الفرق بين الserver وال workstation

**moriatte** · 02-10-2007, 18:46

اخوانى الأحباء......
أنا مهندس اتصالات أعمل فى مجال الlow current مثل الfire alarm وال access control doors وال CCTV .......ولكن أنا أحب مجال ال IT وأحاول أن أعرف عنه بقدر المستطاع.....
المفروض أنى مسئول عن مشروع فى بنك الان ومطلوب منا توريد سيرفر workstation وبصراحة معلوماتى عن الفرق بينهم غير واضح بشكل كامل بالنسبة لى...
أرجو من اخوننا الأحباء يشرحولى الفرق بينهم حتى أستطيع أن أحدد كم workstation بالضبط سأحتاجهم فى المشروع.......
بانتظار رأيكم يااخوان

**moriatte** · 02-10-2007, 22:17

اخوانى الأحباء......
أنا مهندس اتصالات أعمل فى مجال الlow current مثل الfire alarm وال access control doors وال CCTV .......ولكن أنا أحب مجال ال IT وأحاول أن أعرف عنه بقدر المستطاع.....
المفروض أنى مسئول عن مشروع فى بنك الان ومطلوب منا توريد سيرفر و workstation لتوصيل الأبواب الالكترونية وأجهزة حضور وانصراف الموظفين ......
ومطلوب منا تقدير عدد السيرفر والworkstations المناسب....
وبصراحة معلوماتى عن الفرق بينهم غير واضح بشكل كامل بالنسبة لى...
أرجو من اخوننا الأحباء يشرحولى الفرق بينهم حتى أستطيع أن أحدد كم workstation بالضبط سأحتاجهم فى المشروع.......
بانتظار رأيكم يااخوان

**Scorpion007** · 03-10-2007, 00:21

الموضوع ان هيكون فى اكتر من Workstaion لضبط الحضور والانصراف
ويعتمد عددها على حجم المكان اللتى ستوضع فية وعلى عدد العمال والموظفين العاملين ووقت خروجهم

بمعنى يمكنك ان تضع 3 اجهزة للموظفين ان كان كل نصف ساعة يدخل 50 شخص لكن بفرض ان الموظفين معادهم الساعة 9 الصبح وفى بنك كمان يعنى الساعة 9 هيكون ال Load عالى وفى الانصراف مش كللة بيروح مع بعضة فالمهم انك تحل مشكلة الصبح دى وتجيب اجهزة كتير على افتراض ان ممكن تيجى فى يوم تلاقى كام جهاز واقف والناس تدخل الشغل متاخرين ساعتين

فحاول تشوف العدد مع التوقيت وتحسب .. عملية الضبط بالكرنية على الكمبيوتر سريعة جدا جدا

بالنسبة للسيرفرات فكل سيرفر مثلا تخلية يتحكم فى عدد من الاجهزة Workstaions والسيرفرات هى هتظبط مع بعضها من خلال الشبكة فمثلا ممكن لو هناك مكانين للدخول فى البناك تحط مثلا اجهزة فى المكانين والسيرفرات هتربطهم ببعض ..

ياريت اكون وضحتلك الفرق اللى انت عاوز تعرفة وقدرت ااقربلك تقديرك لعدد الاجهزة اللى هتحتاجها طبعا انت اللى فى البنك وعارف النظام وتعرف تقدر .. طبعا انا ممكن اقولك عدد الاجهزة والسيرفرات كام بالتحجديد لو اديتنى شوية معلومات عن المكان ذى مثلا الموظفين والبنك بيفضى على الساعة كام ؟ بتوع البنك المسؤلين عن الامن بيباتو ولا بيروحو ؟ الخزنة بتتملى يوم كام فى الشهر ؟ دى كلها بردة حاجاة مهمة :D

