DVD+R 4X يسوى ولا ما يسوى ؟

**DDesigns** · 07-10-2003, 17:00

هههههههه لووووووووول

انا طال عمرك طالب عادي في الكليه وكل اللي عندي جاء من الهوايه ..

طبعا للاسف انا فاشل في دراستي ( بيني وبينك ) بسبب تعلقي في الكمبيوتر ومعدلاتي الدراسيه مره طايحه ودائما على الحفه ..

طبعا مستواي لما اقارنه في اي طلاب مثلي اكون افضل منهم بكثير ولكن مين يقدرني ويعرفني زين ؟ حتى لو اني رحت الى شركه علشان اتوظف مين اللي يعرفني ؟؟ هم يهتمون في المعدل فقط وتحصل اللي معدله عالي ما عنده سالفه بس شغلته يحفظ وبس .

ترى خبرتي هذه تعتبر ولا شيء بالنسبه لاساتذتي في CDFreak وخصوصا استاذي Alexander الالماني هو اللي ما قصر معاي .

نعم يبعثون لهم هوليود البكره .. طبعا سبب النقاوه هي انها تكون دقتها عاليه مره ومن ثم يقومون بتحويلها الى DVD او VCD ولكن الاصل كل الافلام هي بكره .

لان عند تصوير الفيلم ما يسجلون في هارد ديسك وبعيدن يحطونه في DVD ..

طبعا هذا اللي اعرفه من زمان يمكن النظام الحين تغير وصار في الكمبيوتر .

نعم شغله البكرات مكلفه ,.

نعم السب ووفر بدون امبلي فاير لا يوجد له قيمه ... ليس فقط الووفر بل اي سماعه بدون مضخم ما تشتغل .

شوف 5.1 يعني خمس سماعات و .1 هي السب ووفر ..

طبعا السب ووفر هو عباره عن سماعه للموجات المنخفضه مثل الهزات الارضيه او انفجارات او مثلا صوت سياره .

يعني مثلا لو يسقط مبنى كامل كل الاصوات التي تطلع اغلبها سب وففر وتسمى BASS .

وهي الموجات بين 1 الى 120 هيرتز .

طبعا من 1 الى 20 هيرتز غير مسموعه للانسان . وهي غالبا تكون حركيه وليست سمعيه ..

يعني اقصد لو انت في بيتكم وكان في هجوم دبابات ... وفرضنا ان المنطقه فاضيه وما فيها احد يعني الهدوء جدا جدا قوي وما تسممع اي شيء ..

ولكن لو كان الدبابه قادمه من بعيد فا لن تسمع صوتها ولكنك سوف تحص في اهتزازاتها في قلبك ..

هذه هي من 1 الى 20 هرتز ..

على فكره يوجد جهاز لا اعرف ما هو بالضبط ولكنه للجيش الامريكي وهو عباره عن جهاز يقوم باصدار موجات صوتيه بنغمات 5 هرتز ولكنها قويه جدا جدا .

طبعا يستعملونها في اسقاط المباني او تهديم شيء او يمكن قتل الناس .

طبعا الموجات المنخفضه لا تخرج من السماعات العاديه لان السماعات عاده تكون فيها عازل او فلتر يسمى Crossover يقوم بعزل الموجات المنخفضه يعني يخليها تشغل من 160 هرتز مثلا وما فوق .

اما الامبلي فاير فا هو عباره عن مضخم للموجات الصوتيه او الكهربائيه .

يعني المشغل المنزلي لما يطلع الصوت من اسلاك RCA تكون بنظام Volt فا يقوم المضخم بتحويل الفولت الى Watt حيث تشتغل السماعه ..

طبعا نحتاج المضخم لان الصوت الذي يخرج من لامشغل ضعيف جدا يكاد لا يسمع .فا المضخم يكبر الصوت .

طبعا السماعات ما تشتغل الا مع المضخم يعني بدونه ما تشتغل .

سواء في الرادييو في مضخم سواء في مسجل السياره في مضخم صغير داخل .

بخصوص JBL فا هي ماركه محترمه جدا وهي رائده في مجال الانظمه المنزليه او المسرحيه .

ولكن خذها قاعده لا تحكم على شكل السماعات واحكم على الصوت و المواصفات .

يميزهم اسعاره الممتازه .

**blackfox** · 08-10-2003, 15:37

اممم انزين ماشالله معلوماتك كبيره وخبرتك ممتازه وهم تقول ما توصل لفي CDFreak ؟

ليهدرجه اعضاء CDFreak متقدمين يعني اهم شنو احسن منك في انا ارى انت نفس مستواهم فانت تقريبا تعرف معظم الأشياء وواصل

فما رايك بدون تواضع

انزين شلون تقول اي سماعه ما تشتغل الا بمضخم

انا ليمه اشترس سماعات 5.1 اشوف امبلي فاير وسماعات لكن بدون مضخم فكيف الصوت قاعد يطلع

فمعروفه سماعات 5.1 كما قلت ال 1 هي السب وفر فما الفائده دون الأمبلي فاير ؟

ومشكووور على المعلومات القيمه

**DDesigns** · 08-10-2003, 16:10

ممممم والله مدري وش اقولك عن الخبراء اللي هناك ولكن اغلبهم كبار في السن ويمكن موضفين في الشركات الخاصه بهذه الاشياء ..

يعني يمكن انا 40% من اللي عندهم ..

الامبلي فاير ( كلمه بالانجليزي ) = المضخم

نفس الشيء يعني .

شوف انت لما تشتري 5.1 تحصل شيء مربع اللي ه السب ووفر .. صح ؟؟

فا بداخل هذا الصندوق يكون المضخم حق الووفر والسماعات كلها .

**blackfox** · 08-10-2003, 16:22

اممم والله انا قمت الخبط

انت اول شي قلت يعطونك مع السماعات ال 5.1 1 اهي السب وفر

وفي ردك الثاني قلت

شوف انت لما تشتري 5.1 تحصل شيء مربع اللي ه السب ووفر

يعني الحيم الزبده كلها

انه ال 5.1 يكون ال 1 اهو السب وفر

وداخله المضخم والمتحكم هل الي داخله اهو الأمبلي فاير نفسه ؟ ام مضخم عادي

يعني الحين اخي ددزاين انا ليمه بشتري سماعات 5.1 هل لازم اشتري امبلي فاير ام كل مع بعض بدون حاجه

لأني انا مهتم بالسب وفر كثير لأني ابي اسمع كلشي بالفلم حته الهزات

اذا يسير

ليش الناس تشتري مه ال 5.1 امبلي فاير بروح وسب وفر بروح هل لأنه دايما السب وفر والأمبلي فاير ال بال 5.1 يكون ضعيف ؟؟

واسف عالأطاله

**DDesigns** · 08-10-2003, 16:59

شوف 5.1 تعني عدد السماعات ولكن ما تدري هل وياها المضخم ولا لا .

فا اذا كانت مثل حقين Creative فا ما يحتاج مضخم ..

طبعا شراء كل شيء منفصل يكون افضل بكثير ولكنه اغلى بالسعر .

**blackfox** · 08-10-2003, 21:50

امممممم

والله محير الأمر

لكن ابي هذا النوع بذات من كريتف

Creative MegaWorks® THX® 6.1 650D

السماعه المربعه الكبيره

شنو هذي هل هي امبلي فاير او سب وفر ؟

https://www.creative.com/speakers/usage/hometheater/

موجوده هني

ومشكووور

**DDesigns** · 09-10-2003, 07:18

طيب شوف شفت الصندوق .. هذا هو يكون داخل المضخم حق السب ووفر .. طبعا السب ووفرات لازم تكون داخل صندوق علشان يكون فيه ضغط ويطلع الصوت ..

اما القطعه اللي على جمب الطويله اللي تتحكم فيها على مستوى الصوت و تدخل فيها الاسلاك فا هذا هو مضخم السماعات الخمسه .