Audigy 2 zs applications

**abou_914** · 07-03-2008, 10:44

السلام عليكم ورحمة الله وبركاته
الاخوة الاعزاء اعضاء عرب هاردوير ، الحمد لله رب العالمين بدلت كارتcreative live 5.1 digital بكارت audigy 2zs مستعمل بس للأسف الشديد الكارت من غير ال cd بتاعه ودخلت على سايت كرييتف ونزلت كل حاجة متعلقة بالكارت Drivers+ Applications الحاجة الوحيدة اللى اشتغلت كانت الDrivers اما كل Applications فكانت عبارة عن تحديث للبرامج اللى بتيجي مع الكارت فكل ما اعمل setup يقولى ان الٍSource مش موجود فمش هينفع يعمل update من غير Source، بالله عليكم اى حد من مصر عندة الاسطوانه بتاعة الكارت ينسخهالى وانا هاروحلة لغاية عندة ، لأن بسم الله ماشاء الله الكارت حلو جدا بس مش عارف استفيد بكل امكانياته بسبب عدم وجود البرامج
بالنسبة للفرق بين ال live 5.1 والaudigy 2 zs رهيييييب الكارت بسم الله ما شاء الله حسسنى ان كارت live دة بدائي جدا وفعلا كرييتف هي الاصل فى مجال كروت الصوت، طبعا هو مش جديد ومش اخر اصدار من كرييتف زى ال x-fi بس انا حبيت ادي فكرة عامة عن الفرق بين live و والaudigy 2 zs علشان معظم الناس عندها ال live ، عموما الكارت المستعمل ما فيهوش اى مشكلة غير بس ال Applications لكن الاداء تحفة جربت علية فيلم carsعلى سماعات t5900 حسيت فعلا بالسينما فى البيت كل سماعة بتطلع صوت مختلف فعلا فرق كبير جدا بعد ماكنت هاغير السماعات بس دلوقتي غيرت رأيي تماما لأن حسيت انها كويسة جدا بسبب الكارت فرق جامد عن live وطبعا فرق فى الgames كبير اوي .
ودة بسبب إن الaudigy 2 zs فية (THX+Ultra-realistic EAX® 4.0 ADVANCED HD+Complete CinematicSurround Sound with DTS-ES and Dolby Digital® EX Movies) صدقوني انا لما كنت بدخل اقرأ كل FEATURE جديدة لكل كارت على سايت كرييتف كنت بقول دة كلام وخلاص علشان يخلوا الناس يشترو الكارت ( ودة علشان انا ابتديت ب CRATIVE LIVE VALUE كان تقريبا ب 450 جنية اول لما نزل وبعدة نزل CREATIVE LIVE 5.1 DIGITAL واشتريتة لما اشتريت السماعات T5900 5.1 وبعد كدة بعدت عن المجال) فقلت اكيد الصوت مش هايبقى فارق بالشكل اللى يخلينى اغير الكارت وطبعا زى مانتو عارفين ان ال LIVE 5.1 ما بيشغلش ال 5 سماعات كلها بيشغلها فقط فى TEST لكن فى كل حاجة تانية الCENTER ولا بتشتغل خالص يعني كان لازم اغير الكارت ولما غيرت الكارت كنت طبعا قريت كل حاجة عنة وعارف ان فية كل ال FEATURES اكثر من ال live بس التجربة حاجة تانية خالص
انا عارف طبعا ان المعلومات مش على كارت جديد بس حبيت اقدم تجربة يمكن تفيد اى حد تاني من الاعضاء يكون عندة ال live وبيفكر يغيرة.
فى انتظار ردكم وان شاء الله يكون حد فى مصر عندةال cd

**ASF** · 07-03-2008, 15:56

انا عندى نفس الكارت ونفس السوفت وير الى انت بتدور عليه انا كنت بدور عليه وجبته كله زى ما نزل من الشركه سى دى كامل ...
وعندى كل تعريفات كرياتف لو عاوزها علشان انا كان عندى لايف وبعد كده جبت الاودجى العادى وبعد كده جبت ال zs عموما انا ممكن اعمل لك كوبى من السى دى واقابلك فى اى مكان واديها لك مثلا فى وسط البلد التحرير المكان الى يناسبك a.s.f@hotmail.com وفى واحد صحبى فى مول المهندسين كان عاوز منها كوبى وعملت له كوبى لو انت قريب من المهندسين ممكن اخليك تعدى عليه ويعمل لك كوبى منها

احمد صلاح

**abou_914** · 07-03-2008, 16:02

المشاركة الأصلية كتبت بواسطة ASF

انا عندى نفس الكارت ونفس السوفت وير الى انت بتدور عليه انا كنت بدور عليه وجبته كله زى ما نزل من الشركه سى دى كامل ...
وعندى كل تعريفات كرياتف لو عاوزها علشان انا كان عندى لايف وبعد كده جبت الاودجى العادى وبعد كده جبت ال zs عموما انا ممكن اعمل لك كوبى من السى دى واقابلك فى اى مكان واديها لك مثلا فى وسط البلد التحرير المكان الى يناسبك a.s.f@hotmail.com وفى واحد صحبى فى مول المهندسين كان عاوز منها كوبى وعملت له كوبى لو انت قريب من المهندسين ممكن اخليك تعدى عليه ويعمل لك كوبى منها

احمد صلاح

جزاك الله كل خير
انا مش عارف اقول لحضرتك اية بصراحة انا فرحااااااااان جدا جدا جدا جدا جدا جدا جدا جدا جدا ، انا ساكن فى جسر السويس لو ينفع رقم تليفون حضرتك علشان نتفق الله يخليك احسن انت عارف الكارت الجديد محتاج اجربة وعايز اظبط الموضوع فى اقرب وقت لو ينفع النهاردة يبقى تمام تمام تمام :up::up::up::up::up::up::up::up::up::up: