النتائج 1 إلى 7 من 7

الموضوع: انا مذهول!!!!!!!!!!!!!!!!!!!!!!!!!!!!!!!!!!!!!!

  1. #1
    عضو برونزي الصورة الرمزية ahmed magdy
    تاريخ التسجيل
    Jul 2007
    المشاركات
    550
    الدولة: Egypt
    معدل تقييم المستوى
    0

    Exclamation انا مذهول!!!!!!!!!!!!!!!!!!!!!!!!!!!!!!!!!!!!!!

    قرأت رد الاخ العزيز جدا جدا lumark في الاخ اللي كان بيسأل عن موضوع يأخذ ccna في طنطا او في المنصورة ,


    وأي يعني من المفروض انك بتضع نفسك مكانه , مادام هو بيسأل فأكيد تلاقيه بيكون عايز يسمع اي اجابه تريحه .

    وبعدين من المفروض ان حضرتك تكون بتشتغل او لسه هتشتغل فلازم يكون عندك مهارة
    how to work under pressure

    بالمناسبه انت لسه قافلي موضوع على الرغم اني سألت في المقالين في سؤالين مختلفين.

    يلا حصل خير وكل سنة وانت طيبين........

  2. #2
    عضو برونزي الصورة الرمزية ahmed magdy
    تاريخ التسجيل
    Jul 2007
    المشاركات
    550
    الدولة: Egypt
    معدل تقييم المستوى
    0

    رد: انا مذهول!!!!!!!!!!!!!!!!!!!!!!!!!!!!!!!!!!!!!!

    ارجو رد الاخ العزيز lumark_

  3. #3
    عضو برونزي
    تاريخ التسجيل
    Mar 2007
    المشاركات
    1,529
    الدولة: Egypt
    معدل تقييم المستوى
    19

    رد: انا مذهول!!!!!!!!!!!!!!!!!!!!!!!!!!!!!!!!!!!!!!

    اخي الكريم احمد مجدي مش كده
    هو اصلا الاستاذ لومارك بيشتغل تحت ضغط جامد جدا كان الله في عونه
    و هو بيشرف هنا و هنا و يقرا كل مقال جديد مكتوب غير انه بيعد ليعمل شروحات فيديو في اكتر من موضوع
    فالمفروض أننا نحاول نخفف الضغط عنه مش نرفعله الضغط هههههههه

    كل ده و انت زعلان علشان بس الاستاذ لومارك عايز ينظم المنتدي
    اظن بالنسبة للموضعين اللي اتقفلوا ليك اعتقد انهم كانوا اسئلة في الباس فور شور و في موضوع مخصص للموضوع ده
    الهدف منه يوم ما اتعمل انه يعتبر مرجع للناس كلها بدل ما كل واحد يسال عن سؤال يكون في موضوع يجمع الاسئلة الصعبة كلها و يتجاوب عليها مرة واحدة و اظن ده احسن ليك علشان تستفيد من اسئلة غيرك و لغيرك علشان يستفيدوا من اسئلتك
    اما بالنسبة لموضوع طنطا
    فالمفروض اي احد بيكتب مقال بيحاول انه مش يسال عن حاجة موجودة بالفعل
    تخيل معي أنا متصفح اول مرة أدخل على النتدي ده الاقي الصفحة الاولي خمس مواضيع مكررة هاقول ان الموقع ده سئ و مش هادخله تاني لاني في وسط المتكرر الكتير ده مش هعرف الاقي اللي بدور عليه

    أخي أظن ان النظام لا يذهل و يزعل حد
    و كل واحد كل لما يحب المكان اللي فيه أكتر يتمني انه يكون احسن مكان

    انا اسف لو كان كلامي شديد شوية
    سامحني
    كل سنة و انت طيب

  4. #4
    عضو فضي الصورة الرمزية lumark_s
    تاريخ التسجيل
    Jan 2005
    المشاركات
    2,624
    معدل تقييم المستوى
    24

    رد: انا مذهول!!!!!!!!!!!!!!!!!!!!!!!!!!!!!!!!!!!!!!

