مطلوب للعمل فورا محاضر mcse في قطر

[gouda2000]

السلام عليكم ورحمة الله وبركاته
اخواني الاعزاء انا بدين للفضل لموقع عرب هاردوير في انه عرفني بناس افاضل كتير و بحس اننا هنا مع اخواني فعلا
يمكن موضوعي ده مش في مكانه بس انا متاكد من ان اداره عرب هاردوير مش هتمنع عمل خير للناس و خصوصا المتخصصه في هذا المجال
مطلوب محاضر mcse معاه كمان mct لو معاه شهادات تانيه كمان هيكون ليه الافضليه للعمل في مركز تدريب عالمي و شركه كبيره جدا
شروطه
1- الخبره بس اللي معندوش خبره برده يبعت الله كريم
2- ان يكون مصري الجنسيه (والله ما تحيز بس ده نظرا لان الشركه عندها فيزه واحد مصري ) يعني فيزه لجنسيه معينه
3- mcseمعاه كمان mct لو معاه شهادات تانيه كمان هيكون ليه الافضليه في للعمل
4- هيتم عمل معاه مقابله من خلال التليفون
5- الانجليزي بتاعه يكون كويس لان فيه احتمال يدي محاضارت بالنجلزي وده افتراض صغير جدا جدا ولاحظوا انا مقلتش ممتاز كويس وبس
6-اخر ميعاد لتلقي ال cv يوم السبت 3-11 -2007 علشان انا هسلمهم الاحد
7- ارفاق صوره مع cv
اللي تتوافر فيه الشروط ديه او حتى جزء منها يبعتلي انا مقتنع تماما ان الارزاق بأيد ربنا اكتر من اي حاجه تانيه

الراتب انا معرفوش بس الشركه بتدي احسن مرتبات على الاطلاق للمتدربين في قطر

جميع الاتفقات مش هتم الا من خلالهم انا مجرد واسطه خير هسلم ال cv بس لمدير التدريب
اللي عنده اي اسئله هيسئلهلهم هما مش انا
طبعا بيانات الناس مينفعش تتعرض على العلن
ابعتولي سيفهاتكم على الخاص
الشرط الاخير لهذه الوظيفه و المطلوب من الكل سواء هيقدم ولا لاء انه يدعيلي وانا لو في اي حاجه قدامي هعرضها على طول وربنا يعمل اللي فيه الخير للكل يا رب و يوفقنا جميعا
اخوكم
احمد جوده

[amna_ali]

ربنا يوفقك ياخ احمد و يفتح لك ابواب رزقه و بركته و يغفر لك في الدنيا و الاخرة و الله انت تستاهل كل خير و اكيد تعبك مع اخوانك مش حيروح سدى

ربنا يوفقك و يستجيب لدعواتك و دعواتنا

[botygool2010]

على فكره انت راجل عظيم ونعم المسلم
انت مفيش زيك كتير اليومين دول وعلى فكره انت مش محتاج دعوات حد
لان ربنا سوف يكافئك بدون دعوات من حد بس تئكد ان الناس كله بتدعيلك واولهم انا
انا كان نفسى ابعت ال cv بتاعى بس انا لسا بدرى عليا
ياريت انت تدعيلى عشان انت راجل بركه
ربنا يوفقك و يستجيب لدعواتك و دعواتنا

[Tech_Admin]

thank you mr ahmed

[_booody_]

ربنا يفتح عليك فتوح العارفين و يعطيك علي أد نيتك الحسنه

[elsayedsamier]

ربنا يكرمك ياأستاذ أحمد والله إنتا إنسان جميل أوى وفعلاً نوع نادر فى الزمن دا وربنا يكتر من أمثالك ويديك على أد نيتك ربنا يوفقك لفعل الخير ويجعله فى ميزان حسناتك اللهم أمين

[bkbk20032003]

بجد ياأستاذ احمد مافيش كلام الواحد يقدر يقولوة فيك لأن اي كلام حلو او اي حاجة مش هاتبين قالي جوانا من نحيتك ماقدرشي اقول غير ربنا يعينك علي فعل الخير وانا كمان مابعرفشي علي فكرة ادعي مش عارف لية بس من جوايا بدعيلك

[alasmer68]

السلام عليكم ورحمة الله وبركاته
الله يكرمك ويوفقك دائما لفعل الخير ولو إن مش حستفيد لأني مش مصري هههههههههههه :D
بكل صدق أتمنى من كل قلبي أن يبعث الله لنا الكثير من أمثالك فبمثلكم سيدي يعلو شأن الأمم
وشكرا لك

[StrangerInMoscow]

Barak Allahu Feik , atamna Shababna el masri ya5od el mawdo3 ma7mal Gad , wil arza2 bi yad Allah

[shacky_4]

انا معايا كليه تجاره وخلاص اهو هاعمل مفاجاه وامتحن 290-70 ينفع اروح ههههههههههه

[Scorpion007]

لا طبعا يا استاذ احمد مش هنمنع عمل الخير للناس

انا مش هقفل الموضوع .. لكن هسيبة طبعا علشان بس ااقول الدنيا لسة بخير طول مافى ناس زى حضرتك موجودين

بارك الله فيك استازى .. وتستحق تحية كبيرة على هذة الاخلاق العالية

[gouda2000]

ربنا يخليكم يا رب على كلامك الحلو ده انا بشكركم جدا ومش عارف اقول ايه ولا ارد بي ايه
وان شاء الله لو ظهرت اي حاجه لاي جنسية انا هقول عليها على طول والله الموضوع مرتبط بنظام البلد
الشركات بتقدم على طلب فيز لمكتب العمل
مكتب العمل بيقوم بالموافقه عليها ويحدد جنسيه معينه لهذه الفيزا طبقا لنظام البلد في وقت اصدر الفيزا

طلب بقى من مشرفنا الاعزاء انهم يعملوا لينا قسم في المنتدى للوظائف التقنيه يكون فكره كويسه جدا
الموضوع ده بيفك ازمات وكرب ناس كتير و كل واحد يقدر يساعد اخوه او اخته ربنا هيردهاله في الدنيا والاخره
يمكن ده يشجع بقيت الشباب اللي بيفكر في العمل بره او حتى بوظائف احسن جوه بلادهم
شدو حيلكم ومضيعوش وقتكم اتعبوا دلوقتي علشان تستريحوا بكره وتستمتعوا بحايتكم

[alasmer68]

وان شاء الله لو ظهرت اي حاجه لاي جنسية انا هقول عليها على طول والله الموضوع مرتبط بنظام البلد
الشركات بتقدم على طلب فيز لمكتب العمل
مكتب العمل بيقوم بالموافقه عليها ويحدد جنسيه معينه لهذه الفيزا طبقا لنظام البلد في وقت اصدر الفيزا

السلام عليكم ورحمة الله وبركاته
يا أستاذنا الكبير أنا والله متأكد من صدق كلامك والدليل تبرعك الدائم بوقتك من أجل الشباب في المنتدى بعمل الفيديوهات التعليمية وجلب الأخبار المفيدة بشكل دائم علي حساب راحتك.
وبالذات وأنت تعمل في مجال التدريب وصدقني أنا أعرف مدى تعب العمل في هذا المجال فقد عملت به أنا شخصيا.... طول النهار محاضرات وطول الليل تحضير مواد وعروض تقديمية وبحث في النت .....إلخ
فما قلت ما قلت إلا مازحا فلا مكان لجو الكآبة مع العلم ومثلكم أخبر..
ونحن في أكبر موقع للعلم في هذا المنتدى الرائع بكل جنسياته وفئاته أعضاء ومشرفين
تحية من القلب لكل من خط حرفا في هذا المنتدى وإلى الأمام دائما يا رب.
فلكم سيدي جزيل الشكر!Clap!Clap!Clap

[alasmer68]

السلام عليكم ورحمة الله
آسف جدا نسيت أن أشد على يدك سيدي بطلب فتح قسم خاص للوظائف التقنية
تمنيت أن أقول بأني سوف أساعد بهذا القسم ولكن للأسف أنا حاليا من الباحثين.
ألف شكر لك أستاذنا أحمد جودة

[agrama]

السلام عليكم ورحمة الله وبركاته
شكرا ليك يابشمهندس انك بتحاول تقدم يد العون لإخوانك في المنتدى بإذن الله في ميزان حسناتك
أنا بقترح أيضا قسم يعرض فيه كل واحد عمل ايه في الانترفيو اللي راحه وايه الأسئلة اللي اتسأل فيها علشان كلنا نستفاد وكمان يقول ايه اسم الشركة اللي عمل فيها الانترفيو