السلام عليكم
اضغط ctrl+alt+del وبعدها ابحث عن الملف وقم بازالته من autostart
وستنحل المشكلة باذن الله
تقبل تحياتي
السلام عليكم
يا شباب حملت وندوز 2000 برو لكن كل كذا دقيقه تظهر لي هذه الرسالة :
svchost.exe has generated error and will be closed by windows
you will need to restart the program
An error log is being created
الحل يا شباب علما بأني بحثت عن هذا الملف في ويندوز 2000 ما لقيته ولقيته في وندوز أكس بي .
وش الحل تكفون
السلام عليكم
اضغط ctrl+alt+del وبعدها ابحث عن الملف وقم بازالته من autostart
وستنحل المشكلة باذن الله
تقبل تحياتي
الأخ data
ضغط ctrl+alt+del ما حيحلك لأنو كل مرة تشغل الجهاز حتجيك الرسالة دي وأكتر من كدا دي خدمة خاصة موجودة في عائلة ان تي كلها( NT4, 2000, XP, 2003) وبدونها ما بتقدر تشتغل والحاصل إنو في فيروس طلع بيستغل خطأ برمجي موجود في الخدمة دي. في حل مؤقت إنو تتجاهل الرسالة دي بإنك تختها على الجنبة بدون ما ترد عليها لا أوكي لا كانسل، وتواصل شغلك كأنو ما حصل شيء، أو تتبع الخطوات أدناه.
الأخ dream
الحاصل إنو في جهازك فيهو فيروس جديد اسمو msblast وبيضرب عائلة NT بس، للأسباب اللي ذكرتها أعلاه، لكن ما تخاف ، نفس الأعراض جاتني، لكن قدرت أحلها بالخطوات المذكورة في الصفحات التالية:
https://support.microsoft.com/?kbid=823980
https://www.microsoft.com/technet/tr...n/MS03-026.asp
https://www.microsoft.com/security/incident/blast.asp
وخلاصة الكلام المكتوب فيها:
ملاحظة: أغلب هذه الخطوات تحتاج للدخول بوضع Administrator.
1- نزل update للنورتون أنتيفيروس، عشان يقدر يكتشف الفيروس دا، بشرط يكون بعد يوم 22/8/2003
من:
https://securityresponse.symantec.co...es/US-N95.html
ودا update لحد يوم 5/9/2003 وهو آخر أبديت نازل عندهم لحدي يوم الليلة 6/9/2003
2- نزل الرقع patches التالية،
وندوز 2000
https://download.microsoft.com/downl...80-x86-ENU.exe
لكن بتتطلب تنزيل windows 2000 Service pack 2 أو أعلى أولا، ويمكنك نتزيلها من الرابط :
https://www.microsoft.com/windows200.../servicepacks/
بشرط أن تكون سرعة الdownload بتاعتك مناسبة (32 كيلوبايت في الثانية أو اكتر) عشان ينزل معاك في زمن معقول، وإذا ما بتقدر تنزلو، ممكن تلقى service Pack2 في الاسطوانة الأولى من Visual Studio.Net 2002 أو 2003 Visual Studio.Net
وندوز NT4: https://download.microsoft.com/downl...a/Q823980i.EXE
وندوز اكس بي 32 بت:
https://download.microsoft.com/downl...80-x86-ENU.exe
وندوز 2003 سيرفر 32بت:
https://download.microsoft.com/downl...80-x86-ENU.exe
3- نزل أداة إزالة الفيروس المرفقة مع ردي دا بداخل ملف مضغوط، وشغلها عشان تلقى ليك ملف الفيروس وتزيلو، وهو أصلا اسمو msblast.exe وموجود في المسار التالي:
winnt/ system32 ، ولو حاولت تمسحو بنفسك ما حتقدر، لأنو حيقول إنو الملف دا شغالين بيهو هسي ناو
وإن شاء الله مع اتباع الخطوات دي ما حتجيك أي عوجة، واذا اضطريت تفرمت الجهاز لسبب أو لآخر وتنزل أي واحد من عائلة NT،أول شيءمفروض تعملو بعد ما تنتهي من الستب بتاع الوندوز هو الخطوات المذكورة أعلاه، عشان تضمن إنو تاني الحركات البايخة دي تاني ما تجيك إن شاء الله
وفي أمان الله
السلام عليكم
أخي waleed901 ما قصرت في الرد بس فيه شي انا نسيت اقوله وهو في منتصف تحميل الوندوز 2000 ظهرت لي رسايل تقول انه لا يمكن تحميل الملفات التالية:
dvdplay.exe
svchost.exe
gm.dls
gpedit.msc
gpkrsrc.dll
gptext.hlp
javart.dll
طبعا كل ما ظهرت لي رسالة منهم أطلب Esc
وتحمل معي الوندوز عادي فا يليت اتفيدني عن هذه الملفات وهل لها علاقة بالموضوع وهل هي مهمه او لا .
آسف على كثرت طلباتي بس انت كريم :D وانا استاهل .
شكرا لك اخي data تحياتي للجميع
العفو يا أخ dream
إذا ظهرت ليك رسالة في منتصف الستب بتاع الوندوز 2000 بإنو ما قادر يحمل ملف ما، فدا معناتو إنو الsource اللي بتنزل منو إنت تعبان، إما لأنو الإسطوانة مخربشة، أو الsource النازل في الهاردسك غير تام، حاول نزل من Source تاني، لأنو أغلبية الملفات دي مهمة بالنسبة للوندوز 2000،
dvdplay يفيدفي تشغيل أفلام dvd إذا كان لديك المحرك الخاص به
svchost وهو البرنامج المسؤول عن تشغيل الخدمات الخلفية في عائلة NT عموما
الباقين ما متأكد عنهم كتير
ستب الوندوز لمن يقول ليك ما قادر ينزل ملف، قول ليهو retry مرتين تلاتة على الأقل، ما تقول ليهو cancel طوالي كده، أما إنو الوندوز اتحمل ليك عادي بعد دا كلو ، دي سلامة من ربنا ليك. لكن احتمال تأثر معاك لي قدام.
يلا بالتوفيق وفي أمان الله
اكتشفت اليوم عن طريق الصدفه ان الفيروس لا يزال بجهازي ومع ان البرنامج المضاد للفيروسات محدث
لكنه لم يكتشفه وعندما اطلب منه فحص الملف يقول انه سليم ولم تفلح معي الرقعة اللتي نزلتها من مايكروسوفت
(هل حقا انه تتطلب وجود sp1)
والبرنامج حق سيمانتيك لم يفلح معي!!!!!!!
:confused: :confused:
><لا اله الا أنت سبحـــانك انـــــــي كنت من الظالمــــــين><
الأخ hadi
بكل حقيقة وصراحة ما أقدر أقول ليك أكتر من: الله يعينك
لأنو الطريقة دي عملتها في أكتر من 5 أجهزة وكلها انضبطت 100% ، من بينها حكاية بتاعت 4 أجهزة في معمل الانترنت بتاع الكلية، دا غير جهازي الخاص في البيت، وكلها شغالة سمن على عسل (زي ما بيقولوا) والحمدلله.
فإنت كدي حاول مرة تانية والله يوفقك
وفي أمان الله
المفضلات