    أهلاً بالريس الكبير أحمد مجدي

    إزيك يا عم الحج

    عارف حاجة يا ريس

    والله العظيم يا ريس انا لما بنتقد أي حد ولا بعصب على أي حد مبكونش بظلمه، بالعكس ، بكون بنصحه لأني بعزكم كلكم مثل إخواتي تماماً، وعايزكم تستفيدوا من خبرتي في الحياة، عايزكوا تكونوا أقدع مني بمليون مرة، عشان إنتوا الأجيال القادمة لهذه الأمة، عشان كده أنا بزعق، بعصب، بكون شديد، من حبي ليكم يا ريس والله، انا من واخذ من الدنيا ديت غير دعواتكم لي ودعوات أبوي وأمي بس، ده اللي حأخذه من الدنيا الفانية ديت بس، لا حأقابل ربنا على أساس إني مشرف أو مدير في عرب هاردوير ولا كأنني CCIE ، حأقابل ربنا بعملي وحسناتي وسئياتي اللي عملتهم في الدنيا، هي دعواتكم لي بس هي اللي حتشيل سيئاتي وحتبدلها بحسنات، عشان كده أنا بقعد في المنتدى ده أكثر من عشرة ساعات مرات في اليوم، عشان أتعلم منكم، وأعلمكم الحاجات اللي أنا بعرفها، بس هي كل الحكاية يا ريس، والله انا ماني هنا مدير ولا حاجة، ديت كلها أسماء شرفية يا ريس، لا بتقدم ولا بتأخر خالص، انا هنا عشان أتعلم منكم وعشان أعلمكم اللي بعرفه.

    شوف يا ريس:

    انا والعياذ بالله من كلمة أنا راجل عملي جداً جداً، يعني ما أحبش الهزار في وقت غير الهزار، وراجل عملي، كلنا أولاد تسعة، يعني مفيش حد أحسن من حد، بس في حد أوعى من حد، في حد أعلم من حد، عشان كده أنا هنا عشان أتعلم من اللي أعلم مني، وعشان أتوعى من اللي أوعى مني، وبنفس الوقت أعلم وأوعي غيري عشان ديت هي مهمتي، انا مش مهمتي إني أكون مدير، لا ياريس، انا لما جيت المنتدى ده من أكتر من أربع سنين بإسم تاني عمري مافكرت أصير مدير، ولما إتعرض علي أصير مدير رفضت، والأخ علي موجود إسأله، ووافقت بعد ما أخوي الحبيب علي قال لي إحنا عايزينك عشان تعلم الناس، تغير طريقة تفكيرهم، تحسن مستواهم، فشيل من بالك الفكرة ديت يا ريس، لإنني مش راجل بتاع مناصب، انا راجل بتاع حب الناس، دعوات الناس، مساعدة الناس، ده هو هدفي يا ريس.

    شوف يا ريس، لو عايزني أكون صريح معاك خلينا نتكلم بصراحة.

    أولاً المقال ده مكانه مش هنا، عشان ده قسم تقتني بس، وأول حاجة كنت حأعملها رح أنقلها للقسم العام، بس عشان إنت حبيبي متلك متل الكل عندي مش حأعمل كده، وحأخليك تغير فكرتك عني

    تانياً عنوان المقال يا ريس مخالف لقوانين المنتدى، يعني بإمكاني أعدل العنوان وأنبهك، بس مش رح أعمل كده عشان إنت حبيبي وصاحبي، وبعدين إسمك أحمد على إسم الحبيب المصطفي عليه الصلاة والسلام.

    تالتاً حضرتك بتقول إنك مذهول يا ريس، صح؟؟ للأسف يا ريس صار الواحد فينا يصاب بالذهول لما يشوف الحق والعدل والصح والنظام، مش مصدقني؟؟؟ طيب لو واحد حرامي سرق حاجة في القاهرة (مثلاً) وجت المحكمة حكمت عليه بقطع يده ورجله من خلاف، الناس حتقول: إيه؟؟؟ معقولة ؟؟؟؟ طيب ليه يا عم هو عمل إيه؟؟؟؟

    صحيح كلامي ولا لأ يا ريس؟؟ الحق والنظام والعدل والصح أصبح شيء يصيب الناس بالذهول، لكن الخطأ والعشوائية والظلم أصبح شيء عادي جداً ، أهو ديت يا ريس من علامات نهاية الزمان

    حضرتك قولت عن المقال بتاع الأخ سنايبر ، طيب يا ريس، تصدق بالله ، الأخ سناير كتب إستفساره في مقال، وبعد 14 دقيقة بالضبط فتح مقال تاني يسأل فيه نفس السؤال؟؟ ليه يا عم أحمد؟؟ هو أنا يعني لما أطالب وأزعق وأقول نظام وترتيب يا إخوانا ده معناتو إني راجل يسبب الذهول؟؟ يا عم كلنا بنحب النظام، طيب منطبقهوش ليه يا عم؟؟ يا عم الناس صارت أحسن منا لأنهم منظمين وبيحترموا القانون والله، معاي حق ولا ممعيش يا أحمد؟؟ لما خلال 14 دقيقة يكون في رد ومقال جديد على نفس السؤال حقي أزعل وأعتب ولا مش حقي؟؟ جاوبني حضرتك.

