النتائج 1 إلى 4 من 4

الموضوع: منحة وزارة الاتصالات ال 9 شهور المرحلة الثالثه 23/9/2007

  1. #1
    عضو
    تاريخ التسجيل
    Aug 2007
    المشاركات
    3
    معدل تقييم المستوى
    0

    منحة وزارة الاتصالات ال 9 شهور المرحلة الثالثه 23/9/2007



    أولا عن المنحه
    موقع المنحه
    http://www.mcitprof-train.gov.eg/
    www.compex4it.com
    مدة المنحه 9 شهور براتب 500 جنيه شهريا
    يبدء التقديم من 23/9/2007 ألى 17/10/2007
    وهى الدفع الثالثه من نوعها تسع شهور
    خمس برامج هم
    1 Web Development
    CIW
    IBM
    2 Software Development
    Microsoft
    3 Data Base
    Oracle
    Microsoft
    4 Graphics & Multimedia
    Adobe
    5 Networking
    Microsoft
    Microsoft+cisco
    cisco
    ثانيا عيوب المنحه
    كلمة حــــــــــــــــــــق
    الدراسه أكاديميه يعنى نظام ورقمه وقلم وكتب بالأنجليزى
    المدربين اللى بيدربو الطالب بيكون خرجيج مستجد لل يملك خبره كافيه مستواهم وحش جدا جدا يوجد قليل القليل منهم كويسين
    المتدربين والمراكز هدفه هو أنك تاخد الشهاده الدوليه بيحفظوك حاجه أسمها التست كنج وشكرا
    الدوره ده مضغوطه تخيل أنك بتدرس من خمس ألى ست ساعات يوميا لمدة خمس أيام فى الأسبوع لمدة تسع شهور فى حاجه جديده عليك يعنى بأختصار هتكره نفسك لأنك مش هتلحق تستوعب أى حاجه
    أخر عيب وهو أهم عيب أنه بيجبرك أنك ما تخترش أللى أنت عوزه يعنى مثلا برنامج الشبكات بيشطرط أنك تكون خريج هندسه يعنى أنا مثلا خريج حاسب ألى ومعايه خبره خمس سنوات فى مجال الشبكات ومعايه شهادات سيسكو ccna comptia A+ Comptia Network Comptia Server وبالرغم من كده رفضنى علشان قال أيه مش خريج هندسه والله حرام
    وفى عيب كمان أنك هضيع سنه من عمرك يعنى هى ناقصه
    ثالثا مميزات المنحه
    تبدء المنحه بدورة الأنجليزى تخيل أنك بتدرس وبتكلم كل يوم ست ساعات أنجليزى لمدة خمسه وتلاتين يوم أكيد هتتغير فى الأنجليزى
    دورة السوفت أسلكس أو دورة المهاراة الأساسيه من الدورات الصعب أيجدها فى أى مركز وهتكون غليه بصراحه هتفيد كل شاب متخرج جديد
    أهم ميزه أن الدوره ده تعتبر ممتازه للمتخصصين أللى عندهم خبره فى المجال أللى دخله وأنك تكون واخد البرنامج ده قبل كده وداخل بس علشان معكش تمن الأمتحانات أو علشان تراجع على الدوره والله هتتخرج منها بتقدير كويس جدا ده غير أنك هتكون مرتاح نفسا فى الدوره لأنك مش هيكون مضغوط عليك بسبب أنك عارف الكلام بتاع الدراسه
    بس للأسف كل أللى بيتقدمو للدوره بيكونو بلاطه وطبعا بيتعبو أوى فى الدوره ده
    رابعا رأى الشخصى
    أولا أستمر فى مجالك مهما كانت الأغراءات مثلا لو أنت خبره فى الشبكات ومش مسمحلك تدخل الشبكات بسبب الشرط الغبى بتاع أنك تكون خريج هندسه ما تقدمش فيها
    ثانيا لو أنت متخصص فى مجال البرمجه خليك فيه وأياك تخرج من هذه المجال
    ثالثا لو أنت مش متخصص فى أى حاجه ومحتار تدخل أنهى وحده فيهم فالأول روح خد دوره بسيطه كخلفيه ليك عن الدوره وقوى نفسك فى الأنجليزى وبعد كده قدم فيها السنه القادمه
    على فكره فى ناس كتير ندمو أنهم دخلو الدوره ده لأنهم كانو محتاريت يدخلو أنهى برنامج

