ارجو المساعده العاجله من الساده خبراء السيكيورتى

[a_network]

اود ان ابداء التحدث الى السيدة المشرفة/ المهندسة ريم كما اخبرنى السيد المشرف / اسكوربيون من منتدى الشهادات العلمية لاننى عضو به ان اقوم بعرض هذا الموضوع على منتداكم وعلى سيادتكم بالاخص الى هذة القضية الخطيرة اللى بيقع فيها الناس اللى معندهمش دراية كافية بالسيكوريتى
اولا انا عايز الموقع اللى بيجيب المسار بتاع اى ايميل مكانه فين بالتحديد
ثانيا فيه واحده من مصر بتبعت لينك على الايميلات على انه لينك لالبوم الصور
بتعها وبالدخول على لينك الصور بيفتحلك صفحة الميل ويقولك دخل الباسورد وبكده
هيا تبقى اخدت الميل وغيرت الباسورد بتاعه واتعملت معا ناس كتيييييييييييييير جدا
ومنهم اصحابى كمان وبتبتذهم عشان يبعتولها كروت موبايل بحوالى 400 جنية عشان ترجعلهم الميل وده اكيد كذبة .
اذاى يا اخوانى نوقف هذة المهزله عشان نقدر حتى نعمل بولكات للايميلات المسروقه
ومنهم ناس دكاترة وعندهم مراسلات على الايميل كتيرة وراحت كلها وأدة الى عواقب كبيرة
لاسترجاع الايميلات اللى على الشات وكلها على الياهووووووو
ارجو المساعده على قدر الامكان وده مشكله خطيرةجدا جدا وادت الى مشاكل كبيرة اوى
عشان هيا بطلع القائمة بتاعت الشات اللى علية الايميل وبتسرق كمان الايميلات اللى
عليه وبعد كده تراود اصحاب الايميلات لحد ما تسرق ايملهم ارجو المساعده على الفور
بعد اذنكم وجزاكم الله كل خير على ما تقدموه من خير وجهد مبزول وده عمل انسانى والله
هتأجرو عليه جدا وشكرا لكم وثقتنا فى الله كبيرة ثم فى حضراتكم
ورمضاااااااااااااان كريم

[clerck]

الله المستعان
بس انابرضه كنت عايز اعرف حاجه هل ممكن سرقه الاميل من غير مايكلمني اصلا انا الصراحه واحد صحبي قالي انه هيسرق الاميل بتاعي ببرنامج عنده وانا مش عارف اعمل ايه هل في طرق للحمايه من مثل هذه الطرق

[a_network]

ايه يا جماعة الخير مفيش اى فائده ولا حتى مشاركة ابدء الراى

[lumark_s]

الله المستعان
بس انابرضه كنت عايز اعرف حاجه هل ممكن سرقه الاميل من غير مايكلمني اصلا انا الصراحه واحد صحبي قالي انه هيسرق الاميل بتاعي ببرنامج عنده وانا مش عارف اعمل ايه هل في طرق للحمايه من مثل هذه الطرق

الباسورد الخاصة بأي شخص لابد ان تكون محمية.

كيف تحميها؟؟؟

كلمة السر الخاصة بك لا بد ان تحتوي على رقمين على الأقل مثل 5 و 9 مثلاً.
كلمة السر الخاصة بك لا بد أن تحتوي على إشارتين على الأقل مثل ! و # مثلاً.
كلمة السر الخاصة بك يجب أن تحتوي على ستة حروف على الأقل مثل a و t و g و f و i و m مثلا.

أقوى برنامج كراك للباسورد مثل John the ripper والذي أستخدمه شخصياً في عمل Password Attack يحتاج لشهور لكي يكسر كلمة سر مثل هذه #2nightmare9!

هكذا تحمي الباسورد الخاصة بك.

[a_network]

اشكرك جدا يا اخى على معلوماتك بس والله انا كنت عايز اعرف هيا اذاى سرقت البالسورد بتاعة الايميل وشكرا لك على مجوداتك الاكثر من رائعه
ورمضاااااااااااااااااااان كريم فى رعاية الله وحفظه

[محمد ابو تريكة]

كل ما فى الامر انها خبيرة فى الموضوع ده او حد علمها الطريقة

والموضوع ببساطة انها بتصنع صفحة وهمية بتضع فيها اللى هى عايزاه سواء كانت الصفحة تحمل اسم الهوتميل او تحتوى على البوم صور لها ( يعنى بتضع فكرة معينة اما ان الصفحة تكون باسم شركة وبكده انت لا تشك فى انها هاكر او انها تضع حاجة تجذبك كألبوم صورها مثلا وبكده انت بردوا لا تشك فى انها هاكر ) وبالتالى انت بتدخل فتطلب منك احيانا انك تدخل اسم الايميل بتاعك والباسورد وبمجرد انك تضع الايميل و الباسورد بيكون بيانات تسجيلك ارسلت لها اما على الايميل الخاص بيها او على الكمبيوتر بتاعها اذا كانت تستخدم برنامج معين فى ذلك

وعلى فكرة هى دى الطريقة الوحيدة التى تعتبر نافعة فى سرقة الباسورد حيث ان اغلب البرامج الخاصة بسرقة الايميلات ان لم يكن جميعها تعتبر برامج اونطه لان برامج الانتى فيروس بيستطيع كشف الباتش اللى بيرسلهولك الهاكر

وكما قال الاخ LUMARK_S لابد وان يكون الباسورد قوى بمعنى يحتوى على حروف وارقام ورموز
بالاضافة الى انك تكون ذكى ولا تقوم بفتح رسالة تشك فيها او الضغط على رابط تشك فيه او وضع ايميلك والباسورد بمجرد ان الصفحة تطلب منك ذلك بل لابد انك تكون عارف كويس اوى الصفحة دى ايه مصدرها ومدى ثقتك فيها

وعموما الموضوع بتاع الصفح الوهمية دى منتشرة جداا والهاكر بيحاول يطور من شكل الصفحة ومحتواها بحيث يجذبك وتكون فى نفس الوقت صفحة جديدة ومش معروفة وبالتالى لا يشك فيها اى شخص يعنى مثلا من مدة ليست ببعيدة كانت الصفحة عبارة عن صفحة شبيهة بصفحة الهوتميل و بيكون ايميلك مكتوب بخط لا يمكنك مسحه يعنى اجبارى ويطلب منك ادخال الباسورد لهذا الايميل اللى هو ايميلك وبمجرد ادخال الباسورد بيكون ايميلك اتسرق

المهم فى هذا الامر هو : 1- صنع باسورد قوى مكون من حروف وارقام ورموز
2- عدم فتح اى رسالة تشك فيها او فى مرسلها
3- لنفرض انك فتحت رسالة متعرفش اذا كانت هاكر ام لا وقمت بالضغط على الرابط الموجود بداخلها >> بمجرد فتح الصفحة وطلب ادخال ايميلك او الباسورد لا تقوم بادخال اى بيانات واغلق الصفحة وامسح هذه الرسالة
4- تثبيت مكافح فيروسات قوى لكشف اى ملف تروجان او هاكر
5- عدم قبول ملف من شخص تتحدث معه على الشات الا اذا كنت تثق فى هذا الشخص لان ربما يكون هذا الملف او الصورة هو عبارة عن سيرفر لبرنامج سارق الايميلات ومدمج مع الصورة او الملف

[adam black ice]

الموضوع انها لا خبيره ولا حاجه الموضوع يرجع الى برنامج البازوكا الذى يقوم بعمل هذا وهو ارسال صفحه وهميه للضحيه ويوهمه على انها صفحة تسجيل للهوت مايل وهذه الطريقه منتشره ....

ويجب ان تحذر ولا تقوم بكتابة الباسورد الخاصه بك فى اى صفحه تظهر لك وهذا هو الحل