طلب صغير من المصريين المقيمين فى مدينة نصر وضواحيها

**serag_007** · 30-09-2007, 12:05

سلام لكم ..!

كل سنة وحضراتكم طيبين اعاد الله هذة الأيام المباركة عليكم وعلينا بكل حب وخير و يسر وبركات ..!

ليا طلب صغير اوي ... انا حاليا اعمل فى مدينة اخرى غير القاهرة .. ومن اقل من شهرين اشتريت فلاش ميمورى San Disk ... من نوع Cruzer حجمها 4 جيجا .

وحصل ان الفلاشة عطلت بدون اي اسباب واضحة ... و اعرف ان عليها ضمان سنتين ..!

بس الضمان فى التوكيل و التوكيل فى شارع عباس العقاد ... !

عشان كدة طلبي بس لو حد يعرف مكان التوكيل بالتفصيل او حتي رقم تليفونة ... اكون شاكرا جدا جدا ليكم ..!

طلب صغير تاني ... ارجو سرعه الرد عشان انا نازل القاهرة فى اجازة قصيرة جدا ..!

وشكرا

**salem amen** · 30-09-2007, 13:21

ممكن تنزل المول بتاع روكسى وتسأل عن طلبك هذا للأسف أنا لا أعرف عنوان التوكيل

**serag_007** · 30-09-2007, 15:50

متشكر جدا للأخ سالم ... بس مول روكسي ملهوش اي علاقة بالفلاشة دي ... انا اشتريتها من كارفور المعادي كما ذكرت ... و توكيل الفلاشة دي فى مدينة نصر ... كما سمعت .. او لو حد يعرف اي توكيل ليها (San Disk ) ياريت يبلغني بية ...!

واشكركم جدا

**serag_007** · 01-10-2007, 00:33

اخواني ارجو سرعه الرد عشان انا مسافر بكرة و ياريت اعرف عنوان او رقم تليفون قبل ما اسافر .!

و شكرا ليكم

**alot4u** · 01-10-2007, 05:11

السلام عليكم
تفضل اخي هذا البريد في المرفقات
والباقي تحت

وهذا رقم التلفون
SOUTH AFRICA TECHNICAL SUPPORT
0800980949

هذا الي وجدته في الموقع الاصلي
ولو انا مش غلطان الميموري بتاعك

cruzer freedom

وده الموقع الاصلي
https://www.sandisk.com

تحياتي لك

**serag_007** · 01-10-2007, 05:34

اشكرك اخي العزيز Alot4u

و انا فلاشتي من نوع Cruzer Micro 4GB

و هل متأكد من رقم التليفون دة ... أو يعني شركة شمال افريقيا هيا التوكيل لسان ديسك ؟!!

و اشكرك جدا مرة تانية علي مساعدتك

**alot4u** · 01-10-2007, 05:45

اخي العزيز هذا الي عرفته من الموقع الاصلي الموجود في مشاركتي السابقه
اذا تحب تدخل الموقع الاصلي بتاع الميموري الخاص بك وطبعا انا افضل ذلك لانك اعرف بالميموري بتاعك احسن مني..........

واسف على اي تقصير

تحياتي لك

**serag_007** · 01-10-2007, 15:08

متشكر جدا ... بس للأسف بتصل علي رقم التليفون بيقولي انة رقم غير صحيح ...!

اشكرك جدا علي مساعدتك ... مازال النداء قائم لأي حد اشترى اي منتج من منتجات Sandisk .! عايز بس اعرف اوصل ازاي لتوكيلها او اي شركة واخدة توكيل سان ديسك ..!

اظن دي مش صعبة لأي حد مقيم فى القاهرة ..!

وشكرا جزيلا لأخي alot4u مرة اخرى علي مساعدتة !

**dxbboy77** · 01-10-2007, 16:00

السلام عليكم .. انا من الامارات ولست من مصر ..

لكن لدينا كارفور .. واذا اصابها العطب .. لا نرسلها للوكيل بل لخدمة العملاء في كارفور ..

لا اعرف اذا القانون مطبق عندكم ولا ..

اتصل في كارفور " خدمة العملاء " واخبرهم بالمشكلة .. واسألهم اذا اجيب الفلاش عندكم ولا اوديها علي طول عند الوكيل ..

بالتوفيق اخوي ..

**serag_007** · 01-10-2007, 23:53

انا فعلا بحثت عن رقم كارفور من موقعهم علي النت ... اتصلت بيهم .. قالوا لي تليفون الوكيل ..!

جارى الأتصال بة ..!

شكرا جزيلا علي مساعدتكم

**MaXiMa** · 02-10-2007, 01:38

اخى العزيز اشترتها بكام
وهل فيه 8 جيجا
اصل واحد صحبى قلى انا شارى واحد 8 جيجا 220 جنيه وعايز اعرف ايه رايكم فى فلاشه sony

**serag_007** · 02-10-2007, 12:08

انا اشتريتها من حوالي 3 شهور او اقل ... من كارفور المعادي .. 4 جيجا بايت . كان منزل عرض علي هذة الفلاشة تمنها الأصلي وقتها 325 جنية و كان تمنها فى العرض 199 جنية ..!

مجربتش غيرها عشان احكم عليها او علي سوني

ربنا يوفقك