  2. #2
    عضو
    تاريخ التسجيل
    Aug 2007
    المشاركات
    3
    معدل تقييم المستوى
    0

    رد: منحة وزارة الاتصالات ال 9 شهور المرحلة الثالثه 23/9/2007

    السلام عليكم ورحمة الله

    1- قد يطلب الInterviwer منك تقديم نفسك بالإنجليزية فلا تضطرب المقابلةالشخصية وقل له التالى بهدوء
    - أسمك My name is ...................................
    - سنك I'm .....years old
    - الكلية I was graduated from............................
    - سنة التخرج والتخرج والتقدير النهائى i was grduated in ........and my overall grade is.................
    -ملخص بسيط عن خبراتك فى الكومبيوتر i'm certified A+ ,i'v got skills in c++ programming إلى أخره

    2- سؤال هام جداً "وإيه علاقة الكومبيوتر أو التراك ده بتخصص كليتك" نصيحة بلاش تقوله الكلام بتاع الجرايد "الكومبيوتر دخل كل المجالات وأصبح ضرورة العصر" لأ حاول تجيب علاقة من قريب أو بعيد
    لكليتك مع الكومبيوتر (مثلا أنت خريج تجارة تقول تحليل النظم وتصميم برامج محاسبية يسهل عملى كتييير)

    3- أصعب سؤال فى المقابلة وهو الجزء الفنى الخاص بالتراك اللى أنت مقدم فيه وغالبا هيبدأ الحوار
    مثلا (تعرف إيه فى Oracle) حاول دايما ترد بجزئية تكون عارفها وفاهمها كويس جداً لأنه هيبدإ يعمل حوار معاك فى هذه النقطة مثلا الرد هايكون (أنا بعرف أكتب بلغة sql) هيبدأ يتأكد من معلوماتك ويقولك
    (طيب الأمر select بيعمل إيه وإيه الparameters الخاصة بيه) وهكذا. أوأكد مرة أخرى لا تتفذلك
    بمعلوماتك لأن الInterviwer بيبقى فاهم كويس كل نقطة بتقولها وممكن كمان يحرجك ولو سألك فى شىء متعرفوش قول بلباقة (مقابلتنيش قبل كدة أو ماستعملتهاش). حاول فى أثناء الحوار أنك تديله معلوات عن قدراتك فى الكومبيوتر بدون تفاخر وأنها هتفيدك فى الدراسة مثلا (أنا بعرف أشتغل على Linux أو عندى فكرة قوية عند قواعد البيانات وتصميمها) وهكذا

    4- سؤال جميل وهو (تفتكر ليه ممكن نقبلك فى المنحة حاول ترد بالنقاط القوية اللى عندك مثلا (أنا اللغة عندى قوية والدراسة بالنسبة ليا هتبقى سهلة - عندى خلفية قوية فى البرمجة ومفاهيمها وده هيساعدنى على كتابة الأكواد بسهولة - تطبيق oracle على الشبكات مهم وأنا عندى خلفية كويسة فى الشبكات ) إلى أخره ومرة أخرى أحذر (لا تفتى فيما ليس لك به علم) ولا تتكبر بمعلوماتك زيادة عن اللزوم

    5- السؤال ده خطير جداً (هاتعمل إيه بعد ماتخلص المنحة) خد بالك أنا لما قبلت فى منحة ال superuser المدرب قالنا أن فى تعليمات جاية من الوزارة أنهم يقبلوا الناس اللى نفسها تتطور تكنولوجيا المعلومات فى مصر مثلا (أنا هاصمم برامج وأحاول أنشرها داخل وخارج مصر علشان نبقى من المطورين لتكنولوجيا المعلومات وليس من المستهلكين) أما من يجيب بأنه نفسه يبقى IT manager أو database Admin فحاول برضه تقول ليه هذه الجزئية بعدها (ونحاول النهوض بصناعة تكنولوجيا المعلومات وكفاية بقى أستهلاك)

    6- (هاتعمل إيه لو متقبلتش فى المنحة) سؤال (نفسى) وعاوز يعرف أن أنت عندك نية للدراسة والتعب ولا قدمت زى الناس مابتقدم وخلاص الإجابة ممكن تكون بصيغة أنت متحمس لدراسة الكومبيوتر وممكن تقول ببساطة (هادرس المواد على حسابى الخاص لأنى مصمم على تعلم oracle وهكذا

    نصائح عامة : خلى ثقتك فى الله سبحانه وتعالى ولاتتوتر فى المقابلة وخلى أعصابك هادية (يفضل شرب نعناع وليمون قبل المقابلة مباشرةً) وفكر ثانيتين أو ثلاثة قبل كل سؤال فالإجابة الصحيحة المتأخرة أفضل بكثير من الخطأ السريعة. لا تنزعج من أسلوب المحاور فقد يكون بارد أو مستفز عن عمد أو لإثارة أعصابك وقد تكون هذه طبيعته فلا تبالى وركز فيما تقوله وحاول رسم الأبتسامة وكسب ودة فغالبية التوتر ينتهى إذا كسبت ود المحاور تدريجيا وأحس بالحوار معك ولا تبدأ بالهزار والمزاح إلا إذا هو بدأ وفى حدود اللياقة فالمحاور أنسان وقد يشعر بشىء من التهكم فى أسلوبك فيرفضك لهذا السبب.صافح ال Interviwer فى نهاية المقابلة وأشكره على وقته.

    بقى أن نقول أن كل ماسبق مجرد أسباب والتوفيق من عند الله سبحانه وتعالى فاجتهد فى الدعاء وسل الله التوفيق.ونسألكم الدعاء لي ولصاحب الموضوع

    منقول
    Bcs. Computer science ICDL CompTiA A+ CompTiA Network+ CompTiA Server+ CCNA

  3. #3
    عضو
    تاريخ التسجيل
    Mar 2007
    المشاركات
    81
    معدل تقييم المستوى
    11

    رد: منحة وزارة الاتصالات ال 9 شهور المرحلة الثالثه 23/9/2007

    انا ان شاء الله عندى امتحان يوم السبت القادم وانا اخترت التراك بتاع نت ورك سيكيورتى وانا خريج علوم حاسب وعايز اعرف ايه النظام فى الامتحان وكده ارجو النصيحه لمن وفق فى هذه الدوره

  4. #4
    مخالف للقوانين
    تاريخ التسجيل
    Sep 2007
    المشاركات
    4,716
    معدل تقييم المستوى
    0

    رد: منحة وزارة الاتصالات ال 9 شهور المرحلة الثالثه 23/9/2007



    thank you

المواضيع المتشابهه

  1. سجل في منحة وزارة الاتصالات icdl
    بواسطة amr hassan في المنتدى الأرشيف
    مشاركات: 6
    آخر مشاركة: 02-09-2010, 01:15
  2. مشاركات: 7
    آخر مشاركة: 02-10-2008, 13:20
  3. مشاركات: 12
    آخر مشاركة: 18-03-2008, 16:14
  4. مشاركات: 14
    آخر مشاركة: 01-10-2007, 08:49
  5. منحة وزارة الاتصالات وتكنولوجيا المعلومات ال 9 شهور
    بواسطة consol_cisco في المنتدى الاتصالات والشبكات
    مشاركات: 6
    آخر مشاركة: 20-09-2007, 05:16

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •