abuali
    تاريخ التسجيل
    Sep 2006
    المشاركات
    365
    معدل تقييم المستوى
    0

    رد: تخطى خيالك مع NOD 32 بتفاصيل رهيبة

    مشكوررررين ياالسقا والأمـــيرة

    على ها الدويتو الرائع والله في

    الحقيقة كفيتوا ووفيتو ا والمجهود

    جبار وأعتقد ان الرائعة دي ما راح

    نستغنى عنها على طول لذلك

    مادري هل راح يثبت الموضوع

    دا ولا لا (يستاهل التثبيت 10/10 ) :up:

    دمــــــــــــــتم بــــــــــــــــــــــــــــود

  9. #9
    عضو
    تاريخ التسجيل
    Jul 2007
    المشاركات
    63
    معدل تقييم المستوى
    0

    رد: تخطى خيالك مع NOD 32 بتفاصيل رهيبة

    مشكووريين يالسقا والاميرة على الموضوع الاكثر من رائع والشرح الوافي والكامل للبرنامج

    بس ياخي انا كتبت لمعلومات بالموقع عشان احمل البرنامج وقالي انه بيرسل لي رساله


    على الايميل لكن ماستقبلت ولا رساله وتقدر تحمل بدون ماتنتظر رساله على الايميل

    بس يطلب منك يوزر وباسورد ارجو ان توضح لي الطريقه لاني حاب اجرب النود 32


    وشكرا لك مره ثانيه عالموضوع الرائع


    اخوك : سلطان

  10. #10
    عضو
    تاريخ التسجيل
    Jul 2007
    المشاركات
    63
    معدل تقييم المستوى
    0

    رد: تخطى خيالك مع NOD 32 بتفاصيل رهيبة

    اخوي السقا الحمدالله وصلت الرساله من الموقع بس تاخرت شوي

    شكرا لك مره ثانيه



    اخوك : سلطان

  11. #11
    عضو الصورة الرمزية abuali
    تاريخ التسجيل
    Sep 2006
    المشاركات
    365
    معدل تقييم المستوى
    0

    رد: تخطى خيالك مع NOD 32 بتفاصيل رهيبة

    [B]أخي سلطان السلام عليكم
    أخي حاول مرة أخرى لأني قبل 10دقائق
    منزلة عن طريق الإيميل ومافي مشاكل
    راح يرسلولك رابط وتحمل منة عادي وسريع
    كمان وبرنامج ال fix عندك في الموضوع
    ومعليش ان كنت تأخرت عليك حبيت أرفعلك
    الطريقة بالصور بس موقع رفع الصور زعلني ......
    عمومآ تمام انك وصلتلك الرسالة enjoy

    دمـــــــــــــــــــتم بـــــــــــــــــــــــــــود

  12. #12
    عضو برونزي الصورة الرمزية الأميرة
    تاريخ التسجيل
    Jan 2007
    المشاركات
    2,266
    الدولة: Egypt
    معدل تقييم المستوى
    33

    رد: تخطى خيالك مع NOD 32 بتفاصيل رهيبة

    الله .. الله

    شفتوا الموضوع القوى ...

    والله ولا أروع
    قلت لكم احترسوا من المجموعة الثالثه

    على فكرة
    لأعطاء كل ذي حق حقه

    فكرة الموضوع كانت فكرة السقا
    وكل المجهود ينسب له فقط :up:
    انا فقط
    جهزت الديكورات والصور

    وطبعا 10/10 يا أخي السقا
    [CENTER][SIZE=3]اللهم اغفر لي ولوالدي وارحمهما كما ربياني صغيرا
    اللهم اغقر لامي وارحمها وعافها واعف عنها وأكرم نزلها ووسع مدخلها واغسلها بالماء والثلج والبرد .. اللهم اجعل عن يمينها نور وعن شمالها نور ومن فوقها نور ومن تحتها نور حتى تبعثها آمنه مطمئنه في نور من نورك .. يالله يا ارحم الراحمين

