المشاركة الأصلية كتبت بواسطة beboegypt
اقترح ان يكتب كل عضو قصته مع المعالجات واهم المراحل اللى واجهته من بدايته فى عالم الكمبيوتر
تجربتي مع الأجهزه تعود الى عشرون عاما مضت وهي تجربه طويله جدا جربت فيها الكثير والكثير لانى من هواه التغيير تقريبا كنت بغير الجهاز من 3 الى 6 شهور بالكتير
واول جهاز تعاملت معه كان 286
واخرهم هو c2d 4400
وفى خلال تلك المده الطويله تعاملت مع لوحات
intel
msi
gigabyte
asus
soltek
dfi
asrock
abit
foxconn
tomato
وغيرها مما لا اذكره الكثير وخصوصا فى Pentium , 486
لكن هناك قصه طريفه وهي السبب بالأساس فى تعلمي صيانة الحاسب واحترافي له فيما بعد كهوايه
وحدثت سنه 1992 فقد كان لدي جهاز 486 وقت ظهوره وكان تحفه ساعتها
المهم الجهاز بدأ يعلق ويسبب مشاكل الشاشه الزرقاء اياها وطبعا كان عندى ويندوز 3x ساعتها
المهم رحت بيه الى خبراء الكمبيوتر فى ذلك الزمان وكانوا ينبهروا بالجهاز اللى مشافوش زيه ( انا كنت شاريه من كالفورنيا بأمريكا ونزلت بيه مصر )
وكل ما يجربوه عندهم يشتغل زى الفل وينزلوا ويندز عليه والجهاز ميقولش بم ويشتغل تمام
اروح البيت والجهاز يركبه عفريت ويدينى الشاشه الزرقاء اياها
قعدت شهر بحاله على الحال ده
هناك تمام
عندى فى البيت مش تمام
ومحدش عرف يدينى الحل
المهم ربنا وفقنى وعرفت الحل بمجهود فردي
طبعا انا ساعتها عرفت ان الجهاز عباره عن بروسيسور وبورد ورام وكارت شاشه وخلافه
ووجدت الحل
الجهاز عندهم دايما كان مفتوح ( الكيس مش مقفول ومتربط )
والجهاز عندي مقفول الكيس
قلت افتح الكيس وكانت المفاجأه الجهاز اشتغل تمام
وطلع ظني فى محله البروسيسور كان محتاج مروحه اقوى من الموجوده عليه اللي جايه من امريكا (مهو الجو بارد عندهم مش زي مصر )
وانا اول ما شغلته كنا فى الشتاء والمشكله دي مظهرتش غير على الصيف
المهم انا ملقتش مروحه فسبت الكيس مفتوح واشتريت مروحه عاديه صغيره وسبتها متسلطه على البروسيسور وكله بقى تمام
ومن يومها وانا صممت اقرأ اكتر عن الهاردوير
انتهت التجربه وتعلمت الدرس جيدا وان شاء الله اكتب تجربه تانيه قريب من التجارب الكتير اللي عدت عليا
المفضلات