**moriatte** · 03-10-2007, 00:43

تصدق ياحاج سكوربيونLooLLooL
والله انا كنت ناوى أسألك ع الموضوع دا ع البريد لأنى عارف انك من الناس اللى بتهتم جدا بالرد على الاستفسارات .......بالاضافة الى كونك فعليا شغال فى مجال الشبكات......
بس انا فضلت أخلى استفسارى على المنتدى يمكن حد تانى يشوف الاجابة يستفيد....واهو برضه الموضوع يبقى متاح للجميع انهم يقولوا فكرهم ورأيهم فيه

ياباشا أنا متشكر جدا بس بصراحة أنا لسه فى نقطة برضه مش قادر أفهمها......
أنا مش فاهم أصلا ايه الفرق بين الserver والworkstation.......ايه وظيفة كل واحد فيهم وباستخدمه ف ايه.......
أنا لو فهمت الفرق بينهم ايه يبقى هاقدر أحل مشكلتى.......
أنا اللى أنا باخمنه ان الworkstation عبارة عن backup للسيرفر بياخد نسخة احتياطية من الداتا ...
ياريت ياباشا لو تشرحلى الموضوع باستفاضة أكتر.......
وبعدين فى تقديرك........الworkstation غالبا فى المتوسط بيشيل بيانات كام موظف.......وايه هو دور السيرفر بعد كدا؟؟
انا متشكر قوى ياسكوربيون.........ونخدمك ف فرحك ياريس:Big::D

**Scorpion007** · 03-10-2007, 03:11

ماهو يابن الحلال لو كنت عرفتنى المعلومات دى بدقة كنت عرفت اساعدك
الموظفين والبنك بيفضى على الساعة كام ؟ بتوع البنك المسؤلين عن الامن بيباتو ولا بيروحو ؟ الخزنة بتتملى يوم كام فى الشهر ؟ دى كلها بردة حاجاة مهمة :D

بص ياباشا .. فى جهاز اسمة لابتوب او ديسك توب دة الجهاز بتاع الشعب لو اشتغل يومين على بعض يبقى انت بتلعب فى عداد عمرة

بكلم بجد ماهو كلة صينى

فى حاجاة انضف شوية اسمها Workstaion دة بقى كمبيوتر بس مش عادى جامد شوية البوردة بتاعتة ممكن يتركب عليها 1,2,3,4, بروسيسور او اكتر على حسب الضغط علية وبيتركبلة كرتين شاشة اذا لزم الامر لبتوع الجرافيك ورامات من 4 جيجا وانت طالع وظيفة الجهاز دة انة يتحمل لووود وضغط عالى علية زى مثلا فى موضوعك هيهمك اوى فية البروسيسور اكتر من الجرافيك والرام مش هتهمك اوى لانك مححتاج تترجم الكرنية اول ما يقف امام الاسكرين المتوصلة بية ويتعرف بسرعة على الشخص ويسجلة حضور

بالنسبة للسيرفر دة جهاز بردة ما يختلفش عن الووركستيشن كتير فى الهاردوير بتاعة لكن من اسمة SErver
يعنى خادم للاجهزة بمعنى
الاجهزة ال Workstation او ال PC العادى ممكن يسجلو بيانات الموظفين بسرعة طبعا ... لكن لو عندك مثلا
3 اجهزة دخل عليهم الصبح 200 واحد بالكرنيهات فهتلاقى الجهاز الاول ممكن يكون 40 واحد وقف علية والثانى 100واحد والثالث 60 واحد

هنجمع بقى بيانات العمال دى ازاى نجيب سيرفر وفى الغالب FTP Server او Applicatio server هيكون على اتصال ال 3 اجهزة تقوم لما تفتح قاعدة بيانات اى جهاز تلاقى ال 200 عامل متسجلين فى كل جهاز من ال 3 بما فيهم السيرفر ايضا وكدة لما جهاز يضيع منهم الناس مش تعيط وتقول والله حضرنا واللى كان غايب يومها يدخل مع الزفة ويقول انا كنت موجود وجهازكم ضيعنا