    [SIGPIC][/SIGPIC][/SIZE][/CENTER]
    [CENTER][SIZE=3]
    [URL="https://www.arabhardware.net/forum/showthread.php?t=200950"][COLOR=Blue][B]فضلا .. سجل مدونتك هنا[/B][/COLOR][/URL]

    [/SIZE][SIZE=4][COLOR=Red][B][URL="https://www.arabhardware.net/forum/showthread.php?t=89723"]تعرف على أسرة المنتدى[/URL][/B][/COLOR][/SIZE][SIZE=3]

    [URL="https://www.arabhardware.net/forum/showthread.php?p=1555636#post1555636"][COLOR=Red][B]كتب في كل المجالات[/B][/COLOR][/URL]
    [/SIZE] [SIZE=3][COLOR=Red][URL="https://kanwekan.blogspot.com/2009/08/blog-post_14.html"]حمل برنامج كيف تتلذذ في صلاتك[/URL][/COLOR]
    [/SIZE] [/CENTER]
    [CENTER][SIZE=3][COLOR=blue]مدونتي[/COLOR][/SIZE][/CENTER]
    [CENTER][SIZE=3][URL="https://taamolaaaaat.blogspot.com/"]تأملات قلب[/URL][/SIZE][/CENTER]
    [CENTER][SIZE=3][COLOR=blue]و[/COLOR][/SIZE][/CENTER]
    [CENTER][SIZE=3][URL="https://kanwekan.blogspot.com/"]طوق الحريه[/URL]

    [/SIZE] [SIZE=3]
    [/SIZE] [/CENTER]

  13. #13
    عضو الصورة الرمزية abuali
    تاريخ التسجيل
    Sep 2006
    المشاركات
    365
    معدل تقييم المستوى
    0

    رد: تخطى خيالك مع NOD 32 بتفاصيل رهيبة

    السلام عليكم أخواني
    بالنسبة للبرنامج نزل معايا تمام
    وأنا عملت نفس اعدادات الشرح
    اللي عملتوة بس المشكلة هي في
    صفحة ال update بقولي ان البرنامج idel
    ويش الحل يار يت ردودكم ............... :D
    والصورة :

  14. #14
    عضو الصورة الرمزية SpeedTouch
    تاريخ التسجيل
    Jun 2007
    المشاركات
    442
    معدل تقييم المستوى
    17

    رد: تخطى خيالك مع NOD 32 بتفاصيل رهيبة

    موضوع و شرح مفصل و رائع للبرنامج الاروع ^_^

    يعطيكم العافيه .. و فعلا شرح متعوب عليه

  15. #15
    عضو الصورة الرمزية رفيق_الدرب
    تاريخ التسجيل
    Feb 2007
    المشاركات
    701
    معدل تقييم المستوى
    0

    رد: تخطى خيالك مع NOD 32 بتفاصيل رهيبة



    ما شاء الله شرح و لا أروع .......موضوع غاية في القمة

    يعطيكم العافية اخي السقا & و أختي الاميرة

    موضوع 10/10 .......على ما يبدو المنافسة راااااح تكون قوية


صفحة 1 من 3 1 2 3 الأخيرةالأخيرة

المواضيع المتشابهه

  1. تخطي البروكسي وفك حجب الفايبر viber
    بواسطة بوددة في المنتدى السوفتوير العام
    مشاركات: 0
    آخر مشاركة: 28-06-2013, 20:46
  2. مشاركات: 13
    آخر مشاركة: 06-09-2011, 01:20
  3. محتاج مساعدتكم في تخطي 4.2 ل AMD 1090
    بواسطة salim21411 في المنتدى الأرشيف
    مشاركات: 5
    آخر مشاركة: 25-03-2011, 07:16
  4. مساعدة في تخطي مرحلة في لعبة far cry 2
    بواسطة Dr.House في المنتدى الأرشيف
    مشاركات: 2
    آخر مشاركة: 22-04-2010, 21:11
  5. حلول تخطي كلمه سر البايوس
    بواسطة mando362 في المنتدى الأرشيف
    مشاركات: 2
    آخر مشاركة: 16-07-2007, 17:40

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •