صفحة 1 من 2 1 2 الأخيرةالأخيرة
النتائج 1 إلى 15 من 16

الموضوع: استفسار عن بطارية الأجهزة المحمولة ( Laptops )

  1. #1
    عضو
    تاريخ التسجيل
    Jun 2007
    المشاركات
    69
    معدل تقييم المستوى
    0

    Lightbulb استفسار عن بطارية الأجهزة المحمولة ( Laptops )



    بسم الله الرحمن الرحيم

    انا عندي استفسار عن بطاريات الأجهزة المحمولة عموما
    هل عند استخدام اي لابتوب لابد من شحنه أولا ثم استخدامه ؟ أو هل ينفع ان استخدمه علطول بالكهرباء يعني السؤال بوضوح شديد :

    هل استخدام اللابتوب بالكهرباء مباشرة دون شحن أو بشحن البطارية يؤثر على البطارية نفسها ؟
    أو لا بد من شحن البطارية اولا ثم استخدامه بعد ذلك من خلال الشحن ؟

    أرجو ممن له دراية بالموضوع ان يقوم بالرد حيث انني متلخبط كثيرا و أخاف اشتري واحد و يخرب مني بسبب ذلك

  2. #2
    عضو الصورة الرمزية محمد ابو تريكة
    تاريخ التسجيل
    Aug 2007
    المشاركات
    341
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    اولاً اذا كانت البطاريه بتشحن اول ما تخلص على طول شيل السلك لانو في بعض البطاريات
    اذا خليتها خمسه دقايق زيادة ما تعيش وقت طوييييل

    ثانياً اذا كنت تستعمل اللاب توب وشابك السلك حق الشاحن اول ما يخلص شحن افصلو واقعد عالبطاريه
    واذا كنت قاعد وقت طويل ع الكمبيوتر شيل البطاريه وحطها على جنب وخليك عالسلك

  3. #3
    عضو
    تاريخ التسجيل
    Jun 2007
    المشاركات
    69
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    أولا شكرا على الرد الحلو تشكر يا باشا
    ثانيا انا مش فاهم يعني ايه
    " واذا كنت قاعد وقت طويل ع الكمبيوتر شيل البطاريه وحطها على جنب وخليك عالسلك "
    ازاي اشيل البطارية و استخدم السلك للكهرباء مباشرة ؟

  4. #4
    عضو الصورة الرمزية محمد ابو تريكة
    تاريخ التسجيل
    Aug 2007
    المشاركات
    341
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    اقصد انك لو هتستخدم اللابتوب مدة طويلة فى المنزل او فى مكان فيه وسيلة كهرباء ممكن تشيل البطارية ( بطارية الشحن طبعا )يعنى تفصلها من اللابتوب وتحطها فى الشنطة وتوصل السلك بتاع الشحن باللابتوب وكبس الكهرباء (يعنى تشغل اللابتوب بواسطة الكهرباء عن طريق الشاحن ) وتشتغل عادى جداا على اللابتوب وده علشان تحافظ على البطارية لان المفروض استخدام البطارية يكون فى الضرورة يعنى خارج المنزل

    واى استفسار انا موجود يا نجم

  5. #5
    عضو
    تاريخ التسجيل
    Jun 2007
    المشاركات
    69
    معدل تقييم المستوى
    0

    Thumbs up رد: استفسار عن بطارية الأجهزة المحمولة ( Laptops )

    في الأول بصراحة انت النجم
    شكرا على التوضيح بس ممكن تقولي ازاي اشيل البطارية لأن انا مش عارف اشيلها
    و انت بتقول اشيلها و اركب الشاحن واشتغل عادي طب ازاي و انا مش معايا الا هو و مش عارف فين البطارية هل هي جوه اللابتوب و لا بتيجي معاه - أنا مش فاهم (BB) - ( الكلام ده على لابتوب بتاع زميل ليا ) فهل بيجي معاه و لا انا بشتريها و لا ايه بالظبط .
    لأن أنا بقالي شهر كل ماروح عشان اشتري لابتوب و اسال الأخ اللي هناك بيقولي كلام انا مش فاهمه و خايف من الموضوع ده فياريت ممكن التوضيح شوية ومتزعلش مني لأن أنا معرفش حاجة عن الهاردوير خاااالص انا كل شغلي تصميم و خلاص .

    و شكرا ليك يا برنس

  6. #6
    عضو الصورة الرمزية محمد ابو تريكة
    تاريخ التسجيل
    Aug 2007
    المشاركات
    341
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    اولا البطارية بتكون موجود فى اللابتوب ( خلف اللابتوب = ظهر اللابتوب يعنى اللابتوب من تحت ) و اللابتوب بيجى ومعاه البطارية طبعا يعنى لما بتشترى لابتوب بيكون معاه البطارية وبتكون متركبة فى الجهاز

    بالنسبة لكيفية فك بطارية الشحن > طبعا احنا قولنا ان البطارية هتلاقيها فى اللابتوب من تحت وبيكون موجود زرار قريب منها بتدوس عليه او بتسحبه حسب نوع اللابتوب وبعدين بتسحب البطارية بس لو مش هتعرف انصحك انك تخلى واحد عنده لابتوب يشيلها لك علشان لا يحدث بها كسر نتيجة فكها بطريقة خطأ او كسر فى التروس اللى ماسكة البطارية

    ثانيا انت لما تشيل البطارية وتركنها فى الشنطة وتوصل اللابتوب بالكهرباء من خلال الشاحن ( وهنا الشاحن بيكون ليه طرفين طرف هتركبه فى اللابتوب نفسه فى المكان المخصص وممكن تسأل صاحبك عليه لان بيختلف من لابتوب لاخر يعنى ممكن تكون موجود فى شمال اللابتوب وممكن تكون موجودة فى اليمين وممكن فى الخلف والطرف التانى هتركبه فى كبس الكهرباء عادى زى الموبايل بالضبط ) يعنى انت مش هتوصل الشاحن فى البطارية لااا انت هتوصله فى مكان محدد فى اللابتوب نفسه والطرف التانى فى كبس الكهرباء

    وبالنسبة لشرائك لجهاز لابتوب انصحك باحدى الماركات ( توشيبا او اتش بى او ديل ) ولو تحب تذكر انت عايز لابتوب فى حدود كام و ايه الغرض من استخدامه ممكن اساعد وشكرااا

  7. #7
    عضو
    تاريخ التسجيل
    Dec 2004
    المشاركات
    191
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    بالاضافة الي ما تفضل به الاخوان هذا شرح في منتدى اخر جلبته كي تستفيد منه اخي مثلما استفدت انا

    اقتباس المشاركة الأصلية كتبت بواسطة دنيا تك مشاهدة المشاركة

    السلام عليكم ورحمة الله وبركاته
    اسعد الله جميع اوقاتكم بكل خير وعافية ,,
    ان ما يهتم به اصحاب الاجهزة المحمولة والهاجس الاول لهم هو اطالة عمر البطارية حتى تبقى اجهزتهم مغذى بالكهرباء لأطول فترة ممكنة حتى لا تتوقف اعمالهم وعلى الاقل لفترة مرضية لهم


    ولو نظرنا الي النظرة الاولى للبطارية التي تتكون من مجموعة من الخلايا والجزيئات المترابطة مع بعضها فإن كل بطارية تتكون من قطبين سالب وموجب .
    ماهي اول طريقة اقوم بها للمحافضة على البطارية لتدوم لأطول فترة ممكنة؟