    أيوة يا عم أنا بشتغل، بس إيه دخل ال how to work under pressure بأمور الإدارة والنظام والترتيب وتطبيق القانون؟؟ إيه يا عم أحمد إيه جاب الفول للكابوريا يا عم أحمد

    بتقول إني قفلت لك موضوعين رغم إنك سألت في المقالين سؤالين مختلفين؟؟؟

    طيب مفيش مشاكل يا عم الحج، خلينا نشوف المقالين اللي أنا قفلتوهم، وخلينا نشوف حضرتك كتبت فيهم إيه اي ريس، ونحكم بقا، يمكن انا غلطان، ويمكن إنت خلينا نشوف يا ريس.

    المقال الأول كتبت فيه حضرتك:

    إلى الأخ jak
    انا عايز اعرف امتحنت ولا لسه . لو امتحنت قولي انت عملت اي..
    اصل انا هامتحن الاثنين القادم.


    المقال التاني كتبت فيه حضرتك:

    إلى الأخ jak
    السلام عليكم ..
    انا كنت باسألك , ان كنت امتحنت في ibm ولا لسه ؟

    رأيك إيه يا ريس يا أحمد؟؟؟ قول يا عم متختشيش

    والله العظيم ثلاثاً، والذي نفسه بيده، بحبكم وبحب الخير ليكم زي ما بحبه لنفس، لا المنصب ولا الألقاب ولا أي حاجة حترفع شأني عندكم غير حبي ليكم، وغير مساعدتي ليكم بس.

    إن شاء الله يكون ردي وضح لك الصورة يا ريس، إحنا حبايب يا عم، حنزعل من بعض عشان حبتين تكست، إيه يا عم فيه إيه

    المنتدى ده منتدانا، يعني لما نكتب مقالات ملهاش لازمة ولا متكررة، إحنا بنراعي مالنا، لأنه لما تكتر المقالات المتكررة حتكبر ال Database أو قاعدة البيانات بتاعت المنتدى، وبالتالي حتكبر مصاريف صاحب المنتدى، ويمكن يجي وقت يقول لك انا مش قادر إغطي مصاريف المنتدى لأن حجه كبير، ويقول انا حأغلق المنتدى، مين اللي خسران يا ريس؟؟ كلنا خسرانين، عشان كده من قوانين المنتدى إغلاق المواضيع المتكررة، عشان منكبرش حجم قاعدة البيانات ونزيد المصاريف على صاحب المنتدى، ديت إحساس بالمسؤولية يا ريس، ولا حتفرق معايا إيه أنا، أكتبوا إللي إنتو عايزينه، بس أنا بحس بالمسؤولية يا ريس، لأن المنتدى ده أمانة في رقبتي، عشان كده بحافظ عليه بتطبيق القوانين، مش معنى إني بغلق موضوع يعني بكرهك ولا مبحبكش ، ده معناه إني بحافظ على الأمانة ديت اللي هي المنتدى عشان يستمر ليك وللأجيال اللي حتيجي من بعدينا.

    حابب يا ريس أزيد حاجة تانية:

    قسم الشهادات العلمية هو من أقوى أقسام موقع عرب هاردوير، وأقصد بأقوى طبعاً من ناحية الترفيك والتصفح، بناءً على هذه المعلومات التي بإمكانك أن تتأكد منها شخصياً من صاحب الموقع ، مش شايف إنه لازم يكون فيه تنظيم أكتر لهذا القسم؟؟ لأنه هو أكثر الأقسام حركة في المنتدى، عشان كده العين عليه دايماً يا ريس، ومخبيش عليك يا باشا إنه القسم ده كان حيتقفل من فترة بسبب العشوائية وعدم التنظيم وقلة المشرفين، فنحمد ربنا يا ريس إنه في قسم زي ده بيتكلم عربي، لازم نحطه جوا عيننا ونحافظ عليه، مش ننتقده وننتقد القائمين عليه، لأن هدفهم بس الرقي بالقسم والذي ينعكس بالطبع على الرقي بالمنتدى، كله بيكمل بعضه يا ريس.

    عشان كده كلنا لازم نكون مشرفين، مديرين، يعني لو حد فينا شاف موضوع مكرر ولا موضوع مخالف ننبه اللي كتب الموضوع ونذكره بقوانين المنتدى، عشان ده منتدانا، ولا رأيك إيه؟؟

    صدقني في منتديات أجنبية تانية نازلين في الناس خلع ومخالفات وتخبيط، لأنهم مش مقدرين معنى الخوة والرسالة اللي بيقدموها للناس، بس إحنا يا حسرة لو أغلقنا مقال ولا نبهنا صاحب مقال بتنقلب الدنيا على روسنا هههههههههههههههه النظام والترتيب حلو يا ريس، والله حلو جداً، ولازم نكون مرتبين ومنظمين ولا بعدين الأمور بتخرج عن السيطرة.

