ارجو المساعده .. عدة مشاكل في جهازي من بعد الفورمات

[ana-wfa]

السلام عليكم

عندي مشكله كبيره بجهازي عقدتني وماني لاقيه لها حل .. اتمنى انكم تساعدوني وبدعيلكم طوووووووووووووول عمري لاني فعلا تعبت منهاااااا

اول شيء انا سويت لجهازي فورمات 3 مرات ورى بعض يعني في اسبوع واحد

اول فورمات سويته عند محل للاسف الفني اللي فيه مبتدئ ولايعرف شيء مجرد انه يبي ياخذ قيمة الفورمات وخلاص عفس لي الجهاز لدرجة ان ولاشيء يشتغل صح حتى الواير لس لما اعرفه عالجهاز مو راضي يتعرف ولا حتى الدايل اب وغيرها من المشاكل اللي ظهرت واولها بطئ مو طبيعي بالجهاز ..

قلت راح اودي الجهاز لمحل ثاني يضبطه لي وللاسف ماعرفوا له ولاحتى قدروا يعرفون لي الواير لس وخليتهم يحطون لي ذاكره اضافيه على الموجوده 256 عشان يصير 512 وهذا اللي استفدته

ومع كل هذا المشكله نفسها للحين موجوده قلت بشوف لي شخص ثاني فاهم اكثر وفعلا لقيت وقال لي ان اللي سوى لي اول فورمات عفس جهازي حط اللي يتوافق واللي مايتوافق بالجهاز

بعد ماسوى لي فورمات تعرف الواير لس بسهوله وضبط كل شيء

بعدها جاني فايروس واضطريت اسوي فورمات وبعد الفورمات

لما اشغل الريل بلاير تطلع لي هذي الرساله

https://www.xq8x.net/uploads/a1655d96b0.jpg

ولما استخدم برنامج الموفي ميكر بعد تحرير الفيديو احفظ الفيديو ومو راضي يحفظ يطلع جذي

https://www.xq8x.net/uploads/f88bac7505.jpg

ويبقى 0% ساعات ولايتحرك ابداً

ومشكله اخيره عندي كرت T.v

كان شغال عدل لكن الحين يقطع بشكل فظييييع وبطيء وايد

واذا شغلته ياخذ فتره على مايشتغل وكل هذا صار بعد اول فورمات

ومادري هل الذاكره اللي اضفتها لها علاقه بالموضوع ؟؟

ارجووو المساعده واعتذر عالإطاله

بس والله ماكتبت هالقصه الا لاني عجزت عن حلها وحتى محلات الكمبيوتر ماساعدوني فيها

واااايد صرفت على هالمشكله عشان تتصلح بأي طريقه ولااستفدت

هذي مواصفات جهازي

https://www.xq8x.net/uploads/622ad325ca.jpg

بانتظاركم

[ana-wfa]

ماانسى عند تحويل اي فيديو ببرنامج VIDEO CONVERT MASTER تطلع لي هالصوره

https://www.xq8x.net/uploads/e7d896298b.jpg

مشاكل غريبه عجيبه اول مره اشوفها

[ولد المدني]

أخي الكريم ،،،،،، جهازك يحتاج إلى إعادة الفورمات مع تقسيم الهارد ديسك من البداية وبشرط يكون الفورمات عادي وليس كويك ، والله لو انت في الامارات بخدمك من عيني وبسويلك فورمات وبظبط جهازك مع التعاريف الصحيحة وبدون أية مشاكل وبعمل لك نسخة ( ghost ) باك آب ، زي الحلاوة وبدون مقابل لوجه الله ......... لأني الصراحة ماخذ تعليم الحاسوب هواية وليس عمل ، لغاية الآن عملت 12 مره فورمات لـ 12 جهاز من ربعي و 6 اجهزة ركبتها قطعه قطعه بنفسي ولا واحد اشكتى من شغلي والحمد لله ، مع العلم ان نسخة الويندوز عندي أصلية مع حقبة الاوفيس كذلك ، أنا اللي اقدر أنصحك عليه تشوف واحد يعرف يسوي فورمات صحيح وتثبيت البرامج والتعاريف بشكل صحيح عشان تقدر تمشي جهازك في الوقت الحالي ،،، وإذا لك نزلة للإمارات تعال مر علينا واحنا حاضرين

[ana-wfa]

اخيرا احد رد علي

كنت ماخذه فكره عن هالموقع انهم وايد متعاونين بس للاسف

اخوي

يعطيك العافيه وماقصرت والله يكثر من امثالك

بس انا بنت وبالكويت

عالعموم مشكور عالافاده وان شاءالله بشوف احد فاهم يسوي لي فورمات

بس مافهمت شالفرق بين الفورمات العادي و كويك .. ؟؟

والله يزيدك علم وخبره ان شاءالله :up:

[akrep2007]

ممكن زي ما تفضل اخونا ان الفورمات الكامل و بعد ذلك تقسيم الهارد من جديد ...مع مراعاة وضع التعاريف الصحيحة و المتوافقة مع اصدار windows xp sp2 تحل المشاكل....فمثلا كرت ال wirless و الكروت الاخرى يكون معها اسطوانتها الاصلية للتعريف..و اخيرا لا اعتقد ان هناك مشكلة من زيادة ال RAM الى 512 بالعكس هذا يزيد من كفاءة الجهاز و سرعته ..ز
نرجو ان نكون قد افدناك