استفسار ارجو من حاملى شهادات سيسكوا و mcse التكرم بالرد

**houdasite** · 08-09-2007, 20:11

انا كونت ناوى اخد شهادة سيسكوا بس كونت عايز اعرف هيه كام امتحان بالظبط يا ريت لو تتكرموا و تفيدونى
يعنى cccna كام امتحان و ايه ارقامهم
و ccnp كام امتحان و ايه ارقامهم
و ccie كام امتحان و ايه ارقامهم
و يا ريت لو اعرف هوه فيه امتحانات تانيه ولا ايه
و سؤال تانى انا قربت اخلص mcse فهل الجمع بين الشهادتين مفيد ولا ايه و ايه المفيد فيها السيكيورتى ولا الميل سيرفر
يا ريت لو تتكرموا بالرد

**Iraq IT** · 09-09-2007, 09:48

CCNA امتحن 640-801 وهو فقط امتحان واحد

البقية من موقع cisco تحصلها

CCNA مع MCSE شي ممتاز وبعدها عندما تشتغل تشوف الشركة اي Product تعمل عليه ومن ثم تحصل شهادات اعلى

**houdasite** · 09-09-2007, 20:30

Iraq it

شكرا على الرد يا جميل

**abdalaha** · 30-09-2007, 16:08

انا انسان ضايع بجد عندي 20 سنه ومعرفش اي حاجه في اي حته وعايز اخد كورس mcse بس مش عارف انا خايف مفهمش ولا يطلع صعب انا عايز حد يكون خد الكورس ده وخلصه يفهمني ايه المتطلبات المطلوبه في الشخص الي عايز ياخد الكورس ده علما اني معنديش اي خلفيه عن الشبكات خالاااص وبقعد علي الكمبيوتر زي اي واحد هاوي وكمان الانجليزي بتاعي مش قد كده ياريت حد يفيدني وياخد بايدي وانا والله عندي الرغبه والاستعداد للتعلم بس مش عارف اعمل ايه ياريت يكون في حل بجد نفسي انجح ومبقاش فاشل زي ما ابوي بيقولي بصراحه انا فاشل وعايز انجح وعندي الرغبه بجد اعمل ايه؟وعلي فكره انا بدرس في معهد الالسن العالي للكمبيوتر ونظم المعلومات ومستفدتش ببصله ودي اخر سنه ليا ومستعد للكورسات دلوني علي الطريق والله نفسي ابوي وامي يفرحو بي وشوفني بني ادم ناجح بس مش عارف اعمل ايه يارب اكرمني

**abdalaha** · 30-09-2007, 16:09

الي خلاني اخد قراراني ادرس ال mcse الناس الي بتقول ان دي احسن شهاده ومستقبلها حلو وواحد زي معندوش خبره في اي حاجه محتاج يتعلم حاجه تفيده لاني مقدميش غير 9 شهور واتخرج ان شاء الله وانا ماستفدتش اي حاجه من المعهد وانا دلوقتي قدمت في قورس ال icdl قلت اخده لاني معنديش اي فهم في الاوفيس وكده وباخد كورسات انجليزي كمان في الجامعه الامريكيه بس انا مش عارف اعمل ايه في الكورسات الجامده بقي ياريت حد يفهمني الدنيا فيها ايه وايه الاحسن والانسب وبصراحه من كتر الشهادات بجانب اني مش فاهم حاجه فيهم بقيت تاااااااااايه ومحتار جدا ولازم اخد القرار بسرعه علشان مفيش وقت عايز اخلص قبل ما اتخرج وجزاكم الله كل خير ورمضان كريم

**labido22** · 06-10-2007, 05:40

السلام عليكم
الحمد لله رنا هداى ان اخد كورس mcse وهو كورس جميل جدا وهو عباره عن تسع مواد او يعنى مستويات ولكن الامتحانات سبعه وكلهم اجبارى لكى تكون مهندس نظم والكورس بيتناول فى تسلسله نظام تشغيل وندوز 2003 server من البدايه الى النهايه وكل شىء فيها وايضا معلومات متخصصه عن السيرفرات وال isa وحاجات تانيه كتير
الكورس بياخد مده ما يقرب من 7 الى 9 شهور حسب المكان وال instructor وده بيفرق طبعا
والنصيحه انك تحاول تقرا عن الشبكات بشكل عام اقصد يعنى تثقف نفسك علشان تبقى جاهز للكورس وعلى فكره الكورس ممتع جدا والله اعلى وعلم

**labido22** · 06-10-2007, 05:42

ولو احتجت اى معلومه ده الايميل بتاعى labido2004@hotmail.com

**ashrafat** · 08-10-2007, 09:53

خلص ال mcse وخذ ال ccna بتلاقي فرصة عمل افضل بس ان كان المعاهد بلشت تدرس الكورسات الجديدة تاعت ال windows server 2008 خذها وماتتردد لانو إمتحاناتها قربت تنزلها مايكروسفت