المهم انت تقدر تعمل ايه

[shacky_4]

السلام عليكم
اوقعنى الحظ اثناء ايام اعتكافى للعشر الاواخر من رمضان فى مكان به شخصين احدهم اوراكل داتابيس والاخر mcsd بجانبى. ودار حديث بيننا فى مجال الاى تى عموما وتناقشنا حوا شهادات ميكروسوفت حيث قالا ان الشهادات بتاعه ميكروسوفت خلاص مبقتش تدل على حامليها فممكن ان تجد من يحمل mcse ولا يعرف الفرق بين البيت والبايت . وتناقشنا حول كيفيه دراسه الماده العلميه نفسها فقالوا ان اللى بياخد الماده من البيت من غير ماروح مراكز تدريب فده بيدح ويحفظ وخلاص من غير مايفهم وبعد كده يصم فى الامتحان وخلاص انما هو فى الواقع العملى صفر على الشمال. انا اختلفت معاهم وقلتلهم انى بعرف ناس خدوها من البيت وهما حالبا مانجرز كبار وقلتلهم دى مش قاعده عامه .اهم شئ استفادته فعلا قول الاوراكل داتابيس انك لما تروح تشتغل بيقولك انت تقدر تعمل ايه .. ايه هى امكانياتك الحقيقيه مش اللى فى الشهاده. كمان اتكلمنا حول كل من ميكروسوفت وانظمتها وبين اوراكل ونظام ليونكس وقالى ان اوراكل مع ليونكس افضل الف مره من الويندوز سرفر فى الاداره . وادانى مثال . قالى ممكن تجعل اليوزر اللى بيستخدم ليونكس وانت بتديره بالاوراكل انه ميقدرش يشغل غير برنامج واحد فقط يظهر له عند فتح النظام ياما يشغله او يطفى الجهاز اللى بيظهر له فقط فى الشاشه ايقونه البرنامج وايقونه الاغلاق . اما الويندوز فلا. ونصحنى بالتحول الى اوراكل والليونكس .
ياريت اللى يعرف ايه هى مزايا الاثنين يقولنا وايه هو الافضل
اخوكم فى الله
محمد طه

[elmadysm]

السلام عليكم
قالا ان الشهادات بتاعه ميكروسوفت خلاص مبقتش تدل على حامليها فممكن ان تجد من يحمل mcse ولا يعرف الفرق بين البيت والبايت . وتناقشنا حول كيفيه دراسه الماده العلميه نفسها فقالوا ان اللى بياخد الماده من البيت من غير ماروح مراكز تدريب فده بيدح ويحفظ وخلاص من غير مايفهم وبعد كده يصم فى الامتحان وخلاص انما هو فى الواقع العملى صفر على الشمال.محمد طه

الشهادات ماهى الا دليل فقط على انك حاصل عليها ليس اكثر
و لكن الفرق كبير بين اللى عارف من اللى مش عارف

فهناك اطباء مثلا استاذ ورئيس قسم او يمكن مدير اتلمستشفى و تذهب اليه بطفلك فلا يعطيه الدواء المناسب (((و الاستشاره بعد بكرة____ لازم اشزفه))
وهذا لايقلل ابدا من قيمة الاطباء و لكن فى كل مهنه تجد من حصل على الشهادة و هو فاهم و مدرك محتواها و هناك اخرون بدرجات تحصيلهم
فى النهاية اقصد ان التعميم خطأ
يعنى ليس كل من درس بالبيت قليل الخبرة و ليس كل من درس و حصل على الشهادة عبقرى
انا كان من نصيبى انى جربت الاثنين (الكورس ___و المذاكرة بالمنزل) كلاهما له مميزاته وعيوبه

[MO3TAZ20]

كلامك فيه كذا نقطه خلينا نمسكه جزء جزء :

1-الاتنين واحد اوراكل والتاني mcsd يعني الاتنين ميعرفوش قوي في موضوع الشبكات الا بما يتعلق بشغلهم
2- للاسف فعلا اللي معاه اي شهاده شركات عموما ان كان اوراكل ولا مايكروسوفت او حتي سيسكو لان بقي فيه ناس كتير بتدخل مذاكره الباس فور شور من غير مذاكره ولا تشوف المنهج اصلا بتاع ايه
3-موضوع البيت والبايت ده فعلا يعني انا سمعت عن ناس معها CCNP و ميعرفش ليه خط الDSL 256 Kb/s اقصي حاجه في الدونلود 32 كيلوبايت ؟؟ الموضوع ده قالي عليه واحد كان بياخد كورس ccna في نقابه المهندسين للاسف ان الانستراكتور اللي كان بيدرسله هو اللي مكانش عارف
3-اللي بياخده من البيت ممكن يبقي احسن من اللي في مراكز التدريب بس محتاج مجهود محترم و كمان لازم يجيب كذا جهاز او يحجز سيبر بحاله ويفضل يفتي فيه بتاع 3 ساعات خصوصا لما يدخل الانفرا وكده و يبقي كويس كمان لو معاه حاجه زي testout ولا cbt
4- لازم طبعا اي شركه تعرف انت بتفهم في ايه ولا بتعرف ايه لان ده المطلوب في الاساس لكن الشهاده بالنسبه لهم تعريف بقدراتك اللي بيتأكده منها
5- النقطه بتاعت انه يخلي اليوزر يقدر يشغل برنامج واحد بس ويطفي الجهاز بس سهله وممكن تعملها في الوندوز سيرفر عادي جدا

[shacky_4]

والله الكلام بتاع المذاكره من الباسفور شور لوحده ده اتقلى بس انا مصدقتش .الله المستعان

[elmadysm]

والله الكلام بتاع المذاكره من الباسفور شور لوحده ده اتقلى بس انا مصدقتش .الله المستعان

لا ياعم صدق

[عاشق الاسلام]

قالى ممكن تجعل اليوزر اللى بيستخدم ليونكس وانت بتديره بالاوراكل انه ميقدرش يشغل غير برنامج واحد فقط يظهر له عند فتح النظام ياما يشغله او يطفى الجهاز اللى بيظهر له فقط فى الشاشه ايقونه البرنامج وايقونه الاغلاق . اما الويندوز فلا. ونصحنى بالتحول الى اوراكل والليونكس .
ياريت اللى يعرف ايه هى مزايا الاثنين يقولنا وايه هو الافضل
اخوكم فى الله
محمد طه

اخي الكريم هذا كلام خاطي تستطيع ان تعمل ما تريد في الونودز من جميع الاجراءات التي تريدها ومن يقول غير ذاك هو لا يعرف بالوندوز ولا تصدق كل ما يقال لك من كلام يا اخي العزيز

[Iraq IT]

اخي عليك بنفسك والشركة التي تاخذ واحد غشاش حتخسر والشخص حيخسر مستقبله

اذا لديك الشهادة والخبرة فهذا كافي جدا" ولاداعي للقلق من تغيير مسارك الذي تحبه

[student_se]

اخي الكريم هذا كلام خاطي تستطيع ان تعمل ما تريد في الونودز من جميع الاجراءات التي تريدها ومن يقول غير ذاك هو لا يعرف بالوندوز ولا تصدق كل ما يقال لك من كلام يا اخي العزيز

الويندوز كمان ممكن تعمل فيها كل ده و اكتر بس المهم انك تكون عارف بتعمل ايه

و زى ما قالولك اخواننا دول اوراكل و اس دى يعنى مش ناس بتاعة نتورك

[lumark_s]

مجال النتورك هو أكبر مجال في العالم

في كل مكان هناك شبكات وهناك وظائف وأرزاق

[shacky_4]

مجال النتورك هو أكبر مجال في العالم

في كل مكان هناك شبكات وهناك وظائف وأرزاق

ادعلينا ياحاج لومارك نلاقى وظيفه بس من دول