هى دى احد فوايد السيرفر وكمان بتتحكم منة فى الاجهزة الاخرى وتمنع ان حد من غرفة التحكم انة يدخل بيانات واحد بمعرفتة بطريقة غير شرعية وتعمل منة مراقبة علشان لو واحد غاب ما فيش واحد حبيبة ياخد الكرنية ويظبطة حضور فى يوم قديم

فالسيرفر هو خادم لمجموعه اجهزة ويمكن وضع مجموع اجهزة اخرى من نوع Workstaion على مدخل اخر للبنك ان كان متوافر مكان ويتم توصيلهم بسيرفر 2 وتقوم بتوصيل سيرفر 1 مع سيرفر 2 لتبادل البيانات وتصبح الداات موحودة فى جميع الاجهزة .. طبعا انا حبيت اوضحلك الفرق لكن الاستراتيجى لمهندس النظم ممكن يكون ليها ابعاد اخرى ونظام اخر فى الشركة لانة هوة من سيقوم بادارة هذة الاجهزة بعد ان تقومو بتسليمها للبنك

بس انا فضلت أخلى استفسارى على المنتدى يمكن حد تانى يشوف الاجابة يستفيد....واهو برضه الموضوع يبقى متاح للجميع انهم يقولوا فكرهم ورأيهم فيه

بجد والله انت محترم وتستاهل كل خير .. اللى يفكر بالطريقة دى ربنا هيوقفلة اللى يساعدة مهما كانت مشكلتة
اوعى تفتكر انى بقول كدة علشان مش تبعتلى على الخاص .. لكن انا دايما بفضل الخاص للخاص فقط لو حاجة خاصة اوى وما ينفعش تحط على المنتدى

ولو فية حاجه محتاجها انا هتابع معاك انشاء الله وكل الاخوة فى المنتدى

هية الخزنة حديد ولا بلاستيك ؟ :D

**Scorpion007** · 03-10-2007, 03:49

اة على فكرة ال Workstation فى الغالب مش بيكون علية ويندوز .. تقريبا يونكس او ويندوذ NT علشان كدة بيكون مخصص لاستخدام معين وبيتحط علية برنامج للغرض اللى جاى علشانة .. عارف كمبيوترات الاجهزة الطبية دة كمبيوتر وكل حاجة بس علية سوفتوير مستغل امكانيات الجهاز فى غرض معين يعنى ممكن كمان ماتلاقيش علية نظام تشغيل هوة شركتة جيباة متستب علية السوفتوير دة
كنت بشوفة زمان فى السنترال و البنوك كانو يدخلو ويستدعو بيانات لانة كان مصمم للغرض دة فقط بس الحال تطور عندهم وبيجيبو اجهزة عادية ادخل واستدجعاء بينات وانترنت كمان وWinamp كدة يعنى :D

وبرضة نفس الحال مع الكروت وكدة هيختلف السوفتوير اللى علية حسب التطبيق فعلشان كدة بيكون جهاز Compatible مش بيجمع زى اجهزتنا ولهذا السبب ليس جميعا متساوين فى الامكانايات (الهاردوير )

لكن السريرفر ممكن تجمعة او ممكن تجيبة من شركة عالمية عادى ودة فرق تانى بينهم

**moriatte** · 03-10-2007, 13:23

ياباشا أنا متشكر جدا:up:.........أنا كدا كونت فكرة مبدئية وان شاء الله بكرة هنروح مقابلة معاهم فى البنك عشان ندرس عدد الموظفين وعدد بوابابات الدخول عشان أقدر أركب workstation أدخل عليه الaccess control card readers واحط السوفت وير بتاعى على الworkstations ........
كدا ان شاء الله أقدر بعد كدا أحدد أنا محتاج كام workstation وامكانياته ايه ...........
أنا طبعا ياريس هاحاول فى الخباثة أعرف مواعيد القبض ومكان الخزنة وبيقفلوا الساعة كام:Big::Big:
ربنا يسهل بس وميكونوش مكهربين الخزنة ومفيشين الهوامشpls: