تمرير مذربورد عن الحدود السعودية

**Om51** · 23-08-2003, 21:18

السلام عليكم
بفكر بالمذربورد والمعالج Slot يا ترى يعدوه الحدود السعودية خايف يعملوا مشاكل ويحسبوا البنتيوم3 سلوت قنبلة
أحد عنده فكرة أو اذا عنده قريب شغال في أي حدود يستفسر منه ..

**hadi** · 23-08-2003, 22:31

الاخ عمر:
اذا سألوك أخبرهم أنه معالج للحاسوب واذا استلزم الامر ركب المعالج في اللوحه أمامه عشان يفهم ويش تقصد
وربنا يسترها معاك
توكل على الله وخذ الموضوع ببساطه

**Mubarak** · 24-08-2003, 00:54

ههههههههههههههههههههههههههههههههههه
والله عندك م ناس فلتة على الحدود بين الإمارات والسعودية ، الله يصلح الحال بس.

**hadi** · 27-08-2003, 06:05

آمين يا رب ويعيد الامن لجميع بلاد المسلمــــــــــين

**عربي جامد** · 29-08-2003, 12:03

ليش؟؟ من صدقكم في احتياطات أمنية لهذي الدرجة ؟؟؟

**DDesigns** · 29-08-2003, 12:49

الاحتياطات هي للاخوه العاملين هناك من النوع الذي لم يدخل عام 2000 الى الان هههههههه

ولكن لا اعتقد انهم سيقولون شيء نهائيا ولكن حاول ان تضعه داخل غلاف او شيء لكي لا يشكون بالامر .

**Mohammed** · 29-08-2003, 15:26

الحل سهل ،، المعالج لونه اسود !!
اصبغه اي لون ثاني احمر اخضر !!! ههههههههه
امزح معك

اعتقد عادي يدخلونه بدون اي كلام

**abdulss** · 29-08-2003, 15:56

هلا أخوي Om51
بالنسبة لسؤالك مدري وش تقصد فيه ؟؟ هل أنت جاد ؟؟
الجمارك السعودية متطورة جدا غريبة انك تحسبهم متخلفين !!
تحياتي لك

**Mubarak** · 29-08-2003, 19:27

اشتر كيش شبس LAYS كبير وحط فيه المعالج واقعد كل منه خلال التفتيش

**DDesigns** · 29-08-2003, 22:51

ههههه فكره جدا حلوه ..

او حاول تحطه داخل علبة كلينكس .

**hadi** · 07-09-2003, 15:48

الحقيقه أختلف معك اخي abdulss
فقدكانت معي تجربه سيئه معهم وتدل علي قله ثقافتهم وعدم قدرتهم علي التصرف بسرعه
فذات مره عندما كنت عائدا من السفر أعطاني أحد الاخوه هديه من عسل النحل لاحد أصدقائنا
وبالمناسبه لم يكن عسل سدر يعني لونه ماهو غامق وكان لونه فاتح يميل للاصفرار وبالرغم من وجود
هذا النوع بالمحلات الا ان الشباب بالجمارك وقفوا حائرين من هذا العسل الفاتح اللون
المهم احاول اقنعهم وبدون فايده
وكل شويه وانهم جايبين واحد رتبه يشوف الموضوع وما افتكيت منهم الا لما جا موعد انصرافهم
!!1
طبعا يعلم الله ان هذا حصل بالفعل وبدون مبالغه
وطبعا ما أقول هذا الكلم عشان أخوف عمر

**Om51** · 07-09-2003, 18:48

حياكم الله اخواني
أنا الآن في جدة
الفكرة كانت بنتبديل البورد , الرام والمعالج للجهازين البنتيوم4 وال3 , لكن صرفت النظر تماما لعدة أسباب

هلا أخوي Om51
بالنسبة لسؤالك مدري وش تقصد فيه ؟؟ هل أنت جاد ؟؟
الجمارك السعودية متطورة جدا غريبة انك تحسبهم متخلفين !!
تحياتي لك
حياك الله أخوي عبد الله , لا تخلط بين الجمارك والحدود , شكلك ما شفت الحدود , الله يهديك ما قلت متخلفين لكن حصلنا وسمعتا بعدة مواقف

اشتر كيش شبس LAYS كبير وحط فيه المعالج واقعد كل منه خلال التفتيش
ههههه , فعلا تنفع
علبة المناديل مخليها للسيديات ...

**الخلف** · 07-09-2003, 19:31

اييييييييييه لنا تجارب حتى مع البحرين...

يوقفنا ضابط وعليه ديك النجوم طول سور الصين يقول هاتوا الجواز

تعطيه اياه

وشوي إلا انشوف شعار البحرين على الجواز مقلوب... يا حبيبي الأخ ماسك الجواز مقلوب...

**shabab202** · 15-09-2003, 21:07

أخوي Om51
هههههههههههههههه
تصدق ذكرتني بسالفة .. منذ حوالي 3 سنوات بعت سيارتي لأحد الإخوة من السعودية ..
وفي اليوم الثاني إتصل بي وقال لي : بالله عليك يا أخوي إنت شو حاطت في السيارة ؟؟
قلتله ولا شي .. ليش خير إن شاء الله .. قال يبغون يفكفكون السيارة ما ويش عندهم ..
بصراحة أنا خفت وقعدت أفكر وبقلق عن ما قد يكون في السيارة خاصة وأني مستوردها من ألمانيا وإستخدمتها سنتان وبدون حتى أن أعيرها لأحد !!!
وفي اليوم التالي إتصل بي وطمأنني ... والحمد لله

**فلاح** · 17-09-2003, 14:21

السلام عليكم ورحمة لله وبركاتة

شئ طيب أفكار تهريب خطيرة فكرة الأخ مبارك مبتدعة وسوف تفتح أفاق جديدة للتهريب

شئ غريب فعلا يا أخوان لي ما يقارب 3 الى 4 سنوات وأنا أسافر من الكويت السعودية بجهازي ويشوفة رجل الجمارك وعادي اذا كان يبي يسألك عن شئ راح يقول

هذا أيش

أقول PC وهو يقول نعم نعم كلامك صحيح