    على فكرة إحنا بعون الله حنعمل كل فترة تصويت على أداء المشرفين في القسم، صدقني ديت قمة في الديموقراطية والشورى، حنعمل تصويت على أداء المشرفين ومدير القسم اللي هو أنا (والعياذ بالله من كلمة أنا) ولو الناس صوتت بالتغيير حنكون فعلاً بنثبت للناس إننا أصحاب رسالة علم، ولسنا ناس دوارين على مناصب وألقاب.

    شوفت أنا عسل إزاي هههههههههههههه عايز أعمل تصويت على المشرفين في القسم، قول عني بقى حاجة وحشة يا بو حميد هههههههههههههههه

    أتمنى إني أكون وصلت لك الرسالة الصح، وأتمنى تكون فهمت أنا قصدي إيه يا ريس، ولو زعلت مني عشان أغلقت لك موضوعين بسبب ما إعتبرته انا تكرار فحقك علي يا ريس، وانا بعتذر منك، بس هي الأمانة حملها تقيل جداً يا ريس، بس إحنا تعهدنا نحملها ونتحمل تعبها عشان خاطرك وخاطر غيرك من الإخوان والأخوات.

    CCIE Voice # 26926
    CCIE R&S # loading
    اللهم لك الحمد والشكر حتى ترضى ... ولك الحمد والشكر إن رضيت

  5. #5
    عضو برونزي الصورة الرمزية ahmed magdy
    تاريخ التسجيل
    Jul 2007
    المشاركات
    550
    الدولة: Egypt
    معدل تقييم المستوى
    0

    رد: انا مذهول!!!!!!!!!!!!!!!!!!!!!!!!!!!!!!!!!!!!!!

    اخي العزيز اتمنى انك ماتكونش زعلان ,لان لوتعرف اليوم اللي انت ماخلتنيش ادخل المنتدى

    عارف انا كنت عامل زي ما اكون في سجن معزول.

    اما بالنسبه لموضوع how to work under preesure انا عارف انك عندك مهمتين :
    1-الاشراف على المنتدى
    2-اعداد مواد علمية
    يعنى قمة الضغط الذي يولد الانفجار....

    والله يعلم انكم كلكم اخواني ....
    .

  6. #6
    عضو فضي الصورة الرمزية lumark_s
    تاريخ التسجيل
    Jan 2005
    المشاركات
    2,624
    معدل تقييم المستوى
    24

    رد: انا مذهول!!!!!!!!!!!!!!!!!!!!!!!!!!!!!!!!!!!!!!

    يا ريس ان والله ما بزعل من حد يا عم أحمد

    يا ما تشتمت وتشتموا أهلي بس مبزعلش يا ريس، انا جاي هنا لهدف نبيل مش جاي عشان أعمل خناقات يا ريس.

    يلا يا عم أحمد إستهدي بالله وخلينا نشتغل يا ريس، معطلنا بقالك يومين هههههههههه خلاص بقه كفاية
    CCIE Voice # 26926
    CCIE R&S # loading
    اللهم لك الحمد والشكر حتى ترضى ... ولك الحمد والشكر إن رضيت

  7. #7
    مسئول الإعلام الإلكتروني الصورة الرمزية Iraq IT
    تاريخ التسجيل
    Oct 2005
    المشاركات
    5,797
    الدولة: Iraq
    معدل تقييم المستوى
    26

    Angry رد: انا مذهول!!!!!!!!!!!!!!!!!!!!!!!!!!!!!!!!!!!!!!

    اقتباس المشاركة الأصلية كتبت بواسطة ahmed magdy مشاهدة المشاركة
    اخي العزيز اتمنى انك ماتكونش زعلان ,لان لوتعرف اليوم اللي انت ماخلتنيش ادخل المنتدى

    عارف انا كنت عامل زي ما اكون في سجن معزول.

    اما بالنسبه لموضوع how to work under preesure انا عارف انك عندك مهمتين :
    1-الاشراف على المنتدى
    2-اعداد مواد علمية
    يعنى قمة الضغط الذي يولد الانفجار....

    والله يعلم انكم كلكم اخواني ....
    .
    بمناسبة الضغط Stress والاخ Lumark عليه ضغط لذا شاركوا بموضوعي الجديد:

    الضغط
    .
    " وخذ من حياتك لموتك "

    لا ترسل لي رسالة خاصة ... اذا لديك أي سؤال ضعه هنا


الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •