كيفية الحجز من برومتريك ؟؟؟؟؟

**under_maker** · 06-01-2008, 12:26

السلام عليكم يا جماعة
كل سنة وانتم طيبين بمناسبة بداية العام الهجرى والميلادى
واسال اللة ان يجزيكم خير جزاء

لو سمحتم كان عندى استفسار عن كيفية حجز ميعاد امتحان من برومتريك
وهل يجوز ان اقوم انا بعملية الحجز ولا لازم المركز المعتمد لميكرو وهل لو قمت انا بالحجز هل يكون هناك اموال اخرى يستحقها المركز الذى سوف امتحن فية؟؟؟

وارجو الافادة باى عنوان مركز بجوار حى الدقى القاهرة

**alasmer68** · 07-01-2008, 15:33

وعليكم السلام ورحمة الله وبركاته
1- أخي بالنسبة للحجز مع برومترك ممكن تحجز أون لاين بس يكون معاك فيزا كارد أو أي وسيلة دفع إلكتروني طبعا
2- مسألة هل يستحق المركز الذي سوف تمتحن فيه فهذا يعتمد على المركز وأظنهم يستحقون مبلغا رمزيا لقاء خدمة توفير الجهاز وعملية تقديم الاختبار.
3- لتحديد أقرب مركز إختبار عليك في أي مكان في العالم يوجد في توقيعي موضوع بهذا الشأن. وأظنه سيفيدك في كيفية حجز الامتحان أون لاين لو دققت في صفحات الموقع قليلا وأنت تنفذ عملية البحث عن أقرب مركز.

بالتوفيق

**shacky_4** · 07-01-2008, 15:40

المشاركة الأصلية كتبت بواسطة under_maker

السلام عليكم يا جماعة
كل سنة وانتم طيبين بمناسبة بداية العام الهجرى والميلادى
واسال اللة ان يجزيكم خير جزاء

لو سمحتم كان عندى استفسار عن كيفية حجز ميعاد امتحان من برومتريك
وهل يجوز ان اقوم انا بعملية الحجز ولا لازم المركز المعتمد لميكرو وهل لو قمت انا بالحجز هل يكون هناك اموال اخرى يستحقها المركز الذى سوف امتحن فية؟؟؟

وارجو الافادة باى عنوان مركز بجوار حى الدقى القاهرة

ياريس انت ممكن تروح تمتجن من غير ماتحجز دلوقت . زى ماعملت كده. تشوف سيدتك جاهز امتى للامتحان وتروح محضر 50 دولار او مايعادلهم بالجنيه وتروح على اى مركز وبدون حجز مسبق وتروح دافع وممتحن انا عملت كده . انا امتحنت جمبك فى المعادى فى مركز اسمه نبو إرا لو حضرتك تحب تمتحن فيه انا اعتلك الاقام بتاعته والعنوان فقط أمر

**moha100** · 07-01-2008, 17:11

طيب لو سمحت انا عايز احول من vue to prometric
وعايز امتحن الاسبوع ده
اعمل ايه

**Iraq IT** · 07-01-2008, 17:22

نعم ممكن الذهاب مباشرة للامتحان لكن يفضل التأكد من المركز انه يوجد حاسبات فارغة من خلال الاتصال بهم ...

**alasmer68** · 07-01-2008, 21:13

المشاركة الأصلية كتبت بواسطة moha100

طيب لو سمحت انا عايز احول من vue to prometric
وعايز امتحن الاسبوع ده
اعمل ايه

عزيزي عليك التسجيل للإمتحان مع برومترك من أي مركز امتحانات معتمد ولكن لا تنسى أن تعطيهم الـ MCP ID الخاص بك.
وأيضا إحفظ رقم البرومترك candidate ID والمكون دائما من SR x x x x x x x والذي ستحصل عليه بعد تسجيلك وتقديم أول إمتحان مع برومترك.
لأن هذا الرقم ستستعمله في أي إمتحان بعد ذلك.
بالتوفيق

**bkbk20032003** · 08-01-2008, 06:23

ياصديقي لو عايز تمتحن وتحجز اون لاين ومعاك اي نوع من الدفع الالكتروني احجز وانت مطمأن واختار المركز قالي يعجبك وفي اي وقت يعجبك ومش هايخدوا منك ولا مليم انت اساسا مابتكلمهومشي انا بحجز وباروح رايح السنتر يومها او اتصل بيهم قبلها بساعه اقولهم انا جاي علشان يحضروا الامتحان لو قالولي اتأخر ساعه ولا حاجة ماشي بكبر دماغي وبتأخر اما مش من حقهم طبعا بس الظروف بتحكم اما لو عايز تروح تحجز بفلوس بحوالي 290 جنية مصري وساعتها همة بقي ممكن يحددولك الميعاد حسب مزاجهم اما بالنسبة للنقل من فيو لبرومتريك عادي اهم حاجة MCP ID علشان مايتعملكشي بروفايل جديد وتوجع دماغك وتبعت لميكروسوفت ايميلات ويقولولك لا مش انت ويوجعولك دماغك وتخش في دوامة

**moha100** · 10-01-2008, 09:43

بعد اذنك الخطوات للحجز اون لاين على موقع prometric لو سمحت اكتبها بالتفصيل علشان
ما بتصل باى مركز يقول احجز الاول اون لاين ثم تعالى امتحن

وشكرا

**moha100** · 11-01-2008, 03:04

بعد اذنك الخطوات

**bkbk20032003** · 11-01-2008, 04:23

انت معاك ياعني فيزا كارت وعايز تحجز من علي الموقع بتخش ياسيدي علي اللينك دة علي طول https://www.register.prometric.com/Index.asp
وتختار البلد قالي انت فيها
وبعدين بتختار انك هاتمتحن ميكروسوفت وهتلاقي بين قوسين ارقام الامتحنات او اقولك دوس نكست علي طول وبعدين تكمل معاه لغايط ماتوصل لقايمة كبيرة وكتيرة فيها كل امتحنات ميكروسوفت وتختار فيها امتحانك قالي هاتخشوة وتختار اللغة وهتلاقي تمنوة مكتوب كمان وبعدين بتختار المكان قالي انت عايز تمتحن فيه وبعدين بيجيلك صفحة تملي فيها بياناتك
والباقي سهل مافهوش حاجة
ولوعوزت حاجة انا في الخدمة

**moha100** · 12-01-2008, 11:12

جزاك الله كل خير ويجعله فى ميزان حسناتك

**المساعدالاول** · 13-02-2008, 16:24

السلام عليكم
اسف على ازعاجكم اخواني لكن ممكن اعرف اهم واحسن المراكز الى اقدر امتحن فيها ccna في مصر وياريت لو عناوينها وهل هناك اختلاف في الاسعار وهل استطيع ان امتحن وانا غير مصري
مع الشكر والتقدير