السلام عليكم و رحمة الله و بركاته ...

ازيكوا يا شباب ... ان شاء الله تكونوا بخير ...

انا الايام دي بحضر لموضوع كبير عن البدائل المفتوحة المصدر و المجانية على الوندوز ... و حاليا الموضوع في مراحلة الاخيرة ... يعني فاضلة شوية تظبيط كدا و بعدين ابدأ انسقه ... و هعمله كتاب الكتروني " PDF "

والله يا جماعة انا مش عارف احنا ليه مصرين على استخدام البرامج المتكركه .. و السريلات و الكلام ده ... ممكن تكون البرامج التجارية بتوفر مزايا اكتر شوية من البرامج المفتوحة المصدر و المجانية ... بس كتير مننا اصلا مش بيستخدم اكتر من 40 % من الممزيات اللي في البرامج التجارية ... يبقى ايه لزمتها !!

في الاول كنت هعمل موضوع صغير كدا عن كام بديل ... لكن لما عملت بحث في جوجيل طلعلي كمية برامج في جميع المجالات ... فقولت اكبر الموضوع شوية ... و لقيت الموضوع هيكبر اوي ... فقلت اجيب المختصر المفيد قدر الامكان عشان ميكنش الموضوع كبير اوي ...

بس بجد اكتر حاجة محتاجاها المصادر المفتوحة و الحرة الدعايا ... لما الواحد يكون بدخل على الانترنت بقاله 4 سنين - اي نعم 3 سنين منهم في سيبرات و مقاهي الانترنت بس برده نفس النشاط اللي بعمله على النت هو هو - و مسمعش عن المصادر المفتوحة و الحرة غير من سنة واحد يبقى اكيد محتاجين دعايا ... انا واحد من الناس مش بدخل شات ولا حتى مواقع اخبارية ولا حتى مواقع كورة ... يعني لاجئ في منتديات الكمبيوتر ... و مسمعتش عن المصادر المفتوحة غير من سنة تقريبا !!!

لازم نعرف الناس على البرامج دي ... و نعمل شرح ليها .. يعني لو مكنتش قادر تنتقل للينوكس فعلى الاقل استخدم البرامج المفتوحة المصدر و ادعمها .. و لو انت زي كتير من الناس - و انا منهم - معندكش حساب بنكي و مش هتقدر تدعمها ماديا ... ادعمها معنويا و دعائيا


************************

طيب نرجع لموضوعنا الاساسي ...

زي ما انا قلتلكم من شوية ... انا هعمل نسخة pdf ... و طبعا الموضوع مينفعش من غير لوجو و غلاف

انا عاوز حد يصمم غلاف حلو كدا ... و لو امكن لوجو كمان - بصراحة معنديش اي تصور عن اللوجو -

و كمان عاوزكم تفكروا معايا في اسم حلو كدا للموضوع ... انا مش في دماغي دلوقتي غير " دليلك الشامل نحو البرامج المفتوحة المصدر و الحرة "

مع العلم ان في بعض البرامج في الموضوع مجانية بس مش مفتوحة المصدر ... فلو اي حد عنده اقتراح لاسم الموضوع يا ريت يقولي ..




بالنسبة للغلاف ... دي الصور الاساسية اللي المفروض تكون فيه ...

دي الحاجات الاساسية اللي لازم تكون في التصميم ...

شعار مؤسسة البرمجيات الحرة



******

شعار المصادر المفتوحة - اضغط على الصورة عشان تشوفها بحجمها الطبيعي -



*******

شعار جنو " GNU "




***********************************

حاجات اضافية يا ريت تتحط برده ... بس لو ملقتش ليها لازمة ممكن تشيل منها ..

شعار الاصدار الثالث من رخصة GPL



********

شعار حملات الدعايا و الدعم للمصادر الحرة



*******************




شعار رخصة الابداع العامة ... اضغط على الصورة عشان تشوفها بحجمها الطبيعي ... و اكيد لازم تتصغر عن كدا

*******************



شهادة سوفت بيديا لضمان ان البرنامج مفهوش اي برامج خبيثة ...


*************************

و جزاكم الله كل خير ...