السلك المربوط خلف الماذربورد

[ayman2009]

المشكله أني أريد فك الماذربورد من الصندوق و تركيبها في صندوق أخر و لكن و جدت سلك مربوط
خلف اللوحة الأم
حد عندوا فكره عن السلك ده بتاع أيه و لا وظيفته أيه ؟

[LIBYAN SNIPER]

لو امكن صوره للتوضيح

اشرح اكتر ماهو السلك نوع الماده كيف مربوط وين مكانو بالتحديد

[ayman2009]

أنا مش عارف مين اللي ربطه ورا الماذربورد
بس هوه مربوط بالخلف بالقرب من المنطقة اللي خلف ال البروسيسور
تقريباً طرفه الأخر جاي من ال IC power بتاع الكيسه

[alayoubi]

أعتقد أنه سلك تفريغ الشحنات الزائدة بالمذربورد . المهم فكه من البوردة ومش مهم تنقله معاك على الصندوق الجديد .

[LIBYAN SNIPER]

لو عندك كميرا صوره يا ريت يكون احسن

[ayman2009]

الحوار اللي حصل معايا
أن الجهاز ساعات كان يشتغل لما أدوس زرار الباور و ساعات لأ
و ديتوا لبتوع الصيانه قالوا ال IC Power حيتغير بصراحه مش عارف قصدهم على IC Power الكيسة و لا الماذربورد
المهم بعد ما عملوا اللي عملوه لقيتوا في البيت لما أفتحهه بيقول check sum error press F1 to continue
و أضطريت أدوس f1 عشان يشتغل كل مره
ووديتهولهم تاني قالوا البيوس عايز يتشحن !!!!!
المهم حسيت أنهم حراميه و أغبياء فا مشحنتش البيوس !!!!
أعتقد أن السلك اللي مشبوك في ضهر الماذربورد ده هما اللي شبكوه !!!!!!!!! عشان الجهاز يشتغل !!!!!
اللي عندوا فكره السلك ده بتاع الباور و لا مالوش لزمه يا ريت يقوللي عشان عايز أنقل الماذربورد لكيسه تانيه

[ayman2009]

أعتقد أنه سلك تفريغ الشحنات الزائدة بالمذربورد . المهم فكه من البوردة ومش مهم تنقله معاك على الصندوق الجديد .

هل انت متأكد أن السلك ده لتفريغ الشحنات و مش بتاع الباور و لو فكيته مش حيحصل حاجه ؟؟؟
يعني أشيله و أفك الماذربورد عادي و أركبها في الكيسه التانيه من غير ما أربط فيها أي أسلاك من الخلف ؟

[ayman2009]

لو عندك كميرا صوره يا ريت يكون احسن

ححاول أصورها و أبعت الصوره

[LIBYAN SNIPER]

اوكي خلاص ننتضر الصورة للمساعده

[alayoubi]

هل انت متأكد أن السلك ده لتفريغ الشحنات و مش بتاع الباور و لو فكيته مش حيحصل حاجه ؟؟؟
يعني أشيله و أفك الماذربورد عادي و أركبها في الكيسه التانيه من غير ما أربط فيها أي أسلاك من الخلف ؟

انت جرب شغل الجهاز من غير السلك وشوف هيحصل ايه .

[GoldenLionTech]

السلام عليكم ورحمة الله وبركاته

الكمبيوتر من الخلف أو اللوحة الأم لا يتصل بها شيء مهم على الدوام
أي أنه حين الرغبة في فكها من الصندوق يتصم فصل جميع الأسلاك
الموصولة بها

أما حكاية الـ IC Power ومشكلة الـ BIOS فكأن المحل عمل لك قصة من لا شيء ..

والله يعينك ويوفقك

[ayman2009]

السلك جاي من زرار الباور بتاع الكيسه و هما سلكين ملفوفين حول بعض لون واحد أسود و التاني برتقالي
دول اللي مربوين بضهر الماذربورد
أما باقي الأسلاك اللي جايه من زرار الباور بتاع الكيسه متوصل بال Fron Panel بتاع الماذربورد !!!!!!
لو فصلت السلك البرتقالي في اسود من الماذربورد
و ركبت الماذربورد في كيسه تانيه من غير ما أوصل أي أسلاك في ضهر الكيسه
الجهاز حيشتغل ؟؟؟ ولا فيه إحتمال ما يشتغلش ؟

[SeriousSam]

hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh
هههههههههههههههههههههههههههههههههههههههههههههههههه
فعلا يا أخي دوختنا يا رجل هاذا سلك كبسه البور اي ان عندما تقوم بالضغط على كبسه بور الجهاز يقوم المفتاح بوصل النبضه الكهربائيه الكفيله بأشتعال الجهاز وهوه ضروري ولا يشتغل الجهاز اذا ما اوصلته في المكان الصحيح

[ayman2009]

طاب و ليه بتوع الصيانه عملوا كده ؟؟
مش المفروض السلك الأسود في برتقالي ده يتوصل بال Front Panel بتاعة الماذربورد ؟
ليه هما رابطين السلك في ضهر الماذربورد بالقرب من المنطقة اللي خلف البروسيسور ؟؟؟؟
وأنا لما أنقل الماذربورد في كيسه تانيه أفك السلك ده عادي ؟؟ والكيسه التانية لازم السلك اللي في الكيسة التانيه يتربط في ضهر الماذربورد ؟؟؟ ولا ينفع يتوصل بال Front Panel بتاعة الماذربورد ؟
شكراً جزيلاً أخي العزيز

[ayman2009]

الأسلاك اللي جايه من زرار الباور بتاع الكيسه:-
سلك فرعين فرع إسود و فرع برتقالي مشبوك في ضهر الماذربورد
سلك السماعات المفروض يطلع منه أربع فروع لأن ليه أربع فتحات واصله بالفرونت بانيل بتاع الماذربورد بس اللي شايفة واصل للماذربورد سلك ليه فرعين و احد إسود و الفرع التاني أحمر ومكتوب عليه
SPEAKER
سلك بفرعين فرع أزرق و فرع أبيض و اصل بالفرونت بانيل بتاعة الماذربورد و مكتوب علية
RST_SW

سلك الهارد بفرعين فرع أحمر و فرع أبيض متوصل بالفرونت بانيل بتاعة الماذربورد و مكتوب عليه
HDD_LED

سلك بفرعين أخضر و أبيض متوصل بالفرونت بانل و مكتوب عليه
PWR_LED

فاضل في الفرونت بانيل في الماذربورد دبوسين مش متوصلين بأسلاك
و مكتوب جنبهم
PWR_SW

تفتكر أن السلك الإسود في برتقالي اللي مشبوك في ضهر الماذربورد هوه اللي المفروض يتوصل بال
PWR_SW ?
ولو فعلاً الكلام ده صح ليه بتوع الصيانه عملوا الحركه ديه ؟؟؟
ممكن يكون الدبابيس بتاعة الفرونت بانيل اللي إسمها
PWR_SW
مش شغاله ؟؟ عشان كده ربطوها في ضهر الماذربورد ؟؟
المشكله اللي كانت عندي أن الجهاز مكنش بيشتغل لما أدوس على زرار الباور و ديتوا ليهم قالوا حيغيروا الباور أو ال IC Power مش فاكر و تقريباً نصبوا عليا !!!!! بعد كده في البيت أول ما شغلتوا لقيت على أول شاشه تظهر Check Sum Error
press F1 to continue press del to enter the setup
طبعاً بعد كده وديتوا ليهم تاني قالوا البيوس عايز يتشحن و طبعاً مخليتهومش يشحنوا حاجه و من كلامي معاهم أتضح أن ال IC Power بتاع الماذربورد بتاعتي مفيش منوا دلوقتي قطع غيار زيوا
ومش عارف إذا كانوا غيروا ال IC Power بتاع الكيسه ولا شبكوا السلكين في ضهر الماذربورد و ضحكوا عليا !!!!