    جميع البطاريات الجديدة سواء لاجهزة الحاسب المحمول او اجهزة الجوال ..الخ تأتي مفرغة الشحن..وذلك حفاظا على تماسك الجزيئات وتقاربها ولضمان عدم تفككها في الظروف الجوية او الحرارية المرتفعة .وبما ان البطارية مفرغة الشحن فلذلك يجب علينا القيام بشحنها وعدم فصلها من التيار الكهربائي الي ان تشير الي شحنها بالكامل هل هذا ينطبق على البطاريات الجديدة فحسب؟ الجواب لا فلو كان لديك بطارية ولن تستخدمها الابعد فترة طويلة فقم بافراغها بالكامل وذلك للتخزين او لأي ظروف اخرى وقم بنفس العملة التي قمت بها عندما شحنت البطارية وهي جديدة.ومن المهم جدا شحن البطارية من 3 الي 4 مرات عندما تكون جديدة او بعد انتهاء فترة التخزين او بعد الرجوع الي استخدام البطارية بعد فترة التوقف الطويلة وذلك لضمان التماسك للخلايا وسوف تدوم البطارية بإذن الله لأطول فترة.

    من الاشياء التي يجب علينا تجنبها في شحن البطارية:
    اولا : لايجب ترك البطارية في دائرة الكهراباء عند امتلاء الشحن لما يسببه من تردد كهربي داخل البطارية وبذلك تكون حرارة جسم البطارية مرتفعة وهذا يفقد فاعلية البطارية .
    ثانيا : تجب سقوط البطارية لأن الجزئيات ستحترق مع بعضها اثناء التصادم مما يسبب تفاعل مع بعضها البعض.
    ثالثا : وجوب ابتعاد البطارية عن مصدر الكهرباء لأنه يلحق ضرراً بالبطارية ويعرضها للحرارة.
    رابعا : عدم ترك البطارية في اجواء حرارية تزيد عن 40درجة مئوية.
    خامساً : الالتزام بالشحن الكلي للبطارية عند جلسة الشحن لضمان وعدم قطع الشحن لضمان عدم ضياع الشحنات.
    سادسا : الابتعاد على الاجواء الرطبة والحفظ في المكان الجاف والبارد وذلك على ان لا تقل درجة الحرارة عن 5درجات مئوية.

    نصيحة اخيرةلإطالة عمر البطارية دائما عليك بتعطيل الهاردوير الذي لاتستخدمة فمثلا البلوتوث اذا كنت لاتستخدمها فعليك بتعطيلها وكذلك السي دي روم ومنافذ الـusb ...etc
    وايضا عند الجسلة المطولة وعند وجود مصدر كهربائي ينصح ايضا بفك البطارية عن المحمول والاعتماد على الطاقة المباشرة من التيار حتى لا تتعرض البطاير للحرارة الزائدة التي نفكك الجزيئات وتضعفها
    اتمنى للجميع التوفيق والمتعة والفائدة

  8. #8
    عضو
    تاريخ التسجيل
    Aug 2007
    المشاركات
    16
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    السلام عليكم ورحمة الله وبركاته

    أخي1 mohammad.fawzi أول ما تشتري اللابتوب اشحن البطارية 12 ساعة قبل ما تشتغل عليها طبعاً
    و من ثم فضيها كله للنهاية و من ثم اشحن كل مافضيت بس الخطوة الأولى كتير ضرورية
    وإذا كنت بدك تشتغل على اللابتوب بمكان ثابت و في مقبس للكهرباء يفضل تستعمل السلك لماذا ؟؟؟؟؟
    لأن بطارية اللابتوب لها عدد معين من مرات الشحن فمن مصلحتك أنو ما تشغلها إلا بوقت الاستخدام المتنقل
    و الأفضل إذا بدك تشغل اللابتوب عالكهربا أنو تفك البطارية من الجهاز

    السلام عليكم

  9. #9
    عضو
    تاريخ التسجيل
    Jun 2007
    المشاركات
    69
    معدل تقييم المستوى
    0

    Thumbs up رد: استفسار عن بطارية الأجهزة المحمولة ( Laptops )

    اقتباس المشاركة الأصلية كتبت بواسطة محمد ابو تريكة مشاهدة المشاركة
    اولا البطارية بتكون موجود فى اللابتوب ( خلف اللابتوب = ظهر اللابتوب يعنى اللابتوب من تحت ) و اللابتوب بيجى ومعاه البطارية طبعا يعنى لما بتشترى لابتوب بيكون معاه البطارية وبتكون متركبة فى الجهاز

    بالنسبة لكيفية فك بطارية الشحن > طبعا احنا قولنا ان البطارية هتلاقيها فى اللابتوب من تحت وبيكون موجود زرار قريب منها بتدوس عليه او بتسحبه حسب نوع اللابتوب وبعدين بتسحب البطارية بس لو مش هتعرف انصحك انك تخلى واحد عنده لابتوب يشيلها لك علشان لا يحدث بها كسر نتيجة فكها بطريقة خطأ او كسر فى التروس اللى ماسكة البطارية

    ثانيا انت لما تشيل البطارية وتركنها فى الشنطة وتوصل اللابتوب بالكهرباء من خلال الشاحن ( وهنا الشاحن بيكون ليه طرفين طرف هتركبه فى اللابتوب نفسه فى المكان المخصص وممكن تسأل صاحبك عليه لان بيختلف من لابتوب لاخر يعنى ممكن تكون موجود فى شمال اللابتوب وممكن تكون موجودة فى اليمين وممكن فى الخلف والطرف التانى هتركبه فى كبس الكهرباء عادى زى الموبايل بالضبط ) يعنى انت مش هتوصل الشاحن فى البطارية لااا انت هتوصله فى مكان محدد فى اللابتوب نفسه والطرف التانى فى كبس الكهرباء

    وبالنسبة لشرائك لجهاز لابتوب انصحك باحدى الماركات ( توشيبا او اتش بى او ديل ) ولو تحب تذكر انت عايز لابتوب فى حدود كام و ايه الغرض من استخدامه ممكن اساعد وشكرااا
    بصراحة تسلم لي و ربنا يخليك كدا وضحت الفكرة و اللخبطة راحت
    شكرا ليك مرة تانية
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
    tariq kasedaquote
    شكرا ليك على المداخلة و ربنا يوفقك
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
    ssamz
    تسلم على المعلومات القيمة و ربنا يزيدك
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
    أنا في هندسة مدني و كل شغلي هو التصميم و استخدام الاتوكاد و الساب و الاتوكاد سيفيل ( ده لوحده مصيبة عاوز امكانيات جامدة أوي زي الرامات 2 جيجا و لكني هاكتفي ب1 وربنا ييسر ) و بعض البرامج المشابهة
    أنا بإذن الله ناوي اجيب Dell
    Dell inspiron 6400
    Processor intel core 2 due 2.0/4
    1024/667 DDR2
    160GB/5400 rpm SATA
    ATI X1400 / 256
    15.4 WXGA
    DVD writer Double Layer
    LAN & Wireless LAN
    و كاميرا و ريدر 5 في 1و بلوتوث و مودم
    السعر بأه 7700 جنيه مصري
    مش عارف هل اللابتوب بالمواصفات دي يستاهل و لا ايه ؟؟
    ووجدت برضه نفس المواصفات بس ال VGA هو Nvidia geforce 7400 / 256 و الشاشة 14.1 و لكن السعر 9000 جنيه و هوه HP PAVILION DV 6291 ea

    ياريت رأي الناس الحلوين

  10. #10
    عضو الصورة الرمزية محمد ابو تريكة
    تاريخ التسجيل
    Aug 2007
    المشاركات
    341
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    هو الجهاز امكانياته كويسة وهتنفعك وانا عن نفسى افضل كارت الشاشة Nvidia geforce وعلى فكرة فيه منه 8500 gt وده هينفعك اوى لان انت بتقول شغل تصميم وبردوا اللى انت كاتبهم كويسين بس اللى انا كاتبه ده احدث عموما براحتك سواء ده او ده هينفعك بس بالنسبة للأسعار انا مش متابع الاسعار حاليا وعلشان كده مش عايز افتى بس نصيحة لو لاقيت لابتوب توشيبا بنفس المواصفات و السعر زيادة شويه بسيطة اشترى التوشيبا وعموما التلات شركات نظيفة واللى بيفرق فى الابتوب الامكانيات بتاعت الجهاز من بروسيسور و رام وهكذا لكن الفرق بينهم كشركات بسيط

    والامكانيات اللى انت كاتبها مناسبة للغرض وممكن فيما بعد تزود رام 1 جيجا و لو كارت الشاشة ليس مدمج يعنى منفصل يبقى ممكن تغير كارت الشاشة كمان فيما بعد وتشترى 512 ده لو حبيت تزود الامكانيات اكتر بس فى استفسار يا ريت تعرف البطارية بتقعد قد ايه يعنى كام ساعة ( يعنى 9-cell ام 6-cell ) ام اقل

    وبردوا اسأل على الجهاز ده >>

    المواصفات
    Dell Inspiron 1520 Specs:

    * Processor: Intel Core 2 Duo T7300 (2.0 GHz/4MB L2 Cache)
    * OS: Microsoft Vista Home Premium
    * Hard Drive: 160 GB SATA @ 5400RPM
    * Screen: 15.4" WSXGA Widescreen (1680 x 1050)
    * Graphics: NVIDIA GeForce 8600M GT 256MB
    * RAM: 2.0GB DDR2 SDRAM @667 MHz (2 x 1GB)
    * Optical Drive: 8x CD/DVD burner (DVD+/-RW) w/Double Layer Support
    * Battery: 9-cell lithium ion
    * Wireless: Intel 4965AGN
    * Weight: 6.4 lbs
    * Dimensions: 1.47-1.65” ( H) x 14.12 “ (W) x 10.59" (D)
    * Ports/Slots: 1 IEEE 1394 (FireWire); 4 Universal Serial Bus (USB 2.0); 8-in-1 Memory Card Reader; VGA Out; S-Video; RJ-45 Ethernet LAN; RJ-11 Modem; ExpressCard 54mm;
    stereo in, headphone/speaker out and dual digital mics

    اسأل عليه من حيث السعر لانه ممتاز وهينفعك جدااا

  11. #11
    عضو
    تاريخ التسجيل
    Jun 2007
    المشاركات
    69
    معدل تقييم المستوى
    0

    Smile رد: استفسار عن بطارية الأجهزة المحمولة ( Laptops )

    شكرا يا مان
    بالنسبة للبطارية هي Battery: 4-cell بس زي ما قولتلك أنا تقريبا مش بتنقل كتير أنا عاوزه اما في البيت أو في الكلية امام الدكتور عشان أوريه الشغل يعني البطارية مش مهمة لكن هل هي كويسة ؟ و بالنسبة للابتوب اللي انت عرضته عليا من المواصفات هو احسن بكتير من اللي معايا في الرامات و كرت الشاشة و الشاشة نفسها بس السعر للأسف انا مش لاقيه عتدي في المنصورة خالص هل ممكن الاقيه فيالقاهرة ؟ لأن التوكيل اللي عندي بيقول انه لسة جديد و صعب تلاقيه نزل عندنا ( من الاخر بيقولي حاته من بره ) و بيقول السعر مش أقل من 9500 جنيه
    بس انا هاحط موضوع في المنتدى هنا و اشوف لعل و عسى حد يكون عارف حاجة
    اللابتوب اللي انا كنت عاوز اشتريه موجود و بنفس السعر اللي انا شفته بس من رايي هو غالي شوية يبقى اكيد التوشيبا نارين مش نار واحدة
    ياريت ممكن تقولي ليه التوشيبا كويسة مع انه نفترض ان الاتنين ( dell - Toshiba) نفس المواصفات بس الاولاني اغلى من التاني ليه ؟؟؟

    و شكرا ليك و يا ريت مكنش مدايقك في حاجة

  12. #12
    عضو الصورة الرمزية محمد ابو تريكة
    تاريخ التسجيل
    Aug 2007
    المشاركات
    341
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    بص يا نجم

    طالما انت مش بتتنقل كتير وهتستخدمه اما فى البيت او الكلية يبقى البطارية مناسبة جدا خاصتا انك لما هتكون فى البيت هتشيل البطارية زى ما قولنا وهتشتغل كهرباء اما بالنسبة انك هتستخدمه فى الكلية لوقت قصير يعنى ساعتين مثلا بردوا البطارية هتبقى مناسبة لكن لو هتستخدمه لوقت طويل فى الكلية يعنى اربع ساعات او خمسة يبقى مش هينفع يبقى انت عايز بطارية 6-cell خاصتا انك فى هندسة فاعتقد ان عندكم فى الكلية خدمة الوايرليس فاكيد هتشغل الوايرليس فى الجهاز علشان تدخل انترنت و ده هيسحب جزء من شحن البطارية وكمان مع الاستخدام العام من اصحابك او منك انت فممكن الشحن يخلص بسرعة فأنا شايف انك تجيب بطارية على الاقل 6-cell
    بالنسبة لموضوع ان الجهاز مش موجود عندكم فى المنصورة اكيد لانه ذو مواصفات عالية فاكيد هتلاقيه فى القاهرة
    التوشيبا ماركة مشهورة جداااا فى اللابتوب والكل بيشكر فيها جدااا ومشاكلها قليلة جدااا واجهزتها قوية من حيث الجودة والامكانيات والمميزات بس سعرها نار زى ما انت قولت

  13. #13
    عضو
    تاريخ التسجيل
    Jun 2007
    المشاركات
    69
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    شكرا يا محمد "أبو تريكة" على النصيحة و باذن الله هحط رأيك في الاعتبار

  14. #14
    عضو الصورة الرمزية محمد ابو تريكة
    تاريخ التسجيل
    Aug 2007
    المشاركات
    341
    معدل تقييم المستوى
    0

    رد: استفسار عن بطارية الأجهزة المحمولة ( Laptops )

    لا شكر على واجب يا أخى وكلنا هنا اخوة والغرض مساعدة بعض

  15. #15
    عضو
    تاريخ التسجيل
    Jun 2007
    المشاركات
    69
    معدل تقييم المستوى
    0

    رد: استفسار عن بطارية الأجهزة المحمولة ( Laptops )



    ربنا يكرمك و يوفقك

صفحة 1 من 2 1 2 الأخيرةالأخيرة

المواضيع المتشابهه

  1. تجارب الأعضاء مع الحواسيب المحمولة LapTops
    بواسطة Dr Mohammad في المنتدى الأرشيف
    مشاركات: 26
    آخر مشاركة: 05-07-2013, 17:40
  2. (( استفسار عن موديلات الأجهزة المحمولة LAPTOP ))
    بواسطة أبو معاذ في المنتدى الأرشيف
    مشاركات: 0
    آخر مشاركة: 14-10-2006, 16:19
  3. لكل من يعرف في الأجهزة المحمولة يدخل
    بواسطة GoldenLionTech في المنتدى الأرشيف
    مشاركات: 5
    آخر مشاركة: 03-04-2006, 02:44
  4. شاشات الأجهزة المحمولة
    بواسطة أنور في المنتدى الأرشيف
    مشاركات: 9
    آخر مشاركة: 13-10-2003, 23:41
  5. دليل شراء الأجهزة المحمولة
    بواسطة أنور في المنتدى الأرشيف
    مشاركات: 7
    آخر مشاركة: 16-02-2003, 18:05

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •