ودي يكون عندي سيرفر...ما المواصفات المطلوبة لذلك؟

**طالب الخبرة** · 30-09-2003, 21:23

السلام عليكم ورحمة الله وبركاته...أما بعد

أخواني الكرام....
أنا ودي يكون عندي سيرفر للنت..."يعني يكون لي موقع على النت محطوط في سيرفر ملكي"...
وما أدري وش المواصفات اللي أشتريها عشان يكون الموقع مناسب للاستخدام المتوسط!!!
يعني وش نوعية المذربورد الكويسة ليست السيئة الرخيصة وليست الجيدة الغالية...
أنا أبغاها في سعر كويس...
وبالنسبة للرام وش نوعيات الرام للسيرفرات وش تنصحون باي نوع؟؟؟
وكم سعر الرام تقريبا بالنوع اللي تفصلونه!!!
وبالنسبة للهارد ديسك...أنا سعمت ان النوع الأفضل أظن اسمه سكزي ... بكم سعره وماهو الفرق بينه وبين IDE???
وبالله تعطونا خلفية عن السيرفرات بشكل عام...

شاكرا لكم تعاونكم
أخوكم طالب الخبرة

**أسامة** · 01-10-2003, 09:06

أوه .. هذا مب قسم الشبكات !! :confused: ( داش بالغلط !! :D )

السلام عليكم أخي ..

يتنوع تكوين السيرفر من متطلب لآخر .

هل ستقوم بعمل سيرفر ليكون كخادم لمواقع متعددة ( سيرفر ويب تجاري ) أم أنك تخطط إنه يكون لموقعك بس ؟؟ :confused:

ماهي ميزانتيك ؟ ماهو الحد الأدنى و ماهو الحد الأقصى ؟

**طالب الخبرة** · 01-10-2003, 13:49

السلام عليكم ورحمة الله وبركاته...أما بعد

حياك الله أخوي الكريم أسامة..وش الأخبار

يالغالي بالنسبة للسيرفر أبغاه لجهازي فقط ماهو لشبكة شركة مثلا!!!
يعني بس موقعي...
أما بالنسبة للميزانية فأنا ودي بشي يكون رخيص وجيد...ليس مهم أن يكون الأفضل ولكن يكون جيد...

وننتظر ردك يالغالي
أخوك طالب الخبرة

**blackfox** · 01-10-2003, 15:57

اخواني ما فائدة السيرفر بانواعه ؟؟

**أسامة** · 03-10-2003, 16:50

السلام عليكم ..

مادام الأمر مقتصر علـى موقع واحد فقط من المستوى المتوسط فلا أعتقد أنه يحتاج إلـى مواصفات خارقـة

p4 1.8 Ghz أو حتى سليريون أو amd بنفس المستوى
DDR 256 mb أو DDR 512 mb
قرص صلب 40 جيجا ( حسب حجم الموقع ورغبتك ممكن تزيد أو تنقص ) ، تكون سرعـة الدوران 7200 (مستحسن)
.. هذه هي المواصفات الأساسيـة و أي شيء ثاني كمالي فقط .. لكن تذكر عليك البحث عن شركـة إستضافـة و سعر هذه الشركات غالبا ماتكون غاليـة ، إلا طبعا إذا كنت خط إنترنت قوى وتريد وضعـه علـى هذا الخط فهذه مسألـة أخرى .. ومن الأرخص أن تقوم بتأجير سيرفر أو جزء من سيرفر في حالـة أردت وضعه في شركات إستضافـة ..

blackfox

السيرفر أو الجهاز الخادم هو جهاز رئيسي يملك مهمـة محددة أو عدة مهام كمشاركـة الملفات و الطابعـة أو تنظيم الشبكـة و مشاركـة الإنترنت وغيرها الكثير من الخدمات ، ولايستخدم هذا الجهاز في العادة للمهمات المكتبيـة مثل الكتابـة و التحرير في برنامج وورد ، وغالبا مايمك نظام تشغيل من نوع خاص مثل windows 2000 server أو unix .. هذا بإختصار السيرفر ..

**خريطان** · 03-10-2003, 18:17

أخوي طالب الخبرة

والله انا ما ارشح هذي الفكرة

لان خطوط الانترنت عدنى في الخليج ليست بلسرعة المطلوبة

و عندما تخلي جهازك سيرفر ما تقدر تستخدم الجهاز لانه بيكون مضغوط من قبل الي يدخلون الموقع

و لازم ما اتبند الجهاز لانه اذا بندته الموقع ماراح يشتغل

انا من راي ريح عمرك و اجرلك سيرفر